Юрист Хизмати | Расмий канал

Тиббий ёрдамда АКТ бўлим бошлиғи бўлиб ишлайман, иш кўплиги учун 200 фоиз устама тўланадими?

@Yurist_Xizmati 4888-савол:

Ассалаума алийкум. Ман тез тиббий ёрдам АКТ бўлим бошлиги лавозимида ишлайман иш коплиги сабапли манга пф 5349га асосланип бошлигим манга 200%устама толашга хаклими? Хозирда 100% устама толанияпти

ЮРИСТ ЖАВОБИ:

Ўзбекистон Республикаси  Президентининг ПФ 5349-сонли “Ахборот технологиялари ва коммуникациялари соҳасини янада такомиллаштириш чора-тадбирлари тўғрисида”ги фармони 7-банди г кичик бандига кўра давлат органлари ва бошқа бюджет ташкилотларининг замонавий ахборот технологиялари ва коммуникацияларини жорий қилиш ва ривожлантиришга масъул бўлган ходимларига бериладиган ҳар ойлик устама миқдори давлат бюджетидан, давлат бюджетидан ажратилмаган бўлса, ушбу ташкилотларнинг бюджетдан ташқари маблағлари ҳисобидан ходим лавозим маошидан 100 фоиздан кам бўлмаган миқдорда белгиланади.

☝️Эътибор берган бўлсангиз, қоидада “ахборот технологиялари ва коммуникацияларини жорий қилиш ва ривожлантиришга масъул бўлган ходим” жумласи белгиланган.

Ушбу фармонга Ўзбекистон Республикаси Президентининг 22.08.2022 йилдаги ПФ-194-сон Фармони билан киритилган ўзгариш эса устама давлат органлари ходимларига тўланишини билдирмоқда.

✅ Шунга кўра сиз айнан шу соҳа бўйича ишлаганингиз учун сизга устама тўланиши керак деб ҳисоблаймиз.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

❗️Фаол нуронийларни камбағал оилаларга бириктириш тартиби белгиланди

Ҳукумат қарори (892-сон 27.12.2024 й.) билан “Фаол нуронийларни камбағал оилаларга бириктириш ҳамда маҳаллада соғлом турмуш тарзи ва ижтимоий-маънавий муҳитни шакллантиришга жалб этиш тартиби тўғрисида”ги низом тасдиқланди

Низом фаол нуронийларни камбағал оилаларга бириктириш ҳамда маҳаллада соғлом турмуш тарзи ва ижтимоий-маънавий муҳитни шакллантиришга жалб этиш, шунингдек, камбағал оила фарзандларига таълим олишлари учун ўқув жиҳозлари ва қуроллари, спорт кийимларини харид қилиш, кекса фуқароларнинг спорт тадбирларида иштирок этиши билан боғлиқ харажатларни қоплаб бериш тартибини белгилайди.

Белгиланган тартибда танлаб олинган уч нафардан фаол нуронийларга яшаб турган жойи бўйича 5 тадан камбағал оила олти ой муддатга бириктирилади.

Фаол нуронийлар бириктирилган оилалар билан ишлашда “маҳалла еттилиги” билан ўзаро ҳамкорлик қилади.

“Нуроний” жамғармаси ва танлаб олинган фаол нуронийлар ўртасида фаол нуронийларни рағбатлантириш мақсадида фуқаролик-ҳуқуқий тусдаги шартномалар расмийлаштирилади.

✅ Танлаб олинган фаол нуронийлар уларга юкланган вазифаларни бажаришлари учун “Нуроний” жамғармаси томонидан меҳнатга ҳақ тўлашнинг энг кам миқдорининг 50 фоизи миқдорида рағбатлантирувчи тўловлар уларнинг розилигига кўра банк пластик карталарига тўлаб берилади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

⚡️“Аҳолини ижтимоий қўллаб-қувватлаш учун “ижтимоий карта” тизими жорий этилади

“Аҳолини ижтимоий қўллаб-қувватлашда “ижтимоий карта” тизимини жорий этиш чора-тадбирлари тўғрисида”ги Ҳукумат қарори (897-сон 27.12.2024 й.) қабул қилинди

Қарорга кўра, ижтимоий картани муомалага чиқариш ва фойдаланиш учун тақдим этиш молиявий агент вазифасини бажарувчи резидент тижорат банклари томонидан амалга оширилади.

