Yorqinjon domla rohimahulloh

​Йигит ва қизлар биргаликда зиёфат қилиб ўтириши

12:35 / 03.03.2014 | IBROHIM1996 | 1783

Ёшим 18 да. Ҳудо ҳоҳласа синфдошлар билан биргаликда сумалак қилиш ниятидамиз. Аммо отам менга руҳсат бермоқчи эмаслар. Сабаби, “энди сизлар вояга етдингиз, биргаликда ўтиришингиз маъқул эмас. Бундан ташқари бирор йигит ёки қиз номаъқул бирор ҳаракат қилиши ёки шуни ҳаёлига келтирган бўлиши мумкин. Шунда улар билан бир даврада бўлганинг учун сен ҳам гуноҳкор бўласан” деяптилар. Лекин мен алҳамдулиллаҳ бундай ўй ҳаёллардан йироқман ва синфдошларим орасида ҳам бундайлар йўқлигига ишонаман, валлоҳу аълам. Айтингчи, йигит ва қизлар биргаликда йиғилиб ўтиришимиз мумкими? Шариатимизда бунга таъқиқ йўқми? Жавобингизни интизорлик билан кутиб қоламан. Аллоҳ сиздан рози бўлсин.

Шайх Муҳаммад Содиқ Муҳаммад Юсуф роҳимаҳуллоҳ:

Бундай қилиш мумкин эмас. Қизлар алоҳида, йигитлар алоҳида ўтирсинлар. Ҳозирги ноқулайликларнинг барчаси шунга ўхшаш нарсалардан чиқади

©https://savollar.islom.uz/s/24118

✅ ИЖТИМОИЙ ТАРМОҚЛАРИМИЗ:👇
Telegram | Instagram | TikTok

​Илм талабида ўтган кунларини ва шайхлардан илм олиш сафарларини зикр қилган пайтларида кўп марта менга айтардилар: “Талабаларнинг аксари шариат илмларидан гапдонликка ишқибоз эдилар. Уларнинг бор ғамлари қийин масалаларни ҳал қилишда ва фиқҳий алғоз (топишмоқ)ларни ечишда тенгдошларига мақтаниш эди. Аммо менинг эътиборим ишончли матнларини ёдлаш ва белгиланган китобларни ўрганишга қўшимча бошқа нарсаларга ҳам эди...

