Abduvohidov's blog

@abduvohidovsblog

Channel's geo and language: Uzbekistan, Uzbek

Category: Blogs

Fikrlar. Qarashlar. Mulohazalar. Bari shaxsiy.
@My_blog7bot

Related channels | Similar channels

Channel's geo and language

Uzbekistan, Uzbek

Abduvohidov's blog

4 Dec, 19:08

Kelamiz, ketamiz, kelar ketarlar,
Barcha bir biridan mehr kutarlar.
Koʻpchilik bilaman shuni aytarlar,
Odamlar ichidan odam izladim!

Atrofda sanoqsiz insonlar bisyor,
Kattami, kichikmi birdek sizladim.
Shunda ham tinmayin boʻlib umidvor,
Odamlar ichidan odam izladim!

Qarayman oʻng-soʻlga hammasi oʻxshash,
Bilmayman men kimga neni soʻzladim.
Kelsamda juda koʻp odamga toʻqnash,
Ularning ichidan odam izladim!

Baʼzida yolgʻizdek sezaman oʻzim,
Birov qoʻl choʻzar deb rosa boʻzladim.
Kimsani topolmay yoshlanib koʻzim,
Odamlar ichidan odam izladim!

Bilmadim balki men bandaman telba,
Telbadek yashashni rostan koʻzladim.
Hech kimsiz sahroda yasab bir kulba,
Tuproqlar ostidan odam izladim!

Qashqirlar quturdi, koʻppaklar hurdi,
Chayonlar chaqay deb izimdan yurdi,
Oʻrgimchak inini koʻzimga qurdi,
Odamlar ichidan odam izladim!

Bahodir Iso

73 0 2 9

Abduvohidov's blog

4 Dec, 13:28

Quduq qazdim suv tanqis damlar,
Erishdim ham balki yutuqga.
Cho'ktirdilar lekin odamlar,
O'zim qazgan o'sha quduqga.

Abdulla Oripov

132 0 3 17

Abduvohidov's blog

4 Dec, 10:02

Odamlarning hayotda uch asosiy maqsadi uchun yashaydi:

- Mashina olish,
- Uy qurish,
- To‘y qilish

O‘zi va oilasi bir umr shunga harakat qiladi. Unga erishgach, mashinasini va uyini hayotining markazi qo‘yadi. Qalbining to‘riga turadi. Shunday qilib temir mashina va g‘isht-betonli uy muqaddaslashadi. Ulardan mahrum bo‘lish xuddi dindan chiqishdek tusga kiradi. Shunday qilib har qanday nohaqlikka ko‘nadi. Uyi va mashinasiga zarar kelmasa bo‘ldi.

Shunday qilib mol-mulk muqaddaslashadi. Islomni ilk davridagi musulmonlar munofiq bo‘lib qolishdan qo‘rqqan. Hozir esa mol-mulkdan mahrum bo‘lish qo‘rquvi balanroq.

Sanjar Xoʻja

145 0 3 11

Abduvohidov's blog

2 Dec, 14:55

Kuyib bitdim – nima oʻzgardi?
Qachongacha oʻzimni yeyman?
Behudaga yuzim qizardi,
Yo bemavrid keldimmi, deyman.

Ahmoq qildi, gar gapga kirsam,
Ojizligim injiqlik boʻldi.
Mahmadona chiqdim gapirsam,
Jim turganim pismiqlik boʻldi.

Gul chehralar samimiy soxta,
Toʻxtab qolgan soatlar beburd.
Qololmayman uzoq bu shoxda,
Ketay desam, u tomon ham moʻrt...

Behzod Fazliddin

203 1 6 14

Abduvohidov's blog

30 Nov, 20:30

Noyabr hisoboti

Mutolaa

1. Atom odatlar
2. Fantom og'rig'i
3. Alvido, Vatan!

Podkast

1. 33 savol, Saidabror Umarov suhbati
2. 33 savol, Rasul Kusherbayev bilan suhbat
3. Online kingda Saidabror Umarov bilan suhbat
4. 33 savolda Hamid Sodiq bilan suhbat.

Shuningdek,

📌 Amaliyotni tugatdim. Imtixonni topshirdim.
📌 Tik-tokka umuman, instagramga deyarli kirmadim.
📌 Sport mashgʻulotlari davom etdi.
📌 Ertaroq uxlash odati shakllanib boʻldi.

Shunaqa gaplar. Yangi oy va fasl hammamizga barakali va xayrli boʻlsin.

231 0 3 23

Abduvohidov's blog

29 Nov, 18:09

Qish sonatasi — MC Dos dos

04:33

Eng zo'ri — Qish Sonatasi

04:27

Siqilinglar. Xohlasanglar unisini xohlasanglar bunisini eshitib.

