Sukut Saqlama (NeMolchi.uz o'zbek tilida)

Skinnisheyming

Munisa doimo ozg‘in bo‘lgan. Sinfdoshlari hatto uni kasal deb orqasidan gap-so‘z qilishardi.

Ulardan biri qizga qarata: "Munis, ovqatlanib ol, aks holda shamol uchirvoradi”, deb qahqaha otadi.

Munisa kulishga harakat qilsa-da, ichidan juda ezilardi. U vazniga ta'sir o‘tkaza olmasligini bilardi va bunday pichinglarni har kuni eshitardi.

Skinnisheyming – kimnidir ozg‘inligi uchun masxara qilish va haqoratlash bo‘lib, mashara qilinayotgan odamning o‘z tanasidan uyalishiga olib keladi.

Siz skinnisheymingga uchraganmisiz?

Minimizary

#SukutSaqlama #seksizm_ensiklopediyasi

Saida BEKNAZAROVA – Muhammad al-Xorazmiy nomidagi Toshkent axborot texnologiyalari universiteti Audiovizual texnologiyalar kafedrasi professori, texnika fanlari doktori, dotsent.
2016-yilda “Fandagi hamkorlik” xalqaro ilmiy-tadqiqot markazi tomonidan o‘tkazilgan “E'tirof” (Rossiya Federatsiyasi) fan va ta’lim sohasidagi yuksak yutuqlar 1-xalqaro tanlovida 2-o‘rinni egallagan.

“Oliy ta’lim muassasasining eng yaxshi o‘qituvchisi” respublika tanlovining “Aloqa, axborotlashtirish va telekommunikatsiya texnologiyalari sohasida innovatsion va axborot texnologiyalaridan foydalanadigan eng yaxshi o‘qituvchisi” nominatsiyasi bo‘yicha g‘olib bo‘ldi.

U YuNESKOning Butunjahon taraqqiyot dasturi (TWAS) boʻlimi boʻlgan Rivojlanayotgan mamlakatlardagi olima ayollar xalqaro tashkiloti (OWSD) aʼzosi va Oʻzbekiston Xotin-qizlar qoʻmitasi tomonidan “Yil ayoli” unvoni bilan taqdirlangan.

Saida Beknazarova bilan intervyudan parcha (manba: qwant.uz sayti)

– Sizningcha, nima uchun Nobel mukofoti sovrindorlari orasida va umuman ilmiy sohada ayollar juda kam? Qizlarning fanga kirishiga yoki bu borada katta muvaffaqiyatlarga erishishiga xalaqit beradigan muammo yoki cheklovchi omil bormi?

“Ayollarning tashvishlari juda ko‘p. Biron natijaga erishish uchun ko‘p vaqt, ko‘p mehnat, bilim sarflash va muvaffaqiyatsizliklarga qaramay, faqat ijobiy natijaga erishishga intilishimiz kerakligini yaxshi anglaymiz. Lekin hamma ham bunga tayyor emas, biz oila, ilm va ishni birday olib borishga majburmiz. Lekin baribir hamma yuqori natijalarga intilishi kerak.

Qizlarimizni ilmga kirishdan to‘xtatib turgan omil esa, nazarimda, oilada qo‘llab-quvvatlanmaslikdir. O‘g‘ildir, qizdir – bolalarni teng ko‘rish, ularni o‘z ustida ishlashga o‘rgatish, har tomonlama rivojlantirish, qiz farzanda yoki rafiqaning urinishlarini qo‘llab-quvvatlash, masalan, unga uy ishlarida yordam berish kerak. Qizlarga ta'lim, ilm-fan va o‘z-o‘zini takomillashtirishga undaydigan haqiqiy misollar kerak. Buyuklarning naqlini unutmang: "O‘g‘il o‘qitsang o‘zingga foyda, qiz o‘qitsang ummatga foyda".

#SukutSaqlama #IlmFandaAyollar

2 yil oldin yozilgan postni yana eslatishni ma'qul ko'rdik

Hazil, hazil, deysizlar-u, uning tagida haqiqat yotishi esingizdan chiqadi

Ijtimoiy tarmoqlarda 24-fevral oilaviy tinchlik va xotirjamlik kuni ekanligi eslatildi.

