AHLI SUNNA | Расмий канал

АБУ ҲАНИФАНИНГ ИЛМ МАЖЛИСИДАГИ ҲАМРОҲЛАРИ

«كيف يقدر أبو حنيفة يخطئ ومعه مثل أبي يوسف وزفر في قياسهما؛
ومثل يحيى بن أبي زائدة وحفص بن غياث وحبان في حفظهم الحديث؛
والقاسم بن معن في معرفته باللغة والعربية
وداود الطائي وفضيل بن عياض في زهدهما وورعهما؛
من كان هؤلاء جلساؤه لم يكد يخطئ لأنه إن أخطأ ردوه».

✍️ الإمام وكيع بن الجراح رضي الله عنه

«Абу Ҳанифа қандай қилиб хато қилиши мумкин?! Ахир қиёс илмида у киши билан Абу Юсуф ва Зуфар бирга бўлган бўлса;

Ҳадис ёд олишда Яҳё ибн Абу Зоида, Ҳафс ибн Ғиёс ва Ҳиббон бирга бўлган бўлса;

Араб тилини билишда Қосим ибн Маън бирга бўлган бўлса;

Зуҳд ва тақвода Довуд Тоий ва Фузайл ибн Иёз бирга бўлган бўлса;

Ушбу кишилар билан бир мажлисда ўтирган киши хато қилиши мумкин эмас! Агар хато қилганида албатта, раддия беришган бўлар эди!».

✍️ Имом Вакиъ ибн Жарроҳ розияллоҳу анҳу

Улашинг: @AhliSunnaValJamoaUz

«Мазҳабга эмас, салафларга эргашиш керак»ми?

Салафийларнинг яна бир даъвоси «Мазҳабга эмас, салафларга эргшашиш керак». Мана шу сўзни айтаётган салафийга: «Бу фикрга қаердан келдинг», деб савол берсангиз, у: «Албоний, Усаймин ва Ибн Бозларнинг маърузасидан ёки китобидан ўқиб шу фикрни айтганларини эшитдим», дейди. Фаразан тўрт мазҳаб имомига эргашмай, салафларнинг йўлидан юрадиган бўлсак, ўша салафларнинг сўзини, йўлини қандай топамиз, десак, салафийлар: «Албоний, Усаймин, Ибн Боз ва бошқа олимлар ўз китоблари ва маърузаларида салафлар йўлини баён қилиб, фиқҳий масалаларни айтишган. Биз ўшанга амал қилсак бўлди», дейди. Биз шунда у салафийга: «Демак, сен ҳам салафларнинг эмас, ўша Албонийларнинг йўлига эргашаятган экансанда», деймиз. Аслида, Имом Аъзам раҳматуллоҳи алайҳга эргашиш салафлар йўлини маҳкам тутишдир. Чунки, Имом Аъзам раҳимаҳуллоҳ тобеин яъни салаф бўлганлар. Шунингдек, қолган уч мазҳаб имоми Албоний, Усайминдан кўра салафлар даврига яқин яшаган ва уларнинг йўлини булардан кўра яхши билишган.

Улашинг: @AhliSunnaValJamoaUz

Ихтилоф қилманглар, яна қалбларинг ҳар-хил бўлиб қолмасин!
#ихтилофдан_сақланиш

Гоҳида, мустаҳаб бўлган амалларда ҳар-хилликни келтириб чиқариб, шариатимизда ҳаром саналган – ўзаро ихтилофларга сабабчи бўлинмоқда. Улардан: “Нега бундай ихтилоф чиқармоқдасиз?”, – деб сўралса, “Биз Қуръон ва ҳадисга амал қиламиз” ёки “Шу масалада Шофеъий мазҳабнинг йўлини тутганмиз”, – дейишади. Алоҳида таъкидлаймизки, фиқҳий мазҳабларга амал қилиш – Қуръон ва суннатга мукаммал амал қилишдир! У мазҳабдан бир масалани, бошқа мазҳабдан бошқа масалани олишни уламоларимиз “талфиқ” дейдилар ва бунинг ҳукми ҳам – ҳаромдир. Ҳаром ишни қилиш эса – катта гуноҳдир. Юртимизда бу ихтилофларнинг ечими сифатида – минг йиллардан бери синалган ва давом этиб келаётган Аҳли сунна вал-жамоа эътиқоди ва ҳанафий мазҳабига амал қилиш, деб биламиз. Ана шунда бутун куч-ғайратимиз, ҳимматимиз бир-биримизга душманчилик эмас, фойдали ишларга сарф бўлади.
Ихтилофлар ва фирқаларга бўлиниш, натижада уруш-жанжал ва низолар келтириб чиқариш ҳаром амал эканига қуйидаги ҳадис далил бўлади. Пайғамбаримиз саллаллоҳу алайҳи васаллам шундай дейдилар:
وَلَا تَخْتَلِفُوا فَتَخْتَلِفَ قُلُوبُكُمْ (رواه الامام مسلم عن ابي مسعود رضي الله عنه )
яъни: “Ихтилоф қилманглар, яна қалбларинг ҳар-хил бўлиб қолмасин!” (Имом Муслим ривояти).
Қадимдан динимизда фирқаларга бўлиниш ва ихтилофларга асосий сабаблардан бири – илмсизлик, динни яхши тушунмасликдир. Шунинг учун ҳар бир мусулмон динини аслида кимлиги номаълум кимсаларнинг узуқ-юлуқ маърузалари ёки интернетда ин қуриб олган қўштирноқ ичидаги “мулла”лардан эмас, балки мўътабар олимлар, устозлар ёзиб кетган китоблардан ўқиб-ўрганиш керак.

Улашинг: @AhliSunnaValJamoaUz