240 0 8 18

Abduvohidov's blog

29 Nov, 08:39

Har tomonlama ilm olinmasa har bir og‘zi shaloqning va har bir suyuqoyoqning so‘zi hikmat, hayoti ibrat bo‘lib qoladi.

Savdogarlar ustozi

269 0 1 18

Abduvohidov's blog

27 Nov, 19:20

Alvido, Vatan! A'zam Hoshimiy

SSSR nostalgiyasiga beriladiganlar, sovetlar davrini qumsaydiganlar ayniqsa oʻqiydigan kitob desak ham boʻlarkan.

Chunki, sovetlarning yurtda olib borgan jirkanch siyosatlari, dinsizlikni targʻib qilib, dindorlarni ta'qib qilishlari, dinni ustidan ochiqcha kulishlariyu, xalqning ziyolilariga nisbatan qilingan fitnalar va qiynoqlar tasviri odamni g'azabini qo'zitadi.

Asarda oʻz iymonini saqlab qolish uchun yurtni tark etgan bir qahramonni boshidan kechirganlari aks etgan.

Kitobni oʻqish jarayonida, oʻtgan asrdagi yurtimiz qiyofasi, olib borilgan jirkanch siyosat, odamlar yashash tarzi, ijtimoiy hayot, ta'qib va surgunlar haqida yaxshigina tasavvur uygʻonadi.

Kitob bizni oʻtgan asrdagi Qoʻqon, Qarshi, Samarqand, Buxoro, Sariosiyo, Afgʻonistonlarga sayohat qildiradi. Iymon muhofazasini oʻrgatadi.

Xullas tarixdagi koʻp haqiqatlarni bilmoqchi boʻlganlar albatta oʻqib qo'yishi kerak.

328 0 0 16

Abduvohidov's blog

26 Nov, 16:49

Baraka nima?

Kattalar "umrimizga, rizqimizga baraka ber!" deb duo qilishsa, uzoq umr, koʻp rizq shunday so'ralarkan deb oʻylardim.

Lekin baraka — miqdorni bildirmaskan.

Umrni barakasi 100 yoki 95 ga kirish,

Rizqni barakasi dollarda millioner bo'lishda emas ekan.

Oz yashasada koʻp foydali narsaga ulgurish ekan umrni barakasi.

Masalan, Beruniy 150 dan ortiq asar yozgan. Lekin hisoblab koʻrilsa buncha asar yozish uchun bitta umr kamlik qiladi.

Baraka bu bizni umrimizga, pulimizga, rizqimizga berilgan xayr, fayz ekan.

Neʼmatlar oz boʻlsada uni Alloh yoʻlida ishlatishda, oz yashasakda bizdan keyingilarga foydali narsa qoldirishda, ma'noli hayot kechirishda ekan baraka.

384 1 3 15

Abduvohidov's blog

26 Nov, 10:50

Komment yoʻq, shuning uchun reaksiya va ulashishlarni support deb bilaman. Potlarni kanaliga share qilganlarni men ham support qilmoqchiman.

@bookhoja
@makhliyos_blog
@with_mee21
@nurullayevaaa
@usa_kadiroff
@arvas_kindle
@Zebiniso_Annakulova
@Sentabrlik22
@ibrat_maskan1
@Author_Lutfixon
@Hilola_Volibayeva
@milady_kanali_n1
P.s. List to'ldirib boriladi. Ya'ni postlar qaysi kanalga ulashilayotgani menga koʻrinadi.

297 0 1 21

Abduvohidov's blog

25 Nov, 16:43

Oʻtib ketadi

Hakimlardan ayrimlarining uzuklarida "oʻtib ketadi" degan yozuv boʻlgan deyishadi.

Ularga cheksiz boylik ato etilganda ham,

Ishlari yurishgandan-yurishganda ham,

Yoki boshlariga bir musibat tushganda ham,

Ushbu yozuvga nazar solib qo'yisharkan.

Xursandchilikda suyunib,

Yomon kunda kuyunib ketishmaskan uzukdagi "oʻtib ketadi" degan eslatma sabab.

Kunlari qancha yorugʻ boʻlsa-da oʻtib ketishini bilishgan va o'zlaridan ketib qolishmagan, sinov deya qarashgan.

G'am ustiga g'am chulgʻab olganda ham dard chekib o'zlarini oldirishmagan. Bilishgan — bu ham oʻtib ketadi.

Har qanday kunda oʻzingizga eslating — oʻtib ketadi.

G'am, qaygʻu, omadsizlik, zaiflik. Bari oʻtib ketadi.

Mabodo oʻtib ketmasa ham oʻzimiz oʻtib ketamiz.

Shu sabab qora kunlarda jaa kuyunib ketmang.

Ro'shnolik kunlarida esa oʻzizdan ketib qolmang.

Baribir oʻtib ketadi.

