Forward from: Xushnudbek.uz
Орамиздаги қаҳрамонлар
Тошкент шаҳридаги 6-Чўпонота сайлов округида бўлиб ўтган такрорий сайлов натижаларига кўра шифокор, блогер Обиджон Латипов (Телеграм канали: @obidjonlatipov) Тошкент шаҳар кенгашига депутатликка сайланди. Унинг учун сайлов осон кечмади. Ҳалигача эскича фикрлайдиган инсонлар билан курашишига тўғри келди, пачкалаб бюллетен ташлаётган ноинсофларга қарама-қарши туришга мажбур бўлди. У ва унинг жамоаси ана шундай мураккаб сиёсий жараёнларда тезда тақдирга тан беришмади, аксинча охиригача курашишди. Обиджон Латипов ҳаттоки жонли эфирда юрак ютиб шахсан Бош прокурорга сайловдаги ҳолатлар ҳақида савол бера олди.
Курашувчан инсонларни қадрлайман, чунки бундайларни топиш қийин.
Ҳа, тўғри, бу Олий Мажлис депутатлиги эмас. Аммо нима фарқи бор? Гап қаерга сайланганида эмас, қандай сайланганида, ўша жараёнларни босиб ўтганида, менимча.
Ва яна муҳим томони вилоят, шаҳар, туман кенгашларига сайланган депутатлар давлатдан ҳеч қандай маош олишмайди, уларнинг барчаси жамоатчилик асосида текинга ишлайди. Фақат айрим кичик имтиёзлар берилган холос (масалан, жамоат транспортида текин юриш). Агар Олий Мажлисдагига ўхшаб имтиёзли уй, 10 млн сўмдан ошиқ ойлик, хизмат машинаси ва ҳ.к.лар бўлганда ҳам "балки пул учун шунча куйиб пишаётгандир" деган тасаввур бўларди. Лекин унақа эмас, улар ҳақиқат учун курашишди, адолат учун курашишди.
Гап биргина Обиджон Латипов ҳақида ҳам эмас, фақат у қаҳрамон бўлди, қолганлар бундай эмас дейишдан йироқман. У шунчаки бир кичик мисол бўлди холос.
Кимки ҳақиқат учун охиригача курашган бўлса, ўшаларнинг барчаси ҚАҲРАМОН. Якуний натижага эриша олган ёки эриша олмагани муҳим эмас, шунчаки таслим бўлмаганининг ўзи қаҳрамонлик. Нохолисликни кўра туриб, жим тура олмаганларнинг барчаси қаҳрамон. Қинғирликлар ёнидан бепарво ўтиб кетмаганларнинг барчаси қаҳрамон. Ҳар қандай нотўғри топшириқларга осонгина бўйнини эгиб, итоат этмаганларнинг барчаси қаҳрамон. 1 кунлик синовда виждонини сотмаганларнинг барчаси қаҳрамон.
Ёки қўли билан, ёки тили билан, жуда имконини қила олмаганда дили билан Ўзбекистон келажагига болта урмоқчи бўлаётган айримларга қарши чиққанларнинг барчаси қаҳрамон. Улар замонамиз қаҳрамонлари. Уларнинг сафи кундан-кун кўпаяр экан, юртимиз шунча ривожланаверади, жамият лойқадан тозаланаверади.
P.S.: Кун.уз нашри журналисти Илёс Сафаров ҳам жойлардаги «эски» одамларга қарши яхшигина курашди ва натижада Самарқанд вилояти Жомбой тумани кенгашига депутат бўлиб сайланди. Дўстларимизни чин қалбдан табриклайман. Илоҳим, ҳам халқ учун, ҳам ўзлари учун хайрли қилсин.
👉 @xushnudbek 👈
Тошкент шаҳридаги 6-Чўпонота сайлов округида бўлиб ўтган такрорий сайлов натижаларига кўра шифокор, блогер Обиджон Латипов (Телеграм канали: @obidjonlatipov) Тошкент шаҳар кенгашига депутатликка сайланди. Унинг учун сайлов осон кечмади. Ҳалигача эскича фикрлайдиган инсонлар билан курашишига тўғри келди, пачкалаб бюллетен ташлаётган ноинсофларга қарама-қарши туришга мажбур бўлди. У ва унинг жамоаси ана шундай мураккаб сиёсий жараёнларда тезда тақдирга тан беришмади, аксинча охиригача курашишди. Обиджон Латипов ҳаттоки жонли эфирда юрак ютиб шахсан Бош прокурорга сайловдаги ҳолатлар ҳақида савол бера олди.
Курашувчан инсонларни қадрлайман, чунки бундайларни топиш қийин.
Ҳа, тўғри, бу Олий Мажлис депутатлиги эмас. Аммо нима фарқи бор? Гап қаерга сайланганида эмас, қандай сайланганида, ўша жараёнларни босиб ўтганида, менимча.
Ва яна муҳим томони вилоят, шаҳар, туман кенгашларига сайланган депутатлар давлатдан ҳеч қандай маош олишмайди, уларнинг барчаси жамоатчилик асосида текинга ишлайди. Фақат айрим кичик имтиёзлар берилган холос (масалан, жамоат транспортида текин юриш). Агар Олий Мажлисдагига ўхшаб имтиёзли уй, 10 млн сўмдан ошиқ ойлик, хизмат машинаси ва ҳ.к.лар бўлганда ҳам "балки пул учун шунча куйиб пишаётгандир" деган тасаввур бўларди. Лекин унақа эмас, улар ҳақиқат учун курашишди, адолат учун курашишди.
Гап биргина Обиджон Латипов ҳақида ҳам эмас, фақат у қаҳрамон бўлди, қолганлар бундай эмас дейишдан йироқман. У шунчаки бир кичик мисол бўлди холос.
Кимки ҳақиқат учун охиригача курашган бўлса, ўшаларнинг барчаси ҚАҲРАМОН. Якуний натижага эриша олган ёки эриша олмагани муҳим эмас, шунчаки таслим бўлмаганининг ўзи қаҳрамонлик. Нохолисликни кўра туриб, жим тура олмаганларнинг барчаси қаҳрамон. Қинғирликлар ёнидан бепарво ўтиб кетмаганларнинг барчаси қаҳрамон. Ҳар қандай нотўғри топшириқларга осонгина бўйнини эгиб, итоат этмаганларнинг барчаси қаҳрамон. 1 кунлик синовда виждонини сотмаганларнинг барчаси қаҳрамон.
Ёки қўли билан, ёки тили билан, жуда имконини қила олмаганда дили билан Ўзбекистон келажагига болта урмоқчи бўлаётган айримларга қарши чиққанларнинг барчаси қаҳрамон. Улар замонамиз қаҳрамонлари. Уларнинг сафи кундан-кун кўпаяр экан, юртимиз шунча ривожланаверади, жамият лойқадан тозаланаверади.
P.S.: Кун.уз нашри журналисти Илёс Сафаров ҳам жойлардаги «эски» одамларга қарши яхшигина курашди ва натижада Самарқанд вилояти Жомбой тумани кенгашига депутат бўлиб сайланди. Дўстларимизни чин қалбдан табриклайман. Илоҳим, ҳам халқ учун, ҳам ўзлари учун хайрли қилсин.
👉 @xushnudbek 👈