Til va adabiyot ta’limi

#xabar

❗️ Boshqa tillarda ta’lim olgan sinf bitiruvchilari ham endi davlat tilidan imtihon topshiradi

Maktabgacha va maktab taʼlimi vazirining 2025-yil 20-fevraldagi 65-buyrugʻi bilan umumiy oʻrta taʼlim muassasalarida yakuniy davlat attestatsiyasi oʻtkazish tartibi belgilandi.

Mazkur hujjatga asosan umumiy oʻrta taʼlim muassasalarida yakuniy davlat attestatsiyasi oʻtkaziladigan fanlar roʻyxati va imtihon oʻtkazish shakllari, umumtaʼlim fanlari hamda xorijiy tillarni bilish darajasini baholovchi milliy va xalqaro tan olingan sertifikatlar roʻyxati tasdiqlandi.

Unga koʻra, 9-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika fanidan – yozma;
➖Oʻzbekiston tarixi fanidan – yozma/ogʻzaki;
➖Jismoniy tarbiya fanidan – amaliy shaklda oʻtkaziladi.

11-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika (Asosiy) / Matematika (Chuqurlashtirilgan) fanidan – yozma;
➖Tarix fanidan – yozma;

Oʻquvchining tanlovi boʻyicha:

➖ Ona tili va adabiyoti (qoraqalpoq, rus, qozoq, turkman, tojik, qirgʻiz tilida taʼlim boʻlgan sinflar uchun), Biologiya, Fizika, Kimyo, Davlat huquq asoslari, Geografiya fanlaridan – yozma;
➖ Chet tili fanidan yozma/ogʻzaki shaklda oʻtkaziladi.

Ma’lumot uchun, 2025-yilidan boshlab taʼlim o‘zbek tilida olib borilmaydigan umumiy o‘rta ta’lim muassasalarining 11-sinf bitiruvchilari uchun ham Davlat tilidan yakuniy nazorat imtihonlarini topshirish majburiy bo‘lishi belgilanmoqda.

🌐 Sayt ✈️ Telegram ✅Murojaat ♾Muhokama

#elektronjurnal
#Filologiya_Pedagogika

✅ "Filologiya va Pedagogika" ilmiy-metodik elektron jurnalining 2025-yilgi 2 (6)-soni bilan tanishing.

📌Elektron jurnal Maktabgacha va maktab ta’limi vazirligi "Til va adabiyot ta’limi" davlat korxonasi muassisligida nashr etiladi.

🏛 “Filologiya va pedagogika” ilmiy-metodik jurnali Oliy attestatsiya komissiyasi Rayosatining 2024-yil 30-noyabrdagi 364/5-qarori bilan 10.00.00 – Filologiya va 13.00.00 – Pedagogika fanlari bo‘yicha doktorlik dissertatsiyalari (PhD, DSc) asosiy ilmiy natijalarini chop etish tavsiya etilgan milliy ilmiy nashrlar ro‘yxatiga kiritilgan.

2025-yil 2 (6)-son

📥Maqolalar @FilologiyaPedagogikaBot orqali qabul qilinadi.

Sayt | Telegram | Murojaat | Muhokama

#maqola

📣 “Yilning eng yaxshi materiali” tanlovi I o‘rin sohibi Komila RAJABOVAning maqolasi "Til va adabiyot ta’limi" jurnalining 2025-yil 1-sonida e‘lon qilindi.

🔠 BATAFSIL

🌐 Sayt ✈️ Telegram ✅Murojaat ♾Muhokama

#savol

Rasmdagi yozuvlarda qanday xatolar bor, toping-chi?

*Rasm obunachilarimizdan kelgan.

🌐 Sayt ✈️ Telegram ✅Murojaat ♾Muhokama

#shoshiling

📣 OAK ro'yxatidagi “Filologiya va pedagogika” ilmiy-metodik elektron jurnalining mart soni uchun maqolalar qabuli davom etmoqda.

Muddat 10-martgacha. Jurnal 25-mart sanasida eʼlon qilinadi.

Murojaat uchun: https://t.me/FilologiyaPedagogikaBot

🌐 Sayt ✈️ Telegram ✅Murojaat ♾Muhokama

#sana

Matnazar Abdulhakimning “Darsdan soʻng” sheʼri uchun Xorazm viloyatida “Muallimga mangu ehtirom” haykali oʻrnatilgan.

Darsdan soʻng

Kimnidir koyidi chekkani uchun,
Tortib olib qoʻydi gugurtini ham.
Mashq daftarlarini yigʻdi-da, soʻngra
Bir-bir sanab koʻrdi. Yetti daftar kam.