Бунда:

➖барча фуқаролар учун дастлаб электрон ижтимоий карта муомалага чиқарилади ва фойдаланиш учун тақдим этилади;

➖банк картаси шаклидаги ижтимоий карта фуқароларнинг хоҳишига кўра муомалага чиқарилади ва фойдаланиш учун тақдим этилади.

Ижтимоий картани муомалага чиқариш ва фойдаланиш учун тақдим этиш бўйича аризалар қуйидагилар орқали тақдим этилади:

➖ЯИДХП (my.gov.uz);
➖“Ижтимоий карта” мобил иловаси;
➖“Инсон” ижтимоий хизматлар марказлари ҳамда ➖алоҳида ҳолларда ижтимоий ходимлар;
➖молиявий агент.

✅ Ижтимоий картани самарали амалиётга татбиқ этиш ҳамда “Ижтимоий карта” АТ ва мобил илованинг лозим даражада ишлашини таъминлаш мақсадида:

▪️2025 йил 1 январдан бошлаб “Ижтимоий карта” АТ ва мобил иловани техник қўллаб-қувватлаш ижтимоий карта бўйича тўлов хизматларини кўрсатувчи тўлов ташкилотининг туну-кун фаолият кўрсатадиган техник хизмати томонидан амалга оширилади;

▪️ 2025 йил 1 февралдан ижтимоий картани муомалага чиқариш ва фойдаланиш учун тақдим этиш масалалари бўйича Агентликнинг ахборот-маълумотнома хизматларини кўрсатувчи “1070” қисқа рақамли ва туну-кун фаолият кўрсатадиган хизмати (“Ишонч телефони”) фаолияти тест режимида йўлга қўйилади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

❗️2028 йилгача ҚҚС ва фойда солиғи ставкалари оширилмайди

“Тадбиркорлар учун тенг шароитлар ва адолатли рақобат муҳитини таъминлаш бўйича навбатдаги чора-тадбирлар тўғрисида”ги Президент Фармони (ПФ-229-сон, 27.12.2024 й.) қабул қилинди

Фармонга кўра, қўшилган қиймат солиғи ва фойда солиғи ставкалари 2028 йил 1 январгача оширилмаслиги белгиланди.

2025 йил 1 январдан 2028 йил 1 январгача тикув-трикотаж, пойабзал ва чарм-атторлик саноати йўналишларида ишлаб чиқариш фаолиятини юритаётган ва белгиланган шартларга жавоб берадиган тадбиркорлар учун фойда солиғи ва ўзларининг ходимлари учун жисмоний шахслардан олинадиган даромад солиғи ставкалари 1 фоиз этиб белгиланди.

2025 йил 1 апрелдан даромадидан қатъи назар, фармацевтика маҳсулотлари савдоси билан шуғулланувчи ёки тиббий хизмат кўрсатувчи юридик шахслар ҚҚСни тўловчилар деб эътироф этилади.

Тадбиркорларга ташқи молия бозорларига чиқишга кўмаклашиш маркази ташкил қилинади.

Марказ тадбиркорларга халқаро молия институтлари, хорижий молия ташкилотлари ва бошқа кредит ташкилотларидан давлат кафолатисиз маблағлар жалб қилиш бўйича консалтинг хизматлар кўрсатади.

2025 йил 1 январдан:

➖божхона чегарасидан олиб чиқиладиган ҳар бир килограмм пахта ип-калаваси учун йиғим унинг экспорт нархидан 2 фоиз миқдорда, бироқ 0,05 АҚШ долларидан кўп бўлмаган миқдорда ўрнатилади;

➖божхона чегарасидан олиб чиқиладиган ҳар бир килограмм трикотаж мато учун йиғим унинг экспорт нархидан 1 фоиз миқдорда ўрнатилади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

Ўқишда бўлган ходимнинг иш ҳақи сақланадими?

