Qalbim sizning muhabbatingiz ila to'lsa, har tong sizning sevgingiz bilan uyg'onsam... Bilaman sizga munosib emasman.
Hayollarim faqat siz ila band bo'lsa qaniydi. Sizni o'ylasam dunyodagi barcha narsalarni unutaman. Sog'inib uyim burchaklarida yig'lab yig'lab olaman. Faqat ayolim bunga yo'l qo'ymaydi. Yaqinda yuragim betob bo'lib dard o'tkazdim. Shunga qo'rqadi. Lekin men qo'rqmayman, bilaman bu sog'inch yoshlari yuragimga faqat darmon bo'ladi. Meni dunyoning armonlaridan uzadi.
Orzularimda siz bilan ko'rishaman. Bag'rimga bosaman, dil izhorlarimni bayon qilaman. Borimni to'kib solaman. Umidim siz bilan jannatda birga bo'lmoq. Munosib bo'lmasamda siz bilan qo'shni bo'lmoq. Habibim buni Robbimdan tinmay so'rayman.
Sizning siyratingiz haqida ko'rsatuv qilish nasib etyapti. O'sha ko'rsatuvni izohlarida ko'rsatuv ijodkorlarini Siz bilan birga bo'lishini tilab duolar qilishadi. Zora shu duolar ijobatini ko'rsak.
Habibim men yaxshi musulmon emasman. Qalbim gohida o'ta tor bo'lib ketadi. Sizning qalbingiz qanchalar keng ediya. Gohida yaqinlarimga ozorlar berib qo'yaman. Siz esa ozorlar olardingiz, shunda ham ularga javob qaytarish o'rniga ularni duolar qildingiz. Dushmanlaringiz ham mardligingiz eʻtirof qilishardi. Qalbimni keng qil Robbim deb duolar qilaman.
Bugun biz zaif holdamiz. Zaifligimiz sizga munosib bo'lib ergasholmaganimizdan. Siz ko'targan tug' ostida birlasholmaganimizdan. Dushmanlar turib, o'zimiz bilan kurashayotganimizdan. Yo'limiz bir bo'lsada, boshqa yo'llarda adashib, uloqib yurganimizdan.
Habibim, suyukligim, bizni kechiring.
@Yorqin_Xalil
