Yosh onalarga maslahatlar

😴Farzandingiz kechasi yomon uxlaydimi? Bolalar “oltin” uyqusining qoidalarini o‘rganamiz

Go‘daklarning “oltin” uyqusi — har bir ota-onaning orzusi hisoblanadi. Bola ko‘p va qattiq uxlasa — u tez o‘sadi va rivojlanadi, kam kasal bo‘ladi. Kechalari yaxshi uxlashi uchun kunduzi bola bilan qanday shug‘ullanish kerak?

Agar bola kechasi yomon uxlasa, kunduzi nima qilish kerak?

Bola kechasi yaxshi uxlashi uchun, kunduzi uni “holdan toydirish” kerak – u kechga borib butun kuchini sarflashi va charchab qolishi kerak. Buni ikki yo‘l bilan amalga oshirish mumkin: bolada jismoniy harakatlanishni yoki his-tuyg‘uli holatlarni oshirish.

Ertalab va kechqurun bevosita cho‘miltirish va ovqatlantirishdan oldingi jismoniy faollik – bu qattiq uyquning garovi hisoblanadi. Agar bola emaklayotgan, o‘tiradigan yoki hatto yuradigan bo‘lsa – bolaga qo‘shilib emaklang, o‘tiring, birga yuring va harakat qilishga majbur qiling.

His-tuyg‘uli holatlarga bog‘liq yuklamalar alohida yondashishni talab qiladi – qarindoshlar va boshqa bolalar bilan faol muloqot, har qanday rivojlantiruvchi o‘yinlar bolani ertalabgacha qattiq uxlaydigan holatda charchatishi yoki aksincha – uni haddan tashqari bezovta qilishi va kechasi bilan uxlamay yig‘lab chiqishiga ham sabab bo‘lishi mumkin. Shuning uchun bunday usulni ehtiyotlik bilan va avval tajribada sinab ko‘rib keyin qo‘llash tavsiya qilinadi.

Bolalar qattiq uyqusi qoidalari

Shunday qilib, bola kechasi yaxshi uxlashi uchun uni quyidagi sharoitlar bilan ta’minlash zarur:

✅Kunning ikkinchi yarmi va kechqurun jo‘shqin jismoniy faollik bilan o‘tishi kerak.
✅Uxlashdan 2-3 soat oldin toza havoda sayr qilishni tashkillashtiring.
✅Uxlashdan 1-1,5 soat oldin 30-40 daqiqa cho‘milish.
✅Uxlashdan yarim soat oldin — to‘yimli “kechki ovqat”.
✅Bolalar xonasi iqlimi salqin va nam bo‘lishi kerak: harorat 18-20 daraja, namlik esa 60-70 %.

@Yosh_onalarga_maslahatlar🤱
@KundaIik_retseptlarim🥘
@Homiladorlik_davri🤰
@Ogilmi_qizmi👶👧

✅Chaqaloqlarda fiziologik sariqlik (Neonatal sariqlik)

- qondagi yuqori darajali bilirubin hisobiga, teri va ko‘z shilliq qavatlarining sariq rangga bo‘yalishi.

Chaqaloqlarda fetal gemoglobinnni yetuk gemoglobinga almashinish jarayoni ro‘y beradi. Bunda jigar fetal gemoglobindan hosil bo‘lgan bilrubinni bog‘lashga ulgura olmaydi.

Qo‘shimcha belgilari yuqori uyquchanlik va ishtahani pasayishi.

Teridagi sariqlik chaqaloq hayotining 3-4 kunlari yaqqol ko‘zga tashlanadi va sariqlik 7-8 kun saqlanib qoladi.
Chaqaloq organizmidagi ferment sistema to‘liq ishlaganida teri rangi och-pushti holatda saqlanadi.

Bu holat fiziologik - davolash shart emas.