“Har gal shunday ahvol. Uyalmaysizmi?
Kelasiz oʻqishmas, qilish uchun sayr.
Bu safar ham ikki qoʻymay turaman,
Ertaga qolganlar topshirsinlar. Xayr”.

Qish kuni – bir tutam. Qoraygandi qosh.
Ikkilandi. Oʻtmak kerak, axir, qirdan.
Eri ham kelmadi olib ketishga
“Uyda tinchlikmikan?!” – vahm etdi birdan.

Hamkasb dugonasi qistovga tutib,
“Tunab keting, – dedi. – Kech boʻlib qoldi”.
Koʻnmadi. Qoʻltiqlab mashq daftarlarni
Uyga yolgʻiz oʻzi yayov yoʻl oldi.

Ovul tugab, endi qirga chiqqanda
Oqshom quyuq edi, atrof sim-siyoh.
Yoʻldan qaytmoqchi ham boʻldi bir oʻyi.
“Oʻgʻlim xastalanib qoldimikan yo...”

Yuragini battar vahima bosdi,
Qamradi tundan ham battar bir qoʻrquv.
Oʻnqirmi, choʻnqirmi, oʻrmi, qir demay
Yana ketaverdi, ketaverdi u.

Mudhish bir sharpani ilgʻadi nogoh,
Razm solsa – qashqir. Qilardi taʼqib,
Esladi yirtqichning qoʻrqishin oʻtdan,
Iziga bir daftar tashladi yoqib.

Qashqir toʻxtab qoldi. Soʻng – yana, yana,
Muallima omon topgan bu olov
Yirtqichga berardi ilojsiz sabr.
Yoʻlovchi – yoqardi, qashqir – toʻxtardi,
Tin olardi ikkov har daftarda bir.

Yoʻl uzoq, tun qaro, qashqir esa och,
Och yirtqich bilarmi nadir sadoqat.
Uyga yaqin qolgan vaqtda tugadi
Muallimda daftar, qashqirda – toqat.

Uvvos figʻon tutdi qishloqni tongda,
Zamin aza ochdi, zamon yigʻladi.
Daftar topshirmagan yetti oʻquvchi
Hammadan ham yomon yigʻladi...

Noʻnoq nazmim uchun avf et, xalqim,
Na olim, na fozil, na soʻz piriman.
Oʻz vaqtida daftar topshira olmay
Qolgan bolalarning biriman.

Men yaxshi bilaman, tumor qilmaydi
Yozgan sheʼrlarimni oshiqlar.
Men yaxshi bilaman, qoʻshiqlarim joʻn,
Bilaman, bular bir oddiy mashqlar.

Lekin... ketmakdasan kelajak sari
Tap tortmay qismatning dasht, qirlaridan.
Oʻzimcha asragim keladi seni
Yovuzlik, xiyonat qashqirlaridan.

Men mashq bajaraman, yozaman har kun
Daraklar, soʻroqlar, xitoblarimni.
...Sen yoʻl boʻyi yoqib tashlab ketaver
Qashqirlar qoʻrqquvchi kitoblarimni...

Matnazar Abdulhakim

🌐 Sayt ✈️ Telegram ✅Murojaat ♾Muhokama

#qiziq
#savol

Rasmda nechta ot tasvirini ko‘ryapsiz?

Surat 1685-yili Boburiylar Hindistonida chizilgan.

🌐 Sayt ✈️ Telegram ✅Murojaat ♾Muhokama

#sana

14-fevral — muhabbat kuychisi Omon Matjon (1943—2020) tugʻilgan kun.

Umr o‘tar, vaqt o‘tar,
Xonlar o‘tar, taxt o‘tar,
Omad o‘tar, baxt o‘tar,
Lekin hech qachon chiqmas yodimdan
Sening yurishlaring, sening kulishlaring.

Bahorda bog‘ na go‘zal,
Qor tushsa tog‘ na go‘zal,
Bu yoshlik chog‘ na go‘zal,
Lekin hech qachon chiqmas yodimdan
So‘zsiz qarashlaring, holim so‘rashlaring.

Oy chiqar goh zaholi,
Do‘stlar ko‘pdir vafoli,
Hayot shundan safoli,
Lekin hech qachon chiqmas yodimdan
Sokin so‘zlashlaring, pinhon izlashlaring.

Umr — yo‘l, qayrilish ko‘p,
Uchrashish, ayrilish ko‘p,
Unutish, aytilish ko‘p,
Lekin hech qachon chiqmas yodimdan
O‘sha kulishlaring, o‘sha kelishlaring…

🌐 Sayt  ✈️  Telegram ✅Murojaat  ♾Muhokama

#Sana

Ertaga, 14-fevral – To‘ra Sulaymon tug‘ilgan kun.

“Ҳурматли Тўражон!

