Filologiya fakulteti| Rasmiy kanali

Oliy ta’lim muassasalarida “Yoshlar yetakchilari forumi” o‘tkazildi

“Yoshlar forumi — 2024” doirasida Toshkent shahridagi Yoshlar ijod saroyida O‘zbekiston Yoshlar ittifoqining oliy ta’lim muassasalaridagi boshlang‘ich tashkilot “Yoshlar yetakchilari forumi” bo‘lib o‘tdi. Forumda mamlakatdagi barcha oliy ta’lim muassasalarining yoshlar yetakchilari ishtirok etdi.

Mazkur tadbir doirasida yoshlar yetakchilari uchun liderlik qobiliyatlarini rivojlantirish, jamoani samarali boshqarish, strategik rejalashtirish va boshqa muhim yo‘nalishlarda seminar-treninglar tashkil etildi. Tadbir davomida yirik tadbirkorlar bilan uchrashuvlar va muloqotlar o‘tkazilib, yosh yetakchilarga foydali maslahatlar berildi.

O‘zbekiston Yoshlar ittifoqining Andijon davlat pedagogika instituti boshlang‘ich tashkiloti yo‘nalish koordinatorlari ushbu forumda onlayn tarzda faol ishtirok etib, o‘z tajribalarini yanada boyitdilar.

Tadbir yakunida yil davomida faoliyat olib borgan ilg‘or yoshlar yetakchilari qimmatbaho sovg‘alar bilan taqdirlandi. Shuningdek, barcha ishtirokchilarga maxsus statuetkalar va esdalik sovg‘alari topshirildi. Ushbu forum yoshlar yetakchilari uchun yangi imkoniyatlar eshigini ochish va ularning faolligini oshirishda muhim qadam bo‘ldi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

Andijon davlat pedagogika institutida ilmiy seminar yig‘ilishi bo‘lib o‘tdi

Andijon davlat pedagogika instituti huzuridagi Pedagogika ixtisosligidan ilmiy darajalar beruvchi Ilmiy kengash qoshidagi Ilmiy seminarining 13-sonli yig‘ilishi bo‘lib o‘tdi. Ushbu yig‘ilishda pedagogika fanlari bo‘yicha falsafa doktori (PhD) ilmiy darajasini olish uchun taqdim etilgan dissertatsiya ishlari muhokama qilindi.
Kun tartibidan ikki asosiy masala o‘rin oldi:
1. Andijon davlat universiteti tayanch doktoranti Abdullayev Elmurod Zaylobidinovichning 13.00.02 – "Ta’lim va tarbiya nazariyasi va metodikasi" ixtisosligidan “Bo‘lajak o‘qituvchilarni sun’iy intellekt vositasida o‘quvchilarning tadqiqotchilik qobiliyatini rivojlantirish faoliyatiga tayyorlash metodikasi (Umumiy pedagogika fanlar misolida)” mavzusidagi dissertatsiyasi ko‘rib chiqildi. Dissertatsiya ilmiy rahbari - Pedagogika doktori (DSc), professor Artikova Muxayyo Botiraliyevna.
2. Andijon davlat pedagogika instituti mustaqil tadqiqotchisi Iminova Xurshida Muxtarovnaning 13.00.02 – "Ta’lim va tarbiya nazariyasi va metodikasi" ixtisosligidan “Talabalarni konsentrlangan ta’lim texnologiyasi asosida darslarni loyihalash faoliyatiga tayyorlash metodikasi (Pedagogik mahorat fani misolida)” mavzusidagi dissertatsiyasi muhokama qilindi. Ushbu ish ham Pedagogika fanlari doktori (DSc), professor Artikova Muxayyo Botiraliyevna rahbarligida bajarilgan.

Yig‘ilish davomida doktorant va tadqiqotchilarning ilmiy ishlari bo‘yicha ma’ruzalar tinglandi, mazkur mavzularning ilmiy va amaliy ahamiyati muhokama qilindi. Ishtirokchilar tomonidan dissertatsiyalar yuzasidan qimmatli fikr va tavsiyalar bildirildi.

