"URUG'CHILIKNI RIVOJLANTIRISH MARKAZI " DM

#Xalqaro_hamkorlik

G‘O‘ZA URUG‘CHILIGI BO‘YICHA XALQARO HAMKORLIK YANADA KENGAYMOQDA

🌱Paxta yetishtirish bo‘yicha yangi mexanizm joriy qilinib, yangi texnologiya va qurg‘oqchilik, sho‘rlanish hamda kasalliklarga chidamli navlarni yaratish bugun davr talabiga aylandi.

📈Respublikamizda joriy yil paxta ekiladigan maydonlarning 20%ida xorij seleksiyaga mansub g‘o‘za urug‘lari Shinjon agrotexnologiyasi asosida ekiladi. Yana 20% maydonda mahalliy g‘o‘za urug‘larimiz ham Shinjon texnologiyasi asosida 76/10 sxemali qo‘shqator, plyonka ostida ekish maqsad qilingan. Bu amaliy natijalarning asosida albatta xalqaro hamkorlik va o‘zaro tajriba almashish yotibdi. Xususan Xitoy Xalq Respublikasi bilan olib borilayotgan ilmiy va amaliy hamkorliklar yuqori hosildor navlarni va agrotexnologiyalarni mamlakatimizga kirib kelishiga zamin yaratmoqda.

✅Urug‘chilikni rivojlantirish markazi direktori Bunyod Mamarahimov Xitoyning  innovatsion paxta urug‘chiligi bilan shug‘ullanuvchi "Xinjiang Jinghua Seed" Co., Ltd.  korxonasi rahbari Chengbo Jiang bilan uchrashuv o‘tkazdi.

🔗Tomonlar O‘zbekiston sharoitida urug‘lik paxta yetishtirish bo‘yicha hamkorlikni yo‘lga qo‘yish borasida muloqot qildi. Xususan, g‘o‘zaning ko‘sak qurti zararkunandasiga va gerbitsidga chidamlilikni ta’minlovchi genlari kiritilgan biotexnologik navlari urug‘liklarini yetishtirish bo‘yicha hamkorlik qilish masalalari muhokama etildi.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#Xalqaro_hamkorlik

🔣TURKIYALIK INVESTORLAR HAMKORLIK TAKLIFINI BILDIRDI

⚜️Urug‘chilikni rivojlantirish markazi direktori Bunyod Mamarahimov Turkiyaning
"Turkish genetik" kompaniyasi vakillari bilan uchrashuv o‘tkazdi.

📌Mazkur kompaniya qishloq xo‘jaligi ekinlari urug‘lari savdosi bo‘yicha Turkiyada yetakchi hisoblanadi. Asosan Turkiya va Yevropa mamlakatlarida yaratilgan hosildor sabzavot va yem-xashak ekinlari urug‘chiligi bilan shug‘ullanib keladi.

🔗Tadbirkorlar sabzavot va yem xashak ekinlari urug‘larini ko‘paytirish bo‘yicha hamkorlik taklifini bildi. Urug‘chilikni rivojlantirish markazi direktori Bunyod Mamarahimov hamkorlik shartlari va urug‘chilik sohasiga oid O‘zbekiston Respublikasi qonunlarida belgilangan normativ-huquqlar bilan tanishtirdi.

🤝Tomonlar kelgusida har ikki tomon uchun manfaatli hamkorlik aloqasini o‘rnatish bo‘yicha kelishib oldi.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

"8-MART —XALQARO XOTIN-QIZLAR KUNI" MUBORAK BO'LSIN

Assalomu alaykum, aziz ayollar, hurmatli opa-singillar!

   Siz azizlarni "8-mart —Xalqaro xotin-qizlar kuni" bayrami bilan samimiy muborakbod etaman! Yasharish va yangilanish fasli boʻlgan bahor fasli sizdek aziz ayollarimiz bayrami bilan boshlanadi. Har kuningiz bahor va har kuningiz bayramdek oʻtsin!

Azizlar! Doimo bahor fasliday gul-gul yashnab yurish hammangizga nasib etsin. Sizlarga sogʻlik,  tinchlik va xotirjamlik, oilaviy baxt tilayman. Yuzingizdan kulgu, labingizdan tabassum arimasin!