@Yurist_Xizmati 4887-савол:

Men maktabda òquv ishlari bòyicha direktor òrinbosari bòlib ishlayman   hozirda ikkinchi mutaxasislikda òqiyapman. Avvalgi yillar oylik maosh saqlangan holda òqiyotgandik endi sizlarga oylik maosh tòlanmaydi deyishyapti.  Bir joyda òqib qoldim direktor bilan yozma  kelishuv qilinsa oylik maosh tòlanishi mumkin ekan. Shuni tartibi qanday biron namunasi bormi shu kelishuv qanday bòladi

ЮРИСТ ЖАВОБИ:

❗️Бу ҳолатда сизга иш ҳақи тўланмайди, фақат таътил пули берилиши мумкин.

Меҳнат кодексининг 383-моддасига асосан иш берувчи меҳнат шартномаси бўйича ишдан ажралмаган ҳолда таълим ташкилотларида ўқитилаётган, қайта тайёрлашдан ёки малака оширишдан ўтаётган, шунингдек ишлаб чиқариш таълимини ўтаётган ходимларга иш ва ўқишни бирга олиб бориш учун зарур шарт-шароитларни яратиши шарт.

Бунда ушбу кодекс 385-моддасига кўра олий ва ўрта махсус, касб-ҳунар таълими ташкилотларида кечки ёки сиртқи таълим шакли бўйича ўқиётган ходимларга лаборатория-имтиҳон сессияларида иштирок этган давр учун ўқув таътиллари:

➖олий ва ўрта махсус таълим, касб ҳунар таълими ташкилотларида сиртқи таълим шаклида ўқиётганларга эса камида қирқ календар кун муддатга ўртача иш ҳақи сақланган ҳолда ҳар йили берилади.

Мана шу қоидага кўра агар сиз биринчи марта олий таълим олаётган бўлсангиз, унда сизга юқоридаги тартибда таътил берилади ва таътил учун ўртача ойлик иш ҳақингиздан келиб чиқиб таътил пули берилади. Меҳнат кодексининг 257-моддасига асосан ходимнинг ўртача ойлик иш ҳақи ҳисобланади.

Ушбу модданинг учинчи қисмига кўра Меҳнатга ҳақ тўлашнинг вақтбай тизимидаги ходимларнинг ўртача иш ҳақи ходимнинг ўртача иш ҳақи сақланиб қоладиган ойдан олдинги охирги календарь ой учун тариф ставкаси (лавозим маоши) миқдоридан келиб чиқиб, ходимнинг ўртача иш ҳақи сақланиб қоладиган ойдан олдинги ўн икки календарь ой учун устамалар, мукофотлар ва бошқа тўловлар (ушбу Кодекс 248-моддасининг учинчи қисмида назарда тутилган иш ҳақининг қўшимча қисми) суммасининг ўн иккидан бир қисми ўртача иш ҳақига жамланган ҳолда белгиланади.

☝️Мана шу қоидага кўра ходимнинг устамалари унинг ўртача иш ҳақини ҳисоблашда қўшилади.

Энди қаранг! Меҳнат кодексининг 386-моддасига асосан:

➖ ишни ўқиш билан бирга олиб бораётган ходимларга кафолатлар ва компенсациялар биринчи марта тегишли даражадаги таълим олаётганда берилиши белгиланган.

💁‍♂ Агар сиз иккинчи марта олий таълимда ўқиётган бўлсангиз қоиданинг мазмунига кўра ўқув таътили берилади лекин бунда иш ҳақингиз сақланмайди.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

❗️Мактабларда ички тартиб деб, ўқитувчиларни навбатчиликка қўйиш тўғрими?

@Yurist_Xizmati 4886-савол:

Ассалому алайкум! Мактаб укитувчиларига навбатчилик мажбуриятини юклашнинг узи нотугри эканлигини ва бунга маъмурий жавобгарлик тугрисидаги кодексга асос жарима солинишини 4626 саволда жавоб тарикасида ёзган эдингиз. Бу борада мактабимиз директори уринбосарига укитувчиларни навбатчиликка куйиш ноконуний эканлигини айтганимда, у "ички тартибдан келиб чикиб навбатчиликка куямиз" деди. Мен тушунмадим. "Ички тартиб" дегани нима узи? Юридик жихатдан  ички тартиб юкоридан келадиган тартибдан кучлими ёки устунми? Шу жойда ким хак. Укитувчими ёки директор уринбосарими? Шу масалани аник, батафсил, конуний жихатдан асослаб берсангиз.

