M+ | Umidjon Akhtamov

Maqsadingiz aslida maqsad bo‘lmasligi mumkin... Balki bu shunchaki yo'ldir?

Shu paytgacha qafasdagi odam kabi ishini majburan qiladigan, kasbini sevmaydigan ko‘pchilik bilan suhbatlashganman. Sotuvchilar, marketingdagilar, neft-gazchilar, o’qituvchilar kabi turli soha kishilari.

Ular bilan gaplashganimda barchasi o’z sohasida zo’r mutaxassis bo’lishni va shundan keyin katta daromadga chiqishini xohlashlarini bildirishgan.

❌ Muammo mana shu maqsadlar lineykasida. Ularning rejasini qarang:

…-> Hozirgi sohasida kuchli mutaxassis bo‘lish -> Ko‘p pul topish

Ya’ni ular asosiy maqsadini daromadga bog‘lab, bor kuchlarini aslida ko‘p pul topishga emas, balki hozirgi sohasida (garchi o’zlariga ma’qul kelmasada) mutaxassis darajasiga chiqishga qaratishyapti.

⏳ To'xtang! Bir lahzaga o'ylab ko'ring...

Sizning haqiqiy maqsadingiz nima? Pulmi? Boshqalar sizni tan olishimi? Yoki shunchaki sevimli ishingiz bilan shug'ullanishmi?

Agar sizning haqiqiy maqsadingiz pul bo'lsa, nega o'zingizga yoqmaydigan ishda mutaxassis bo'lishga urinib, vaqtingizni yo'qotasiz? Balki, sizga ko'proq yoqadigan, qiziqishlaringizga mos keladigan boshqa sohada o'z omadingizni sinab ko'rarsiz?

🔗 Va yana bir muhim narsa!

Ba'zida biz o'zimizga yaqin yoki hurmat qilgan kishilarning gaplariga ko'r-ko'rona ishonamiz, ularning maqsadlarini o'zimiznikidek qabul qilamiz (menda ham bo'lgan vaziyat). Lekin unutmaslik kerakki, har bir insonning o'z yo'li, o'z maqsadlari bor. Boshqalarning fikrlariga quloq tuting, lekin o'zingizning yuragingizga ergashing.

⚙️ Xo'sh, nima qilish kerak?

1. Haqiqiy maqsadingizni aniqlang. O'zingizga savollar bering: "Men nimani xohlayman?", "Men qanday hayot kechirishni istayman?", "Meni nima baxtli qiladi?".
2. Imkoniyatlaringizni o'rganing. Sizda qanday qobiliyat bor? Qaysi sohalar sizga qiziq?
3. Reja tuzing. Maqsadingizga erishish uchun qanday qadamlar qo'yishingiz kerak? Qanday resurslar sizga kerak bo'ladi?
4. Harakat qiling! Rejangizni amalga oshirishga kirishing. Hech qachon orqaga chekinmang.

🫵 Unutmang, hayot — bu sizning sayohatingiz. Va faqat siz o'z yo'lingizni tanlaysiz!

Fikrlarimga qo'shilasizmi? Unda uni yaqinlaringiz bilan ulashing, balki ularning ham hayotida o'zgarish yasashga yordam berarsiz! Agar qayerdadir xato o'ylagan bo'lsam, izohlarda yozib qoldiring.

🦾 akhtamov_blogi.t.me

Faqatgina do’kondan nima xarid qilishni o’ylab ro’yxat, reja qiladigan odamlar hayotini o’ylab reja qilish qanday samara berishni bilishganlarida ko’p narsa o’zgarib ketardi.

🦾 akhtamov_blogi.t.me

Bugundan 2 ta ilovani test rejimida to’laqonli (kuchli tavsiyalardan keyin) ishlatishni boshlayapman.

1. TickTick (vaqt boshqaruvi)
2. MoneyFlow (moliya boshqaruvi)

Savol: Sizda shunday ilovalar ishlatish tajribasi bormi? O’zi buni foydali deb o’ylaysizmi?

🦾 akhtamov_blogi.t.me

500 ming so'mni shundoq berib yuboraman, agar...

🔰 Muvaffaqiyat – bu shunchaki o'zingizga bergan va’dangizga sodiq turishingiz. Lekin negadir biz ko'p va'dalarimiz ustidan chiqmaymiz. Keling, buni to'xtatishni bir sinalgan usulini o'rgataman.

Va’dani omma (do'stlar, oila a'zolari...) oldida berishning foydasini bilasizmi? Keling tasavvur qilaylik, siz ko'pchilikning oldida va'da berdingiz.

Endi hamma sizni kuzatib turganini his qilasiz. Qochib ketish yo‘li yopildi. Sharmanda bo'lmaslik uchun yagona yo‘l – va'dani bajarish!

❗️ Men ham shu usuldan foydalanmoqchiman: Bugundan 1 oy davomida fast food va gazli ichimliklarni tark qilaman. Agarda meni ikkalasidan birini yeb yoki ichib turganimni ko'rsangiz, 500 ming so'm hadya qilaman (kanalda oila a'zolarim va yaqinlarim ham bor, bu albatta ularga ko'proq tegishli).

✅ Keling, siz ham ushbu post izohiga o'zingiz uchun foydali va'da bering, 1 oydan keyin buni tahlil qilamiz.

🦾 akhtamov_blogi.t.me

Oylikka yashab mashina minish, uy qurish mumkin, agar…

Bugun taksida ketayotib, shofyor amaki bilan halol pul, baraka mavzularida gaplashib ketdik. Amaki fikrlaridan iqtiboslar keltiraman.