❗️Odatda fiziologik sariqlik bola hayotining 21-kunigacha o‘tib ketishi kerak. Agar shu vaqtgacha sariqlik yo‘qolmasa, bolani pediatr ko‘rigiga olib borish zarur.

@Yosh_onalarga_maslahatlar🤱
@KundaIik_retseptlarim🥘
@Homiladorlik_davri🤰
@Ogilmi_qizmi👶👧

🫥БОЛАНГИЗНИ УРМАНГ АСЛО ОНАЖОНЛАР!!!

Кальтагингиз  руҳиятин синдиради,
Болаларча шўхликларин тиндиради.
Асли бола айбингизни билдиради,
Болангизни урманг асло онажонлар.

Қизингизни маликам денг, мунчоғим денг,
Ўғлингизни паҳлавоним, тойчоғим денг.
Сен Раббимнинг марҳамати, оппоғим денг,
Болангизни урманг асло онажонлар!

Мурғаккина юракчасин шикастламанг,
Қиламанда буни уриб, одам, деманг.
Ўзингиздан совутиб сўнг пушмон еманг,
Болангизни урманг асло онажонлар!

Болажонлар яратганнинг мўжизаси,
Заҳрингиздан озорланар кўнгилчаси,
Ахир фарзанд жонингизнинг бир парчаси,
Болангизни урманг асло онажонлар!

©Озода Ҳабибуллаева

@Yosh_onalarga_maslahatlar🤱
@KundaIik_retseptlarim🥘
@Homiladorlik_davri🤰
@Ogilmi_qizmi👶👧

📱Bolani telefondan qanday chalg'itamiz?

1.Bu ishga hamma kirishsin: 1 ta quti(korobka) qilasiz va hech bo'lmasa kechki ovqat vaqtida hamma telefonini shunga solib qo'yadi (o'chirib). Bu vaqtda televizor ham o'chgan bo'lishi kerak.

2. Bolalar bilan turli o'yinlar o'ynash kerak, masalan loto, topishmoq topish, shashka, labirint, lego, rasm chizish yoki kichikroq bolaga uning o'yinchoqlaridan "qo'g'irchoq teatri" qo'yib berish.

3. Uy ishlarida aktiv ishtirok etish, barcha bolalaringizga uy ishlarini bo'lib berasiz, bunda buyruq ohangi bo'lishi kerak emas, hatto kichiklar ham stolni bezashi mumkin, sharti shuki, hamma bolalaringiz qatnashsin.

4. Bolalarni muzey, akvarium, zoomagazin, kutubxonaga olib borish, Bine-Simon shkalasi bo'yicha 3-7 yosh bolalar atrofdagi buyumlarni eslab qoladi, 7-12 yoshda atrofdagi hodisalarni tasvirlay olishadi, 12 yoshdan kattalar nima ko'rganini tushuntirib berishadi. Bu shkalani ham sinab ko'rishingiz mumkin.

5.Bolalar bilan raqs tushishga nima deysiz;), albatta turli kiyingan holda, ba'zi vazn tashlovchi onalarga bu juda qo'l keladi. Bunda ham barcha bolalaringiz ishtirok etishi kerak.

6. Bolani u qiziqqan, xohlagan to'garagiga bering, hatto siz uning til o'rganishga borishini xohlasangiz ham, bu tennis, hayvonlar, robot yasash bo'lishi mumkin.

7. Har xil hobbilar o'ylab toping: masalan rasmga olish, tashqariga chiqasiz va chiroyli deb bilgan manzaralarni rasmga olasiz, qiziqarli bo'lsa, yana yaxshi. Bunda albatta mukofot belgilashni unutmang. Hatto eng kichik ham navbat bilan rasm olsa bo'ladi.


⁉️ Siz bolangizni telefondan chalg'itish uchun qanday yo'llardan foydalanasiz?

@Yosh_onalarga_maslahatlar🤱
@KundaIik_retseptlarim🥘
@Homiladorlik_davri🤰
@Ogilmi_qizmi👶👧