Бор эҳтимомимни Қуръон тартили ва тажвидига қаратдим. Ичимда ғойибона уни ёдлашни орзу этардим. Амалда шундай бўлди ҳам, Қуръон ҳифзини жуда эрта бошладим. Фиқҳ илмидан сулукимга тегишли ибодатлар ва ҳукмларини ўрганишга эътибор қаратдим. Тасаввуф китоблари мени ўзига тортарди. Имом Ғаззолийнинг “Иҳёу улумид-дин” китоблари қўлга киритган ва ўқишга муккасидан кетган китобларимнинг аввалгиларидан эди. Шунингдек набавий сийратни ўрганишга ҳам шўнғигандим. Кўнглимда нафл тоат- ибодатларга рағбат уйғонганди. Энг катта орзуим бар вақтга эга бўлсамда, у сабабли тунги намозга ёрдам олсам эди. Менинг бу орзуим рўёбга чиққач, у мислиз хурсандчилигимга боис бўлди.
Талабаларнинг аксари менинг бу ишларимни масхара қилишарди. Мени чуқур кетиш, такаллуф қилиш ва баъзида катта шайхларга тақлидда айблашарди. Мени бу йўлга ўтганимни улар матнларни ёдлашда ва илмий масалаларни ечиш, муаммо ва ишораларни ҳал қилишда улар билан тенглаша олмаслигимдан деб билишарди.”
Отам сўзларида давом этадилар: “Ҳақиқатда бошқа мажбуриятларимдан ташқари мен кўп вақтимни Қуръон тиловати, зикрлар ва вирдларни ёдлаш, нафл ибодатлар ва тун намозига сарфлар эдим. Талабалар эса вақтларининг ҳаммасини матнларни ёдлашга, дарсларини тайёрлаш ва такрорлашга ишлатишарди. Бундан келиб чиқиб мен улардан илмий малака, масала ва ҳукмларни ёдлашда ортда қолишим керак эди. Фикримча бир муддат шундай бўлди ҳам. Шайхлару толиблар наздида мен малака ва имконияти чекланган бола эдим. Кунлардан бир кун шайхлардан бири (отам менга бу шайхнинг исмини айтгандилар, афсус мен унутиб қўйдим. – муаллиф) навбат билан ҳаммамизга савол бериб, имтиҳон қила бошлади. Менга юзланиб мураккаб иборалардан хоҳлаганича савол бера бошлаганда, Аллоҳ мени тўғри жавобларга илҳомлантира бошлади. Шунда менга қараб шайх деди: “Дарҳақиқат сен олиммас эдинг. Лекин Аллоҳ сенга олим бўл, деди, олим бўлдинг..!”
Отам менга илм талабидаги бу ҳолларини бир неча маротаба гапириб бергандилар. Бу билан падари бузрукворим мени Аллоҳ азза ва жалланинг: “Аллоҳдан қўрқингиз! Аллоҳ сизларга билдирур.” (Бақара сураси, 282-оят)ининг маъносига рўбарў қилмоқчи ва шаръий илмлар талабида касб қилишлик мақомига қулашдан огоҳлантирмоқчи бўлардилар. Ваҳоланки бугунги толиби илмларнинг кўпчилиги шундай ҳолда...
Менга бу сўзларини кўп такрорлардилар: “Ҳафта давомидаги дарслар машаққати сабабидан жума кечаси роҳат кечаси ҳисобланарди. (Бундан жума дам олиш куни экани ва жума кечасидан пайшанба кечаси мурод эканлиги тушунилади. – таржимон.) Зеро у дам олиш ва роҳат куни бўлмиш жумага туташдир. Талабалар ушбу тун тонггача бедор бўлардилар, уни ўйин-кулгу, рақс ва ҳазил-мутойиба билан ўтказардилар. Ҳатто шу даражада чарчардиларки, оғир уйқу сабабидан бомдод намозини қазо қилишарди ва тонг отгандан кейин ҳам ухлаб ётишарди”.
Шариат толиблари хафтанинг энг афзал тунини ўйин ва бекорчиликка сарфлаб, сўнг жума бомдодини вақтида ўқишга бепарво бўлишларини отам менга аччиқ афсусла сўзлаб берардилар...

Биз билган ва билмаган неъматларнинг барчаси учун, биз билган ва билмаган ҳамдларнинг ҳаммаси Аллоҳга бўлсин!
Салавот ва саломнинг афзали саййидимиз Муҳаммадга, олига ва жамиъ саҳобаларига бўлсин!
Аллоҳим мени тўғри йўлга илҳомлантиргин, ҳалокатли тойилишлардан сақлагин. Қалбимни нуқсонлардан поклагинки, амалимнинг ҳаммаси Сенинг розилигинга ҳаракат учун бўлсин. Албатта Сен ҳамма нарсага Қодирсан!
Шайх Муҳаммад Саид Рамазон Бутий
•┈┈┈┈•❈••✾••❈•┈┈┈┈•
Муқаддима | 1-қисм
Давоми келгуси сонларда...

ЎЗ ЯҚИНЛАРИНГИЗГА ҲАМ УЛАШИНГ!

✅ ИЖТИМОИЙ ТАРМОҚЛАРИМИЗ:👇
Telegram | Instagram | TikTok

​БУ МЕНИНГ ОТАМДИР (1-қисм)
©️ @FotihaUz #Асар
•┈┈┈┈•❈••✾••❈•┈┈┈┈•

Туғилишлари, ўсмирликлари ва илм талаби

Отамнинг таваллудлари туғилишни қайд этиш дафтарчасига кўра 1888-йил, Бутан жазирасига қарашли Жилка номли кичик қишлоқда бўлган. Бу оролга арабчасига Ибн Умар жазираси деб ном қўйилган бўлиб, у Туркия ҳудудига дохил эди. Суриянинг Айни Дивор шаҳарчасидан кўриниб турарди. Асли исмлари Рамазон бўлган, лекин мулла Рамазон деб танилганлар. Кўпчилик одамлар исмлари Мулла, кунялари эса Рамазон бўлган деб ўйлаб юришарди. Шундан шайх Мулла деб чақиришарди.
Отам миллати курд бўлган ота-онадан дунёга келгандилар. Оталарининг исми Умар, боболариники эса Мурод бўлган. Мен насабимиздан бундан бошқа тафсилотни билмайман. Бу тўғридаги айрим тафсилотларни сўраганманда, бунга унча эътибор қилмаслик кераклигим маълум бўлган. Чунки инсон мозий зулматларида насаб йўлини хатога йўл қўймай аниқлаши қийин иш экан. Бу изланишда чуқур кетишдан воз кечган маъқул. Ибн Вирдий бунга ишора қилиб, шундай дейди:
Аслим ва фаслим дема ҳеч қачон, балки йигитнинг асли— қозонганидир.

Болалик чоғи

Отамнинг боболари деҳқон бўлиб, кўп вақтларини далада, зироат ишлари билан ўтказардилар. У кишининг болалари ва неваралари олдида бундан кўра яхши иш йўқ эди. Масалан, неваралардан бири болалик чоғида баъзи ҳожатларини ўзи мустақил чиқара оладиган бўлиши билан деҳқончиликка, хўжалик ишларига ёрдам беришга йўлланарди. Отам бу ҳолатдан ҳам болаликка тааллуқли бебошликларига фурсатни ғанимат биладилар. Лекин оналари солиҳа ва тақводор аёл бўлганларидан отамнинг ўқишига ва талаби илмга ўтишларига қаттиқ ҳаракат қилдилар. Ва ниҳоят эрларини бунга кўндира олдилар.
Отам раҳимаҳуллоҳ айтардилар: “Бир муддат бобомнинг далада у киши билан ишлашимга рағбатлари билан, ота-онамнинг мени ўқитиш ва талаби илмда юришимга бўлган қасдлари ўртасида қолиб кетдим. Лекин мен ўша пайтда дарс ва ёзиш мажбуриятидан қутилиб, бобомга дала ишларида ёрдамлашишни баҳона қилиб, тенгдошларим билан бирга ўйинқаролик қилиб юришдан роҳат топардим.
Ўқишдан кўнглим тўлмаслигининг яна бир сабаби, унга энди киришганим сабабли, унда ўзига жалб қиладиган ва қизиқтирадиган ҳеч нарса йўқ эди. Шунда отам менга қалам, сиёҳ ва ёзув қоғозлари сотиб олиши учун бир кишини оролга юбордилар. Мен уни интизорлик билан кута бошладим. Бу одам тўсатдан менга қамишли қалам, сиёҳдон ва қоғозлар олиб келгани қалбимни сурур ва хурсандчиликка тўлдирди. Чунки мен кичкина бўлганим ҳолда, мазкур нодир ашёларнинг эгаси бўлиб қолгандимда!”.