Bunyod Mamarahimov
Urug'chilikni rivojlantirish markazi direktori

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#8_mart_muborak

"8-mart—Xalqaro xotin qizlar kuni"

🌷Bahor faslining avvalida butun dunyo bo‘ylab Xotin-qizlar kunini nishonlash yaxshi an’anaga aylangan. Bunda ham, albatta, ramziy ma’no-mazmun bor. Zero, tabiatning uyg‘onishi, yangi hayot nafasining ufurishi hayotimizga go‘zallik, qalblarimizga mehr-muhabbat olib kiruvchi ayollarimizning bayrami bilan hamohang.

🍀Urug'chilik rivojlantirish markazda  ham "8-mart — Xalqaro xotin-qizlar kuni” bayrami munosabati bilan tadbir tashkil etildi. Jamoadagi xotin-qizlarni direktori o'rinbosari Shermuhammad Aminov samimiy muborakbod etib, bayram sovg'alarini topshirdi.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#bizning_nav

🟢Maxsarning «Tikandor» navi

✅Lalmikor dehqonchilik ilmiy-tadqiqot instituti seleksioner olimlari tomonidan yaratilgan.

📊Navning o‘suv davri 118-124 kun
✔️O'simlik bo'yi o'rtacha — 68-82 sm
💬Kasalliklariga chidamliligi yuqori
➡️Bitta o'simlikda savatchalar soni — 24-28 ta
✅Savatchalar diametri — 28-32 mm
👉Savatchadagi urug'lar soni — 36-42 dona
🔎1000 dona vazni — 34-36 g
🕯Urug' tarkibidagi yog' miqdori — 26-28%
⚡️Ekish meyori — 18-20 kg
⚜️Hosildorligi lalmi yerlarda — o'rtacha 8-12 s/ga
⚡️Sug'oriladigan yerlarda — o'rtacha 18-22 s/gа

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#Xalqaro_aloqalar

✅XITOY QISHLOQ XO'JALIGI FANLAR AKADEMIYASI VAKILLARI BILAN UCHRASHUV

⏩Urug'chilikni rivojlantirish markazi direktori Bunyod Mamarahimov Xitoy qishloq xo‘jaligi fanlari akademiyasi ma'sul xodimlaridan iborat delegatsiya a'zolari bilan uchrashdi.

🔄Dastlab, Bunyod Mamarahimov O'zbekiston va Xitoy Xalq Respublikasi qishloq xo'jaligi sohasida uzoq yillik hamkorlik aloqalarini e'tirof etib, ayni vaqtda amaliy hamkorliklar mamlakatlarimiz ilm-fan va iqtisodiyotiga naf keltirayotganini ta'kidlab o'tdi.

🔗O'tgan yili Davlatimiz rahbari qarori bilan respublikada jami paxta ekiladigan maydonning 10% da xorijiy g'o'za navlari ekilib, Shinjon agrotexnologiyasi asosida yetishtirildi. Yana 10% maydonda mahalliy navlarimizni ham Shinjon uslubida ekilib, natijalar avvalgi yil bilan qiyosiy taqqoslandi.

🧬Joriy yilda mahalliy g'o'za navlari hamda ko’sak qurtiga chidamlilikni ta'minlovchi Bt geni mavjud xorijiy g'o'za navlarining urug'chiligini tashkil etish bo'yicha Xitoy davlati bilan ilmiy hamkorlikni yo'lga qo'yish istiqbollari bo'yicha muzokara o'tkazildi. Bu haqida Urug'chilikni rivojlantirish markazi direktori Bunyod Mamarahimov o'z taqdimoti orqali ma'lum qildi.

🔗Ma'lumot uchun: *Bt–g‘o‘za navi – genetik jihatdan o‘zgartirilgan, o‘simlik genomiga ko'sak qurti zararkunandasi uchun zararli bo‘lgan oqsillarni sintezlovchi CRY1Ab, CRY1Ac va CRY2Ab kabi genlari kiritilgan g‘o‘za navidir.
Ko‘sak qurtiga chidamlilik o‘simlikka Bacillus thuringiensis (Bt) tuproq bakteriyasining genetik materialini o‘tkazish orqali erishiladi. Genetik material o‘ziga xos xususiyatlarga ega bo‘lgan, ya’ni hasharot va zararkunandalariga toksik ta’sir ko‘rsatadigan, biroq sutemizuvchilar va maqsadli bo‘lmagan organizmlarga zararli ta’sir qilmaydigan oqsillarni kodlaydi.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube