Alisher Rustamov

Ҳизматлар соҳасида фриланс шаклида фаолият юритаётган мутахассис ишни чўзиб юбормаслиги муҳим. Бир йигитга проект бердим. Кетидан яна бир проектга буюртма келди менга. Шу йигитни бермадим, чунки беш кун дараксиз бўлиб кетди. Бироқ, натижани яхши қилиб берди, таланти бор бола.

Ёшларда интизом етишмайди, деб биламан.

Яна бир йигит бор. У ҳам яхши мутахассис. Проектни чўўўўўзиб топширади. Виждонан бажаради. Унга ҳам иш бермайман. Муомала қилишни билмайди. Менинг мижозларим эса нозик одамлар. Уялиб қоламан, деб қўрқаман.

Бой бўлиш учун иккита нарса муҳим экан:
1) Интизом (фокус, масъулият, жавобгарлик)
2) Муомала (инсон сизни кўришни ўзидан мазза қилиши керак. Мижоз тўлов қилганда дуо қилиб қўйиш).

@alisher_rustamov

Микроменежмент муҳим. У бўлмаса, иш кетмайди баъзи пайт. Сабаби шундаки, кўп ходимларда мустақил фикрлаш бор бўлсада, келган ғояларни амалда рўёбга чиқариш учун малакаси етишмайди. Кундалик ишини автомат тарзга чиқарганингиздан сўнг бемалол у ходимни ўз ҳолига қўйсангиз бўлади. Теппасида туриб, қўлидан етаклаб юришингиз микроменежмент дейилади.

Одамларнинг мотивация даражасига боғлиқ бу жараёнлар. Тасаввур этинг, савдолар тушиб бормоқда, мижозлар кетиб қолмоқда, конверсия паст. Минг катта тадбиркор бўлманг, савдо бўлимида ўтириб оласиз. Неча марта сув ичганигача, сигарет чекганича ва тушлик қанча давом этганигача ёпишиб оласиз. Сизда мотивация бор - бизнес юрмаслик бу ўлимга тенг. Ходимларда мотивация - бизнес юрмаса, бошқа жойдан иш топади.

Микроменежмент қилган одамларга танбеҳ берамиз: э ока, каттароқ нарсаларни ўйланг, деб. Бу тўғри тавсия. Шунингдек, вазиятини билиш ҳам муҳим. У ҳам истамайди майда нарсаларга аралашишни. Ўтган сафар бир тадбиркор видео роликларга ёпишдилар. Бу савдо яхши эмаслигидан далолат. Яъни, улар электрикга ўҳшаб қаерда контактлар узилганини текширяптилар. Куладиган жойи йўқ. Аммо ташқаридан ғалати кўринади. Микромежмент билан кризис даврида банд бўлишиди кўпчилик. Кризис эса ўша стратегиялар ҳақида буюк орзулар билан банд бўлишдан келиб чиқади😅. Тўғри мувозанат танлаш муҳим микро ва макро менежмент орасида.

Қийин даврлар кучли одамларни чиқаради. Кучлилар осон даврларни яратади. Осон даврлар давомида қийин даврлар яратадиган авлод ўсади😂.

@alisher_rustamov

AGAR TALABLAR SIZGA MA'QUL KELGAN BO'LSA BIZ BILAN BOG'LANING!
Anketa to'ldirish uchun:
@Khatdecoranketa_bot

☎️ Bog'lanish 👇
📞Telefon raqam: +99877 373-05-05
📨 Telegram: @hrmanager95

Қиммат сотиш учун қўшимча қиймат яратишингиз керак. Продуктнинг ўзи сотилса, арзончи бўлишга маҳкумсиз. Арзон мол савдосида конкуренция нархга асосланган бўлади. Қолаверса, ўша пулни ҳам ололмайсиз (насия, консигнация).

Қиймат яратиш устида ишланг. Масалан, жамоада учта муҳим сервис устунини ривожлантиринг:
1) Мижозга муносабат
2) Мижозга эътибор (гапларига, нима якуний натижа излаётганига)
3) Фаросат (исми билан мурожаат этинг, баъзи қулай бўлмаган вақтларда қўнғироқ қилманг).

Шу элементар нарсалар ҳам бориб-бориб тарбияга тақалади. Билингки, ходимларингиз бу сизнинг брендингиз. Ўзингиз зўр-зўр жойларга ўқиб олиб, уларга эса шундай таҳсил олиш имкониятини бермасангиз, аравани тоққа итариб чиқаётгандек бўласиз.

Мижозлар учта масала билан келади:
1) Талаб
2) Эҳтиёж
3) Истак.

Жамоангиз қайси бирига жавоб беришга қодир? Ўша гапде: ходимларимни конкурентлар олиб кетади, деб қўрқманг. Ходимлар мендан бошқа жойда керак эмас, деган нарсадан қўрқинг. Энг зўр ходимингизнинг кўрсаткичлари савдо ҳажмида бўлмайди. Қайта харидлар сонида кўринади.