ЮРИСТ ЖАВОБИ:

Ички тартиб бу ички тартиб қоидалари деб аталган локал норматив ҳужжат бўлиб, ҳар бир ташкилотда мавжуд бўлади.

Қаранг! Меҳнат кодексининг 296-моддасига кўра Ички меҳнат тартиби қоидалари меҳнат тўғрисидаги қонунчиликка мувофиқ ишга қабул қилиш ва ходимлар билан тузилган меҳнат шартномасини бекор қилиш тартиби, меҳнат шартномаси тарафларининг ҳуқуқлари, мажбуриятлари ва жавобгарлиги, иш режими, дам олиш вақти, ходимларга нисбатан қўлланиладиган имтиёзлар ва жазо чоралари, шунингдек ушбу иш берувчида меҳнат муносабатларини тартибга солишга оид бошқа масалаларни тартибга солувчи ички ҳужжатдир.

‼️Бироқ сиздаги ҳолатда навбатчилик ўташ ички тартиб қоидаларига киритилган бўлса ҳам у Меҳнат кодексининг 115-моддасига кўра ҳақиқий саналмайди. Мазкур вазиятда туман прокуратурасига шикоят қилиш мумкин.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

🎗Расман: Республика "Йил мактаби — 2024" танловида ғолиб мактаблар аниқланди

Хабарингиз бор, жорий йил, 26 ноябрь куни Юрист хизмати телеграм каналида йилнинг энг яхши мактабларини аниқлаш ва уларни рағбатлантириш мақсадида ижтимоий лойиҳа сифатида "Йил мактаби — 2024" танловига старт берилганди.

Республика миқёсида "ЙИЛ МАКТАБИ — 2024" ижтимоий танловида ғолиб бўлган мактаб жамоаларини эълон қиламиз:

🥇 1-ЎРИН. Наманган вилояти, Наманган шаҳри, 13-сонли умумтаълим мактаби - 16 001 овоз;
🥈 2-ЎРИН. Фарғона вилояти, Марғилон шаҳри, 18-сонли умумтаълим мактаби - 14 289 овоз;
🥉 3-ЎРИН. Тошкент вилояти, Бекобод тумани, 46-сонли умумтаълим мактаби - 12 234 овоз.

✅ "Юрист хизмати" телеграм каналида ўтказилган ишбу ижтимоий лойиҳада мазкур 1, 2 ва 3 ўринни эгаллаган умумтаълим мактаблар Республика бўйича "ЙИЛ МАКТАБИ" деб эълон қилинади.

Танлов ғолибларига ваъда қилинган пул мукофотлари, катта миқдордаги китоблар жамланмаси ва махсус сертификатлар 2025 йилда қулай вақт бўлиши билан ташкилотчилар томонидан тантанали равишда топширилади.

"Йил мактаби — 2024" танловига овоз бериш жараёнида иштирок этган ва бизни қўллаб қувватлаган барчага ўз миннатдорчилигимизни билдирамиз

Расмий каналимиз:
👉 @Yurist_Xizmati 👈

❗️Солиқ ҳисобатини кечикиб юборганлик учун жарима тўланадими?

@Yurist_Xizmati 4885-савол:

Ассалому алейкум! Мен бухгалтер булиб ишлайман, октябрь ойи бази бир сабабларга кура солик органига кеч хисобот юбордим, шу сабабли кабенитга жарима келган 10 оклад

ЮРИСТ ЖАВОБИ:

Маълумки, Солиқ ҳисоботи – солиқ тўловчиларнинг ва солиқ агентларининг солиқ мажбуриятларини аниқлаш учун асос бўлиб хизмат қиладиган ҳужжатлардир.

Бунда Солиқ ҳисоботларига қуйидагилар киради:

➖ солиқ тўловчининг ҳар бир солиқ тури ёки тўланган даромадлар бўйича ҳисоб-китоблари
➖ солиқ декларациялари
➖ солиқ ҳисоб-китобларига ҳамда солиқ декларацияларига доир иловалар.

