Matbuot kotibi - Suv xo‘jaligi vazirligi

ТИНГЛОВЧИЛАР КОРРУПЦИЯГА ҚАРШИ КУРАШИШ, МАНФААТЛАР ТЎҚНАШУВИГА ЙЎЛ ҚЎЙМАСЛИК ЮЗАСИДАН БИЛИМЛАРИНИ МУСТАҲКАМЛАШДИ

Сувчилар мактабида ўтказилаётган навбатдаги машғулот коррупцияга қарши курашиш ва унинг олдини олиш, комплаенс-назорат тизими, манфаатлар тўқнашувини бартараф этиш масалаларига бағишланди.
Коррупцияга қарши курашиш агентлиги масъул ходимаси Н.Самандарова, Ҳуқуқни муҳофаза қилиш академияси мутахассиси Т.Сафаров Ўзбекистон Республикасининг “Коррупцияга қарши курашиш тўғрисида”, “Манфаатлар тўқнашуви тўғрисида”ги қонунларининг мазмун-моҳияти, коррупциянинг олдини олиш ва унга қарши курашишнинг ҳуқуқий ва институционал асослари, коррупцияга оид ҳуқуқбузарликларни ўз вақтида аниқлаш, уларга чек қўйиш, уларнинг оқибатлари, уларга имкон берувчи сабаблар ва шарт-шароитлар, шунингдек, манфаатлар тўқнашуви билан боғлиқ омилларни тўлиқ бартараф этиш, давлат харидлари тартиб-таомилларини амалга оширишдаги вазифалар хусусида атрофлича тўхталди.

Ахборот хизмати

НАВБАТДАГИ МАШҒУЛОТ ДАВЛАТ ХАРИДЛАРИНИ ТАШКИЛ ЭТИШ МАСАЛАЛАРИГА БАҒИШЛАНДИ

Сувчилар мактабида ўтказилаётган Қорақалпоғистон Республикаси Сув хўжалиги вазири, ирригация тизимлари ҳавза бошқармалари, Насос станциялари ва энергетика бошқармалари, йирик магистрал каналлардан фойдаланиш бошқармалари бошлиқларининг малака ошириш курсининг навбатдаги машғулоти бюджет маблағларидан мақсадли ва самарали фойдаланишда Ўзбекистон Республикасининг “Давлат харидлари тўғрисида”ги Қонунининг ўрниҳақида сўз борди.
Кун тартибидаги масала юзасидан Ўзбекистон Республикаси Ҳисоб палатаси инспектори сўзга чиқиб, соҳага ажратилган бюджет маблағларининг мақсадли ва самарали сарфланишини таъминлаш борасидаги вазифалар хусусида тўхталди.
Вазирликда бюджет маблағларини мақсадли ва самарали ишлатилиши юзасидан масофавий тарзда мониторинг ва назоратни олиб бориш бўйича “Ситуацион марказ” ташкил этилганлиги тизимда давлат харидларини қонунчиликда белгиланган тартибда ташкил этишда муҳим омил бўлаётганлиги таъкидланди.

Ахборот хизмати

Бухоро вилояти

РУСТАМ ФЕРМЕРНИНГ ИБРАТИ

Рустам Сулаймонов Бухоро туманидаги «Зарум» фермер хўжалигига раҳбарлик қилади. Хўжалик ихтиёридаги 197 гектар майдонда пахта, ғалла, мева, чорва озуқаси ва бошқа турдаги қишлоқ хўжалик экинлари етиштирилади.
Фермер Давлатимиз раҳбарининг сувдан оқилона ва йўқотишларсиз фойдаланиш мақсадида ариқларни бетонлаштириш борасидаги ташаббусига ўзининг амалий ишлари билан жавоб қайтаришга ҳаракат қилмоқда. Айни кунларда фермер ўз ихтиёридаги ва «Шергирон» маҳалласининг «Ўзбекон» қишлоғи аҳолиси экин ерларини сув билан таъминлайдиган ички хўжалик ариғининг 200 метр узунликдаги қисмини бетонлаштириш ишларини бошлаб юборган.
– Баҳор фаслигача умумий узунлиги 600 метр бўлган канални тўлиқ бетонлаштиришга ҳозирлик кўраяпмиз, – дейди фермер Рустам Сулаймонов. – Бу сувдан фойдаланиш самарадорлигини янада ошириш имконини беради.

Аму-Бухоро ИТҲБ матбуот хизмати

Бухоро вилояти

РЕЖА 50 ФОИЗГА БАЖАРИЛДИ

Қоровулбозор тумани «Бўзачи» ҳудудидаги «Аҳад Салом» фермер хўжалиги ихтиёрида 80 гектар экин ери мавжуд. Ҳўжаликда жорий йилнинг куз-қиш мавсумида 450 метр ички ариқларини бетонлаштириш режалаштирилган.
Айни кунларда хўжалик аъзоларининг асосий эътибори бу юмушларни сифатли якунлашга қаратилган. Бугунгача режанинг 50 фоизида ишлар ниҳоясига етказилди.

