Ali Kitobdor | 🌏

Ali Kitobdor kanalining goʻzal qizlarini bayram bilan chin koʻngildan tabriklayman. Doimo gul kabi goʻzal, maftunkor va sevimli boʻling. Yuzingizdan nur, qalbingizdan iymon, hayo va iffat tark etmasin. Oilada sevimli Ona, suyukli yor, mehribon Opa-singil boʻlishingizni tilab qolaman!

Sovgʻa: https://www.instagram.com/reel/DG7EuhXIJYc/?igsh=MTAxanQyN3ZvNTYxeQ==

Oisha onamiz(roziyallohu anhu)dan rivoyat qilinishicha, Rasululloh sollallohu alayhi vasallam: "Ko'kdagi yulduzlar yerdagilarga qanday ko'rinsa, Qur'on o'qiladigan uy osmon ahliga xuddi shunday ko'rinadi", deganlar.

"Qur'on qalb shifosi"
Ziyovuddin Rahim

🍵Alikitobdoringiz

Abdulloh ibn Mas’uddan rivoyat qilinadi: "Otaga nazar solish - ibodat. Kabaga nazar solish - ibodat. Birodaringga Alloh yo'lida mehr-muhabbat bilan nazar solish ibodatdir"

"Qur'on qalb shifosi"
Ziyovuddin Rahim

🍮 Alikitobdoringiz

"Al-amalus solih" kitobida shunday deyilgan: ”Qur'onda 3 mingdan ziyod harf bor. Kimda-kim Qur'onni bir marta o'qib chiqsa 3 milliondan ortiq savobga ega bo'ladi.

"Qur'on qalb shifosi"
Ziyovuddin Rahim

☕ Alikitobdoringiz

"Mo‘minning qalqoni: Mufassal ro‘za kitobi" – taqriz

Ro‘za – bu nafaqat ochlik va chanqoqni his qilish, balki qalbni poklash, sabr va taqvoni oshirish uchun berilgan ulug‘ ibodat. "Mo‘minning qalqoni" nomli kitob aynan shu masalalarni chuqur yoritib, har bir musulmon uchun Ramazon oyida qo‘llanma bo‘lib xizmat qilishi mumkin.

Kitob nimalar haqida?

Bu kitobda ro‘zaning Islom dinidagi o‘rni, uni tutishning tartib-qoidalari, buzilish sabablarini aniq dalillar bilan tushuntirib beriladi. Qur’on oyatlari, hadislardan dalillar keltirilgan, hamda ro‘zaning nafaqat jismoniy, balki ma’naviy jihatlari ham ochib berilgan.

Alloh Taolo Qur’oni Karimda shunday marhamat qiladi:

"Ey iymon keltirganlar! Sizlardan oldingilarga farz qilingani kabi, sizlarga ham ro‘za farz qilindi. Shoyadki, taqvo qilsangiz." (Baqara surasi, 183-oyat)

Mana shu oyat ro‘zaning faqat bizga emas, bizdan avvalgi ummatlarga ham farz qilinganini bildiradi. Ya’ni ro‘za – bu qadimdan insonni sabrga, taqvoga, poklanishga chaqiruvchi buyuk ibodat.

Kitobda shuningdek, ro‘zaning mukofoti haqida ham so‘z yuritiladi. Abu Hurayra roziyallohu anhu rivoyat qilgan hadisda Rasululloh sollallohu alayhi vasallam shunday deganlar:

"Insonning har bir amaliga ajr va savob beriladi. Ammo ro‘za – bundan mustasno. Zero, ro‘za Mening uchundir va uning mukofotini O‘zim berurman." (Buxoriy, Muslim)
Bu hadisdagi "Ro‘za Mening uchundir" degan so‘z juda katta ma’noga ega. Chunki boshqa ibodatlarda riyo aralashishi mumkin, lekin ro‘za – bu faqat Alloh uchun bo‘ladigan ibodat.

Kitobning asosiy jihatlari:

1. Ro‘zaning maqsadi va hikmati:
Kitobda ro‘zaning faqat ochlik emas, balki insonni gunohlardan to‘suvchi qalqon ekani tushuntiriladi.

2. Fiqhiy masalalar:
Ro‘zaning shartlari, qoidalari, buzilishi mumkin bo‘lgan holatlar ham aniq bayon etilgan. Masalan, qasddan ro‘za ochib yuborsa, kafforat to‘lash lozim. Bu haqda hadislarda ham kelgan.

3. Ramazon oyining fazilatlari:
Kitobda Ramazon oyining ulug‘ligi, bu oyda Qur’on nozil bo‘lgani eslatib o‘tiladi:

"Ramazon oyi shunday oydirki, unda Qur’on nozil qilingan." (Baqara surasi, 185
-oyat)

Ramazon – bu faqat ochlik va chanqoq emas, balki Qur’onga ko‘proq vaqt ajratish, duo va ibodat qilish, gunohlardan poklanish davri ekani urg‘ulanadi.

4. Ro‘zaning tibbiy foydalari:
Kitobda ilmiy izohlarga ko‘p berilmasa ham, ro‘zaning inson salomatligiga foydalari haqida qisqacha ma’lumotlar bor. Aslida, hozirgi zamon tibbiyoti ham ro‘zaning sog‘liq uchun foydalari juda ko‘p ekanini isbotlagan.


5. Savol-javoblar:
Kitob oxirida ro‘za haqidagi eng ko‘p beriladigan savollarga javoblar berilgan. Masalan:

"Dori ichish ro‘zani buzadimi?"

"Tish yuvish mumkinmi?"

"Kunbotishdan oldin og‘iz ochsa bo‘ladimi?

Umuman olganda, "Mo‘minning qalqoni: mufassal ro‘za kitobi" – har bir musulmon uchun kerakli qo‘llanma. Unda ro‘zaning asosiy qoidalari, fazilatlari va ibodat sifatidagi o‘rni sodda tilda tushuntirilgan va zohiriy ifodalar ishlatilmagan.Kitob Ramazon oyida mo‘min kishi uchun haqiqiy yo‘ldosh bo‘la oladi.

“Fayzli Ramazon” mutolaa marafoni qatnashchisi Sobirova Guli yozgan taqriz

Ikkinchi kungi mutolaaning bergan foydalari:

Ramazon oyi - taqvo oyidir. Alloh taolo oʻta mehribon zotdir, moʻminlarga doimo yengillik istaydi. Buni roʻza ibodati misolida ham koʻrishimiz mumkin.

Roʻza dastlab farz boʻlgan vaqtda, moʻminlarning iymonlarini mustahkamlash maqsadida bir necha taqiqlar qoʻyilgan, lekin bir muddatdan soʻng bu taqiqlar olib tashlangan. Masalan, dastlabki vaqtda iftorlik vaqti shomdan keyin boʻlgan,mabodo roʻzador iftorlik qilmay uxlab qolsa va keyin uygʻonsa, unga oʻsha kecha yeyish va ichish mumkin boʻlmay qolgan. Mehribon Zot bu hukmni Oʻzining Haq Kitobida bekor qilgan va saharlik va iftorlik qilishni Oʻz Paygʻambari orqali sunnat qilgandir. "Rasululloh sollallohu alayhi vasallam: "Alloh taolo va Uning farishtalari saharlik qiluvchilarga rahmat tilab, duo qiladilar", deganlar".

U Zotning "Iftor paytida roʻzadorning mustajob duosi bor", degan hadislaridan anglashimiz mumkinki, Mehribon Robbimiz biz bandalariga faqatgina yaxshilikni istaydi. Biz ojiz bandalar taomsiz va suvsizlikdan behojat boʻlolmaymiz. Bizning yarativchimiz buni,albatta, bizdanda yaxshiroq bilguvchidir.

Saharlik qilish, shom namozini oʻqishdan avval ogʻizni ochish, roʻzadorlarga iftorlik qilib berish, Qurʼon qiroati, zikrlar va ilmiy suhbatlarni koʻpaytirish, xayr-ehson qilish, roʻzani buzmasdan huzur bagʻishlaydigan narsalarni tark qilish va tilini lagʻv soʻzlar-u ortiqcha amallardan tiyish mustahabdir.

Roʻzaning buzilishi ikki xil boʻladi:
1. Qazo va kafforatni vojib qiladigan.
2. Qazoni vojib qiladigan holatlar.
Farz amallarni vaqtida bajarilishi - ado,vaqtida bajarilmay qolganini bajarish esa - qazo, deyilishi barchamizga maʼlumdir.
Kafforatni ado qilish 3 turlidir:
1. Bir qul ozod qilish.
2. 60 kun ketma-ket roʻza tutish.
3. 60 miskinni ertalab va kechqurun taomlantirish.