❗️Солиқ кодекси 86-моддасига кўра солиқ мажбурияти солиқ тўғрисидаги қонунчиликда белгиланган муддатда бажарилиши керак.

Ўзбекистон Республикасининг Маʼмурий жавобгарлик тўғрисидаги кодексининг 175-моддасига мувофиқ, Солиқ солинадиган обектларнинг ҳисобини олиб бормаслик ёхуд белгиланган тартибини бузган ҳолда олиб бориш базавий ҳисоблаш миқдорининг 1 бараваридан 3 баравари (375 000 сўмдан 1 125 000 сўм)гача миқдорда жарима солишга сабаб бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, базавий ҳисоблаш миқдорининг уч бараваридан ўн баравари (1 125 000 сўмдан 3 750 000 сўм)гача миқдорда жарима солишга сабаб бўлади.

💁‍♂ Бу ҳолатда сизга маъмурий судга ушбу жаримани камайтиришни сўраб мурожаат қилишни тавсия қиламиз.

Бунда юқоридаги кодекс 31-моддасига асосан Маъмурий жавобгарликни енгиллаштирувчи ҳолатлар жумласига қуйидагилар киради:

1) айбдорнинг ўз қилмишидан чин кўнгилдан пушаймон бўлиши;
2) айбдорнинг ҳуқуқбузарликнинг зарарли оқибатлари олдини олиши, етказилган зиённи ихтиёрий равишда тўлаши ёки келтирилган зарарни бартараф қилиши;
3) ҳуқуқбузарликнинг кучли руҳий ҳаяжон таъсири остида ёки оғир шахсий, оилавий ёхуд бошқа шароитлар юзага келганлиги оқибатида содир этилиши;
4) ҳуқуқбузарликнинг таҳдид ёки мажбурлов таъсирида ёхуд хизмат юзасидан, моддий ёки бошқа жиҳатдан қарамлиги таъсири остида содир этилиши;
5) ҳуқуқбузарликнинг вояга етмаган шахс томонидан содир этилиши;
6) ҳуқуқбузарликнинг ҳомиладор аёл ёки ўн тўрт ёшгача бўлган боласини якка ўзи тарбиялаётган шахс томонидан содир этилиши.

✅ Сиз ҳам аризада юқоридагилардан мосини келтириб, жазони енгилаштиришни сўрашингиз мумкин.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

❗️Янги йил арафаси, яъни 30 декабрдан 2025 йил 3 январгача свет ўчирилмайди

Янги раис ўз ишини яхши хабар билан бошлади

“Ҳудудий электр тармоқлари” акциядорлик жамияти бошқаруви раиси Асроржон Асқаров янги йил ва байрам кунлари – 2024 йил 30 декабрдан 2025 йил 3 январгача истеъмолчиларни барқарор электр энергияси билан таъминлашга бағишланган электр тармоқлари штабининг йиғилишини ўтказди.

Унга кўра, 30 декабрдан 3 январга қадар “Ҳудудий электр тармоқлари” акциядорлик жамияти томонидан барча энергетика обектларида “технологик осойишталик” яъни, электр қурилмаларида режали таъмилаш ишлари амалга оширилмаслик режими жорий этилмоқда.

Агар Сиз байрам кунлари электр энергияси таъминоти бўйича қандайдир муаммога дуч келсангиз, электр энергияси таъминоти юзасидан 1154 қисқа рақамига, шунингдек, “Telegram”даги @het_admin администраторга мурожаат қилишингиз мумкин.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

#Эслатма

Эртага, 29 декабрдан мактабларда қишки таътил бошланади

Бугун II чорак дарс жараёнларининг охирги куни

✅ III чорак дарслари эса 2025 йил 13 январдан бошланади

Ота-оналар, ўқувчилар ва педагогларга қулайлик яратиш ҳамда ўқув жараёнларининг узлуксизлигини таъминлаш мақсадида қишки таътил кунлари 2024 йил 29 декабрдан бошланиб, 2025 йил 11 январга қадар давом этади.

