АДПИ.Хотин -қизлар кенгаши фаолияти.

Assalomu alaykum hurmatli hamkasblar va qadrli talabalarim!

Avvalambor, siz azizlarni, yurtimizdagi barcha mo‘min-musulmonlarni, nuroniy otaxon va onaxonlarimizni, qadrli aka-ukalarimiz, opa-singillarimizni, azmu shijoatli yoshlarimizni, iymon-e'tiqodli xalqimizni muborak Ramazon hayiti bilan chin qalbimdan tabriklab, samimiy tilaklarimni bildiraman.

Ramazoni sharif ezgulik, xayr-u saxovat va mehr-oqibat oyi sifatida el-yurtimizning ijtimoiy-ma'naviy hayotida azal-azaldan alohida o‘rin egallab keladi.

Ushbu qutlug‘ oyda sabru qanoat, shukronalik, ruhiy poklanish, mehr va ko‘makka muhtojlarga yanada e'tiborli bo‘lish, savobli amallar qilishdek olijanob fazilatlar bu yil yurtimizda har qachongidan ham yaqqol namoyon bo‘ldi.

Asrlar davomida xalqimiz ongida bag‘rikenglik, mehr-muruvvat, kattalarga hurmat, kichiklarga izzat, mustahkam iroda kabi ibratli fazilatlarni shakllantirishda tabarruk Ramazon oyiga xos qadriyatlarning o‘rni va ta'siri albatta beqiyosdir.

Siz, azizlarimni ezgu niyatlar ro‘yobga chiqadigan, xayrli amallar uchun behisob savoblar yog‘iladigan, o‘zaro birdamlik, do‘stlik va ahillik tuyg‘ulari tarannum etiladigan shukuhli Iyd-ul-Fitr bilan yana bir bor chin yurakdan muborakbod etaman.

Niyati pok, maqsadlari ulug‘ xalqimizning ushbu saodatli onlarda qilayotgan toat-ibodatlari va duolari ijobat bo‘lsin!

Parvardigori olam doimo yo‘limizni ham, yuzimizni ham yorug‘ qilsin!

Ramazon hayiti barchamizga muborak bo‘lsin!

©Rasulov Baxtiyor Mahmudjonovich
Andijon davlat pedagogika instituti rektori

✅@BaxtiyorRasulov

“Qadriyatlaring boqiy bo‘lsin, Navro‘z!” ko‘rik-tanlovi o‘tkazildi

Andijon davlat pedagogika institutida talaba-qizlarni milliy qadriyatlar, madaniyat va an’analarga hurmat ruhida tarbiyalash, ularning ijodiy fikrlashini rivojlantirish hamda liderlik qobiliyatlarini yuzaga chiqarish maqsadida navbatdagi muhim tadbir tashkil etildi. Pedagogika fakulteti Boshlang‘ich ta’lim metodikasi kafedrasi tomonidan Pedagogika fanlari bo‘yicha falsafa doktori, v.b. professor Komilova Xurshida Toxirovna boshchiligida “Qadriyatlaring boqiy bo‘lsin, Navro‘z!” shiori ostida ko‘rik-tanlov bo‘lib o‘tdi.

Tanlovda boshlang‘ich ta’lim yo‘nalishi 1-kurs talabalari o‘z bilim va iste’dodlarini quyidagi shartlar bo‘yicha namoyish etdilar:
✅ Tanishuv
✅ Tarbiyaviy ahamiyatga ega sahna ko‘rinishi
✅ Intellektual savol-javob (Milliy tarbiya konsepsiyasidan)
✅ Ijodiy chiqish

Ishtirokchilar o‘z jamoalari bilan milliy qadriyatlarni targ‘ib qiluvchi turli mavzulardagi chiqishlari orqali tomoshabinlarga unutilmas taassurot ulashdi. Shuningdek, ular “Boshlang‘ich ta’limda tarbiya” fanidan olgan bilimlarini amalda qo‘llab, pedagogik mahoratlarini namoyon etdilar.

Tanlov yakunida hakamlar hay’ati tomonidan g‘oliblar aniqlandi:
🏆 1-o‘rin – 101-guruhning “O‘zbegoyim” jamoasi
🥈 2-o‘rin – 103-guruhning “O‘zbegim qizlari” jamoasi
🥉 3-o‘rin – 102-guruhning “To‘maris qizlari” jamoasi

Shuningdek, faol ishtirokchilar quyidagi nominatsiyalar bo‘yicha taqdirlandilar:
✨ Eng a’lo qiz
🎓 Eng zukko qiz
🎭 Eng iste’dodli qiz
💃 Eng latofatli qiz
🚀 Eng faol qiz
📚 Eng bilimdon qiz
✍️ Eng ijodkor qiz
🌟 Eng lobar qiz

G‘oliblar diplom, sertifikat va esdalik sovg‘alari bilan taqdirlanadi. Ushbu tanlov talaba-qizlarning ijtimoiy faolligi va ijodiy qobiliyatlarini yanada rivojlantirishga xizmat qildi.

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube

#Хотин_қизлар_ҳуқуқи

🔰Қонунчиликка кўра, “Аёллар дафтари”га киритилган ижтимоий ҳимояга муҳтож ёлғиз аёлларнинг болалари давлат мактабгача таълим ташкилотларига устунлик билан қабул қилиниш ҳуқуқига эга.

Каналга уланиш👇👇👇
https://t.me/huquqiyaxborot