Bundan tashqari olgan foydalarim, roʻza tutishga qodir boʻlmaganlarga berilgan yengilliklar, roʻzani buzadigan va buzmaydigan amallar, roʻzadorlarga makruh amallar va ayollarga xos masalalar haqidagi olgan maʼlumotlarimga qoʻshimcha tarzda eʼtikof ibodati haqida ilmga ega boʻldim.

Eʼtikof ibodati Qurʼoni Karim,sunnat va musulmonlar ijmoʼi bilan sobit boʻlgan ibodatdir.

Eʼtikof turlari:
1. Vojib eʼtikof,bunga nazr qilingan eʼtikof kiradi
2. Ramazon oyida bajarish sunnati muakkada.
3. Boshqa vaqtlarda esa mustahabdir.
Eʼtikofning oʻzi bir kundir, deyilgan.
Bu ibodat Ramazonning oxirgi 10 kunligida kifoyadir, yaʼni,bir musulmon bajarsa, qolganlardan bajarish soqit boʻladi, bajarmaganlar gunohkor boʻlmaydi. Aksincha boʻlsa, oʻsha hududdagi barcha gunohkor boʻladi. Bu oʻziga xos alohida ibodat bandaga qalb musaffoligi, dunyo tashvishlaridan uzilib, Alloh taologa qurbat hosil qilishdek fazllarga erishtirishi va eʼtikof oʻtiruvchining vazifalari haqida hadisi shariflarda batafsil bayon etilgan. Oisha roziyallohu anhudan rivoyat qilinadi: "Nabiy sollallohu alayhi vasallam to Alloh U z otni vafot ettirgunicha Ramazonning oxirgi 10 kunligida eʼtikof oʻtirar edilar. Keyinchalik,U zotdan keyin zavjalari oʻtirishdi".

#Taqriz
“Fayzli Ramazon” mutolaa marafoni qatnashchisi Mohira Abdurahimova

Qayg'ular ko'ksimga tig' sanchgan mahal,
Jahldan o'zimni tutmasam agar,
So'zsiz bir nuqtaga tikilsam agar,
O'zingga kel dema, o'zimga kel de!

☕️ AliKitobdoring

"Ey iymon keltirganlar! Sizlardan avvalgilarga farz qilinganidek, sizlarga ham ro'za farz qilindi. Shoyadki, taqvo qilsangiz."

Baqara surasi, 183-oyat.

☕️ AliKitobdoringiz

Muborak bo'lsin!
Havoda Ramazon hidi...
Qalbda Ramazon ruhi...
Yurtda Ramazon shukuhi...
Uning bu qadar yaqinligini his qilib beixtiyor xotirjamlikka, sakinatga chulg'anasiz...
Bugun yerdagi kechalardan biri samoga parvoz qiladi...
Jamlanib qolgan mashaqqatlar ariydi...
Ayro tushgan yo'llar birlashadi...
Topilmayotgan choralar topiladi...
Ramazon nihoyatda yaqin turibdi do'stlar.
Barchamizga bu imkoniyat oyi muborak bo'lsin!
Bu gunohlarni yuvish imkoniyati,
bu ajrlarga ega bo'lish imkoniyati,
bu Qur'onga oshno bo'lish imkoniyati,
bu singan ko'ngillarni olish imkoniyati,
bu Robbimizni rozi qilish imkoniyati...
Yana bir bor muborak bo'lsin.
Alloh barchamizga
himmatu- g'ayrat ato qilsin!

✅️alamiy sahifasidan

Alikitobdoringiz

Hayrli tong!

Ramazonning birinchi tonggi hammamizga muborak boʻlsin.

Bugun yaxshi niyat ila mutolaa marafonimizni boshlaymiz.

Ishtiyoq, kuch-gʻayrat hech birimizni tark etmasin!

Ali Kitobdor kanalida yangi kelganlar uchun:

- Ali Kitobdor deb chaqirishlari menga yoqadi;
- blogim kitoblar, mutolaa, ilmga targʻib, shaxsiy rivojlanish borasida;
- birinchi katta tanlovni yanvar oyida tashkillashtirgan edik. Bu “2025 yilda men oʻqiyotgan kitob” edi. Juda ham goʻzal, bahsli va kurashlarga, yutuqlarga boy tanlov boʻlgan.
- kitoblar ulashishni yaxshi koʻraman;
- she’rlar yozib turaman;
- chiroyli suratlar olishni yoqtiraman

Kirib kelgan Ramazon oyi muborak boʻlsin!