Yon daftarchamda FIQH

​ИСЛОМ ҚИЗЛAРИ.

Ҳижоблари бошларида тож,
Иболидир босган излари.
Бугун дунё уларга муҳтож,
Бебаҳо дур Ислом қизлари.

Ёғиладир юзларидан нур,
Қуръон ўқиб бахтли ўзлари.
Ҳар онига айлайди шукур,
Ҳаётга нур Ислом қизлари.

Тилаклари иймондир фақат,
Ислом эрур айтар сўзлари.
Aллоҳ учун айлар ибодат,
Aжиб ғурур Ислом қизлари.

Бегонадир ёмон хаёллар,
Ерга боқар фақат кўзлари.
Гавҳар бўлса оддий аёллар,
Хазинадир Ислом қизлари!

Internetdan.

Аллоҳ таоло рашк қилади.

Агар мўминнинг қалбида Ундан ўзга нарса жой олган бўлса ёки бирор нарсадан норози бўлса, рашк қилади.

"Биз сизни соф шаклда хохладик, лекин сиз (нопокликка) аралашдингиз.
- Сиз биздан чалғиганингиз учун узоқлаша бошладингиз.
- Биз сизга айтдик: Қалбларингизни бошқа нарса билан тўлдирманг. Лекин сиз биз билан бўлмасликка қарор қилдингиз"

Эртага ҳеч ким нажот топмайди, фақат Аллоҳ таолога Ундан ўзга ҳеч ким йўқ бўлган соғлом қалб билан рўбарў бўлганлар нажот топади.

Аллоҳ таоло айтди:

"У кунда на мол манфаат берар ва на болалар. Магар, ким Аллоҳ хузурига тоза қалб ила келса (манфаат топар). [26:88-89].

Беғубор қалб - зиддиятлар киридан покдир. Нохуш нарса аралашган кишига келсак, у Аллоҳнинг хузурида бўлишга лойиқ эмас, фақат у буюк азобда поклангандан кейин ундан ахлоқсизликлар тозаланади ва у Аллоҳнинг хузурида туриш учун мос бўлади.

(Ахир) Аллоҳ яхшидир ва фақат яхшиликни қабул қилади.

©Ибн Ражаб ал - Ҳанбалий.

(تفسير لابن رجب)

Viktorina guruhidan

***

Сунъийлашди замину осмон,
сунъий ақл,
сунъий тафаккур.
Ҳатто сунъий урчийди инсон,
сунъийлашди гўдакка довур.

Сунъийлашди бокира ҳислар,
изҳор бошқа,
қарашлар бошқа.
Ой жимгина ҳайратда боқар
милёнлаган сунъий йўлдошга...

Сунъийлашиб шаҳару қишлоқ
тўлди сунъий тўнкалар билан.
Сунъий умр кўрмоқда кимлар
сунъий юрак, ўпкалар билан...

Сунъийлашди наво ҳам,
соз ҳам.
табииймас ҳофиз овози.
Шоир сохта ашъорлар ёзар,
қалам сунъий, сунъий қоғози...

Сунъийлашди меҳр-оқибат,
масофали дийдорлар сунъий.
Тармоқларда кўришар фақат,
тармоқдаги дилдорлар сунъий.

Пардоз қилар Ҳаво қизлари
сохта киприк,
ясама қошлар.
Бугун Иблис алайҳилаъна
одамзодни қай йўлга бошлар...

Сунъийлашди таому кийим
сунъийлашди инсон шеваси.
Минг хил сохта заҳарни ютиб
табииймас кузнинг меваси.

Сунъийлашиб замину осмон,
чиқиндига бурканди олам...
Бизни табиий дунёга элтинг,
қаердасиз Ҳазрати Одам?!.

Орифжон Комил.

