Yoshlarni qo'llab-quvvatlash|Rasmiy kanal

📌 Kimyo va biologiya fanlari bo‘yicha milliy sertifikat imtihoni natijalari e’lon qilindi

📝 2025-yil 25–26-yanvar kunlari o‘tkazilgan kimyo va biologiya fanlari bo‘yicha milliy sertifikat imtihoni natijalari e’lon qilindi.

📱 Talabgorlar o‘z natijalarini my.gov.uz saytining "Mening arizalarim" bo‘limi orqali bilishlari va sertifikatni elektron tarzda yuklab olishlari mumkin.

✅ Test natijalari xalqaro metodika – Rash modeli asosida hisoblangan bo‘lib, talabgorlarga to‘plagan bali asosida quyidagicha sertifikat taqdim etiladi:

🔹 70 balldan yuqori ball — A+ daraja;
🔹 65 - 69,9 ball — A daraja;
🔹 60 - 64,9 ball — B+ daraja;
🔹 55 - 59,9 ball — B daraja;
🔹 50 - 54,9 ball — C+ daraja;
🔹 46 - 49,9 ball — C daraja.

✅ Sertifikatga ega abituriyentlarga OTMlarning bakalavriatiga kirish test sinovlarida quyidagi tartibda ball beriladi:

🔸 A+, A darajali sertifikat uchun — tegishli mutaxassislik fanidan maksimal ball;
🔸B+, B, C+, C darajali sertifikat uchun — tegishli mutaxassislik fanidan proporsional ball.

Shuningdek, akademik litseylarga kirish test sinovlarida sertifikatga ega o‘quvchilarga tegishli fandan maksimal ball beriladi.

Do'stlaringizga ulashing
@YQQUZB_KANAL

📌 OTMda o‘qiyotgan xodimga ish haqi saqlangan holda o‘quv ta’tillari berish tartibiga o‘zgartirishlar kiritildi

Mehnat kodeksiga o’zgartirish va qo’shimchalar kiritildi. Yangi tahrirga ko’ra, 385-moddaning birinchi qismi quyidagi tahrirda o’zgartirilishi belgilandi:

Oliy, o‘rta professional va o‘rta maxsus professional ta’lim tashkilotlarida kechki yoki sirtqi ta’lim shakli bo‘yicha o‘qiyotgan xodimlarga o‘rtacha ish haqi saqlangan holda laboratoriya-imtihon sessiyalarida ishtirok etgan davr uchun o‘quv ta’tillari:

– birinchi va ikkinchi kurslarda kechki ta’lim shaklida o‘qiyotganlar uchun oliy ta’lim tashkilotlarida – kamida yigirma kalendar kun, o‘rta professional va o‘rta maxsus professional ta’lim tashkilotlarida – kamida o‘n kalendar kun, oliy, o‘rta professional va o‘rta maxsus professional ta’lim tashkilotlarida sirtqi ta’lim shakli bo‘yicha esa – kamida o‘ttiz kalendar kun;

– uchinchi va undan yuqori kurslarda kechki ta’lim shaklida o‘qiyotganlar uchun oliy ta’lim tashkilotlarida – kamida yetti kalendar kun, o‘rta professional va o‘rta maxsus professional ta’lim tashkilotlarida – kamida yigirma kalendar kun, oliy, o‘rta professional va o‘rta maxsus professional ta’lim tashkilotlarida sirtqi ta’lim shakli bo‘yicha esa – kamida qirq kalendar kun muddatga haq to‘lanadi.

Eslatma! Mehnat kodeksining 385-moddasi eski tahririda ish beruvchi oliy ta’lim tashkilotlarida sirtqi ta’lim shaklida tahsil olayotgan xodimlarga laboratoriya-imtihon sessiyasida ishtirok etish uchun ta’lim tashkiloti joylashgan yerga borishi va u yerdan qaytib kelishi uchun yiliga bir marta yo‘lkira haqining ellik foizidan kam bo‘lmagan miqdorida, Davlat attestatsiyasidan o‘tish uchun xuddi shunday miqdorda yo‘lkira haqi to‘lanishi belgilangan edi.

Do'stlaringizga ulashing
@YQQUZB_KANAL

📌 Kam ta’minlangan oilada hech bo‘lmaganda bitta farzand oliy ma’lumotli bo‘lishi uchun zarur sharoitlar yaratiladi.

Endilikda kambag‘al oilalarning farzandlariga:

🔹 ta'lim krediti foizsiz beriladi;

🔹 qo‘shimcha grant ajratiladi;

🔹 kontrakt to‘lovining bir qismi qoplab beriladi.

Do'stlaringizga ulashing
@YQQUZB_KANAL

📌 XODIM O‘QISHGA KIRGANLIGINI YASHIRGANLIGI NATIJASIDA ORTIQCHA TO‘LANGAN ISH HAQI QAYTARILADIMI?

SAVOL: Assalom aleykum. Bir savolim bor edi. Agar imkoni bo‘lsa. Davlat ishxonasida to‘liq stavkada ishlayotgan hodim magistraturaga o‘qishga kirib ikki yil o‘qigan va biroq bu haqida korxona rahbariyatini ogohlantirmagan. Keyinchalik, uning ish haqi qaytarilishi mumkinmi?

JAVOB: Mehnat kodeksining 279-moddasiga asosan:

1. Ish beruvchi tomonidan ixtiyoriy ravishda to‘langan, shu jumladan qonunni noto‘g‘ri qo‘llanish oqibatida to‘langan ortiqcha ish haqi qayta undirib olinishi mumkin emas, hisob-kitobda yo‘l qo‘yilgan xato oqibatidagi ortiqcha to‘lovlar bundan mustasno;

2. Xodimga u bergan yolg‘on ma’lumotlari yoki taqdim etgan soxta hujjatlari oqibatida to‘langan summalar undan sudning qarori yoki hukmi asosida undirib olinadi.

Savolingizdagi holat 279-moddaning yuqoridagi birinchi qoidasiga tushadi deb o‘ylamayman, chunki bu yerda qonunni noto‘g‘ri qo‘llash ham, hisob-kitobdagi xatolik ham mavjud emas.

Bu vaziyatda xodim o‘zining oliy ta’lim muassasidagi o‘qishini yashirganligi bilan bog‘liq haqiqatga to‘g‘ri kelmaydigan, yolg‘on ma’lumot taqdim etgan degan fikr tug‘ilyapti. Ish kunining ma’lum bir qismida aslida ishlash imkoni yo‘q bo‘la turib, bu faktni bor qilib ko‘rsatishning o‘zi yolg‘on ma’lumot berish deb qabul qilinishi kerak.

Bunday holatlarda ish haqining ortiqcha to‘langanligi aniqlansa, albatta bu summalar qaytariladi.

☝️Faqat bunda ortiqcha to‘lovlar sud qarori yoki hukmi asosida undiriladi va xodimning ishda bo‘lmagan vaqti uchun ish haqi to‘lanishiga sababchi bo‘lgan boshqa xodimlarni aybdorlik masalasi ham hal etilishi mumkin. Ya’ni, ular ham jazoga tortilishi mumkin, demoqchiman.

Do'stlaringizga ulashing
@YQQUZB_KANAL