Yangi Tasviriy sanʼat darsligining yangiligi nimada?
✅2021-2022 o'quv yili uchun Milliy o'quv dasturi asosida yaratilayotgan 1-sinf Tasviriy san'at darsligi maketi tayyor bo'ldi. Tasviriy sanʼat darsligi
mazmun, dizayn va interaktivlik hisobida avvalgisidan tubdan farq qiladi.
👉 Yangi darslik amaldagi darslikdan farqli ravishda aynan oʻquvchilarning yosh bilan bogʻliq qiziqishlari va psixofiziologik xususiyatlari inobatga olgan holda yaratildi.
👉 Xususan, amaldagi darslik “Tasviriy sanʼatning turlari” mavzusi bilan boshlanar bu hali qoʻliga endi qalam ushlagan o'quvchi uchun murakkablik qilar edi. Endilikda yangi darslik o'quvchida chiza olish koʻnikmasini
sodda amallardan boshlab oʻrgatadi. Darslikka qoʻshimcha yaratilgan ish daftarida oʻquvchiga avval turli chiziqlar, keyin shakllar undan soʻng raqamlar asosida turli tasvirlarni chizish oʻrgatiladi. Darslik maktabgacha taʼlim muassasasi dasturi bilan integratsiya qilingani bois, 1-sinf oʻquvchisi tasviriy sanʼatni bogʻchada oʻrganganlarining davomi sifatida uzviylikda oʻrganadi.
👉 Yangi darslik dizayni xalqaro tajribalarga suyangan holda mutlaqo yangicha uslubda yaratildi. Mashhur rassomlar tomonidan darslikning
har bir mavzusiga maxsus rasmlar chizilgani ham darslikning eng katta yutuqlaridan birdir.
👉 Yaratilayotgan darslikda tasvir ishlash va yasash bosqichlari mavzular kesimida berilgan va
“Grafika”, “Haykaltaroshlik”, “Rangtasvir” va “Kompozitsiya” kabi tasviriy sanʼatning asosiy boʻlimlariga ajratilgan.
👉Amaldagi darslikda fanlararo bogʻliqlikka eʼtibor qaratilmagan edi. Yangi Tasviriy san’at darsligi
“STEAM” taʼlimiga asoslandi. Bolalar endilikda matematika darsida oʻrgangan raqamlaridan tasviriy sanʼat darslarida turli shakllarni yaratishda foydalanishadi.
👉 Shuningdek, darslikda oʻquvchini
mantiqiy fikrlashga undaydigan o'quv topshiriqlari berildi. Tasviriy sanʼat darsligi
oʻquvchi ish daftari, oʻqituvchi kitobi, media ilovasi bilan ishlab chiqilgani ham darslikdagi katta oʻzgarishlardan biridir.
📌
Darslikka ilk marotaba AR toʻldirilgan borliq tizimi joriy etildi. Agar smartfon darslik muqovasiga tutilsa,undagi tasvir harakatlanadi va oʻquvchi qoʻshimcha maʼlumotlarni ovoz orqali eshitish hamda chizish bosqichlarini koʻrish imkoniyatiga ega boʻladi. Bu esa darslikning imkoniyatlarini bir necha barobarga kengaytiradi.
Kanalga obuna bo'lish:👇👇👇
Telegram |
Facebook |
Instagram |
You Tube