Andijon davlat pedagogika instituti rektori talabalar turar joyida bo‘ldi

Andijon davlat pedagogika instituti rektori B. Rasulov institutning 1-sonli talabalar turar joyiga tashrif buyurib, talabalar bilan samimiy suhbat o‘tkazdi. Tashrif davomida rektor turar joyning isitish tizimi bilan tanishib, talabalarni qiziqtirgan masalalar, ularning muammolari va takliflarini o‘rgandi.

Turar joydagi harorat rejimi va uning tunu kun doimiy nazorat qilinishi alohida e’tirof etildi. Maxsus ishchi guruh talabalarning qulay sharoitlarda yashashini ta’minlash maqsadida muntazam faoliyat olib bormoqda.

Rektor talabalar tomonidan bildirilgan taklif va fikrlarni tinglab, ularga yechim topish uchun tegishli choralar ko‘rilishini ta’kidladi. Mazkur tashrif talabalarning yashash sharoitlarini yanada yaxshilash va ularning ehtiyojlarini qondirishga qaratilgan tizimli yondashuvning bir qismi bo‘ldi.

Andijon davlat pedagogika instituti ma’muriyati talabalar uchun barcha qulayliklarni yaratishga doimiy e’tibor qaratmoqda.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube