🏛ADTI.UZ | Rasmiy kanali

KASABA UYUSHMA QO‘MITASINING HISOBOT-SAYLOV KONFERENSIYASI O‘TKAZILDI

Bugun, 15-fevral kuni Andijon davlat tibbiyot instituti Kasaba uyushma qo‘mitasining hisobot-saylov konferensiyasi bo‘lib o‘tdi.

Unda institut rektori M.Madazimov, O‘zbekiston Sog‘liqni saqlash xodimlari kasaba uyushmasi Andijon viloyati kengashi raisi A.Arziyev, O‘zbekiston Sog‘liqni saqlash xodimlari kasaba uyushmasi Respublika kengashining Andijon viloyati bo‘yicha mehnat-huquq inspektori Sh.Dehqonov va institut xodimlari ishtirok etdi.

Konferensiya avvalida institut Kasaba uyushma qo‘mitasi raisining 5 yillik hisoboti tinglandi. Tadbirda so‘z olganlar kasaba uyushmasini rivojlantirish, sohada amalga oshirilayotgan islohotlar, xodimlarga yaratilgan qulayliklar haqida ma’lumot berdi.

Shundan so‘ng, konferensiya delegatsiyasining a’zolari institut Kasaba uyushma qo‘mitasi raisligiga o‘tkazilgan saylovda ishtirok etdi. Jami 40 nafar saylovchi ishtirok etgan saylov natijalariga ko‘ra, 38 ta ovozga ega bo‘lgan holda Abduraxmanov Akmalbek Hoshimovich institut Kasaba uyushma qo‘mitasi raisi etib saylandi.
Andijon davlat tibbiyot instituti kasaba uyushmasi qo‘mitasi tarkibiga fakultetlardan Go‘yoxon Yuldasheva, Umidjon Mamajonov, Akmal Tojiboyev, Muzaffar Nosirov, Nosirbek Kasimov, Qunduzbek Qodirov saylandi.

Shuningdek, qo'mitaning taftish komissiyasi raisi sifatida Abduvaliyev To‘lqinjon Abduxalimovich saylandi. Mazkur komissiya a’zlari etib, Sherzodjon Abduqodirov, Shohruh Sapioxunov, Komil Mamarasulov saylandi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

“BINOKOR”DA OBODONLASHTIRISH ISHLARI O‘TKAZILDI

Prezidentimiz raisligida “Mahallalarda aholi bandligini taʼminlash, daromadini oshirish va kambag‘allikdan chiqarish bo‘yicha” o‘tkazilgan videoselektor yig‘ilishida belgilab bergan vazifalaridan kelib chiqib, viloyat hokimi Sh.Abdurahmonovning topshirig‘iga asosan qizil toifadagi mahallalar aholisiga ko‘maklashish, bandligini ta’minlash, muammolarini o‘rganish va ularni bartaraf etish yuzasidan izchil ishlar amalga oshirilmoqda. Xususan, Andijon davlat tibbiyot institutiga Andijon shahridagi “Binokor” mahalla fuqarolar yig‘inida joylashgan 12 ta aholi yashaydigan ko‘p qavatli uylarda istiqomat qiluvchi fuqarolar biriktirilgan bo‘lib, mas'ullar tomonidan ularning yashash sharoitlari va muammolari doimiy tarzda o'rganib, hal etib kelinmoqda.

Bugun, 15-fevral kuni institut mas’ullari, mahalla o‘ramidagi ko‘p qavatli uylar atrofida aholi vakillari hamda mahalla yettiligi tomonidan hududda obodonlashtirish ishlari amalga oshirildi.

Jumladan, uylar oldidagi daraxt ko‘chatlaridan qurigan barglar tozalanib, yer qismlari yumshatildi. Daraxtlardan tushgan qurigan barglar, ariqlarga to‘plangan chiqindilardan tozalandi. Ekin maydonlari chopilib yumshatildi. Gulzorlar yerlariga ishlov berildi. Daraxtlarga ishlov berildi. Obodonlashtirish ishlarida aholi vakillari, institut xodimlari hamda mahalla xodimlari faol ishtirok etdi.

Shuningdek, fuqarolar bilan o‘tkazilgan suhbatda bir nafar fuqaroning tikuv mashinasi so‘rab qilgan murojaati rejaga kiritildi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

🖐"Besh tashabbus olimpiadasi" 2025-yilgi mavsumining ochilish marosimi tantanali tarzda boshlandi

Viloyatimizda joylashgan "Universal" sport majmuasida "Besh tashabbus olimpiadasi"ning rasmiy ochilish marosimi o'tkazildi. Ushbu marosimda respublikamizning 14 ta hududi vakillari, jumladan, Andijon viloyatining sportchi-yoshlari ham Zoom platformasi orqali online tarzda qatnashdi.

Tantanali ochilish marosimida so'zga chiqqan hamkor tashkilot rahbarlari barcha sportchilarga omad va yuksak zafarlar tilab, kelajakdagi muvaffaqiyatlar uchun samimiy tilaklarini bildirdi. Tadbir davomida estradamizning taniqli va sevimli san'atkorlari kuy va qo'shiqlarini taqdim etib, ishtirokchilarga yorqin kayfiyat va quvonch ulashdilar.

Tadbirda Andijon davlat tibbiyot instituti rektori M.Madazimov boshchiligida institutimiz jamoasi ham faol ishtirok etdi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter