Yurisprudensiya

Ma'lumot uchun, Adliya tizimidagi xodimlarning oylik ish haqisi hozirgi kunda o'rtacha ish haqidan balandroq (hokimiyatda ishlovchilar o'rtacha 2-3 million so'm oylik olishadi) Adliya tizimidagi xodimlarga esa, 6 ta bayram puli (bir okladan), 4 ta kvartal uchun mukofot pullari va har yili kartoshka puli berilishi aytilmoqda.

Kanalga a'zo bo'lish uchun
👉Yurisprudensiya

Adliya Vazirligi diqqatiga!

So'nggi ikki-uch kun davomida Vazirlik tizimida ishlovchi xodimlardan bir nechta murojaatlar kelib tushdi. Shulardan biri o'zgartirishsiz havola etilmoqda:

Assalomu aleykum admin. Bir masalani chiqarishda yordam bersangiz zora murojaatimiz Adliya vazirligi raxbariyatiga yetib borib quyi tizim xodimlariga ozroq boʻlsa yordam berishsa. HMQO ichida oylik ish haqi eng kami Adliya vazirligi quyi tuzilmalari tuman adliya boʻlimi xodimlariniki. Asosiy ishni quyi tizim qilsada oylik ish haqimiz 5-6 mln atrofida. Vazirlik xodimlari: katta maslaxatchi 15-16 mln, bosh maslaxatchi 23-24 mln oylik ish xaqi oladigan bir vaqtda asosiy ishni qilib quyi tizimda ishlayotgan xodimlarning bir necha baravar oylik ish haqi olishi asosi “Adolat” soʻzidan olingan Adliya tizimi uchun qanchalik adolatli?! Qachon bizning oylik ish haqimiz Vazirlik xodimlari oyligining yarmiga tenglashadi. Aybimiz tumanda ishlaganimizmi?! Prezidentning 24.05.2024-yildagi PF-80 qarori bilan yana qoʻshimcha vazifalar yuklandi lekin xodimlarning oylik ish haqlari hamon oʻzgargani yoʻq. Mahallalarda uyma-uy yuribmiz transport xarajatlari ham oʻz choʻntagimizdan. Yangi yil munosabati bilan faqat Markaziy apparat xodimlariga mukofot puli beriladi lekin biz tuman xodimlari uchun bayram puli berilmas ekan. Vazirlik uchun tuman xodimlarining qadri yoʻqmi? yoki bayram faqat Vazirlik xodimlari uchunmi?!

Kanalga a'zo bo'lish uchun
👉Yurisprudensiya

Adliya Vazirligi tomonidan ishlab chiqilgan sun'iy intellekt, Lex.uz bilan integratsiya qilinib, LexIA deb nomlandi

Bu yangi tizimning asosiy afzalligi shundaki, endi sun'iy intellekt huquqiy savollarga, ya'ni kazuslarga, amaldagi qonunchilik asosida javob bera oladi. Bu jarayonning samarali tomoni shundaki, oldinlari yuzaga kelgan xatoliklar yoki eski ma'lumotlar endi mavjud emas. LexIA har doim yangilangan, to'g'ri va ishonchli qonuniy ma'lumotlarni taqdim etadi, bu esa foydalanuvchilarga aniq va to'g'ri javob olish imkonini beradi.

Yurisprudensiya yo'nalishida o'qiydigan abituriyentlarga ham ancha yengilik bo'libdi)

Butun boshli Lex.uz dagi ma'lumotlarni aniq va tiniq biladigan LexIA va faqatgina 3-4 ta kodeksni mazmunini biladigan yuristlar o'rtasidagi raqobatni rasman ochiq deb e'lon qilamiz! )

Kanalga aʼzo bo'lish uchun
👉 Yurisprudensiya

Adliya vazirligi zamonaviy texnologiyalarni faol joriy etib, sun’iy intellektdan foydalanishni boshladi.

Endi situatsion markaz orqali tizimdagi xodimlarning odob-axloqi, mehnat intizomi, ishga kelish-ketish vaqtlarini nazorat qilish va tahlil qilish sun’iy intellekt yordamida amalga oshiriladi.

Shuningdek, ayrim davlat xizmatlarini ko‘rsatish jarayonlari ham avtomatlashtiriladi. Bu fuqarolar uchun tezkor, aniq va shaffof xizmat ko‘rsatishni ta’minlaydi. Sun’iy intellektning joriy qilinishi nafaqat ichki jarayonlarni samarali boshqarishga, balki aholiga qulaylik yaratishga xizmat qiladi.

Kanalga a'zo bo'lish uchun
👉 Yurisprudensiya

Yurist obunachimiz quyidagicha savol bermoqda: sun’iy intellekt yuristlarning o‘rnini qanday bosishi mumkin?

Yuristlarning asosiy vazifasi hujjat tayyorlash va huquqiy masalalarda maslahat berishdir. Masalan, shaxs o‘zining huquqiy muammosi yuzasidan sudga murojaat qilmoqchi yoki yaqin kishisining ishi ko‘rib chiqilayotgan bo‘lsa, sun’iy intellektga muammoning tafsilotlarini kiritish orqali yordam olish mumkin. Unga “Protsessual harakatlarda qanday qadamlarni amalga oshirish kerak? Nimalarni vaj qilib ko‘rsatish lozim? Qaysi moddalarga asoslanib jazoni yengillashtirish yoki undan qutilish mumkin?” degan mazmunda savollar beriladi.

O‘ylash mumkinki, yaqin kelajakda sun’iy intellekt bu savollarga aniq, asosli va batafsil javob bera oladi. Natijada, advokatlarga bo‘lgan ehtiyoj sezilarli darajada kamayishi ehtimoldan holi emas. Hozirgi kunda advokatlar oddiy bir ariza yoki shikoyat tayyorlab berish uchun 400-500 ming so‘m xizmat haqi olishadi. Kelajakda esa sun’iy intellekt bu kabi arizalar, shikoyatlar va iltimosnomalarni mutlaqo bepul tayyorlab beradi. Foydalanuvchilardan esa shunchaki oxirida “Rahmat” deyish kifoya bo‘ladi.

Shu bilan birga, advokatlik faoliyati oddiy hujjat tayyorlashdan iborat bo‘lmagan holatlarda, murakkab va ijodiy yondashuvni talab qiladigan masalalarda insoniy omilning o‘rni saqlanib qoladi. Demak, yurist va advokatlar uchun kelajakda ijodkorlik, strategik fikrlash va sun’iy intellekt bilan hamkorlik qilish ko‘nikmalari muhim ahamiyat kasb etadi.

Kanalga a'zo bo'lish uchun
👉 Yurisprudensiya

Sanoat inqilobi davrida ko‘pchilik ishsiz qolgan bo‘lsa, endigi inqilob – sun’iy intellekt

U inson mehnatini nafaqat qo‘l bilan, balki aql bilan ham almashtirmoqda. U och qolmaydi, charchamaydi, va eng muhimi – oylik to‘lash shart emas. Shu sabab, ko‘plab kasblarga, jumladan yuristlarga bo‘lgan talab ham kamayadi. Sun’iy intellekt tezkor, arzon va samarali yechim sifatida ish beruvchilar uchun afzaldir.

Shunaqa gaplar, endi faqat “Qor to‘xtadimi?” deb o‘tirib qolmasak bo‘lgani)

Kanalga a'zo bo'lish uchun
👉 Yurisprudensiya

⚡️Ichki ishlar Akademiyasiga qabul boshlandi

Nomzodlar O‘zbekiston Respublikasi fuqarosi bo‘lishi, 17 yoshdan kichik (qabul yilida 17 yoshga to‘ladiganlar) va 25 yoshdan katta bo‘lmasligi (shu jumladan, 25 yoshdagilar), umumiy o‘rta, o‘rta maxsus va professional ma‘lumotga ega bo‘lishi kerak.

Erkaklarning bo‘yi 165 santimetrdan, ayollar bo‘yi 160 santimetrdan past bo‘lmasligi lozim.

Maxsus kasbiy tanlovdan muvaffaqiyatli o‘tgan nomzod yakka tartibdagi yakuniy suhbatga qo‘yiladi. Yakka tartibdagi yakuniy suhbat huquqshunoslik, O‘zbekiston tarixi, tarbiya fanlari bo‘yicha o‘tkaziladi. O‘z navbatida, yuqoridagi bosqichlardan muvaffaqiyatli o‘tgan nomzodlargina o‘qishga qabul qilinadi.