Бунда мактабларда 2025 йил 11 январь (шанба) кунига белгиланган дарслар 2024 йил 28 декабрь (шанба) кунига ўтказилади ҳамда ўқув йилининг 3-чораги 2025 йил 13 январь (душанба)дан бошланади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

#Эслатма

⚡️Расман: 2024 йил 28 декабрдан 2025 йил 3 январгача дам олиш куни этиб белгиланди

“Янги йил байрамини нишонлаш даврида қўшимча ишланмайдиган кунни белгилаш ва дам олиш кунини кўчириш тўғрисида”ги Президент қарори (452-сон, 24.12.2024 й.) қабул қилинди 

✅ Қарорга кўра,  2025 йилда 5 кунлик иш ҳафтасида ишлайдиган ходимлар учун дам олиш куни 4 январь – шанба кунидан 2 январь – пайшанба кунига кўчирилди ҳамда 6 кунлик иш ҳафтасида ишлайдиган ходимлар учун 2 январь – пайшанба қўшимча дам олиш куни этиб белгиланди.

Янги йил байрами арафасида қуйидаги кунлар дам олинади:

➖28 декабрь (шанба) — 5 кунлик иш ҳафтасида ишлайдиган ходимлар учун дам олиш куни (6 кунлик иш ҳафтасида ишлайдиган ходимлар учун иш куни);
➖29 декабрь (якшанба) — умумий дам олиш куни;
➖30 декабрь (душанба) — қўшимча дам олиш куни;
➖31 декабрь (сешанба) — қўшимча дам олиш куни;
➖1 январь (чоршанба) — Янги йил байрами;
➖2 январь (пайшанба) — 5 кунлик иш ҳафтасида ишлайдиган ходимлар учун дам олиш куни, 6 кунлик иш ҳафтасида ишлайдиган ходимлар учун қўшимча дам олиш куни.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

Ўқитувчига хурматсизлик қилган ўқувчиларга қандай чора кўриш мумкин?

@Yurist_Xizmati 4884-савол:

Assalomu alaykum. Men o’qtuvchiman. Bugun maktabda 11 sinflar uchun nazorat ishi  oldim,  bir o’quvchi birinchi navbatda 20 minut kechikib kirdi, so’ng  nazorat ishini yozlasligini aytti  xohlagan bahongizni qo’ying deb menga tahdid qildi. savolim shundan iboratki men bunday o’quvchiga qanday qonuniy chora ko’rishim kerak. Javob uchun oldindan rahmat.

ЮРИСТ ЖАВОБИ:

Ўқувчига сиз қонуний чора кўра олмайсиз. Бундай ҳолатда сиз мактаб психологи, ЎИБДЎ ва бошқа раҳбар ходимларни чақириб, далолатнома тузишингиз ва шу асосда ўқувчининг ота-онасини чақиртиришингиз мумкин.

Шунингдек, ушбу ҳолат юзасидан мактабга масъул бўлган миллий гвардия бўлимига ёки участка инспекторига ариза беришингиз мумкин.

❗️Бу вазиятда ўқувчига эмас, унинг ота-онасига нисбатан маъмурий жавобгарлик чораси қўлланилади.

Таълим тўғрисидаги қонуннинг 51-моддасига мувофиқ вояга етмаган таълим олувчиларнинг ота-онаси ва бошқа қонуний вакиллари боланинг ўқиши, тарбияланиши, жисмоний, маънавий ва интеллектуал ривожланиши учун масъулдир.

Шу билан бирга ушбу модданинг тўртинчи қисмига кўра вояга етмаган таълим олувчиларнинг ота-онаси ва бошқа қонуний вакиллари:

👉 болаларининг умумий ўрта, ўрта махсус таълим ёки бошланғич профессионал таълим олишини таъминлаши;
👉 болаларининг ўқув машғулотларига қатнашишини таъминлаш ва ўзлаштириши устидан назоратни амалга ошириш шарт.

💁‍♂ Шуни ҳам айтиш керакки, агар ота-она мазкур мажбуриятларни бажармаса ёки бўйин товласа, бундай ҳолатда уларга нисбатан Маъмурий жавобгарлик тўғрисидаги кодекс 47-моддасига мувофиқ ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши:
➖базавий ҳисоблаш миқдорининг 1 бараваридан 5 баравари (375 000 сўмдан 1 875 000 сўм)гача миқдорда жарима солишга сабаб бўлади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

⚡️Мактаб директори ва ўринбосарининг ойлик иш ҳақи 2 баробарга оширилади

2025-2026 ўқув йилидан бошлаб мактаб ва мактабгача таълим муассасалари директорлари, мактаб директори ўринбосарларининг иш ҳақи миқдорлари оширилади.

