Payg‘ambarimiz Muhammad sollallohu alayhi vasallamning hayotlari haqida asosiy voqealar Tug‘ilishlari va otalari Abdullohning vafotiMuhammad sollallohu alayhi vasallam milodiy 571-yilda (fil voqeasi yilida), Rabiul avval oyining 12-kuni (ba’zi manbalarga ko‘ra boshqa sanalar ham zikr qilinadi) Makkada tug‘ildilar. Tug‘ilishlaridan avval, otalari Abdulloh safar davomida Madinaga yaqin joyda vafot etdilar. Bu sababli Muhammad sollallohu alayhi vasallam yetim bo‘lib dunyoga keldilar.
Shaqqi Sadr voqeasi (ko‘ksining yorilishi)4 yoshlarida sut onalari Halima Sa’diya tarbiyasida bo‘lgan davrda yuz berdi. Rivoyatga ko‘ra, Jabroil alayhissalom kelib, Muhammad sollallohu alayhi vasallamning ko‘ksini yorib, qalbidan shaytonning ulushini olib tashladilar va uni poklab qayta joyiga qo‘ydilar. Bu voqeadan so‘ng Halima onasi ularni xavotir bilan onalari Omina binti Vahbga qaytarib berdilar.
Onalari Ominaning vafoti (6 yosh)Muhammad sollallohu alayhi vasallamni onalari Omina amakilari bo‘lgan Madinaga qarindoshlarini ziyorat qilish uchun olib boradilar. Madinadan qaytishda Abvo degan joyda onalari vafot etadilar. Bu voqea Muhammad sollallohu alayhi vasallam uchun yana bir og‘ir sinov edi. Shundan so‘ng ular bobolari Abdulmutalibning tarbiyasiga o‘tdilar.
Bobolari Abdulmutalibning vafoti (8 yosh)Bobolari Abdulmutalib Muhammad sollallohu alayhi vasallamni juda yaxshi ko‘rar va ularning kelajagiga katta umid bog‘lagan edilar. Ammo bobolari ham tez orada vafot etadilar. Ul zotni amakilari Abu Tolib o‘z tarbiyasiga oladi. Abu Tolib Muhammad sollallohu alayhi vasallamni farzandlaridan ham ortiqroq qadrlar edi.
Shomga birinchi savdo safari (12 yosh)Abu Tolib Muhammad sollallohu alayhi vasallamni savdo karvonida o‘zi bilan birga Shom (Suriya)ga olib boradi. Bu safar davomida ul zotni rohib Bahiro ko‘rib, ulardagi payg‘ambarlik alomatlarini sezgan va Abu Tolibni ularni yahudiylardan himoya qilish haqida ogohlantirgan edi.
Fijor urushida ishtirok (20 yosh)Quraysh va Kinona qabilasining Qays Aylon qabilasiga qarshi urushi edi. Muhammad sollallohu alayhi vasallam bu urushda jang qilmaganlar, ammo amakilariga o‘q yig‘ib berib yordam berganlar. Ushbu urushdan keyin Makkaning tinchligini ta’minlash uchun “Hilful Fuzul” ittifoqida faol ishtirok etganlar. Bu ittifoq adolat va zolimlarga qarshi turish uchun tashkil qilingan bo‘lib, Muhammad sollallohu alayhi vasallam bu harakatni juda qadrlaganlar.
Shomga ikkinchi savdo safari va Xadicha onamiz bilan nikohlanishlari (25 yosh)Xadicha binti Xuvaylid, Makkadagi obro‘li ayollardan biri, Muhammad sollallohu alayhi vasallamni o‘z savdo karvoniga boshliq qilib yuborgan edi. Ushbu safar davomida ul zotning halolligi, ishonchliligi va odilligi Xadicha onamizni hayratga soldi. Shundan so‘ng, Xadicha onamiz Muhammad sollallohu alayhi vasallamga nikoh taklif qildilar. Nikohdan so‘ng ular baxtli oila qurib, birga farzandlar ko‘rdilar.
Ka’baning qayta qurilishi va Hajarul Asvad voqeasi (35 yosh)Makka aholisi Ka’bani qayta qurishga kirishadilar. Hajarul Asvad (Qora toshni) o‘z joyiga joylashtirish masalasida qabilalar o‘rtasida jiddiy nizolar kelib chiqadi. Muhammad sollallohu alayhi vasallam adolatli hal qilish yo‘lini topib, qabilalarni yarashtiradilar. Ular toshni matoga qo‘yib, har bir qabila boshlig‘iga bir burchagidan ushlatadilar va o‘z qo‘llari bilan toshni o‘rniga joylashtiradilar.
ilk vahiy kelishi (40 yosh)Muhammad sollallohu alayhi vasallam 40 yoshlarida ko‘p vaqtlarini Makkaga yaqin bo‘lgan Hiro g‘orida ibodat bilan o‘tkazardilar. Bir kuni Jabroil alayhissalom kelib, ularga
“Iqra” (O‘qi!) deb ilk vahiyni yetkazadilar. Ushbu voqea Islom payg‘ambarligining boshlanishi bo‘ldi.
📚
Muhammad Mustafo sollallohu alayhi vasallam siyratlari.
©
Shayx Muhammad Al -Xuzariy👉
@Tarixdan_testlar_DG