💬 “Shu vaqtgacha birovni haqqini yegan joylarim bo’ldi, tan olaman, ammo o’sha puldan hech naf ololmadim, hattoki hozir u pullarni nimaga ishlatganim esimda emas”

💬 “O‘rtog‘larim bor, zavodda oddiy ishchi bo’lib oylikka ishlaydi, lekin yaxshi uy solgan, mashinasi bor, farzandlarini o‘qitgan. Yana o‘rtoqlarim bor, tadbirkor, zo‘r pul topadi, lekin na yurishida, na turishida halovat bor, uyi oddiy, chehrasi nursiz, nolib yuradi”

💬 “Yoshlarga nasihat qilaman, ammo birovni haqqini yeb, boshi devorga urilmagunicha nasihatimga jiddiy qarashmaydi”

❗️ Shaxsan o‘zim shunday vaziyatlarga guvoh bo’lganman. Suhbat so‘ngida o‘zimga-o‘zim xulosa qildim halollik va qanoat bo‘lgan joyda baraka va halovat bo‘lar ekan.

🦾 akhtamov_blogi.t.me

Tanish-bilishning kuchi

Men omadliman. Shu vaqtgacha negadir har safar ham odob, ham mutaxassislik jihatidan oldinda bo'lgan odamlar muhitiga tushib qolaveraman.

Bu esa o'zimni har ikki yo'nalishda tezroq tajriba to'plashga, yuzaga keladigan muammolarni tanishlarim orqali tezroq hal qilishga va boshqa bir qator imkoniyatlarga sabab bo'lgan.

Ota-onam bergan tarbiya, ular o'rgatgan muomala madaniyatining bunda o'rni katta.

O'zi umuman olib qarasak, hayot va karyerada (❗️) muvaffaqiyat faqat bilim va mehnatga bog‘liq emas. To‘g‘ri odamlar bilan tanishish va ular bilan to'g'ri muomalada bo'lish sizni tezroq oldinga siljitadi.

✅ Yaxshi muhit – to‘g‘ri fikrlashga
✅ Kerakli tanishlar – yangi imkoniyatlarga
✅ Mustahkam aloqalar – katta loyihalarga olib keladi.

Kimni bilishing ba’zan nima bilishingdan ham muhimroq. Shuning uchun networking’ni rivojlantirishga vaqt ajrating!

Sizga eng katta imkoniyat eshigini ochgan inson kim? Izohda yozib qoldiring 👇

🦾 akhtamov_blogi.t.me

-1 ruhiy bosim 😌

Bu haqida taxminan 1 yildan keyin (balki undan oldinroq) batafsil yozishga jur’at topaman shekilli. Qisqacha qilib aytganda shu paygacha katta bosim ta’sirida ishlashga va shaxsiy rivojlanishda sezilarli to’siqlar bor edi. Bugun shu bosimni yangi tanishlarim yordamida olishga erishdim.

Shu so‘ngi 2 kun — katta o‘zgarishlar uchun birinchi qadamlar bo‘lyapti!

Alhamdulillah deymiz va davom etamiz…

🦾 akhtamov_blogi.t.me

Avval “Maqsad” keyin “Chellenj”

Abdusattor aka Abdurahimovning Maqsad klubi haqida eshitgan bo‘lsangiz kerak. Shaxsiy rivojlanish bo’yicha muammolar, ularning yuzaga kelish sabablari, ularni hal qilish uslublarini tushuntirishadi va shu bo’yicha chellenjlar uyushtirishni targ’ib qilishadi.

Eng qizig‘i Shahrisabzdaligimda do‘stlarim tanishlari bilan tashkil qilgan aynan shu formatga yaqin Chellenj oflayn klubiga 2024-yil oktyabr oyi o’rtalarida qo’shildim va formatni Maqsad klubi formatiga yanada (muammolar sabablari, yechimlar va chellenjlar bo’yicha) mosladik. O‘zimda ancha o’zgarish sezdim.

Dekabr oyida Toshkentga qaytdim, ammo o’zimdagi chellenjlarni saqlab qoldim. Bilasizmi nimalar sodir bo‘ldi:
1. Shu muddat davomida 10 ta kitob o‘qidim.
2. Uyqu rejimimni to‘g‘irladim.
3. Kun davomidagi qadamlar sonini oshirdim.

Shu yo‘lda davom etgan holda yana bir chellenj qo‘shmoqchiman: Har kuni ushbu blogga post joylash.

Ishoning, to‘g‘ri tanlangan chellenj odamni o‘zgartiradi, ayniqsa bu chellenjni ko‘pchilik oldida e’lon qilsangiz.

🦾 akhtamov_blogi.t.me

Ba’zida yangi sahifadan boshlash to‘g‘ri qaror bo‘ladi!

Assalomu alaykum. Avval tanishib olsak. Ismim Umidjon, SMM mutaxassisi va rivojlanayotgan marketologman.

Bu yo‘nalishni (deylik bu yo‘lni) tanlagunimga qadar ko‘plab sohalarda o‘zimni sinab ko‘rdim: Telegram adminlik, kopirayting, analitiklik, bloging shular jumlasidan.

Bu yo‘lda ko‘plab ustozlar orttirdim, lekin hozirgi yo‘lga tushib olishimda siz taniydigan Abdusattor aka Abdurahimov katta yordam berganlar. Aynan akaning Dizipro o‘quv markazida oddiy telegram adminlikdan SMM menejerlikkacha o‘sganman.

Xo‘sh, endi yana bir katta sakrash qilish niyatidaman. Bu jarayonda (Aziz aka Rahimov motivi bilan) blog yuritish anchagina foyda beradi deb o‘yladim va ushbu sahifani yuritishni boshlamoqdaman.

Bismillah deb boshladik. Alloh barokatli qilsin.

🦾 akhtamov_blogi.t.me