“Andijon”ning navbatdagi raqibi haqida nimalar maʼlum?
18-fevral sanasida “Andijon” Antaliya yigʻini doirasida navbatdagi oʻrtoqlik uchrashuvini oʻtkazadi. Bu safargi raqibimiz Polshaning “Vishista Krakov” klubi.
Yodingizda boʻlsa, jamoamiz Turkiyadagi ilk oʻrtoqlik uchrashuvini Polshaning boshqa bir jamoasi – “LKS Lodz”ga qarshi oʻtkazib, 0:0 hisobida durang oʻynagandi. Bu gal polshaliklarning yana bir jamoasi “Andijon” uchun sparring-raqib vazifasini bajaradi.
Odatimizga koʻra, navbatdagi raqib toʻgʻrisida sizlarga maʼlumotlarni taqdim etamiz.
“Vishista Krakov” 1942-yilning 1-yanvar sanasida tashkil etilgan. Polshaning Krakov shahrida futbol klublari bir nechtani tashkil qiladi va ularning orasida “Vishista Krakov” ham bor. Ushbu klub oʻz ishtirokini ayni paytda Polshaning ikkinchi divizionida davom ettirmoqda.
Jamoa hozirda ikkinchi divizionda 18 ta klub orasida 19 ta uchrashuvning 14 gʻalaba, 3 durang va 2 magʻlubiyat qayd etib (toʻplar nisbati 45\10) 45 ochko bilan 2-oʻrinni band etib turibdi.
Klub arenasining nomi “Vishista Krakov” stadioni deb ataladi va 1,500 ming muxlisga moʻljallangan. Stadion 2021-yilda qurilgan.
Jamoaning bosh murabbiyi Slavomir Peshko hisoblanadi. 1985-yilning 19-fevral sanasida tavallud topgan mutaxassis 2023-yildan beri klubda ishlab kelyapti. Dastlab skaut, keyin vaqtincha murabbiy sifatida ishini davom ettirdi. 2023-yilning 1-dekabrdan esa u bosh murabbiy lavozimida mehnat qila boshladi.
Klub tarkibida, ispaniyalik (toʻrt nafar), shvetsiyalik, chexiyalik, portugaliyalik legioyerlar toʻp surmoqda.
“Vishista Krakov” Antaliya yigʻinida 4 ta oʻrtoqlik uchrashuvi oʻtkazishi rejalashtirilgan va jamoamizga qarshi oʻyin ularning soʻnggi bellashuviga aylanadi.
10-fevral “Vishistka Krakov” – “KSM Resita” (Ruminiya) – 2:4
11-fevral. “Vishista “Krakov” – “Kalvariya Zebjidovska” (Polsha) – 8:1
13-fevral. “Vishista Krakov” – “Kaspiy Aktau” (Qozogʻiston) – 3:1
Eslatib oʻtamiz, “Andijon” – “Vishista Krakov” bellashuvi 18-fevral kuni soat Toshkent vaqti bilan 13:30 da (Antaliya vaqtiga 11:30) boshlanadi.
👍
@andijonpfc😃😃😃😃😃😃 | 😁😁😁😁