📝 Daraxtlardan rivojlanishni o'rganamiz
Shamol baland daraxtlarni qiynashini ko‘rgan holatda shuncha ovoragarchilik nega kerak deb o‘ylab qolasiz.
O‘rmonda o‘sganda fotosintez uchun quyosh talash bo‘ladi. Kim sal balandroq bo‘lsa o‘sha daraxt ko‘proq ozuqa ishlab chiqaradi, uzunlikdagi ozgina farq, vaqt o‘tishi bilan katta farqqa aylanadi.
Yolg‘iz o‘sganda esa baland bo‘lishga sabab topilmaydi. Yolg‘iz daraxtning yuqoriga intilish uchun raqobatchilari bo‘lmaydi.
Odamlar bilan ham shunday. Shaxsiy rivojlanaman degan odam uchun muhit kerak.
Qiynalmayotgan bo‘lsangiz - o‘smayapsiz. Adlerning gapi bilan aytganda ma’lumot olgan kishi mazza qiladi, ilm olayotgan kishi qiynaladi. Odam xatosini bilib qoladi. Uni tan oladi. Mana shu tan olish og‘riq beradi.
Rivojlanmayotgan odamning birinchi belgisi u hamma narsani biladi. U hamma narsani qilib bo‘ldi. Unga savol berish yarashmaydi, unga savol berishlari yarashadi. U xato qilmaydi, qilsa ham xatoga hisoblanmaydi.
Falastindan chiqib, unga qarshi chiqqan, o‘n millionlab obunachi yig‘ib 99% muxlislarini o‘ziga dushman qilgan NasDaily bunga yaqqol misol bo‘la oladi. Rivojlanib bo‘ldim deganda odamda rivojlanish tugayotgan bo‘ladi.
Aziz Rahimov |
@oqidi_bot