❗️Qabul 15-fevralga qadar davom etadi

Kanalga a'zo bo'lish uchun
👉 Yurisprudensiya

Mahallalarni, yoshlarni, ko'chatlarni va hokazolarni otaliqqa olish tizimini o'ylab topgan odamning haqqiga duo qilib qo'ying. Bu tizimning bir tiyinga qimmat ekanligini hamma juda yaxshi biladi, lekin mansabdan ayrilib qolmaslik uchun filni ham uchirib ko'rsatishdan qaytishmaydi.

Kanalga a'zo bo'lish uchun
👉 Yurisprudensiya

Davlat xizmatchilari diqqatiga!

Ertalabdan kechgacha rahbariyatga ma'qul bo'lish uchun sog'lig'ingiz, vaqtingiz va asablaringizni qurbon qilmang. Hech qachon unutmang, qancha mehnat qilishingizdan qat'i nazar, agar sog'lig'ingiz yomonlashsa, siz bilan tezda xayrlashishadi.

Ish muhim, lekin sog'lik undan ham muhimroq. O'zingizga g'amxo'rlik qiling, chunki faqat sog'lom inson yaxshi natijalarga erisha oladi va boshqalarga ham kerak bo'ladi. Dam olishga, oilangiz bilan vaqt o'tkazishga va o'zingizni tiklashga vaqt ajrating – hayot faqat ishlashdan iborat emas!

Kanalga a'zo bo'lish uchun
👉 Yurisprudensiya

Mahalla xodimlarining bir oy davomida qilishi kerak bo'lgan vazifalari:

- mahalla raisi har haftada kamida bir marta mahallada hashar o'tkazishi va bir oyda bir marta "mahalla nazorati" a'zolariga hisobot berishi;

- hokim yordamchisi bir oy davomida kamida 10 nafar fuqaroni doimiy ish bilan ta'minlashi;

- yoshlar yetakchisi bir oy davomida kamida 20 nafar yoshni sport va boshqa tadbirlarga jalb etishi;

- xotin-qizlar faoli bir oy davomida kamida 5 nafar xotin-qizlarni kasanchilikka o'qitishi kerak;


Kanalga a'zo bo'lish uchun
👉 Yurisprudensiya

Maktabgacha va maktab vazirligi hamda Iqtisodiyot va moliya vazirligi diqqatiga

Men kadrlar bo‘yicha menejer lavozimida ishlayman va maktabda faoliyat yuritaman. Ushbu murojaatni respublika kadrlari nomidan yo‘llashga jazm qildim, chunki muammo faqat shaxsiy emas, balki tizimli muammolarni o‘z ichiga oladi.

Biz E-huquqshunos, EDO, Ijro.gov, May.mehnat.uz va Uzasbo2 kabi tizimlarda ishlaymiz. Har kuni ertalab soat 8:30 dan kech soat 17:00 gacha, ba’zan undan ham uzoq vaqt davomida ishlashga majburmiz. Ish hajmi juda yuqori, mas’uliyatimiz esa tobora ortib bormoqda. Yaqinda tabel ma’lumotlarini kiritish vazifasi ham bizning zimmmamizga yuklatildi. Natijada javobgarlik darajamiz oshib, ish yukimiz ortdi.

Ammo, shunga qaramay, maoshimiz atigi 1 500 000 so‘mni tashkil qiladi. Bu miqdor nafaqat qilayotgan mehnatimiz, balki kundalik hayot kechirishga yetarli darajada emas. Bizning harakatlarimiz maktab tizimining barqaror ishlashiga xizmat qiladi, lekin oladigan maoshimiz buni mutlaqo aks ettirmaydi.

Savol tug‘iladi: qayerga murojaat qilsak, ushbu muammo ko‘rib chiqiladi? Maoshimizni oshirish bo‘yicha chora ko‘rish imkoniyati bormi? Xodimlarning moddiy va mehnat sharoitlari haqida kim qayg‘uradi?

Bizni doimiy ravishda yangi vazifalar bilan yuklash, lekin moddiy rag‘batlantirishni unutish nafaqat xodimlarning ruhiyatiga, balki ish sifati va samaradorligiga ham ta’sir ko‘rsatadi. Maktab tizimida ishlayotgan har bir xodim, xususan, kadrlar bo‘yicha menejerlar yetarlicha e’tiborga va munosib rag‘batga loyiq, deb hisoblaymiz.

Hurmat bilan,
Kadrlar bo‘yicha menejer.

Kanalga a'zo bo'lish uchun
👉 Yurisprudensiya