Шунингдек, 2026 йилдан бошлаб мактаб директорлари ва уларнинг ўринбосарларига фаолият самарадорлиги натижаларига кўра қўшимча устамалар жорий этилиши режалаштирилмоқда.

Бундан ташқари, Мактабгача ва мактаб таълими тизимидаги бошқарув ходимларининг лавозим маошларига узоқ муддат ишлаганлиги учун ҳар ойлик устама ҳамда бошқа қўшимча тўловлар тўланиши йўлга қўйилади.

Мактабгача ва мактаб таълими вазирининг таъкидлашича, мактаб директорларининг ойлик маоши 20 фоизгача оширилади. Агар улар “Директорлар мактабидан” ўтса, ойлик маошлари яна 50 фоизга оширилиши ҳисобига уларнинг маошини икки баробар оширишга эришилади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

Агар қарздор ҳеч қаерда ишламаса, алиментни қанча миқдорда ва ҳар ойни қайси санасигача тўлаши керак?

@Yurist_Xizmati 4883-савол:

Agar qarzdor hech qayerda ishlamasa Aliment va moddiy taminotni qancha miqdorda va har oyning qaysi sanasida tolashi kerak? Agar tolov kechiksa qande undirsam boladi? MIB ham telefonimga javob bermayapti qayerga murojaat qisam boladi

ЮРИСТ ЖАВОБИ:

❗️Оила кодексининг 96-моддасида ҳар бир ота-она ўзининг вояга етмаган фарзанди учун алимент тўлаши шарт эканлиги белгиланган.

☝️Мана шу қоидаларга кўра ота алимент тўлашдан бош торта олмайди. Боланинг манфаатлари учун ота-онадан алимент ундиришда уларнинг иш жойига эгалиги аҳамиятга эга эмас.

Оила кодексининг 99-моддасига биноан алимент тўлови агарда ота она ўртасида алоҳида келишув мавжуд бўлмаса суд томонидан болалар сонига қараб белгиланади.

Ота-онанинг ҳар ойдаги иш ҳақи ва (ёки) бошқа даромадининг:

👉 бир бола учун — тўртдан бир қисми;
👉 икки бола учун — учдан бир қисми;
👉 уч ва ундан ортиқ бола учун — ярмиси миқдорида ундирилади. 

Бунда ҳар бир бола учун ундириладиган алимент миқдори қонунчилик билан белгиланган меҳнатга ҳақ тўлаш энг кам миқдорининг 26,5 фоизидан кам бўлмаслиги керак.

Ҳозирда меҳнатга ҳақ тўлаш энг кам миқдори 1 155 000 эканлигини ҳисобга олсак, энг кам алимент миқдори 306 075 сўмни ташкил этиши керак. 

🙅‍♂ Алиментни тўлаш муддатига оид алоҳида қоида йўқ. Бунда алимент ҳар ойлик тўлов ҳисоблангани боис уни тўлов муддати алимент тўловчининг иш ҳақи ёки даромадларини олиш муддатига боғлиқ бўлади.

✅ Шунга кўра бу ҳолатда алимент қарздорлигини ундириш учун МИБга мурожаат қилишингиз лозим.

Бунда Ўзбекистон Республикаси Президентининг 2017-йил 30-майдаги ПҚ–3016-сон қарорига 4-илова билан тасдиқланган “Ўзбекистон Республикаси Бош прокуратураси ҳузуридаги Мажбурий ижро бюроси тўғрисида”ги низомга 9-бандига мувофиқ суд ҳужжатлари ва бошқа органлар ҳужжатларининг сўзсиз ижросини таъминлаш, ижро ҳужжатлари ҳамда ундирилган маблағларнинг ҳаққоний ҳисобини юритиш, ижро иши юритишда сансалорлик ва суистеъмолчилик ҳолатларини олдини олиш Мажбурий ижро бюроси (МИБ)нинг асосий вазифаларидан бири ҳисобланади.