429 1 4 18

Abduvohidov's blog

24 Nov, 18:02

Borligida bilinmaydi

Sogʻlikni,

Vaqtni,

Yoshlikni,

Ota-onani,

Tinchlikni,

Sevgini,

Chin doʻstni,

Borligida qadrlamaymiz.

Qadrini doimo yo'qotgach anglaymiz.

Unutmang,

Afsuslar ularni bizga qaytarib bermaydi.

332 0 6 30

Abduvohidov's blog

23 Nov, 18:58

Achinaman

Kitob o'qiydiganlarni ustidan botanik deb kuladiganlarga,

Sal siniqroq odamni hammani oldida "izdevatsya" qilib kuladiganlarga,

Puldorroq tanishi bilan odatdagidan egilib, paxta qoʻyib so'rashadiganlarga,

Ozgina koʻtarilib, pul koʻpayib oʻzgarib qoladiganlarga,

Oʻzidan zaiflarga zulm qilib, kuchlilarga "hurmat" ko'rsatadiganlarga,

Hayotni faqat pul topish, elitniy yashash, brendlar taqish deb tushunadiganlarga,

Manfaati yoʻlida hammani "itarib" ketib, buni shustriylik deb ataydiganlarga,

Miyyada "alip" yoʻq holda karrr-kar qiladiganlarga.

Achinaman. Judayam achinaman.

482 0 10 37

Abduvohidov's blog

22 Nov, 17:56

Fantom og‘rig‘i. Marziya Saydam

Ushbu kitob mutolaasini yakunladim. Kitob muallifning turli maqolalari to'plamidan tashkil topgan. Bu maqolalar bizni aslan muhim boʻlgan mavzularga yaxshiroq va qaytadan, ibrat bilan nazar solishimizga undaydi.

Turli nomli maqolalardan tashkil topgani bois uni o'qish paytida umuman zerikmaysiz.

Oʻzimiz eʼtibor qilmagan narsalar yoki biz bilmagan haqiqatlar bilan ham yuzlashishimiz mumkin boʻlgan oʻtkir fikrlar ham bor. Qolaversa iqtiboslardan ham mohirlik bilan foydalanilgan.

Muallif turli mavzularda achchiq fikrlar bilan bizni oʻylashga majbur qiladi, o'zimizga beixtiyor nazar solamiz. Ehtimol kitob bizni o'zgarishimizga-da sabab boʻlar. O'zim uchun oʻtkir qalamli yana bir oʻzbek yozuvchini kashf qildim shekilli.

Xullas, turli mavzudagi kitoblardan zerikkanlar uchun ham, aslida hamma uchun judayam foydali va tafakkurga, chuqur tafakkurga undovchi kitob desa boʻladi. Tavsiya qila olaman.

366 0 1 14

Abduvohidov's blog

22 Nov, 10:29

Alloh buyuradi:

— ...insonlardan qoʻrqmang, mendan qoʻrqing. (Moida surasi, 44-oyatning bir qismi)
— ...agar moʻmin boʻlsangizlar, ulardan emas, mendan qoʻrqingizlar.(Oli Imron surasi, 175-oyatning bir qismi.)

Juma muborak!

352 0 1 21

Abduvohidov's blog

21 Nov, 18:13

Kimga yaqinlashsam, oxiri uzoqlashish bilan tugadi. Hurmat qilib hurmatsizlikka uchradim, koʻp eʼtibor qilib eʼtiborsizlikka uchradim, oqibatga rioya qilib munosib javob koʻrmadim. Fantom og'rig'i kitobida bir jumla kelgan ekan:

Nimaga yaqinlashsam oxiri uzoqlik va siniqlik,
Angladimki, yoʻq Allohdan boshqasiga yaqinlik.

386 0 5 25

Abduvohidov's blog

21 Nov, 08:36

Mening nazdimda muhabbatning, doʻstlikning qadri ancha baland. Men hech kimdan osonlikcha voz kechmayman. Biror-bir yaxshi koʻrgan insonim menga eshigini yopsa derazasidan kiraman. Ammo ishlar berk koʻchaga kirib qolsa obroʻyim qalbimdan ustunroq boʻladi. Men yaxshi koʻrgan kishilarimni hech qachon birinchi boʻlib tark qilmaganman. Mendan tushib qolgan kishilar aslida meni qattiq tutmagan kishilardir. Men oldinlari ham tushib qolgan narsamni olish uchun egilmaganman!

Abdulqodir Polvonov

427 0 8 20

Abduvohidov's blog

20 Nov, 19:05

Mutolaa marafonini tavsiya qilganimga afsuslandim. Oʻzi marafonlarni sifatlisini ajrata bilardimu, lekin nima jin urdi bilmadim. Mutolaa'chilarni jiddiy qabul qildim shekili, koʻp narsa kutibman. Menga umuman yoqmadi.