Eng qizig‘i, aksariyat yirik kanallar "erkaklar bugun hamma narsani qilishlari mumkin, xotinlarga erlari bilan janjallashishlari, telefonlarini titishlari va do‘stlari bilan ko‘chaga chiqqanlarida bezovta qilishlari mumkin emas" degan fikrlar tarqatilmoqda.

Oilaviy tinchlik va xotirjamlik kuni deyilyapti, baraka topgurlar! Erkaklarni tinch qo‘yish kuni deyilmayapti. Shu kuni oilaviy taom tayyorlanglar, birgalikda dam olish maskanlariga boringlar kabi chiroyli maslahat berish o‘rniga doimgidek o‘sha stereotiplarga yo‘g‘rilgan hazillar.

Qanday kun bo‘lishidan qat’iy nazar, er va xotin bir-birlarini hurmat qilib, avaylashlarini tilab qolamiz!

#SukutSaqlama #Sana #oila #gendertenglik

Tailandning Bangkok shahrida kamondan otish bo‘yicha Osiyo kubogining I bosqichi yakuniga yetdi. Milliy terma jamoamiz ayollar o‘rtasidagi jamoaviy bahslarda oltin medalini qo‘lga kiritdi!

Xalqaro musobaqaning yakuniy bellashuvlarida ayollar o‘rtasida jamoaviy yo‘nalishida 4 nafar merganlarimiz Abdusattorova Ziyodaxon, Xamroyeva Nilufar, Nurmanova Jasmina va Ergashova Omina Malayziya terma jamoasiga qarshi bahs olib borishdi va 5-3 hisobida oltin medalni qo‘lga kiritishdi!

Xalqaro musobaqada oltin medalni qo‘lga kiritgan sportchi qizlarni jamoamiz nomidan tabriklaymiz!

Manba

#SukutSaqlama #SportdaAyollar

Agar siz katta opa bo‘lsangiz, ehtimol sizga: "Sen qiz bolasan-ku, menga yordam ber", "Sen eng kattasisan, aqlliroq bo‘l", "Ukalaringga qarashing kerak" degan iboralarni ko‘p eshitgansiz. Bu oddiy so‘zlardek ko‘rinadi, lekin ularning ortida tizimli muammo yotadi: g‘amxo‘rlik, sabr-toqat va mas'uliyatning ijtimoiy yuklangan ayol roli.
⠀
Katta opa sindromi nafaqat bolalik tajribasi, balki gender tengsizligining aksi bo‘lib, qizlarga erta yoshdan to‘lanmagan enagalik va "ikkinchi ona" rolini o‘ynashga o‘rgatiladi. Bu tanlov emas, balki ularning roziligisiz ularga yuklangan burchdir.
⠀
Bu keyinchalik ayolga katta hayotda qanday ta'sir ko‘rsatadi?
⠀
Katta opa sindromi deganda nafaqat oilaga, balki ayollarga g‘amxo‘rlik qilish, qurbonlik qilishi kerak bo‘lgan butun tizim nazarda tutiladi.
⠀
📌 Ayol har doim munosabatlardagi tartib uchun "mas'ul". Bolalikda qizlar o‘z vazifasi uyni batartib saqlash, nizolarni hal qilish va boshqalarga g‘amxo‘rlik qilish ekanligiga odatlanib qolishadi. Natijada, ular butun umr davomida munosabatlatni "yamashadi", partnyorini qutqarishadi va o‘z manfaatlarini qurbon qilishadi.
⠀
📌 Ular o‘z qadriyatlari birovga foyda keltirishda deb bilishadi. Agar boshqalarga g‘amxo‘rlik qilmasang, demak sen yomon qiz, rafiqa, ona, dugonasan.
⠀
📌 Chegaralar bilan qiyinchilik. Yoshligidan to‘ng‘ich qizlar o‘zlarining ehtiyojlari ikkinchi darajali ekanligiga o‘rganadi. Shuning uchun ular ko‘pincha noqulay sharoitlarga rozi bo‘lishadi, rad etishdan qo‘rqishadi va o‘z istaklari uchun o‘zlarini aybdor his qilishadi.
⠀
Bundan qanday chiqish mumkin?
⠀
🔹 Bilingki, siz hech kimdan qarzdor emassiz. Siz kattalarning muammolarini hal qilishga majbur emassiz, agar sizdan talab qilinmasa, kichiklarga g‘amxo‘rlik qilishingiz shart emas.
⠀
🔹 Aybdorlik hissiga uchramasdan "yo‘q" deya olish. Rad etish xudbinlik emas, balki shaxsiy chegaralarni himoya qilishdir.
⠀
🔹 "Nomukammallik" uchun aybdorlik hiddian qutulish. Barcha uchun "qulay", "yaxshi" bo‘lishga majbur emassiz.
⠀
Bu sindrom patriarxal tizimning bir qismi bo‘lib, ayollardan g‘amxo‘rlik qilish, qurbon bo‘lish va sabrli bo‘lishni talab etadi. Agar yosh bolalarga g‘amxo‘rlik qilish ota-onaning mas'uliyati bo‘lsa, nega bu ko‘pincha qizlarga topshiriladi? Agar katta opalar bolalikdan kelajakdagi onalikka "tayyorlansa", nega katta akalar otalikka tayyorlanmaydi?
⠀
#SukutSaqlama #gendernotenglik