Mazkur seminar ilmiy-tadqiqot faoliyatining yuksak saviyada tashkil etilishini ta’minlash, pedagogika fanlari sohasidagi dolzarb masalalarni tahlil qilish va ularga yechim topish yo‘nalishida muhim ahamiyat kasb etdi.

Seminar a’zolarining qarori bilan ikki tadqiqotchi ham himoyaning keyingi bosqichiga tavsiya etildi.

Yig‘ilish yakunida dissertatsiya ishlari bo‘yicha bildirilgan tavsiyalar doktorantlar va tadqiqotchilar uchun ilmiy izlanishlarida qimmatli manba bo‘lib xizmat qilishi ta’kidlandi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

🟦🟦 🟦🟦🟦🟦

Isroilova Barchinoy Abdug‘appor qizi dissertatsiya ishini muvaffaqiyatli himoya qildi.

Andijon davlat pedagogika instituti Pedagogika fakulteti Boshlang’ich ta’lim metodikasi kafedrasi o‘qituvchisi Isroilova Barchinoy Abdug‘appor qizi joriy yilning 20-dekabr kuni Andijon davlat universiteti huzuridagi ilmiy darajalar beruvchi DSc.03/05.05.2023.Fil.60.02 raqamli Ilmiy kengashning navbatdagi yig'ilishida “Ijtimoy omillarning tilga ta’siri (Virtual muloqot tahlili asosida)” mavzusidagi 10.00.01 – O‘zbek tili ixtisosligidan filologiya fanlari bo‘yicha falsafa doktori (PhD) dissertatsiyasini himoya qildi.

Tadqiqotchi rasmiy opponentlarning ishga taqrizlari hamda aʼzolarning ushbu dissertatsiya ishi boʻyicha savollariga ham javob berdi.

Kengash aʼzolarining bergan ovozlar natijasiga koʻra, dissertatsiya ishi 100% maʼqullandi va Isroilova Barchinoy Abdug‘appor qizi filologiya fanlari bo‘yicha falsafa doktori (PhD) ilmiy darajasi uchun loyiq deb topildi.

🎗Jamoamiz nomidan Isroilova Barchinoy Abdug‘appor qizini ushbu ilmiy yutuq bilan samimiy qutlab, mustahkam sog’lik, ilm yo‘lida muvaffaqiyat tilaymiz!

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

🟦🟦 🟦🟦🟦🟦

Azamatova Odinaxon Obidovna dissertatsiya ishini muvaffaqiyatli himoya qildi

Joriy yilning 20-dekabr kuni Andijon davlat universiteti huzuridagi ilmiy darajalar beruvchi DSc.03/05.05.2023.Fil.60.02 Ilmiy kengashning navbatdagi yig‘ilishida Azamatova Odinaxon “O‘zbek tilida artionimlarning lingvistik tadqiqi (tasviriy san’at asarlarining nomlari asosida)” mavzusidagi 10.00.01 – O‘zbek tili ixtisosligida filologiya fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi o'tkazildi.

Tadqiqotchi rasmiy opponentlarning ishga taqrizlari hamda aʼzolarning ushbu dissertatsiya ishi boʻyicha savollariga ham javob berdi.

Kengash aʼzolarining bergan ovozlar natijasiga koʻra, dissertatsiya ishi 100% maʼqullandi va Azamatova Odinaxon filologiya fanlari bo‘yicha falsafa doktori (PhD) ilmiy darajasi uchun loyiq deb topildi.

Jamoamiz nomidan Azamatova Odinaxon Obidovnani ushbu ilmiy yutuq bilan samimiy qutlab, mustahkam sog‘lik, ilm yo‘lida muvaffaqiyat tilaymiz!

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

📚 Karimov Elmurod Salimjonovichning falsafa doktori (PhD) dissertatsiya ishi himoyasi to‘g‘risida

🔻OʻzAning telegram kanallariga aʼzo boʻling

O`zbekcha | Ўзбекча | Русская | Илм-фан | Тезкор