@alisher_rustamov

1) Режалаштириш
2) Мувофиқлаштириш
3) Вазифа белгилаш
4) Етакчилик қилиш
5) Назорат ўрнатиш.

Юқоридагилар бошқарувнинг таркиби ёки асосий принциплари. Ҳар бирида аниқ харакатлар йиғиндиси мавжуд. Нима деб ўйлайсиз, қай бирида қийинчилик бор махаллий бизнес бошқарувида?

P.S.
Шахсий статистикамда 5-пункт қийин бўляпти кўпчиликда: назорат учун нуқталар яратилмаган.

@alisher_rustamov

Ижтимоий тармоқда шахсий бренд шакллантириш даврида икки йўлдан бирини танлаш муҳим:
1) Таниқли мутахассис
2) Машҳурлик.

Кўплар машҳур бўламан, деб оммабоп мавзуларни кўтаради. Шахсий ҳаётини кўрсатади: уй, машиналар, маишат, саёҳат, диний гаплар… Мақсад - турли аудиториянинг қалбидан жой олиш. Лекин, танганинг акс тарафи ҳам бор. Бу ишларни қиламан, деб жуда оддий тил ва элементар даражадаги фикрчалар билдиришни бошлашади. Ўзи тенги инсонлар орасида тенг эмасдек кўрина бошлайди. Зато, миллионлаб томоша қилинади.

Таниқли мутахассис бўлишни танлаганларда шаҳсий ҳаётини кўрсатиши минимал даражада бўлади. Кўпроқ экспертлик фикр, яъни тор доирага оид ёки соҳага оид гаплар кўпроқ бўлади. Мақсади ҳам шу. Ҳаммага ёқиш амалий ишида фойда бермайди. Тўғри, видеоларида миллионлаб томошалар бўлмайди, аммо керакли одам кўради. Кераклилари ўзи миллион бўлмайдиде.

Бундай блогларни 18-19 яшар йигитлар 30-40 ёшли акаларга ёки опаларга олиб боради. Кўпинча рус сайтларидаги гапларни таржима қилиб блог эгасига гапиртирилади. Баъзи ҳолатда ўзида йўқ нарса бўлади, бироқ кенг аудиторияга ёқишни мақсад қилиб олишади.

Медиадан иккалови фойдаланади. Бирида фикри оммабоп, иккинчисида тушунадиган одам учун.

@alisher_rustamov

Мижозларнинг айримлари мағрур бўлиши мумкин, шунинг учун сизга қайтиб келмайди. “Бўлди бир айланиб кўрайликчи” ёки “Бўлди, ўйлаб кўрамиз” каби ниқоб билан эътироз билдиришади. Шу харидорга ўзингиз алоқага чиқинг. Ўзи сизга қўнғироқ қилмайди. Унинг учун мижоздан рақамини олиб қолиш эсдан чиқмасин. Рақам олиш ҳам бу бир санъат:

“Келинг кузатиб қўяман. Ҳар эҳтимолга телефонимни сизга жўнатиб қўяман, сизники тўқсоннеччилик эди…

Тушдими? Алишер …чи, деб ёзиб қўйинг“

@alisher_rustamov

Баҳтли қиладиган учта рецепт:

1) Ёпган нон ичига иккита бўлак пишлоқ солиб, микроволновкада эритинг. Татиб кўринг.
2) Ўртачадан сал кичикроқ картошкани пўсти билан қайнатинг. Ёрилиб пишгандан сўнг бир бўлак сарёғ солинг. Устига озгина укроп сепинг. Вилка билан ейиш муҳим ўзингизни баҳтли ҳис этиш учун
3) Ҳамир оширинг. Ун, ёғ, туҳум, туз, сув. Пиёзни қизартириб қовуринг. Ҳамирни қўлингизда илонга ўҳшатиб чўзинг. Чамаси 60 см ёғон зувала бўлади. Шуни энди эзиб чиқинг. Чамаси 5 см бўлади. Ўртасига қовурилган пиёзни аста секин ёйинг. Энди ёпинг хамирни. Бир четидан бошлаб ўранг. Шу ўралган ҳамирни ўқлов билан қатлама шаклига келтиринг. Озгина сарёғ устида сковородкага солиб қовуринг. “Кайп”қиласиз. Баҳтли бўлишингиз аниқ.

@alisher_rustamov

Бир шогирд иш олган экан. Ривожланиш стратегияни офисда ёзмоқчи бўлганди. Дўконларга тушиб, ўша ерда шу ишни бажаришини тавсия этдим. 17 кишига шундай йўл билан ёндашишни маслахат қилганман. 2 киши риоя этган. Топиши $900-$1,800.