•┈┈┈┈•❈••✾••❈•┈┈┈┈•

Онадўли минтақасидаги курд қишлоқлари жаҳолатдан, маданият ва маърифатга ташналикдан озор чекарди. У ерларда расмий мадрасалар жудаям кам эди. Лекин шунга қарамай курдлар араб тилини ўрганишга ва шариати исломийя илмларини қозонишга жуда иштиёқманд эдилар. Шу сабабли ўзаро ўрталарида ҳужралар силсиласини барпо қилишганди. Бу ҳужралар кўп ҳолатларда масжидлар қошида бўларди ва уларни мадраса деб аташарди. Бу ҳужралар талаби илмга, тил ва дин билимларини ўрганишга чанқоқ толибларни ўз бағрига оларди. Бу толиби илмларнинг таълимига кўнгилли равишда уламолар бел боғлашарди. Улар таълимий фаолиятларини тўлиқ қониқиш билан олиб боришарди. Мадрасаларда таҳсил битта шайхга эргашиладиган таълим услубига мувофиқ йўлга қўйилганди.
Қишлоқ аҳолиси талабаларга керакли озуқа маҳсулотларини, кирларини ювиб беришни ва уларга керакли турли хизматларни бажаришни бўйинларига олишганди. Бу ишларни улар заррача марҳамат қилганлик ёки миннат ҳисларисиз, гўё бўйинларидаги вазифалари ўлароқ шуур билан бажаришарди. Ибн Умар жазираси қишлоқлари бу нав мадрасалар билан лим тошган ва толиби илмлар билан лиқ тўлган эди. Бу мадрасалар ва бу толиблар бошида ана шундай мадрасаларни битирган таниқли уламолар турарди.
Шайх Муҳаммад Саид Рамазон Бутий
•┈┈┈┈•❈••✾••❈•┈┈┈┈•
Муқаддима
Давоми келгуси сонларда...

ЎЗ ЯҚИНЛАРИНГИЗГА ҲАМ УЛАШИНГ!

✅ ИЖТИМОИЙ ТАРМОҚЛАРИМИЗ:👇
Telegram | Instagram | TikTok

​​БУ МЕНИНГ ОТАМДИР (Муқаддима)
@FotihaUz #Асар
•┈┈┈┈•❈••✾••❈•┈┈┈┈•
Марҳум шайх Муҳаммад Саид Рамазон Бутийнинг “Бу менинг отамдир” китоблари... Бу машҳур китобни узоқ вақт излаганим ҳамон ёдимда. Фарзандини машҳур имомдек тарбиялашни қасд қилган кўпчилик ушбу китоб шайдоси эди. Қолаверса шайх “Ҳикматлар” шарҳи ва кўп маърузалари асносида оталари ҳақида айрим ҳаётий лавҳаларни айтиб ўтардиларки, киши шуурида буюк имом ортларида буюк ота турган, деган фикр гавдаланарди. Шундан “Бу менинг отамдир”ни таржима қилишни анчадан бери дилимда тугиб юрардим. Лекин шунча муҳим ишлар турганда мазкур таржима шартмикан, деган истиҳола ҳам йўқ эмасди.
Бу истиҳоламни қуйидагилар йўққа чиқарди:

1. Аллоҳ таоло Ҳуд сурасининг 120-оятида айтади: “(Эй Муҳаммад), сизга пайғамбарларнинг хабарларидан дилингизни мустаҳкам қиладиган қиссаларни сўйлаб берурмиз ва бу қиссаларда сизга ҳақиқат ва панд-насиҳат ҳамда барча мўминлар учун эслатмалар келди.” Демак солиҳлар ҳаётидаги ибратлар Аллоҳни қасд қилган муридлар учун йўлларида дастак ва далда бўлар, бундай қиссалардан мўмин киши ўзига панд-насиҳат олар ва ҳам дилини мустаҳкамлар экан.

2. Улар тимсолида мўмин динга амал қилган солиҳ инсонни ва тирик суннатни кўради. Дин таълимотлари китоблардаги сатрлар ёки ваъзлардаги сўзлар эмас, балки амалга ошириш мумкин бўлган ишлар эканини билади.

