Toshkent shahar "Barkamol avlod" bolalar maktabi

✏️ Жаҳон адабиёти ва тафаккури тарихида ўчмас из қолдирган Алишер Навоийнинг серқирра ижтимоий-сиёсий, ижодий, илмий-маърифий фаолияти, бой адабий-бадиий мероси асрлар давомида юксак инсонпарварлик, Ватанга садоқат, адолат ва эзгулик тимсоли сифатида ҳамиша жаҳон аҳлининг эътиборини тортиб келмоқда.

✏️ Ҳазрат Мир Алишер Навоий ўта мураккаб шароитда миллий ва умуминсоний ғояларни баланд кўтариб майдонга чиққани, ўзбек адабий тилига асос солиб, унинг ўлмас руҳи, қудрати ва латофатини ҳар томонлама исботлаб бергани чинакам маънавий жасорат намунаси, десак, айни ҳақиқатни айтган бўламиз.

✏️ Бу мумтоз сиймо жаҳон адабиёти мезонларига, замон ва тарих синовларига тўла жавоб берадиган дурдона асарлар яратиб, нафақат ўзбек, балки барча туркий адабиётлар ривожига беқиёс ҳисса қўшгани ҳам юксак ҳайрат ва таҳсинга муносибдир.

✏️ Бугунги кунда биз Янги Ўзбекистонда Учинчи Ренессансни барпо этиш жараёнларида Алишер Навоий асарларини ўзимиз учун битмас-туганмас куч-ғайрат ва илҳом манбаи деб биламиз. Шу боис бу ноёб маънавий бойликни чуқур ўрганиш ва тарғиб этиш доимо эътиборимиз марказида бўлади.

📍 Биз билан бирга бўлинг!

🗓 6-7-fevral kunlari Toshkent shahridagi “Barkamol avlod” bolalar maktablarining faoliyati va binolari holatini o'rganish bo'yicha Maktabgacha va maktab ta'limi vazirligi huzuridagi Respublika "Barkamol avlod" bolalar maktabining mas'ul xodimlari Achilova Nasiba Rashidovna va Boltayeva Gulbahor Shokirovna tashrif buyurishdi.

📝 Tashrifdan maqsad O'zbekiston Respublikasi Prezidentining 2019-yil 30-sentyabrdagi "Xalq ta'limi tizimidagi maktabdan tashqari ta'lim samaradorligini tubdan oshirish chora-tadbirlari to'g'risida" PQ-4467-son qarori hamda Maktabgacha va maktab ta'limi vazirligi Hay'at yig'ilishining 2-son bayoni 25-bandi ijrosini ta'minlashdan iborat.

🔰 Ikki kun davomida Ishchi guruh tomonidan "Barkamol avlod" bolalar maktablarining faoliyati va binolari holati o'rganildi.

📍 Biz bilan birga bo'ling!

🔝 6 февраль куни "Алишер Навоий" номидаги Ўзбекистон Миллий кутубхонасида адабиётнинг буюк устози Мир Алишер Навоий таваллудининг 584 йиллигига бағишланган “Навоий ижоди: макон ва замон ўртасида” мавзусида адабий кеча ўтказилди.

🔝 Миллий-маданий марказлар, ёш авлод вакиллари иштирокида ташкил этилган ушбу адабий кеча адабиётнинг оламшумул кучини яна бир бор намоён этди.

🔝 Навоий ижоди ва унинг аҳамиятини кенг жамоатчиликка етказиш, маданиятлараро ҳамкорликни мустаҳкамлаш, ёшларни буюк аждодларимиз меросини ўрганишга тарғиб қилиш мақсадида ташкил этилган тадбирда Ўзбекистон Ёзувчилар уюшмаси, Беларусь миллий-маданий маркази, Алишер Навоий номидаги Тошкент давлат ўзбек тили ва адабиёти университетининг навоийшунос олимлари, Тошкент амалий фанлар университетининг профессор-ўқитувчилари ва Тошкент шаҳридаги 210-мактаб ўқувчилари иштирок этишди.

🔝 Тадбир давомида Тошкент шаҳар “Баркамол авлод” болалар мактабларининг "Зарб" доирачилар ансамбли ва "Бахтем" рақс жамоасининг иқтидорли ўқувчилари ўзларининг бадиий чиқишлари билан қатнашишди.

🔝 Биз билан бирга бўлинг!

🟦🟦🟦

Faoliyat samaradorligini oshirish boʻyicha seminar-trening oʻtkazildi

📝 Joriy yining 30-yanvar kuni Maktabgacha va maktab ta'limi vazirligi huzuridagi Respublika "Barkamol avlod" bolalar maktabining mas'ul xodimlari Zokir Tovboyev va Xayriddin Boyirov tomonidan Toshkent shahar Mirzo Ulug'bek tumani “Barkamol avlod” bolalar maktabida seminar-trening tashkil etildi.

👤 Seminar-treningda, Toshkent shahar "Barkamol avlod" bolalar maktablarining direktor va direktor oʻrinbosarlari, bo'lim boshliqlari, uslubchilar va xodimlar ishtirok etishdi.

📢 Seminar davomida amaliy-uslubiy yordam ko'rsatish vaqtida aniqlangan kamchiliklar, ularni bartaraf etish va faoliyat davomida amalga oshiriladigan ishlarning samaradorligini oshirish yuzasidan kerakli tavsiyalar berildi.

📍 Biz bilan birga bo'ling!