Sirdaryo tumani hokimligi

⚡️Yong‘in sodir bo‘lganda harakat qilish tartibini bilasizmi?

☝️Qonunchilikka ko‘ra, har bir fuqaro yong‘inni sezganda quyidagilarni bajarishi majbur:

🔹 zudlik bilan «101» telefon raqami orqali Favqulodda vaziyatlar vazirligining yong‘in-qutqaruv bo‘linmasiga xabar berish (xabarda voqea sodir bo‘lgan manzil, yong‘in chiqqan joy va o‘zining familiyasini aytish);

🔹 odamlarga xabar berish va ularni evakuatsiya qilish choralarini ko‘rish;

🔹 imkon qadar mavjud yong‘inni o‘chirishning birlamchi vositalari bilan yong‘inni o‘chirish choralarini ko‘rish.

📲 @Sirdaryotumanpress

22-dekabr Energetiklar kuni

Aziz do‘stlar!
Qadrli energetika sohasi vakillari!

Sizni bugungi kasb bayramingiz – Energetiklar kuni bilan chin qalbimdan tabriklayman!

Energetiklar mas’uliyat, vijdon va intizom bilan ajralib turadilar. Bu – zimmasida katta mas’uliyat bo‘lgan ajoyib insonlarga xos fazilatlar. Mehnatingiz uchun tashakkur!

Sizlarga va oila a’zolaringizga sihat-salomatlik, uzoq umr, oilaviy baxt-saodat, yurtimiz ravnaqi va xalqimiz farovonligi yo‘lidagi xizmatlaringizga ulkan muvaffaqiyatlar tilayman!

Hurmat bilan,
Sirdaryo tumani hokimi Musurmonqul Xatamov

📲 @Sirdaryotumanpress

Qishloq xo‘jaligi sohasi xodimlari munosib taqdirlandilar

Yurtimizda dekabr oyining ikkinchi yakshanbasi "Qishloq xo‘jaligi xodimlari kuni" sifatida keng nishonlanib kelinmoqda. Sirdaryo tumanida ham mazkur bayram ko‘tarinki ruhda bo‘lib o‘tdi.

Tuman hokimligida tashkillangan tadbirda sektor rahbarlari hamda qishloq xo'jaligi sohasi vakillari ishtirok etdi. Tadbirni ochib bergan tuman hokimi Musurmonqul Xatamov soha xodimlarini kasb bayrami bilan samimiy muborakbod etdi, bu yilgi erishilgan natijalar, oldinda turgan dolzarb vazifalar xususida to‘xtaldi.

Tadbirda qishloq xo‘jaligi rivojini yangi bosqichga ko‘tarish, mavsum davomida yuqori hosildorliklarga erishib, el-yurt farovonligini yuksaltirishga qo‘shgan munosib hissalari uchun bir guruh yurtdoshlarimizga “Namunali tomorqachi” va “Ilg‘or fermer” kabi ko‘krak nishonlar topshirildi.

Shuningdek, ilg‘or fermerlar va otryad rahbarlari ham tuman hokimligining esdalik sovg‘alari bilan taqdirlandilar.

📲 @Sirdaryotumanpress

Sirdaryo viloyati hokimining o‘rinbosari Sirdaryo tumanida joylashgan sanoat korxonalari faoliyati bilan yaqindan tanishdi

Sirdaryo viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Abdurahim Umarov Sirdaryo tumanida joylashgan sanoat korxonalari faoliyati bilan yaqindan tanishdi.

Tadbirkorlar bilan uchrashuv davomida ularni qiynab kelayotgan muammolari hamda takliflari yuzasidan tegishli masʼullarga topshiriqlar berildi.

Shundan so‘ng Abdurahim Umarov tumandagi Baxt dehqon bozorida bo‘lib, u yerda tashkil etilgan arzonlashtirilgan bayram yarmarkasida bo‘ldi va tadbirkorlar hamda fuqarolar bilan muloqot qildi.

📲 @Sirdaryotumanpress