Бизнес эгасида теоритикларга эҳтиёж камайиб бормоқда. Амалиётчиларга каттароқ пул бермайди, тўғри. Хатто, орада низолар ҳам бўлади. Сал ўтиб, яна шу амалиётчига қайтадилар. Гуруч ҳам шолисиз бўлмайди. Асосийси бу гуручдан қанақадир даражада ош тайёрланиши. Мақсад - қорин тўйиши эмас, балки қорин оч қолмаслиги.

Менга ҳам ёқмайди "ундай қил, бундай қил" дейдиганлар. Мана бунақа бўлади, деб шарта бажарадиган одамни қадрлайман. Аксар тадбиркорлар шундай. Ҳуқуқшунос ҳам телевизорда эзмаланиб қонун ҳақида гапиради. Адвокат эса шу ҳуқуқларнинг механизмини яхши англайди ва қийин вазиятда амалий ёрдамга келади: судда иштирок этади, милисага боради, аризалар тайёрлаб топширади.

Биласиз, кийим дўкон тармоғини консультациясини олиб боряпмиз айни дамда. 2 маротаба офисга бордим. Қолган вақт жойларда ишлаймиз. Ош пишади, оч қолмаймиз шунда. Акс ҳолда, муҳокама қилиб ўтирамиз биринчи пиёз қовуриладими ёки гўштми, деб. Мақсад оч қолмасликдан бошланади. Оч қолмаслик иборасининг маъноси бу бизнесга пул келтирадиган ишлар билан кўпроқ банд бўлишингиз.

Ичига кириб ўрганмаган одамнинг стратегияси ҳам бир тийн. Кўпинча 58 минг сўмлик китобдан олинган шаблон бўлиб чиқади😀. Сиз эса 58 минг доллар тўлайсиз.

@alisher_rustamov

Қимор ва крипто-бизнес. Орасидаги фарқлар катта. Бири айрим мамлакатларда жиноят сифатида қаралади. Шундай экан, жуда кўп ёшларни шахсан учратиб турибман. Қарзга ботиб кетган. Оддий ходим бўлишга рози, лекин ишга олмайман. Аввал имконият берганман бунақа йигитларга. Арзимаган 5-6 млн топиб, яна ўша иккита нарсага тикади. Яна ҳамкасбларни айнитади.

Осон пул бу шубҳали машғулот. Иккита кнопкани босиб, 1-2 ойда Ламбо миниш бу ижтимоий тармоқдаги ёлғонлардан бири. Қўшилмайсиз бу гапимга, биламан. Айтасиз, а менда шунақа зўр бўлиб кетган устоз ёки танишим бор, деб. Айни ўша акалар аслида криптодан эмас, балки сизга дарс бергандан бойиган бўлади😅. Ҳаммаси эмас, кўпчилиги. Қолганлари ўзи таги бойлар бўлади. Кичик қисми портфолио юритади, сизга вақти йўқ, пулини кўрсатишдан ҳавфсирайди.

Кийим бизнесига ҳам шунақа кирмоқчи бўлганлар бор. Бирон акани Лэндкрузер олганини кўради. Ўзи 2 дона дўкони бор. Ҳитойдан станок олиб келарди, асл даромади ўша ердан. Кийим бизнеси плюсга чиқмаганди. Ташқаридан эса айни шу дўкон очиб зўр бўлиб кетгандек кўринади. Пул топадиганлар сизга ҳамма сирини очмайди, сиз қаерданлигини сўрамайсиз ҳам.

Сал улғайишимиз керак.

Ходим олаётганда крипто ва қимор ҳақида алохида савол-жавоб қилиб олинг.

@alisher_rustamov

Бизнес эгаси савдо қилишни билиши керакми? Бу борада жуда турли фикрлар бор.

Ижод ва ишлаб чиқариш соҳасида савдони мутахассис жамоа олиб боргани яхши.

Олиб сотарликда бизнес эгаси савдога яқин бўлиши анча фойда келтиради.

Операционкадан чиқишни устозлар айтдику, деб кўр-кўрона қарор қабул қилманг. Яхши ният қилинг, шу нарсага революцион йўл билан эмас, эволюцион услуб билан келаман, денг. Қалб ости безларни ечвориш керакдир:
- Сиз ҳам чет мамлакатларда дам олиб ётишни истайсиз
- Фақат тизимларштириш орқали битта тел билан ишни ҳал қилишни хохлайсиз.

Ишонинг, ўша одамлар асосан инстада шундай яшайди) Асл ҳаётда барибир ишнинг ичида овора). Секинроқ юринг, узоққа борасиз. Ҳамманинг вазияти индивидуал кейс.

@alisher_rustamov

Онлайн дарс бошланди Insan лойиҳаси билан. Айни дамда кетяпти. Запись бўлмайди. 20:00-21:00 (бошланди).

@alisher_rustamov