Bizda ishda janjal bo‘ldi. Jamoada to‘rt kishi bor, ulardan yagona ayol – men. Ish rejasi bajarilishi bo‘yicha 50% aynan mening hissam edi, lekin bonus hammaga teng miqdorda berildi. Men bunga norozilik bildirdim.

Rahbar esa noroziligimga javoban: “Axir, ayolsiz, erkaklar esa oilasini boqishi kerak” dedi. Natijada, menga hech qanday qo‘shimcha bonus to‘lanmadi. Hay mayli.

Keyingi safar men aynan o‘z planimni bajardim – ortiqcha emas. Natija: reja bajarilmadi. Shunda rahbar : “Hamma mukofotdan mahrum qilinadi!” deb e'lon qilganida jim turmadim.

Bu safar men ochiqchasiga aytdim: “Men o‘z rejani bajardim, hamma ishni o‘z vaqtida topshirdim va birovning mukofoti uchun ishlashga rozi emasman. Boshqalarning dangasaligi uchun o‘zimning mukofotimdan mahrum bo‘lishni ham xohlamayman”.

Erkaklar shov-shuv ko‘tarishdi, albatta. Lekin nega?! O‘tgan safar hech kim ovoz chiqarmagan edi, pulni hech qanday mehnatsiz olganlarida jim turishgan-ku!

===============
Sukut saqlama.uz ga kelgan maktublardan. Siz ham o‘z hikoyangizni anonim tarzda yuborishingiz mumkin: https://forms.gle/ZKCabhpzFM3ewTUz9

_______
#SukutSaqlama #O‘quvchilardan

Ayol yig‘lasa, unga achinib, tasalli berishadi va ko‘z yoshlari ularga yengillik berishini aytishadi. Ammo erkak yig‘lasa, unga "erkaklar yig‘lamasligini", eslatib his-tuyg‘ularini yashirishga va "kuchli bo‘lishga" undashadi.
Nima uchun his-tuyg‘ularni ko‘rsatish ba'zilar uchun tabiiy reaksiya, boshqalar uchun esa zaiflik belgisi?

Sevinch

#SukutSaqlama #gendernotenglik

Shisha shift

Nilufar kompaniyada olti yildan beri ishlardi. Uning loyihalari foydaga hissa qo‘shar va hamkasblari maslahat olish uchun tez-tez unga murojaat qilishardi. Ammo rahbarlik lavozimiga tanlov ochilganda uning o‘rniga kompaniyada ikki yilgina ishlagan hamkasbi Kamol tanlandi.

“Sen zo‘r mutaxassissan, Nilufar, lekin bu lavozimga qattiqqo‘lroq odam kerak”, dedi boshliq uning ko‘ziga qaramay.

Nilufar ayol bo‘lgani uchun uning kasbiy mahorati yetarlicha baholanmaganini tushundi. U rahbar sifatida emas, balki faqat "ijrochi" sifatida ko‘rilgan.

Shisha shift — ayollarning (yoki ma'lum ozchilik guruhlarining) muhim qarorlar qabul qilish jarayonlariga va har qanday sohada rahbarligini cheklaydigan sun'iy to‘siqlar va ko‘rinmas to‘siqlar.

Siz bu kabi kamsitishga uchraganmisiz?