— Ало, Гордон Пиццами?
— Йўқ, жаноб, бу Google Пицца!
— Узр, нотўғри рақам тердим шекилли.
— Йўқ, жаноб, рақам тўғри. Google Гордон Пиццани сотиб олди. Энди бу Google Пицца.
— Шунайми? У ҳолда буюртма бермоқчиман.
— Албатта, жаноб. Доимгидекми?
— Нима буюртма беришимни сиз қаердан биласиз?
— Биламан, жаноб. Охирги беш маротаба сиз қўзиқоринли, колбасали, гўштли, қалин хамирли пицца буюртма қилгансиз.
— Ҳмм. Мейли, яна ўшанисидан бўла қолсин!
— Бўлмайди, жаноб. Унинг ўрнига қуритилган помидорли, калампирли сабзавотли пицца жўнатсамчи?
— Нега?
— Қарасам, холестеринингиз 300 дан баланд.
— Буни қаердан биладингиз?
— 15 кун олдин кўрикдан ўтган экансиз, шунга қарадим.
— Хўп, тушундим. Лекин мен барибир ўз буюртмамни истайман, дориларимни ичаяпман-ку.
— Кечирасиз, жаноб, дориларингизни ҳам яхши ичмаяпсиз, холестеринга 30 кунлик дори сотиб олганингизга 90 кун бўлган.
— Кейин яна олгандим. Айтганча, сизга нима ўзи?
— Кейин олмагансиз, жаноб. Кредит карта харажатларингизга қарадим.
— Э, нақд пулга сотиб олгандим. Унинг ёзуви йўқ.
— Нақд пулга олган бўлишингиз ҳам мумкин эмас, чунки 45 кундан бери банкдан нақд пул ечмагансиз.
— Ҳа! Балки нақд пул оладиган бошқа даромадларим бордир, сиз қаердан биласиз?
— Бўлиши мумкин эмас, жаноб. У ҳолда солиқ тўлашдан қочган бўласиз. Чунки даромад солиғи декларациянгизда бошқа манба кўрсатилмаган.
— Бу энди ҳаддан ошиб кетди! Бунақаси кетмайди!
— Ҳайрон бўлманг. Мен фақат сизга ёрдам беришни истаяпман, ёмон ниятим йўқ.
— Биласизми, мен энди тушундим. Энди дунёнинг бирон четига кетаман. Интернет, Google, технология бўлмаган жойларга бориб ўзим истагандек тинч, осуда ҳаёт кечираман. Бас, етар!
— Сал қийин-ов энди бу, жаноб.
— Нега қийин бўларкан?
— Чунки паспортингизнинг муддати тугаган..!

Таржима, Икром Шариф.

"Ayol kishi ilmdan boshqa narsa orqali soliha bo’la olmaydi."

لكي تتحقق أهمية المرأة في إصلاح المجتمع، لا بد للمرأة من مؤهلات أو مقومات لتقوم بمهمتها في الإصلاح.. وإليكم جانباً من هذه المقومات:
⠀
المقوم الأول: صلاح المرأة:
⠀
أن تكون المرأة نفسها صالحة، لتكون أسوة حسنة وقدوة طيبة لبنات جنسها، ولكن كيف تصل المرأة إلى الصلاح؟
⠀
Ayol kishi Islom ummatini isloh qilishdagi muhim rolini amalga oshirishi uchun unda zaruriy qobiliyat va sifatlar bo’lishi kerak.

Va bu sifatlardan birinchisi - ayol kishining solihaligi. Ya’ni ayol farzandlariga yaxshi o’rnak bo’lib hizmat qilishi uchun, o’z-o’zidan soliha bo’lishi lozim.

Lekin qanday qilib ayol solihalikka yetishadi?

لتعلم كل امرأة أنها لن تصل إلى الصلاح إلا بالعلم، وما أعنيه هو العلم الشرعي الذي تتلقاه، إما من بطون الكتب ـ إن أمكنها ذلك ـ وإما من أفواه العلماء، سواء أكان هؤلاء العلماء من الرجال أو النساء.

وفي عصرنا هذا يسهل كثيراً أن تتلقى المرأة العلم من أفواه العلماء، وذلك بواسطة الأشرطة المسجلة، فإن هذه الأشرطة ـ ولله الحمد ـ لها دور كبير في توجيه المجتمع إلى ما فيه الخير والصلاح، إذا استعملت في ذلك.