3. Қолаверса виртуал ва реал ҳаётдаги дўстларимизнинг ундовлари менинг охирги иккиланишларимга барҳам берди. Шу сабабли Аллоҳдан тавфиқ ва сизлардан эса дуо сўраб таржимага киришдик...
Мубашшир Аҳмад

•┈┈┈┈•❈••✾••❈•┈┈┈┈•

БИРИНЧИ ЧОП МУҚАДДИМАСИ

Аллоҳ азза ва жалла бошқа китобларимдан кўра бу китобни одамларнинг оммасию хоси ҳузурида ажиб бир қабул билан сийлади. Балки илмга ёки исломий китобларга ҳеч эътибори йўқ – адашган ва дарбадарлар ҳам бу китобга ошно бўлишди, ўқишга мук тушишди.
Шубҳа йўқки, бундай алоҳида тарқалиш ва қабулнинг сирри бу китобнинг мавзусида намоёндир. У ҳам бўлса менинг отам ва у кишининг ишлари ва ҳолатларини ўз ичига олганидандир. Муаллиф ва ёзувчининг шахсига тааллуқли бирор бошқа сабабда у намоён бўлмайди. Агар Аллоҳ лоқайдни уйғотадиган, дарбадарни қайтарадиган, унутган ва ғофилга эслатадиган иш ва ҳолларга мени даллол ёки воситачи қилган бўлса, бу билан олдида дунёнинг бошқа хазинаю яхшиликлари эриб, кичраядиган катта ютуқ билан мени ҳурматлаган бўлади.
Ўқувчилардан бири: “У кишининг ҳаммага маълум кенг фиқҳий малакаларини очиб берадиган фатво ва раъйларини ҳам китобда келтириб ўтганингизда жуда яхши бўларди”, деди. Мен унга шундай дедим: “Бу иш фақат бир мақсадга суянади, у ҳам бўлса, у кишининг мўл илмию дақиқ фиқҳий маълумотини кўрсатиб қўйишдир. Мен биламанки, бу дунёвий ташвиқот бўлиб, бу нарса отамни ҳаётликларида хурсанд қилмаган бўлса, вафотларидан кейин ҳечам рози этмайди”.
Бу китобни ўқиган ва энди ўқимоқчи бўлган кишилар билишсинки, мен отам ҳаётларининг таржимасига, ҳоллари ва ишлари ҳақида сўзлашга уни муқаддаслаштириш ёки ғурурланиб юриладиган маноқиб ёзиш қарори туфайли киришмадим. Балки мен бунда воқеълик тарихчиси, ҳақиқат хабарчиси ва инсон ҳаётининг таржимониман холос. Шу сабабли мен сўзлаган ва хабар берган нарсаларимда рост ва дақиқ бўлишдан бошқасига қизиқмадим. Бу таржимаи ҳол ва ишлардаги воқеълик билан, айрим ёки кўп одамларнинг феъл - атворлари ўртасида бўладиган мувофиқлик ёки номувофиқликка мен жавобгар эмасман.
Лекин Аллоҳ азза ва жалладан ҳаммамизни ҳақни танитиш ва унга боғлиқ қилиш билан, ботилни танитиб, ундан сақлаш билан икром этишини, ҳамда барчамизни Ўзининг розилиги йўлида юрғизиб қўйишини сўрайман. Зеро У сўралувчиларнинг энг икромлисидир!
Шайх Муҳаммад Саид Рамазон Бутий
•┈┈┈┈•❈••✾••❈•┈┈┈┈•

ЎЗ ЯҚИНЛАРИНГИЗГА ҲАМ УЛАШИНГ!

✅ ИЖТИМОИЙ ТАРМОҚЛАРИМИЗ:👇
Telegram | Instagram | TikTok

​Juda ham qiziqarlisi Imom Butiy rohimahulloh Otalariga atab "Bu Mening Otamdir" nomli 📘kitob ham yozganlar va u allaqachon o'zbek tiliga o'girilgan. Agar xohlasangiz ushbu kitobni qism-qism qilib yozma ko'rinishda kunlik tashlab turamiz. Olim Otaning kelajakda olim bo'ladigan farzandiga qilgan muomalasini o'qishni xohlaysizmi?

Reaksiyalar bilan o'z munosabatingizni bildirishingiz mumkin.