Yuridik Maslahat-24 Tijoriy Tashkiloti “YKK” Markazi

МЕРОС ҚАНДАЙ ТАҚСИМЛАНАДИ?

Фуқаролик кодексининг 1134-моддасига кўра, Қонун бўйича меросхўрлар ворисликка ушбу Кодекснинг 1135–1141-моддаларида назарда тутилган навбат тартибида чақириладилар.
Қонун бўйича ворисликда фарзандликка олинган шахс ва унинг авлодлари, бир тарафдан, фарзандликка олувчи шахс ва унинг қариндошлари, иккинчи тарафдан, туғишган қариндошларга тенглаштириладилар.

ФКнинг 1135-моддасига кўра, Мерос қолдирувчининг болалари, (яъни отангиз, аммаларингиз), шу жумладан фарзандликка олинган болалари, эри (хотини- бувингиз(тирик бўлса)) ва ота-онаси (фарзандликка олувчилар) тенг улушларда қонун бўйича биринчи навбатдаги ворислик ҳуқуқига эга бўладилар. Мерос қолдирувчининг вафотидан кейин туғилган болалари ҳам биринчи навбатдаги ворислар жумласига кирадилар.

Яъни, 1135-моддада келтирилган шахслар: отангиз ва аммаларингиз биринчи навбатдаги меросхўр ҳисобланишади ва меросдан тенг улуш олишлари керак эди.

Эътибор беринг: ФКнинг 1140-моддасига кўра, Тақдим қилиш ҳуқуқи бўйича ворислик қонун бўйича меросхўр мерос очилгунга қадар вафот этган тақдирда( яъни отангиз мерос иши қўзгатилгунига қадар вафот этганлиги) унга тегишли улуш унинг авлодларига ўтишини назарда тутади(яъни отангизга тегишли бўлган меросдаги улуш сизларга ўтади) бунда улуш тақдим қилинаётган қонун бўйича меросхўр билан бир хил даражада қариндош бўлган авлодлар ўртасида тенг тақсимланади (яъни отангизга тегишли улуш, сиз, опангиз ва онангиз ўртангизда тенг тақсимланади). Бола, невара, чевара, эвара меросхўрлигида тақдим қилиш ҳуқуқи қариндошлик даражаси чекланмаган ҳолда амал қилади.

Мерос иши очиш учун мерос объекти жойлашган ердаги нотариусга аммаларингиз билан боришларингиз керак. Агар аммаларингиз у уйни сизларга бермоқчи бўлса, шу нотариус орқали меросдаги ўз улушларидан воз кечишлари лозим. Шундагина, сизлар уйни ўз номингизга давлат рўйхатидан ўтказишингиз мумкин. https://t.me/Yuridik_Maslahat24

#МУХИММАЪЛУМОТ

Корхонага қисқартириш келганида кимлар ишда қолиши керак.

Аввало имтиёзли ҳуқуқ ишхонада малакаси ва меҳнат унумдорлиги юқорироқ бўлган ходимларга берилади.

Малакаси ва меҳнат унумдорлиги бир хил бўлган тақдирда қуйидагиларга афзаллик берилади:

👉 қарамоғида икки ёки ундан ортиқ киши бўлган ходимларга;
👉 оиласида мустақил иш ҳақи олувчи бошқа ходимлар мавжуд бўлмаган шахсларга;
👉 мазкур иш берувчидаги узоқ муддатли иш стажига эга бўлган ходимларга;
👉 ишлаб чиқаришдан ажралмаган ҳолда олий ва ўрта махсус, профессионал таълим ташкилотларида меҳнат шартномасига кўра тегишли мутахассислик бўйича ўз малакасини ошираётган ходимларга ҳамда ишлаб чиқаришдан ажралган ҳолда олий ва ўрта махсус, профессионал таълим ташкилотларини тамомлаган шахсларга ўқишни тамомлаганидан кейин мутахассислиги бўйича ишлаш шарти билан уч йил мобайнида;
👉  ушбу ташкилотда меҳнатда майиб бўлган ёки касб касаллигига учраган шахсларга;
ногиронлиги бўлган шахсларга;
👉 меҳнатдаги ютуқлари учун рағбатлантиришларга эга бўлган ва интизомий жазоларга эга бўлмаган ходимларга;

Бир нарсага этибор бериш керак. Юқоридаги кетма-кетли аҳамиятга эга эмас. Мазкур модданинг 3-қисмида шундай дейилган: "Малака ва меҳнат унумдорлиги тенг бўлган тақдирда, ҳисобга олинадиган аксарият ҳолатлар сони бўйича афзалликка эга бўлган ходим ишда қолишга доир имтиёзли ҳуқуқдан фойдаланади. Бу ҳолатларнинг ушбу модда иккинчи қисмида санаб ўтилган кетма-кетлиги аҳамиятга эга эмас"

https://t.me/Yuridik_Maslahat24