Minimizary

#SukutSaqlama #seksizm_ensiklopediyasi

Dekretdan imperiyagacha: Dubay shokoladini yaratgan ayol hikoyasi

Dubay shokoladi shirinliklar olamida haqiqiy shov-shuvga aylanib, g‘ayrioddiy ta'mi va qarsildoq teksturasi bilan millionlar qalbini zabt etdi. Ammo bu muvaffaqiyat tarixi ortida nafaqat iste'dodli qandolatchi, balki shokoladga bo‘lgan ishtiyoqini muvaffaqiyatli biznesga aylantira olgan onalik ta'tilidagi ayolning ilhomlantiruvchi hikoyasi ham bor.

FIX brendi asoschisi Sara Xamuda tug‘ruq ta’tilida Dubay shokoladini yaratish ustida ish boshladi. Yangi tuqqan ayol sifatida uning ta'mga bo‘lgan munosabati o‘zgarib, yangilik yaratishga juda ishtiyoqmand edi. Aynan o‘sha paytda u sharqona tus va zamonaviy tendentsiyalarni birlashtirgan shokolad yaratish g‘oyasini o‘ylab topdi.

Sara o‘z shokoladi uchun turli noyob masalliqlarni yaratib, o‘z tajribasini boshladi. U shunchaki betakror shirinlik yaratish emas, balki yorqin hotiralarga sabab bo‘la oladigan haqiqiy asar yaratishni maqsad qilib oldi.

Shunday qilib FIX nomi bilan Dubay shokoladi yaratildi, u bugungi kunda nafaqat Dubay, balki butun dunyoda mashhur.
Ushbu shirinlik Sara Xamuda uchun haqiqiy muvaffaqiyat ramzi va o‘z biznesini boshlashni orzu qilgan ko‘plab ayollar uchun ilhom manbai bo'ldi.

Rina

#SukutSaqlama

Joriy yilning 22-fevral kuni soat 11.00 da shahrimizdagi Xilton mehmonxonasida "Yangi asr avlodi" nashriyoti tomonidan chop etilgan "AKS" kitoblar to‘plamining taqdimoti bo‘lib o‘tadi.

Quvonarlisi, mazkur olti muallifning 4 nafari ayol-qizlardir. Jumladan, "Havo" she’riy to‘plami muallifi Gulnoz Mo‘minova, "Tongotar" romani muallifi Raxshona Ahmedova, "Oqdan qizilga" she’riy to‘plami muallifi Anif, "Shakl" romani muallifi Tillaniso bugungi kunda ayol dardlarini, muammolarini ko‘rsatib kelayotgan, ularga yechim izlayotgan ijodkorlardir.

Barchangizni ushbu taqdimotga taklif etamiz. Zamondosh shoira va adibalarimizning asarlarini mutolaa qiling, ularni qo‘llab-quvvatlang!

✍️Ro‘yxatdan o‘tish: https://docs.google.com/forms/d/e/1FAIpQLSdwuo5TlFHiL99x6PclrDE-9OD8N0M2tcjw3pc8KD0KO4iVCQ/viewform?usp=dialog

#SukutSaqlama

Erkak boshqaruvchi o‘z maqsadlariga qanday erishishni biladigan kuchli lider hisoblanadi. Ayol rahbarga esa munosabat butkul boshqacha: agar u erkak kabi qattiqqo‘l va talabchan bo‘lsa, uni shafqatsiz, sovuqqon yoki hatto shallaqi deb atashadi.

