#Sirdaryo_viloyati

Yangiyerda 42 ming nafarga yaqin aholi oqova suv xizmati bilan qamrab olinadi

Ekologik holatni yaxshilash, aholi uchun maqbul sanitariya sharoitlarini yaratish muhim vazifa sanaladi. Bu borada mamlakatimizda davlatimiz rahbari tashabbusi asosida bir qator ishlar amalga oshirilmoqda.

📊Jumladan, Sirdaryo viloyatida Islom taraqqiyot banki mablagʻlari hisobidan 2017 - 2021-yillarda Guliston, Shirin va Yangiyer shaharlarida kanalizatsiya tizimlarini rekonstruksiya qilish va kengaytirish loyihasini amalga oshirish boʻyicha kelishuvga erishilgan. Biroq, ushbu loyiha boʻyicha obyektlardagi qurilish ishlari ayrim (pandemiya, moliyalashtirish va boshqa) sabablarga koʻra choʻzilib, 3 yildan buyon foydalanishga topshirilmasdan kelingan.

"O‘zsuvta’minot" AJ boshqaruvi raisi v.b. A.Suvankulov xizmat safari bilan Sirdaryo viloyatida bo‘ldi va Yangiyer shahar oqova suv tozalash inshootini ko‘zdan kechirdi. Bugungi kunda loyiha doirasida har bir obyektdagi, jumladan Yangiyer shahridagi oqova suv tozalash inshootida ham muammolar hal qilingan. Boshqaruv raisi inshootni ko‘zdan kechirib, belgilangan muddatda foydalanishga topshirish choralarini ko‘rish yuzasidan mas’ullarga topshiriq berdi.

📈Qayd etish joiz, loyiha yakunida Yangiyer shahrida istiqomat qiluvchi 41.1 ming nafar aholining ekologik va sanitariya - epidemiologik holati hamda turmush sharoiti yaxshilanishiga imkoniyat yaratiladi. Bundan tashqari, shahardagi 3540 ta xususiy va 289 ta koʻp qavatli xonadonlarda oqova suv tizimi yaxshilanadi.

|🗝Cabinet        |🌐Website
|🤖Bot                 |😄Telegram
|💬Facebook     |🌐Instagram
|📹YouTube      |🕊 Twitter
|💬Chat               |✅ TikTok