Сизга ва оила аъзоларингизга байрам муборак. Мен сизнинг садоқатли, покиза, илҳомли қалбингизни ҳурмат қиламан. Мен сизнинг негадир ҳамон панада қолиб келаётган, ўз негизини халқ қалбидан, табиат бағридан ва сизнинг жўшқин қалбингиздан оладиган, шулардан яраладиган ижодингизни, ҳеч кимнинг қаламига ўхшамайдиган қаламингизни ҳурмат қиламан ва яхши кўраман.

Нега кам ёзасиз? Юмушлар, ташвишлар кўпми? У кимда оз? Уларнинг энг мушкулидан ҳам шеър ва ҳикоялар яратмасак, унинг тугашини кутгунча умр ўтиб кетади.

Тошдан ҳам, нурдан ҳам, мунгдан ҳам асарини суғуриб олмоқ дардида яшаймиз. Фақат соғ бўлинса бас. Қалам тебратишга юрак билан бармоқлар дош бера олса бас.

Соғ бўлинг. Оилангизга салом айтинг.
Сизнинг Зулфия”

🌐 Sayt ✈️ Telegram ✅Murojaat ♾Muhokama

#xushxabar

🆕 Alisher Navoiy ensiklopediyasi nashr etildi

Bugun Yozuvchilar uyushmasida to‘rt jildlik “Alisher Navoiy ensiklopediyasi” kitobining taqdimoti bo‘lib o‘tdi.

Ushbu to‘rt jildlik nashr 1985 sahifadan iborat bo‘lib, 3 mingdan ortiq ensiklopedik maqolalarni qamrab olgan.

Qomus O‘zbek tilini rivojlantirish jamg‘armasi tomonidan “O‘zbekiston” nashriyotida 1000 nusxada chop etildi.

Filologiya fanlari doktori, professor Maqsud Asadovning ta’kidlashicha, mazkur ensiklopediya Alisher Navoiy ijodini mukammal o‘rganishda dasturulamal vazifani o‘taydi.

🔴 Navoiy ensiklopediyasi har bir o‘zbek ziyolisining kitob javonida albatta bo‘lishi kerak!

🌐 Sayt ✈️ Telegram ✅Murojaat ♾Muhokama

#kitoblar

📌 Kanalda berilgan pdf kitoblar ro'yxati:

✔️O‘zbekiston joy nomlarining izohli lug‘ati
✔️O‘zbek tili sinonimlarining katta izohli lug‘ati I jildi
✔️O‘zbek tili sinonimlarining katta izohli lug‘ati II jildi
✔️O'zbek tili izohli lug‘ati
✔️Axborot texnologiyalari izohli lug‘ati
✔️Bank-moliya terminlarining oʻzbek tilidagi izohli lug‘ati
✔️Diplomatik terminlar izohli lug‘ati
✔️Kimyo atamalari izohli lug‘ati
✔️O‘zbek tili frazeologik lu‘ati
✔️Yuridik terminlarning ruscha-o‘zbekcha lug‘ati
✔️O‘zbek tilining o‘quv imlo lug‘ati
✔️O‘zbek tilining orfoepik lug‘ati
✔️Ijtimoiy-siyosiy terminlarning qisqacha izohli lug‘ati
✔️O‘zbek harbiy terminologiyasi o‘quv qo‘llanmasi
✔️Tibbiy atamalar lug‘ati
✔️O‘zbek tili sinonimlarining izohli lug‘ati

🌐 Sayt  ✈️  Telegram ✅Murojaat  ♾Muhokama

#xushxabar

Maktablardagi oʻzbek tili (davlat tili) fani oʻqituvchilariga ham ustama toʻlanadigan bo‘ldi. Bu haqda Maktabgacha va maktab taʼlimi vaziri Hilola Umarova telegram sahifasida maʼlum qildi.

Vazirning yozishicha, 2025-yil 1-fevraldan boshlab Maktabgacha va maktab taʼlimi vazirligi tizimidagi umumiy oʻrta taʼlim muassasalarida oʻzbek tili (davlat tili) fani boʻyicha dars beruvchi hamda Bilim va malakalarni baholash agentligining milliy baholash tizimida olingan tegishli darajadagi oʻzbek tili va adabiyoti sertifikatiga ega boʻlgan pedagog kadrlarga ularning tarif stavkasiga nisbatan 50 foiz miqdorida har oylik qoʻshimcha ustama toʻlanadi.

Maʼlumot uchun, mazkur yangilik Prezident tomonidan qabul qilingan “Oʻzbekiston–2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida”gi farmonida belgilab qoʻyilgan.

🌐 Sayt ✈️ Telegram ✅Murojaat ♾Muhokama