Sevinch

#SukutSaqlama #gendernotenglik

Stalking hali ham iltifot sifatida ko‘rib chiqiladi. Ammo bu depressiya rivojlanishiga olib keladigan zo‘ravonlikning bir turi bo‘lib, ayollar ham, erkaklar ham buni muntazam ravishda boshdan kechiradilar.
⠀
Stalking - zo‘ravonlikning bir turi bo‘lib, bir kishidan boshqasiga nisbatan istalmagan e'tiborni o‘z ichiga oladi. Har qanday yoshdagi va ijtimoiy guruhdagi odamlar bunga moyil. Amerika ta'qiblarning oldini olish resurs markazi (SPARK) ma'lumotlariga ko‘ra, har uchinchi ayol va har oltinchi erkak kamida bir marta zo‘ravonlikning bunday shaklini boshdan kechirgan. Ko‘pincha, stalkerlar sobiq yoki hozirgi partnyorlardir (42% hollarda). Ular munosabatlar uzilganiga chida olmaydilar va sobiq partnyor ustidan hokimiyatni qayta tiklashga harakat qilishadi. Yana 40% hollarda ta'qiblar sobiq hamkasblar tomonidan boshlanadi.
⠀
Stalking, ya'ni ta'qib qilish har doim zo‘ravonlikdir. Shakldan qat'iy nazar. Va zo‘ravonlik xavfsiz bo‘lishi mumkin emas. Agar siz o‘zingizda ta'qib qilishga moyillik sezsangiz va odam haqida doimiy o‘y-hayollardan xalos bo‘lolmasangiz, psixolog yoki psixiatrga murojaat qilishingiz kerak. Ba'zi hollarda, stalking ayrim ruhiy kasalliklarning alomati bo‘lishi mumkin.
⠀
Haqiqiy hayotda ta'qib qilishdan tashqari, kiberstalking keng tarqalgan: shaxsning ijtimoiy tarmoqlarini kuzatish, u haqida ma'lumot to‘plash, akkauntlarni buzish, ularning harakatlarini kuzatish imkonini beruvchi dasturlarni ulash.
⠀
2018-yilda Shotlandiyada o‘tkazilgan so‘rovga ko‘ra, stalking qurbonlarining 55 foizi ta'qib haqidagi xotiralarini saqlab qolgan, 24 foizi esa o‘z joniga qasd qilish haqida o‘ylagan. Bundan tashqari, ta'qib qilish karyera va odatiy hayot tarziga zarar yetkazishi mumkin. Shunday qilib, ta'qib qurbonlarining 53 foizi ish joyini o‘zgartirishga yoki ketishga majbur bo‘ldi, 39 foizi - ko‘chib o‘tishga.
⠀
— Agar sizni nimadir bezovta qilsa, imkon qadar o‘sha odam bilan muloqotni darhol cheklash kerak. Ikkinchi bosqich - bu oshkoralik. Atrofingizdagilarga ta'qiblar haqida aytib berishingiz kerak. Stalking ko‘pincha sukunat va zulmatda gullab-yashnaydi.
⠀
Stalking ko‘pincha ayyorona bo‘lishi mumkin va atrofdagilar buni iltifot deb qabul qiladi. Kimgadir bunchalar yoqayotganing zo‘r-ku, deydi ular. Lekin bu unday emas.
⠀
Manba: daily.afisha.ru
⠀
#SukutSaqlama

Samarqandda qaynona o‘ta shafqatsizlik bilan kelinini o‘ldirdi

Samarqand viloyatida qaynona o‘z yosh kelinini vahshiylarcha o‘ldirdi. Oliy sud bergan maʼlumotga ko‘ra, voqea 2024-yil 4-oktyabr kuni Narpay tumanida sodir bo‘lgan.

Ma’lum bo‘lishicha, ayblanuvchi avvalroq ota-onalik huquqidan mahrum bo‘lib, farzandlarini mehribonlik uyiga tashlab ketgan. Biroq voyaga yetgan o‘g‘lining to‘yidan so‘ng u yashashga joyi yo‘qligini vaj qilib uyiga qaytdi. O‘tmishdagi voqealarga qaramay, o‘g‘li tinch-totuv yashashlariga umid qilib, onasini qabul qildi.

Biroq, ayol birinchi kunlardanoq kelinini kamsitib, haqorat qila boshladi. Yosh kelin onasiga doimiy haqoratlar haqida shikoyat qilardi.

Bir kuni o‘g‘lining yo‘qligidan foydalanib, ayol mojaro boshlaydi. O‘zaro janjal davomida kelinini zaryadlovchi shnuri bilan bo‘g‘ib o‘ldiradi, so‘ng shisha idish, qaychi va oshxona pichog‘i bilan jarohatlaydi. Yosh ayol olgan tan jarohatlari tufayli voqea joyida vafot etgan.

Qaynona qochishga urindi, lekin qo‘lga olindi. Sud unga 97-moddaning 2-qismi “g” bandi (o‘ta shafqatsizlik bilan qasddan odam o‘ldirish) bilan aybdor deb topib, 57-moddadagi jazoni yengillashtiruvchi holatlarni hisobga olib, 13 yil muddatga ozodlikdan mahrum qilish jazosini tayinladi.

