KOʻZGU.UZ. ⚖ Huquqiy kanal

КИМЛАРГА “КОНТРАКТ ПУЛИ” ТЎЛАБ БЕРИЛАДИ?

📌 Ўзбекистон Республикаси Вазирлар Маҳкамасининг 2022 йил 6 июндаги “Ёшлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида”ги 312-сонли қарорига мувофиқ мамлакатимиздаги профессионал ва олий таълим муассасаларида таълим олаётган, “Темир дафтар”га киритилган оила фарзандлари, шунингдек, “Ёшлар дафтари”га киритилган ёшларга тўлов-контракт суммасининг 50 фоизгача, аммо базавий ҳисоблаш миқдори (базавий ҳисоблаш миқдорининг 1 баравари 375 минг сўм)нинг 50 бараваридан ошмаган миқдорда тўлаб берилади.

Яъни, “Ёшлар дафтари”га киритилган қуйидаги тоифадаги ёшларга тўлов-контракт суммасининг бир қисми қоплаб берилади.

👉 “Темир дафтар”, “Аёллар дафтари”, “Ижтимоий ҳимоя ягона реестри” ахборот тизимига киритилган оиланинг профессионал ёки ОТМда таълим олаётган фарзанди;
👉 “Меҳрибонлик” уйи ёки Болалар шаҳарчасида тарбияланган ўқувчи-талаба;
👉 Ота-она қарамоғидан маҳрум бўлган, васийликка олинган кам таъминланган ўқувчи-талаба;
👉 Оила боқувчиларининг камида биттаси биринчи гуруҳ ёки ҳар иккаласи иккинчи гуруҳ ногиронлиги бўлган кам таъминланган оиланинг профессионал ёки ОТМда таълим олаётган фарзанди;
👉 Ногиронлиги ёки саломатлигида нуқсони бўлган ўқувчи-талаба;
👉 Оиласи кам таъминланган талаба.

“Ёшлар дафтари”га доимий ёки вақтинча яшаш жойи бўйича ўн тўрт ёшга тўлган ва ўттиз ёшдан ошмаган (ўттиз бир ёшга тўлмаган) қуйидаги тоифадаги:

👉 оила аъзоси «Темир дафтар», «Аёллар дафтари» ёки «Ижтимоий ҳимоя ягона реестри»га киритилган;
👉 ижтимоий ҳимояга муҳтож бўлган;
👉 боқувчисини йўқотган, етим ёки ота-она қарамоғидан маҳрум бўлган;
👉 ўзига нисбатан васийлик ёки ҳомийлик белгиланган;
👉 ўзгалар парваришига муҳтож бўлган ишга лаёқатсиз;
👉 I ёки II гуруҳ ногиронлиги бўлган;
👉 фарзандида I ёки II гуруҳ ногиронлиги бўлган;
👉 жисмоний ва (ёки) руҳий ривожланишида нуқсонлари бўлган;
👉 ота-онасидан бирида I ёки II гуруҳ ногиронлиги бўлган, иккинчиси эса иш фаолиятини тўхтатган ҳолда беморга қарашга мажбур бўлган ёхуд ота-онасининг ҳар иккисида I ёки II гуруҳ ногиронлиги бўлган;
👉 юзага келган ҳолатлар сабабли оғир турмуш шароитида қолган;
👉 зўравонлик ва эксплуатация, табиий офатлар, ҳалокатлар, ёнғинлар ва бошқа фавқулодда вазиятлар оқибатида ҳаётига, соғлиғига, мулкига зарар етган;
👉 «Меҳрибонлик» уйи, Болалар шаҳарчаси ёки оилавий болалар уйида тарбияланган;
👉 Ҳақ тўланадиган ишга ёки иш ҳақи (меҳнат даромади) келтирадиган машғулотга эга бўлмаган;
👉 даволанишга муҳтож бўлган бемор ёшлар;
👉 жазони ижро этиш муассасаларидан қайтган;
👉 муайян яшаш жойига эга бўлмаган;
👉 психологик маслаҳатга муҳтож;
👉 никоҳи қайд этилганига уч йилдан ошмаган ёш оила;
👉 деҳқончилик ёки томорқа хўжалигини юритаётган;
👉 ёш тадбиркор ёки ўзини ўзи банд қилган шахс сифатида солиқ хизмати органларида рўйхатдан ўтган ёшлар киритилади.