Аму-Бухоро ИТҲБ матбуот хизмати

НАСОС СТАНЦИЯЛАРИНИ РЕКОНСТРУКЦИЯ ЛОЙИҲАСИ МУҲОКАМА ҚИЛИНДИ

2024 йил 12 ноябрь куни Сув хўжалиги вазирлигида Европа тикланиш ва тараққиёт банки (ЕТТБ)нинг Барқарор инфратузилма гуруҳи, Евроосиё инфратузилмаси директори Е. Мирошник бошчилигидаги делегация билан учрашув ўтказилди.

Сув хўжалиги вазири Ш. Хамраев делегация аъзоларини ташриф билан қутлади.

Президентимиз томонидан 2025 йил – сув хўжалигида “насослар самарадорлигини ошириш йили” деб эълон қилинганлигини айтиб ўтди.

Учрашувда Фарғона водийсида 118 та насос станциясини реконструкция қилиш лойиҳасини амалга ошириш босқичлари муҳокама қилинди.

Ахборот хизмати

Сайтда ўқиш

Расмий саҳифалар👇
Web-site | Telegram | Facebook | Instagram

СОҲАНИ РАҚАМЛАШТИРИШ ИСТИҚБОЛЛАРИ
МУҲОКАМА ЭТИЛДИ

Сув хўжалиги вазирлигида Рақамли технологиялар вазирининг биринчи ўринбосари О.Умаров бошчилигидаги мутахассис-ходимлар билан учрашув ташкил этилди.
Унда Сув хўжалиги вазири ўринбосарлари Х.Қувондиқов ва Р.Қаршиев иштирок этди.
Тадбирда вазирлик ҳузурида Рақамлаштириш марказини ташкил этиш борасидаги вазифалар атрофлича муҳокама этилиб, манзилли дастурлар ва чора-тадбирлар белгилаб олинди.

Ахборот хизмати

Сайтда ўқиш

Расмий саҳифалар👇
Web-site | Telegram | Facebook | Instagram

“ЎЗБЕКИСТОНДА СУВ РЕСУРСЛАРИНИ БОШҚАРИШНИ РАҚАМЛАШТИРИШ” ЛОЙИҲАСИ МУҲОКАМА ҚИЛИНДИ

Жорий йил 7 ноябрь куни куни қишлоқ хўжалигида сув ва энергия манбаларидан оқилона фойдаланиш ҳамда йўқотишларни камайтириш чора-тадбирлари юзасидан ўтказилган видеоселектор йиғилишида Президентимиз сув хўжалиги соҳасида кескин ўзгариш қилишнинг бирдан-бир йўли рақамлаштириш эканини таъкидлади.

Вазирлик ҳузурида Сув хўжалигини рақамлаштириш марказини тузиш, унда сув истеъмоли ва ҳисобини юритишнинг ягона ахборот тизими ишга тушириш бўйича вазифалар қўйилди.

Бугун Сув хўжалиги вазири Ш.Хамраев Венгриянинг
“Art Work Design” компанияси директори А.Федосеев билан учрашув ўтказди.

Ушбу компания билан ҳамкорликда Венгрия “Эксимбанки”нинг инвестиция маблағларини жалб этиб, “Ўзбекистонда сув ресурсларини бошқаришни рақамлаштириш” лойиҳасини амалга ошириш билан боғлиқ масалалар муҳокама қилинди.

Ахборот хизмати

Сайтда ўқиш

Расмий саҳифалар👇
Web-site | Telegram | Facebook | Instagram

ИЛМ БИЛАН ЧЎҚҚИЛАР ЗАБТ ЭТИЛАДИ

Давлатимиз раҳбари билим ўтда ёнмайди, сувда чўкмайди, яккаю ягона нажотимиз – илм, деган фикрларни кўп бор айтганлар.

Сув хўжалиги соҳасида ҳар йили ёзги суғориш мавсуми якунланганидан сўнг раҳбарлар ва мутахассисларни ўқитиш, малакасини ошириш анъанавий йўлга қўйилган.

2024 йил 12 ноябрь куни Сувчилар мактабида навбатдаги малака ошириш курси бошланди. Беш кунлик ўқишда Қорақалпоғистон Республикаси сув хўжалиги вазири, вилоятлар ирригация тизимлари ҳавза бошқармалари раҳбарлари, Насос станциялари ва энергетика бошқармалари, йирик насос станциялари ҳамда магистрал каналлар бошлиқлари иштирок этмоқда.

Тадбирни Сув хўжалиги вазири Ш.Хамраев очиб берди. Президентимизнинг сувчиларга ғамхўрлиги, соҳада олиб борилаётган ислоҳотлар, бўлаётган янгилик ва ўзгаришлар, тизим ходимларининг халқимиз фаровонлиги йўлидаги хизматлари ҳақида сўз юритилди.

Батафсил

Расмий саҳифалар👇
Web-site | Telegram | Facebook | Instagram