#SukutSaqlama #qaynona

2024-yilning sentyabr oyida Toshkent viloyatida 1998-yilda tug‘ilgan G‘ulomov A’zam Hasan o‘g‘li mehmonxonaga 17 yoshli qizni olib kelgan. Sud qaroriga ko‘ra, u qizga nisbatan shahvoniy tusdagi xatti-harakatlar sodir etganligi, buning natijasida qizga yengil tan jarohati yetkazilganligi sud-tibbiy ekspertizasi natijalari bilan tasdiqlangan.

Sudda ayblanuvchi qizning voyaga yetmaganligini bilmaganligi (garchi u bilan anchadan beri tanish bo‘lsa-da) va qiz o‘z xohishi bilan mehmonxonaga kelganini aytdi. Shuningdek, materiallarga jinoyat ishi qo‘zg‘atishni rad etish to‘g‘risidagi qaror ilova qilingan. 2025-yil 13-fevralda Jinoyat ishlari bo‘yicha Olmazor tuman sudi G‘ulomovni shahvoniy shilqimlik (Ma’muriy javobgarlik to‘g‘risidagi kodeksning 41-1-moddasi) va badanga yengil shikast yetkazish (Ma’muriy javobgarlik to‘g‘risidagi kodeksning 52-moddasi)da aybdor deb topib, unga 5 sutka ma’muriy qamoq jazosi tayinlagan.

Jinoyat kodeksining “Nomusga tegish” 118-moddasida zo‘rlik ishlatib, qo‘rqitib yoki jabrlanuvchining ojizligidan foydalanib, jinsiy aloqa qilish jinoyat sifatida belgilangan. Agar zo‘rlash 18 yoshga to‘lmagan shaxsga nisbatan sodir etilgan bo'lsa (eslaylik, ushbu voqeada jabrlanuvchi 17 yoshda), bu 3-qismga muvofiq o‘ta og‘ir jinoyat hisoblanadi. Jinoyat kodeksining 118-moddasi 10 yildan 15 yilgacha ozodlikdan mahrum qilish tarzidagi jazoni nazarda tutadi. Bunda ayblanuvchi jabrlanuvchining yoshini bilish-bilmasligi ahamiyatga ega emas.

Biroq, shilqimlik bilan bir vaqtda qizga nisbatan kuch ishlatilganligini hisobga olsak, bu zo‘rlashga urinish bo‘lishi mumkin va Jinoyat kodeksining Jinoyat kodeksining 25-moddasi (Jinoyatga urinish) orqali 118-moddasi (Nomusga tegish) bilan ko‘rib chiqilishi kerak.

Shahvoniy shilqimlik - bu shaxsning irodasiga qarshi har qanday shahvoniy xususiyatga ega harakatlardir. Zo‘rlash paytidagi zo‘ravonlik deganda jabrlanuvchining qarshiligini yengib o'tishga qaratilgan harakatlarni (zarba berish, nafas yo'llarini siqish, qo‘llarini, oyoqlarini ushlab turish, kiyimlarini yirtib tashlash va hokazo) qilish tushunilishi kerak. Bundan kelib chiqqan holda, jismoniy kuch ishlatish bilan birga sodir etilgan shahvoniy tusdagi xatti-harakatlar ko‘p hollarda zo‘rlashga urinish bo‘lib, Jinoyat kodeksining 118-moddasida (Jinoyat kodeksining 25-moddasi orqali) tegishli jinoyat sifatida baholanishi kerak, deb hisoblashga asos bor.

Afsuski, bu O‘zbekistonda zo‘rlashga urinish va uzoq muddatli qamoq jazosi sifatida baholanadigan harakatlar universal #5sutkani nazarda tutuvchi shahvoniy shilqimlik sifatida tasniflangan birinchi holat emas. So‘nggi yillarda mamlakatimizda nima o‘zgardi? Haqiqatan ham tergovchilar va sudlar jinoiy ish qo‘zg‘atish uchun ayol yoki qiz zo‘rlanishi kerakmi? Jinoyat kodeksining jinoyatga suiqasd uchun 25-moddasi haqiqatan ham bekor qilinganmi?

Biz O‘zbekiston Bosh prokuraturasiga sud qarori ustidan kassatsiya shikoyati berish va ushbu ish materiallari bilan tanishib chiqishini so‘rab qolamiz.

#SukutSaqlama #AdolatTalabQilamiz