إذن فلا بد لصلاح المرأة من العلم، لأنه لا صلاح إلا بالعلم.
⠀
Har bir ayol bilsin-ki, u ilmdan boshqa narsa ila solihalikka erisha olmaydi. Va men agar uning imkoni bo’lsa kitoblar orqali, yoki ulamolar tilidan, u hoh ayol bo’lsin yo erkak, egallanadigan shariat ilmini nazarda tutyapman.

Bizning zamonimizda audio-kassetalar orqali ayollarning ulamolar tilidan ilm olishlari juda osonlashtirilgan. (Shayx Usaymin esa 20-asrda yashab 2001-yilda vafot etganlar. Internet to’la ulamolar darslari bo’lib, ularni telefon orqali bemalol eshitish mumkin bo’lgan hozirgi kunimiz haqida nima deyish mumkin)

Va darhaqiqat, agar bu audio-yozuvlarni Islom ummatini xayrga va solihlikka yetaklovchi maqsadda ishlatilsa ular ulkan rol o’ynaydi.

Shuning uchun ayol kishi soliha bo’lishi uchun unga ilm shart. Sababi ilmsiz solihlik yo’q.
⠀
دور المرأة في إصلاح المجتمع محمد بن صالح العثيمين

“Islom ummatini isloh qilishda ayol kishining o’rni” Shayx Usaymin.

ЯРАТГАННИНГ ИШИГА АРАЛАШМАНГ !

Бир куни бир одам дала ҳовлисида ўтирганда оёқлари билан ҳайвон гўнгидан тўпча қилаётган қўнгизга кўзи тушди. Унинг оёқларидаги гўнгни кўриб хаёлидан бирров шундай фикр ўтади: - "Ҳамма нарсани мукаммал ва гўзал яратган Аллоҳ шу қўнгизни гўнг титиш учун яратганми?".
Вақтлар ўтиб ўша одам оғир касалликка учрайди. Медицина унга шифо тополмайди. Ниҳоят бир куни катта бир табиб унга гўнг титадиган қўнгизнинг оёқларига илашган нарсалардан қирқ кун ейишини буюради. У ростдан ҳам шифо топиб кетади.
Қаҳрамонимиз бир кун кемага ўтириб сафарга чиқибди. Ногаҳон денгизда қаттиқ тўфон кўтарилибди. Ҳамма саросимага тушган фақат у бир четда хотиржам ўтирармиш. Унга ҳозир ҳалок бўлиши мумкинлигини айтишса шундай жавоб берибди : - "Яратганнинг ишига бир маротаба аралашиб, "бир нима" еб кўрганман. Мен Аллоҳнинг ишларига бошқа аралашмайман. У барчасини яхши билади".

Viktorina guruhidan

Жазирий ўз асарларида дуолар қабул бўлишининг қуйидаги шартларини зикр қилганлар:
1. Ейдиган, ичадиган, киядиган нарсалари ва яшайдиган ерлари ҳаромдан бўлмаслиги лозим.
2. Дуо пайтида ихлосли бўлиши зарур.
3. Мусулмонларга қарши бўлмаслиги керак.
4. Кийимлари ғоят тоза бўлиши даркор.
5. Таҳоратли бўлиши лозим.
6. Қиблага юзланган ҳолда дуо қилиши зарур.
7. Тиз чўкиб ўтирган ҳолда дуо қилсин.
8. Аввал нафл намози ўқимоғи даркор.
9. Хайр-эҳсонлар қилиши керак.
10. Камбағаллар ва илм толибларини хурсанд қилсин.
11. Дуони Аллоҳ таолога ҳамд-санолар билан бошламоғи лозим.
12. Пайғамбаримизга, барча набийларга, асҳоби киромга саловот-дурудлар айтмоғи зарур.
13. Энг афзал саловот-намоздаги «Аллоҳумма солли», «Аллоҳумма барик»ни қанча кўп ўқиса, дуоси шунча тез қабул бўлади.
14. Қўлларини кўкси баробар кўтариб, ҳовучларини очиб, кафтларини бирлаштириб дуо қилмоғи даркор.
15. Дуо одобига риоя қилмоғи керак.
16. Аллоҳ таолога хушуъ ва хузуъ билан ёлбормоғи лозим.
17. Аллоҳ таолонинг гўзал исмлари (Асмаи ҳусна)ни ўқиб, тилагини тиламоғи зарур.
18. Ҳафиф (мулойим) овоз билан Аллоҳ таолога ёлбормоғи керак.
19. Гуноҳларини эътироф этиб, Аллоҳдан афв ва мағфират сўраши даркор.
20. Пайғамбарлардан ворид бўлган саҳиҳ дуоларни ўқимоғи лозим.
21. Дуоларни такрор-такрор айтмоғи зарур.
22. Тилагини қалб ҳузури билан сўрасин.
23. Дуосини ҳамду-сано ва саловоту дурудлар билан якунламоғи керак.
24. Қўлларини дуодан сўнг юзига суртсин.
25. Ва дуоси қабул бўлишини умид қилмоғи даркор.

