ALRISALAH | ibratli kanal

ЁНҒИННИ ЎЧИРИШ УЧУН НАМОЗНИ БУЗИШ МУМКИНМИ?
#намоз

❓790-САВОЛ: Намоз ўқиб турган пайтда ёнғин чиқиб кетса, ёнғинни зудлик билан ўчириш учун намозни бузиш мумкинми?

💬 ЖАВОБ: Бисмиллаҳир Роҳманир Роҳим.
Намоз ўқигувчини ёки бошқа шахсни жони ёки молига аниқ хатар етадиган вазиятларда шариатимиз намозни бузишга рухсат беради. Бу ҳақда "Мухтасар фил фиқҳил ҳанафий" китобида шундай дейилган:

يباح قطع الصلاة إذا خاف ضياع شيء قيمته درهم أو أكثر

яъни: "Қиймати бир дирҳам (тақрибан 0,425 грамм тилланинг қиймати) ёки ундан кўпроқ нарса ҳалокатга учрашидан хавф қилинган пайтда намозни бузишга рухсат берилади".

Демак, саволда сўралган ҳолатда ҳам намозни бузишга рухсат берилади ва ҳолат барқарор бўлгандан кейин бузилган намозни қайта ўқилади. Валлоҳу аълам.

Ўзбекистон мусулмонлари идораси
Фатво ҳайъати.

👇👇
@ALRISALAH_UZ

ОНАДАН СЎКИШНИНГ ҲУКМИ

❓789-САВОЛ: Киши ўз биродарини онасидан сўкишининг ҳукми қандай? Онадан сўккан кишига қандай жавоб қайтариш керак?

ЖАВОБ: Бисмиллаҳир Роҳманир Роҳим.
Шариатимизда сўкинишнинг ҳукми – ҳаромдир. У ижтимоий алоқаларнинг бузилишига, инсонларнинг ҳақоратланишига олиб келадиган бадхулқликдир. Шунинг учун ҳам Пайғамбаримиз соллаллоҳу алайҳи васаллам ўз ҳадисларида сўкишни қаттиқ қоралаганлар.

Абдуллоҳ ибн Масъуддан ривоят қилган машҳур ҳадисда Пайғамбаримиз соллаллоҳу алайҳи васаллам: “Мусулмон кишини сўкиш фосиқликдир. У билан урушиш эса куфрдир”, деганлар” (Имом Бухорий, Имом Термизий, Имом Насаий ривояти).

Фосиқлик катта гуноҳ ҳисобланади. Шариат кўрсатган чегарадан чиқиб, гуноҳ ишларни қилувчилар фосиқ ҳисобланади. Фисқ диндан чиқишнинг бошланиши бўлиб, тавба қилмасдан, ўша гуноҳни давом эттирса ва уни ҳалол санаса диндан чиқади. Шунинг учун ҳам ҳадиси шарифда сўкиш фисқ, уруш эса куфр дейилмоқда. Чунки фисқ куфрга олиб борганидек, сўкиш ҳам урушга олиб боради.

Биринчи бўлиб бошқа шахсни сўккан одамга иккинчи томон ҳам дарров ўт олиб, сўкишни бошлаб юбориши керак эмас. Биринчи шахс уни сўкиш билан катта гуноҳ қилди. Ўзининг беодоб, пасткаш эканлигини кўрсатди. Энди иккинчи киши у билан тенглашмаслиги шарт. Ниёз ибн Ҳимор разияллоҳу анҳу қуйидагиларни айтадилар: “Мен Пайғамбаримиз соллаллоҳу алайҳи васалламга: “Эй, Расулуллоҳ! Бир одам мени сўкса, у ўзимдан паст бўлса, ундан ғолиб келадиган бўлсам, менга бирор нарса бўладими?” деб сўрадим. У зот: “Икки сўкишган, обрўйини тўкаётган ва ёлғон гапираётган кишилар икки шайтондир” дедилар (Имом Ибн Ҳиббон ривоят қилган).

Демак, Пайғамбаримиз соллаллоҳу алайҳи васаллам Ниёз ибн Ҳимор розияллоҳу анҳуга ўзини сўккан одамга жавоб қайтаришга изн бермадилар. Агар шундай қилса, икки беодоб шайтоннинг бири бўлиб қолишини тушунтирдилар.

Абдуллоҳ ибн Амр разияллоҳу анҳудан ривоят қилган ҳадисда Пайғамбаримиз соллаллоҳу алайҳи васаллам: “Катта гуноҳларнинг каттаси инсоннинг ўз ота-онасини лаънатламоғидир”, дедилар. Шунда: “Эй, Аллоҳнинг Расули! Қандай қилиб одам ўз ота-онасини лаънатлайди”, деб сўралди. У зот соллаллоҳу алайҳи васаллам: “Бир одам бировнинг отасини сўкса, у ҳам бунинг отасини сўкади, онасини сўкса, онасини сўкади”, дедилар (Имоми Бухорий ривояти).

Кўриб турибмизки, одамларни сўкиш жуда ҳам жирканч ва ёмон ҳолат экан. Ота-онага раҳмат, иззат-обрў келтиришнинг ўрнига ўзининг беодоблиги ила лаънат, сўкиш келтириш нақадар бадбахтлик. Бу нарса доим ҳар бир мусулмоннинг ёдида туриши лозим. Валлоҳу аълам.

Ўзбекистон мусулмонлари идораси
Фатво ҳайъати.

👇👇
@ALRISALAH_UZ

ОХИРИГА ЕТМАГАН САФАР

Ҳазрати Муҳаммад соллаллоҳу алайҳи васаллам 11-12 ёшларда эканлар, амакиси Абу Толиб билан тижорат карвонида Шомга йўл олди. Шом қишлоқларидан бўлмиш Бусрога етиб келишганида илгари карвонларга ҳеч пешвоз чиқмаган роҳиб Баҳийро уларнинг олдига келди. Карвондагиларга диққат-ла назар солиб, бирма-бир кўздан кечиради. Ёш йигитча бўлган ҳазрати Муҳаммаднинг ёнларига келиб тикилиб қарайди. Сўнг: «Бу бола оламларнинг саййиди, « Аллоҳ таолонинг элчиси бўлади», дейди. Карвондагилар: «Буни қаердан биласиз?» деб сўрайди. Шунда роҳиб ҳаяжон билан: «Сизлар Ақабага яқинлашганингизда бирорта тош, бирорта дарахт қолмай ҳаммаси сажда қилди, улар эҳтиром юзасидан фақат набийга сажда қилади. Бу боланинг пайғамбар бўлишини икки кураги орасидаги нубувват муҳридан билиб олдим», дейди. Сўнгра Абу Толибга: «Уни Шомга олиб борма. Унга румликлар ва яҳудийлар зиён етказишидан қўрқяпман», дейди. Роҳибнинг гапи Абу Толибни хавотирга солади ва у ёш Муҳаммадни олиб Маккага қайтиб кетади (Имом Термизий ривоятида келган).

“Расулуллоҳ соллаллоҳу алайҳи ва салламга муҳаббат ҳақида 101 қисса” китобидан.

👇👇
@ALRISALAH_UZ

ЛАБ БЎЁҒИНИ ЕБ ЮБОРСА РЎЗА БУЗИЛМАЙДИМИ?
#қисқа_савол_жавоблар

❓CАВОЛ: Ишхонамдиги бир киз "Лаб буёги сурсам рўзам бузилмайди, буни биламан. Фақат еб юборадиган одатим бор", дейди. Бу канчалик тўғри? Лаб бўёғини еб юборса рўза бузилмайдими?

💬 ЖАВОБ: Бисмиллаҳир Роҳманир Роҳим.
Еб юборса бузилади. Ифторгача сабр қилсин. Валлоҳу аълам.

Ўзбекистон мусулмонлари идораси
Фатво ҳайъати

👇👇
@ALRISALAH_UZ

ЖАРОҲАТГА ДОРИ ҚЎЙСАМ РЎЗАМ ОЧИЛМАЙДИМИ?
#қисқа_савол_жавоблар

❓CАВОЛ: Оёғимга темир тегиб, тери шилиниб қолди. Дори ёки маз қўйсам рўзам очилмайдими?


💬 ЖАВОБ: Бисмиллаҳир Роҳманир Роҳим.
Бу ҳолатда рўза очилмайди.

Икки турдаги жароҳатга дори қўйиш билан рўза очилишига фуқаҳолар иттифоқ қилганлар.
1. Бошдаги миягача етиб борадиган, чуқур жароҳат;
2. Ошқозонга етиб борадиган жароҳат.

Булардан бошқа жароҳатларга қандай ҳолатда дори қўйилмасин рўзани очмайди. Чунки, бу жароҳатларга қўйилган дорилар ошқозон ва мияга тўғридан-тўғри етиб бормайди. Валлоҳу аълам.

Ўзбекистон мусулмонлари идораси
Фатво ҳайъати
👇👇
@ALRISALAH_UZ

Қуръон ўқи, хотиржам қалбинг бўлади!

Қуръони карим қироатини кўпайтириш соҳибини ўзи сезмаган ҳолда тарбиялаб қўяди. Шунингдек, иймонини зиёда қилади, қалби хотиржам бўлади, ҳаётидан мамнун бўлади, ризқи билан қаноатлантиради, сўзлари равонлашиб, фасоҳатли бўлади, ҳамда гап-сўзлари нолойиқ сўзлардан холи булади, лағв мажлисларини тарк этади, қилиб юрган бекорчи номақбул ишларини ташлайди. Чунки унинг қалби Қуръон билан ёришган ва нурга тўлган бўлади. Қатода ибн Диъома исмли олим ҳикоя қилади: «Басра шаҳрида Утба ибн Абон исмли зоҳид, тақводор, маҳзунликда Ҳасан Басрийга ўхшаган, доим рўза тутадиган киши яшаб ўтган бўлиб, унинг Мисвар исмли кекса бир қўшниси бор эди. Қўрқуви қаттиқлигидан Қуръонни тинглашга бардоши етмасди. Агар унинг олдида Қуръондан бир-икки оят ўқилса, қаттиқ қичқириб, бир неча кун ақлини йўқотгандек юрарди. Бир куни унинг ёнига Ҳасъам қабиласидан бир киши келди. Ёнига ўтиргач, Қуръони каримдаги: «Тақводорларни Раҳмон ҳузурига меҳмон ҳайъати этиб тўплаган кунимизда». «Жиноятчиларни жаҳаннамга чанқоқ ҳолларида ҳайдаймиз» оятларини ўқиди. Буни эшитган қария: «Мен жиноятчиман. Эй қори, ҳозир ўқиган оятлардан яна ўқи», — деди. Бояги киши оятларни яна ўқиди. Қария баланд овозда бақириб, «Оҳ!» деди-ю, омонатини топширди». Аллоҳим, Қуръонни қалбларимизнинг нури ва баҳори қилгин!

Изоҳ: Имом Аҳмад раҳимаҳуллоҳ Қатода ҳақида: «Қуръон тафсири ва уламоларнинг турфа хил қарашларининг билимдони эди», – деганлар.

«Ҳар қадамда ибрат» китобидан.

👇👇
@ALRISALAH_UZ