Surxondaryo viloyati prokuraturasi

Сурхондарё вилояти прокуратураси томонидан Ўзбекистон Республикаси Президентининг 31.05.2023 йилдаги “Мамлакатимизда қонун устуворлиги ва прокуратура органларининг аҳоли билан янада яқин ҳамкорлигини таъминлашда ходимларнинг маънавий-интеллектуал салоҳиятини юксалтириш бўйича қўшимча чора -тадбирлар тўғрисида”ги 170-сонли Қарори ижросини таъминлаш мақсадида ходимлар иштирокида маънавий-маърифий тадбирлар ўтказиб келинмоқда.

Маълумки, музей – тарих кўзгуси, тарбия масканидир.

Шу боис, ҳафтанинг ҳар жума куни ўтказиб келинаётган маърифат соати доирасида прокуратура ходимларининг дунёқараши, сиёсий онги, маънавий ва интеллектуал салоҳиятини юксалтириш, улардаги касбга садоқат, эл-юрт тақдирига дахлдорлик туйғусини янада кучайтириш мақсадида  Термиз Археология музейига экскурсия ташкил этилди.

Ҳар бир ходим Сурхондарё тарихига оид ҳужжатлар ва музей экспонатлари ҳақида батафсил маълумот олиб, аждодларимизнинг ҳаёти ва ижодига бағишланган кўргазмалар билан танишди.

Таъкидлаш лозимки, ташкил этилаётган бу каби экскурсиялар ходимларга маънавий озуқа бериб, Ватанга муҳаббат, аждодларга, тарихимизга бўлган фахр туйғуларини оширишга хизмат қилади.

Бу каби тадбирлар доимий эътиборда бўлиб, ходимларнинг маънавий- маърифий салоҳиятини янада ошириш борасидаги ишлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | @user-vs9yb6uq6e' rel='nofollow'>YouTube | Veb-sayt