Ijobiy xulosa olmasdan loyihalarni bajarish javobgarlikka sabab bo‘ladi
Maʼmuriy javobgarlik to‘g‘risidagi kodeksining 96-moddasida loyihalarni davlat ekologik ekspertizasining ijobiy xulosasisiz yoxud unga rioya qilmagan holda ro‘yobga chiqarganlik uchun javobgarlik belgilangan bo‘lib, unga ko‘ra, fuqarolarga bazaviy hisoblash miqdorining ikkidan bir qismidan bir baravarigacha, mansabdor shaxslarga esa — bir baravaridan uch baravarigacha miqdorda jarima tayinlash ko‘rsatilgan.
Shundan kelib chiqib, Namangan viloyati Ekologiya boshqarmasi va shahar, tuman xodimlari tomonidan doimiy ravishda targ‘ibot ishlari amalga oshirib kelinmoqda. Shunga qaramay ayrim fuqarolar o‘zboshimchalik bilan yer tekislash ishlarini bajarib kelmoqdalar.
Yangi Namangan tumani «Axsikent» mahallasida fuqaro N.U Ekologik ekspertiza xulosasi olmasdan o‘zining boshqaruvidagi ekskavatorda tabiiy adirlik yerini tekislab, qurilish uchun joy ochayotgani aniqlandi. Holat bo‘yicha unga nisbatan yuqoridagi modda bilan bayonnoma rasmiylashtirilib, bazaviy hisoblashning bir barobari miqdorida jarima tayinlandi.
Bu holat Yangi Namangan tumani Ekologiya bo‘limi xodimlari tomonidan «Axsikent» mahallasida tashkil etilgan profilaktik reyd tadbirida aniqlandi.
Reyd tadbiri davom etmoqda.
Namangan viloyati Ekologiya boshqarmasi matbuot xizmatiBizni kuzatib boring 📱
Telegram // 📱
@econam_bot