🚀Каналга уланиш 👇
https://t.me/adolatkozgusi

Йўл ҳаракати қоидаларида мувозанатли ёндашув зарур

Қонунчилик палатаси спикери Нурдинжон Исмоилов ИИВ томонидан тайёрланган “А” полосали йўлларга оид қонун лойиҳасини муҳокама қилиш чоғида жазо чораларини кўпайтиришга ортиқча урғу берилаётганини танқид қилди.

“Эртага сайловчиларга нима деймиз? Сайловчилар сўрайди-ку, сизлар қачонгача жазони оширавераслар деб. Биз буни тушинтира олишимиз керак”, деганди спикер.

Бу фикр баъзи муҳокамаларда ҳайдовчиларни ҳимоя қилиш сифатида талқин қилинди, лекин аслида спикер қонунларни умумий тартибга солиш, уларни барча қатламлар манфаатига мослаштириш кераклигини таъкидлаган. Унга кўра, жазо чоралари билан чекланмай, йўл ҳаракати хавфсизлигига эришиш учун тизимли ислоҳотлар ва инфратузилмани яхшилаш муҳим.

Йўл ҳаракати қоидаларида фақат ҳайдовчилар эмас, балки пиёдалар ва жамоат транспорти йўловчилари манфаатлари ҳам тенг ҳимоя қилиниши керак. Қонунчилик жараёнида барча манфаатдор томонларнинг эҳтиёжлари ҳисобга олиниши — ҳақиқий адолат.

Шунинг учун, жамоат транспортини ривожлантириш ва йўллардаги хавфсизликни таъминлаш орқали нафақат ҳайдовчилар, балки барча фуқаролар учун қулай муҳит яратиш устувор вазифа бўлиши шарт. Спикернинг танқиди шунга қаратилгани аниқ.

🚀Каналга уланиш 👇
https://t.me/adolatkozgusi

📄 iqtibos🖍

"Биз масалан ҳозир бензинни кўпроқ миқдорда чиқармасак, аҳолини сал қийнаб қўядиган бўлсак, эътирозларни тўғри тушунардим, лекин ҳозирги ҳолатда уларда муқобил вариант бор. Улар яна бир нарсани ўйлаши керакки, уйида ёш боласи бордир, бемори бордир, уйи совуқ бўлгандан кўра, метан заправкада озгина навбат кутиши мумкин. Ёки навбат кутишни истамаса, бориб бензин харид қилиб бемалол юриши мумкин”.

Ҳасан Тошҳўжаев,

Энергетика вазирлиги матбуот котиби

2024 йил, декабрь.

🚀Каналга уланиш 👇
https://t.me/adolatkozgusi

🔴Чиқинди ва электр тўловлари бир тизимга уланмоқда, навбат газ ва сув тўловларига

✔️Ўзбекистонда чиқинди сақлаш тўғри йўлга қўйилмаган. Нотўғри сақланаётган чиқинди полигони кимёвий қуролдек хавфли ва бизда 200 та шундай полигон бор.

✔️Янги қонун коммунал тўлов ва чиқиндилар масаласини ҳал этишга ёрдам беради.

Миллий тикланиш партияси раиси Алишер Қодиров икки йил ичида барча коммунал хизматлар бир пакет сифатида, битта субъект томонидан тақдим этилиши ва қарздорлик ҳам умумлаштирилишини маълум қилди. Унинг айтишича Олий Мажлис депутатлари мазкур қонунни бир ўқишда маъқуллаган.

Қонунчиликка кўра, сифатсиз хизмат учун чорани кескинлаштириш ҳам йўлга қўйилади.

“Ҳаммамиз ёруғ, иссиқ ва тоза яшашни истаймиз. Бу истагимизни таъминлаш учун минглаб ватандошларимиз туну-кун ишлайдилар. Уларни ҳақини тўламаслик ҳаммага зарар”, дейди Алишер Қодиров.

Қодировга кўра чиқинди сақлаш тизими Ўзбекистонда тартибли йўлга қўйилмагани учун ҳам унга инвестиция киритувчилар топилиши қийин бўлмоқда.