Шунингдек, низомнинг 12-бандига кўра суд ҳужжатлари ва бошқа органлар ҳужжатларнинг ўз вақтида ва тўлиқ ижро этилишини таъминлаш соҳада МИБ жавобгар ҳисобланади.

Ушбу қоиданинг мазмунига кўра суд қарорларини ижро этишга ваколатли ва мажбуриятли орган бу МИБ. Шунга кўра ижрочи сиздаги ҳолат бўйича суд ҳужжатини ундай қандай тартибда ёзилган бўлса, шундай тартибда ижро этиши керак.

✅ Бу ҳолатда сиз МИБ давлат ижрочисининг ҳаракатсизлиги устидан туман прокуратурасига шикоят қилишингиз мумкин.

❗️Энди турмуш ўртоғингизнинг алимент тўламаганлиги масласига келсак, Маъмурий жавобгарлик тўғрисидаги кодекс 47-4(прим)-моддасига кўра моддий ёрдамга муҳтож бўлган вояга етмаган ёки меҳнатга лаёқатсиз шахсни моддий таъминлашдан бўйин товлаш, яъни уларни моддий жиҳатдан таъминлаш учун суднинг ҳал қилув қарорига ёки суд буйруғига биноан ундирилиши лозим бўлган маблағни жами бўлиб икки ойдан ортиқ муддат мобайнида тўламаслик:
➖ ўн беш сутка муддатга маъмурий қамоққа олишга ёки ушбу Кодексга мувофиқ маъмурий қамоқ қўлланилиши мумкин бўлмаган шахсларга базавий ҳисоблаш миқдорининг 20 баравари (7 500 000 сўм) миқдорида жарима солишга сабаб бўлади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

⚡️Ўз маблағлари ҳисобидан нодавлат мактаб қурадиганларга солиқ имтиёзлари берилмоқда

Қонун (ЎРҚ-1013-сон, 24.12.2024-й.) билан Солиқ кодексига ўзгартиришлар ва қўшимча киритилди

🏢 Унга кўра, ўз маблағлари ҳисобидан нодавлат умумий ўрта таълим ташкилотларининг биноларини қуриш билан боғлиқ бўлган харажатларга нисбатан фойда солиғи бўйича вақтинчалик (2025 йил 1 январдан 2030 йил 1 январгача) солиқ имтиёзлари берилмоқда.

❕Эслатиб ўтамиз, Президентнинг 2024 йил 24 ноябрдаги 403-сонли билан Нодавлат боғча ва мактаблар 2030 йилгача барча турдаги солиқ ва йиғимлардан озод қилинган эди.

📩 Юристга савол юбориш

Расмий каналимиз:
👉 @Yurist_Xizmati 👈

Қорақалпоғистон илмий-амалий тиббиёт академияси ташкил этилади

“Қорақалпоғистон илмий-амалий тиббиёт академиясини ташкил этишга оид чора-тадбирлар тўғрисида”ги Президент қарори (ПҚ-453-сон, 24.12.2024 й.) қабул қилинди

Қарорга кўра, қуйидагилар ташкил этилади:

➖юридик шахс мақомига эга бўлган Қорақалпоғистон илмий-амалий тиббиёт академияси;
➖Академия таркибида илмий-тадқиқот лабораторияси, ўқув-симуляцион марказ ва меҳмонхона.

Нукус шаҳрида жойлашган давлат ва нодавлат даволаш-профилактика муассасалари Академиянинг клиник базаси ҳисобланади.

Қуйидагилар Академия фаолиятининг асосий йўналишлари этиб белгиланди, жумладан:

▪️тиббиёт кадрларини қайта тайёрлаш ва малакасини ошириш;
▪️ташхислаш ва даволашнинг юқори технологияли инновацион усулларини амалиётга жорий этиш;
▪️телемедицина технологияларидан кенг фойдаланиш учун шароитлар яратиш.

2025/2026 ўқув йилидан Академияда клиник ординатурада юқори малакали тиббиёт кадрларини тайёрлаш йўлга қўйилади.

2025 йил 1 октябрдан Академия фаолияти тўлиқ йўлга қўйилади.

📩 Юристга савол юбориш

Расмий каналимиз:
👉 @Yurist_Xizmati 👈