Urganch tumani hokimligi

Tuman hokimligining navbatdagi sayyor qabuli Killavut mahallasida o‘tkazildi

Qabulda tumani hokimi, O'zbekiston Respublikasi Prezidentining Urganch tumanidagi Xalq qabulxonasi mudiri E.Sapayev va mas'ul tashkilot rahbarlari ishtirok etishdi.

Sayyor qabul davomida, fuqarolar tomonidan ish bilan ta’minlash, tomorqa yerlarini ijaraga olish, ijtimoiy himoya va boshqa masalalarda yo‘llangan murojaatlar ro‘yxatga olinib, tegishli tartibda ijroga qaratildi.

Urganch tumani hokimligi axborot xizmati
Facebook | YouTube| Telegram I Instagram I Sayt

Xorazm viloyatida “Yosh qutqaruvchi” ko‘ngillilar klublari o‘rtasida viloyat bosqichi musobaqasi o‘tkazildi

Xorazm viloyatining turli hududlarida faoliyat yuritayotgan litsey, umumta’lim maktablari va politexnikumlarida tashkil etilgan “Yosh qutqaruvchi” ko‘ngillilar klublari o‘rtasida “Yosh qutqaruvchi”musobaqasining viloyat bosqichi bo‘lib o‘tdi.
Musobaqa 5 ta shart asosida tashkil etilib, unda jamoalar o‘zlarining jismoniy tayyorgarligi, favqulodda vaziyatlar yo‘nalishidagi nazariy bilim va amaliy ko‘nikmalarini sinovdan o‘tkazishdi. Har bir ishtirokchi jamoa tengsiz kurash olib borib, o‘z mahoratlarini namoyon etishga harakat qildi.

Musobaqa yakunlariga ko‘ra umumta’lim maktablari o‘rtasida:
1-o‘rin – Urganch tumanidagi 36-sonli umumta’lim maktabining “Yengilmaslar” jamoasi;
2-o‘rin – Urganch shahar 5-sonli umumta’lim maktabining “Jasorat” jamoasi;
3-o‘rin – Gurlan tumani 29-sonli umumta’lim maktabining “Qalqon” jamoasi egalladi.

Politexnikumlar o‘rtasida esa:
1-o‘rin – Xonqa tumani 2-sonli politexnikumining “Xorazm” jamoasi;
2-o‘rin – Yangibozor tumani 1-sonli politexnikumining “Jasorat” jamoasi;
3-o‘rin – Urganch tumani 1-sonli politexnikumining “Yosh qutqaruvchilar” jamoasi egalladi.

Mazkur musobaqada 13 ta umumta’lim maktablaridan 104 nafar o‘quvchi hamda 10 ta kasb-hunar maktablaridan 80 nafar o‘quvchi ishtirok etishdi.
Musobaqalar davomida Xorazm viloyati Favqulodda vaziyatlar boshqarmasi, O‘zbekiston Respublikasi Yoshlar ittifoqi Xorazm viloyati kengashi, Maktabgacha va maktab ta’limi boshqarmasi hamda Oliy ta’lim, fan va innovatsiyalar boshqarmasi bilan hamkorlikda g‘olib jamoalar va nominatsiyalar bo‘yicha ajralib chiqqan ishtirokchilarga diplom, faxriy yorliq hamda esdalik va qimmatbaho sovg‘alar tantanali ravishda topshirildi

Urganch tumani hokimligi axborot xizmati
Facebook | YouTube| Telegram I Instagram I Sayt

⚠️Internetdagi zoʻravonlik va axloqsizlikni targʻib qiluvchi kontentlar yoshlarning ruhiy barqarorligiga xavf soladi!

Bugun bolalarning tarbiyasiga, dunyoqarashi va fikrlari shakllanishiga real muhitdan koʻra, virtual muhit koʻproq taʼsir koʻrsatmoqda.

Onlayn platformalar orqali axborot almashinuvi, shu bilan birga, taʼlim, tadbirkorlik va ijtimoiy muloqot samarali yoʻlga qoʻyilgan. Ammo shunday imkoniyatlar fonida, internet orqali shafqatsizlik, zoʻravonlik, axloqsizlik kabi salbiy illatlar ham keng tarqalmoqda.

Bu holat nafaqat shaxsiy, balki umumjamiyat darajasida jiddiy oqibatlarga olib kelishi mumkin.

xabar.uz yangiliklar saytida eʼlon qilingan ushbu maqola zurriyodining kelajagiga befarq boʻlmagan har bir ota-onani jiddiy oʻylov va tashvishga solishi tabiiy.

Muallif Jasur Husanov (AOKA boshqarma boshligʻi) Ijtimoiy tarmoqlarda, xususan, YouTube, TikTok, Instagram va Telegram kabi platformalarda ayrim shaxslar va guruhlar tomonidan zoʻravonlik, shafqatsiz munosabatlar, hatto jinoyatlarning tafsilotlarini targʻib qilish holatlari aks etgan video, foto kontentlar tarqatilishining salbiy oqibatlariga toʻxtalgan.

Farzandlarimizning maʼnan komil, axloqan barkamol shaxs boʻlib yetishishida davlat organlari, taʼlim muassasalari, ota-onalar va ommaviy axborot vositalari hamkorlikda ish olib borishlari zarur.

Taʼlim tizimida axborot madaniyati, raqamli xavfsizlik va axloqiy tarbiya boʻyicha darslar joriy etilishi davr talabi boʻlib bormoqda.

Shu bilan birga, internet faoliyatini monitoring qiluvchi maxsus idoralar samarali ishlashi, yoshlar uchun sogʻlom kontentlar yaratilishiga alohida eʼtibor qaratish kerak, deydi muallif maqolada.

Jasur Husanov muammoning yechimi sifatida qonunchilikni takomillashtirish, davlat va jamiyatning hamjihatligi, oila va taʼlim muassasalarining faol ishtirokini qayd etgan.

Shu bilan birga, davlatning bu boradagi masʼuliyatini oshirish, masʼul tuzilmalarning faoliyatini takomillashtirish zarurligini taʼkidlagan.

🌐aokaxorazm.uz | 💬Facebook | ✅Telegram |🌐Instagram

Urganch tumani Ulli Hovli tarixiy majmuasida kompleks tadbirlar o‘tkazildi.

Jumladan:
- “5 ming qadam” salomatlik aksiyasi
- Mahalla fuqarolari uchun tibbiy ko‘rik
- Arzonlashtirilgan oziq-ovqat mahsulotlari yarmarkalari
- Bo'sh ish o'rinlari bo'yicha mehnat yarmarkasi
- Sport tadbirlari
- Imtiyozli kreditlari taqdimoti

Tuman madaniyat xodimlarining ijodiy chiqishlari Ulli Hovli tarixiy majmuasiga tashrif buyurgan chet ellik mehmonlar sayohatiga o'zgacha kayfiyat ulashdi.

Urganch tumani hokimligi axborot xizmati
Facebook | YouTube | X | Telegram I Instagram I Sayt