Шуни унутмаслик керакки, Пайғамбаримиз соллаллоҳу алайҳи васаллам дуода дунё ва охират саодатини тиламоқни тавсия этганлар.

"Ноқислик синдроми"* уйғонишга боис бўлолмайди!

Эътибор берган бўлсангиз, биз ўзбекларда бошқа миллатлар олдида ўзини ноқулай ҳис қилиш туйғуси, яъни "ноқислик синдроми" жуда кучли. Бу туйғунинг ибтидоси чет эллик олдида ийманиш, олдида ўта кучли ақл ва шахсият турибди, деб билиш бўлса, ниҳояси ўзбекнинг ўзга цивилизиялардан ҳайратланиши, ҳайбатланиши ва уларга кўрларча тобелиги билан тугалланади. Ўзини улуғ билган ва буюк келажак умидида бўлган миллатга бу ҳол ярашадими? Биз бу синдром билан касалланган миллатимизнинг кўзини оча биламизми, асрлар давом этган ғафлат уйқусидан уйғота оламизми? Бунга қуйидаги сатрларда жавоб топишимиз мумкин:

"Нега Муҳаммад соллаллоҳу алайҳи ва саллам даврларидаги камбағал аъробийлар бунга (буюк цивилизация қуришга) қодир бўлдилар? Нега ўша оми, камбағал аъробийлар инсониятни қутқаришга бел боғладилар ва уни қутқариш учун келганларини ҳис қилдилар? Буни улар сўзларида ва бошқаларга хитобларида, хоҳ улар форс аҳли бўлсин, хоҳ рум аҳли бўлсин, баралла эълон этардилар. Уларга шундай дер эдилар: "Биз сизни қутқариш учун келдик!".

Бу аъробийлар ҳеч қачон "ноқислик синдроми"ни ҳис қилмасдилар. Улар не учун "ноқислик синдроми"ни ҳис қилмаганлар? Чунки Форс бўлсин, ё Византия ва ёхуд Рум, уларнинг баҳайбат цивилизациялари имконияти "ноқислик синдроми" ҳукмини уларга ўтказа олмаган. Бошқача айтганда бу цивилизациялар уларни ҳайратга сола олмаган". (Молик бин Набий, "Мусулмоннинг ўрни" китоби).

Демак, биз бу синдромдан қутилишимиз, бошқалардан кам эмаслигимизни ёшларга ҳақиқий маънода сингдиришимиз, "ялтироқ цивилизациялар" олдида анқайиб қолмаслик учун динимизнинг қадрини билишимиз (зотан бизнинг буюк ўтмишимиз ислом билан чамбарчас боғлиқ) лозим. Акс ҳолда "ноқислик синдроми" қайта тикланишимизга ва юксалишимизга йўл бермайди. Зеро уйғониш ва юксалиш ўзининг қадрини билишдан бошланади!
=====
* ноқислик синдроми - бошқанинг олдида нуқсони борлигини ҳис қилиш.

Mubashshir Ahmad