“Чиқиндиларни тўплаш, сақлаш ва қайта ишлаш жамият саломатлиги учун ҳаётий масала. Нотўғри сақланаётган чиқинди полигони кимёвий қуролдек хавфли ва бизда 200 та шундай полигон бор. Чиқинди масаласи энг охирги, хавфли нуқтасига етиб келди”, дейди Қодиров.

🚀Каналга уланиш 👇
https://t.me/adolatkozgusi

“Маънавий экспертиза” тўғрисидаги ҳужжат бекор қилинди — Адлия вазирлиги

Давлат ҳуқуқий сиёсатига масъул Вазирликнинг таъкидлашича
“Медиа маҳсулотлар фақат қонунийлик юзасидан экспертиза қилиниши мумкин”.

Адлия вазирлиги томонидан мазкур масала ўрганилганда унда жисмоний ва юридик шахсларнинг ҳуқуқ ва қонуний манфаатларига дахл қилувчи умуммажбурий кучга эга бўлган ҳуқуқий нормалар белгиланганлиги аниқланди.

Амалдаги қонунчиликка мувофиқ вазирлик ва идораларнинг шундай турдаги ҳуқуқий ҳужжатлари Адлия вазирлигида давлат рўйхатидан ўтказилиши лозим.

Давлат рўйхатидан ўтказилмаган бу турдаги ҳужжатлар тегишли ижтимоий муносабатларни ҳуқуқий жиҳатдан тартибга солиш учун асос бўлиб хизмат қилиши мумкин эмас ҳамда ҳуқуқий оқибатларга олиб келмайди.

Шу боис, медиа маҳсулотларини “маънавий экспертиза”дан ўтказишни жорий этиш тўғрисидаги қарор ушбу ҳужжатни қабул қилган органлар томонидан бекор қилинганлиги ва ижродан чақириб олинганлиги маълум қилинади.

дейилади вазирлик баёнотида.

🚀Каналга уланиш 👇
https://t.me/adolatkozgusi

#Қонунчиликдаги_янгиликлар

❗️Ҳафта давомида қабул қилинган қонунчиликдаги янгиликлар билан танишинг:

🔹Қуролли Кучлар ва ҳуқуқни муҳофаза қилувчи органлар жанговар шайлиги ва хизмат фаолияти самарадорлиги янада оширилади ➖ Манба: (ЎРҚ-1008-сон, 29.11.2024 й.);

🔹Қишлоқ хўжалиги соҳасида давлат бошқаруви янада такомиллаштирилади ➖ Манба: (ПҚ-413-сон, 02.12.2024 й.);

🔹Болалар масалалари бўйича комиссиялар фаолиятининг самарадорлиги оширилади ➖ Манба: (ПФ-201-сон, 02.12.2024 й.);

🔹Давлат харидларида ишлаб чиқарувчилар қўллаб-қувватланади ➖ Манба: (ПҚ-417-сон, 03.12.2024 й.);

🔹Драматург ва ёш режиссёрлар учун мукофот таъсис этилади ➖ Манба: (ПҚ-399-сон, 22.11.2024 й.);

🔹“Театр – ибратхонадир” дастури амалга оширилади ➖ Манба: (ПҚ-399-сон, 22.11.2024 й.);

🔹Тиббиёт муассасаларини фармацевтика маҳсулотлари билан таъминлаш тизими такомиллаштирилади ➖ Манба: (ПҚ-408-сон, 29.12.2024 й.);

🔹Хориждаги фуқароларнинг конституциявий ҳуқуқлари ва эркинликлари самарали ҳимоя қилиниши кучайтирилади ➖ Манба: (ЎРҚ-1009-сон, 04.12.2024 й.);

🔹Махсус иқтисодий зоналар фаолиятини бошқариш тизими янада соддалаштирилади ➖ Манба: (ЎРҚ-1010-сон, 05.12.2024 й.);

🔹Жамоавий спорт турлари ривожлантирилади ➖ Манба: (ПҚ-421-сон, 04.12.2024 й.);

🔹Қишлоқ хўжалиги ҳамда ветеринария ва чорвачилик соҳаларида институтлар ташкил этилади ➖ Манба: (ПҚ-420-сон, 04.12.2024 й.)

🚀Каналга уланиш 👇
https://t.me/adolatkozgusi