Shofirkon.uz 🇺🇿

🟦🟦🟦
🟦🟦🟦

Dilshod Jumayev ATB "Mikrokreditbank" Shofirkon filiali hamkorligida gulchilik loyihasiga qo'l urdi

Gullar – nafaqat tabiatning bezagi, balki inson ruhiyatining ham aksidir. Dilshod Jumayev bu haqiqatni bolaligidan his qilgan va shundan beri gulchilik hayotining ajralmas qismiga aylangan.

Uning ilk parvarish qilgan guli – “Turkiya chinniguli”. 1986-1987-yillarda uni G‘ijduvon bozorida sotish uchun olib chiqqan. Lekin u vaqtlarda gullarga eʼtibor, talab hozirgidek emas edi. Bu saʼy-harakatlar bolalikdagi qiziqishning kasbga aylanishiga sabab boʻlgan boʻlsa, ajab emas. O‘sha paytda jamiyatda "gulchilik – ayollarning ishi" degan tushuncha mavjud edi, biroq Dilshod aka bunga qo‘shilmagan. Uningcha, kasb tanlashda mehr va ishtiyoq muhim. Agar inson o‘z ishini chin dildan yaxshi ko‘rsa, unda baraka bo‘ladi.

1990-yillarda Dilshod aka poytaxtdagi issiqxonalardan birida ishladi. Bu davr uning hayotida katta o‘zgarish yasadi. Ilgari ko‘rmagan, tanimagan gullari bilan tanishdi, ularning parvarish sirlarini o‘rgandi. Gulchilikning oddiy dehqonchilikdan farqli jihati bor: bu faqat yerga urug‘ sepib, suv quyish emas. Har bir gul o‘ziga xos g‘amxo‘rlik talab qiladi. Tuproq turi, harorat, namlik, yoritish, oziqlanish – bularning barchasi gullarning nafasidek muhim. Shu bois, yaxshi gulchi doimo izlanishda bo‘lishi, yangi bilimlarni o‘rganib borishi lozim.

— Bu ish sabr va masʼuliyat talab qiladi. Ayrim paytlarda ob-havo sharoiti injiqlik qilib, haroratni nazorat qilish uchun tunlari uyqudan voz kechish kerak bo‘ladi.
Ayniqsa, issiqxonada gul yetishtiruvchilar doim hushyor bo‘lishadi,

deydi qahramonimiz.

Bugungi kunda esa eng serdaromad gullardan biri – atirgul. U nafaqat savdo uchun, balki kosmetika va qandolatchilik sohalarida ham keng qo‘llaniladi.

Agar Dilshod aka o‘zi yangi gul yarata olganida, unga “Mehr guli” deb nom bergan bo‘lardi. Chunki gul faqat bezak emas, balki insoniy munosabatlarning ham aksidir. U odamlar qalbidagi mehr-muhabbatni aks ettiradi va hayotni go‘zal qiladi.

Dilshod Jumayevning bu sohadagi mehnati e’tibordan chetda qolmadi. Tuman hokimi Alisher Fayzilloyev uning gulchilikdagi faoliyati bilan tanishib, qishloq hududida gulchilikni rivojlantirish bo‘yicha tashabbuslarini qo‘llab-quvvatladi. Bu esa Dilshod aka uchun nafaqat e’tirof, balki kelajak rejalari uchun yangi imkoniyatlar eshigini ochadi.

Ayni damda Dilshod Jumayev tomonidan yangi loyihaga qo'l urildi, Tezguzar mahallasida 1.5 gektar issiqxonada ATIB "Mikrokreditbank" Shofirkon filiali hamkorligida gulchilik loyihasini boshlashni maqsad qilgan.

Loyihaning qiymati 600 mlnga teng bo'lib, bir ekish davrida 5 yillik hosil olish imkonini beradi. Hosilni mahalliy bozorlar va chet davlatlarga eksport qilish rejalashtirilmoqda.

Gulchilik oddiy ish emas – bu sabr va mehrni sinovdan o‘tkazadigan, lekin natijasi ko‘ngilni shod qiladigan sanʼat. Dilshod akaga qarab shuni ishonch bilan aytish mumkin: agar inson o‘z kasbini sevsa, u o‘zi bilan birga dunyoni ham go‘zallashtiradi.

✅Shofirkon tumani hokimligi axborot xizmati

🟦🟦🟦
🟦🟦🟦

Shuningdek, kardiologiya bo‘limi katta hamshirasi M.Rizoyeva tanlov yakunida g‘olib bo‘lgan ishtirokchiga viloyat bosqichida omad tiladi.

Ko‘rik- tanlov qatnashchilariga tashakkurnoma va sovg‘alar topshirildi hamda birinchi o‘rinni egallagan  g‘olib viloyat miqyosida bo‘lib o‘tadigan mazkur tanlovda qatnashish huquqini qo‘lga kiritdi.

✅Shofirkon tumani hokimligi axborot xizmati

🟦🟦🟦
🟦🟦🟦

"Hamshira -2025" ko‘rik-tanlovi bo‘lib o‘tdi

Shofirkon tuman tibbiyot birlashmasida Navro‘z xalqaro umumxalq bayrami munosabati bilan iqtidorli hamshiralar o‘rtasida "Hamshira -2025" ko‘rik-tanlovi bo‘lib o‘tdi.

Tadbir tuman tibbiyot birlashmasi bosh hamshirasi G.Jumayeva tomonidan tashkil etildi.Murosasiz  bo‘lib o‘tgan ushbu tanovda 5 nafar iqtidorli, bilimli va zukko hamshiralar ishtirok etdi. Tanlov 7 shartdan iborat bo‘lib, bar bir shart bo‘yicha ishtirokchilar o‘z salohiyatini namoyon etishdi.

Hakamlar tomonidan har bir ishtirokchi nizom asosida adolatli baholab borildi.

Tuman hokimi maslahatchisi Sh.Obloqulova, tuman Maʼnaviyat bo‘linmasi rahbari D.G‘afforova, Inson ijtimoiy agentligi rahbari T. Yo‘ldoshevalar barcha isbtirokchilarni yaqinlashib kelayotgan Navro‘z ayyomi bilan qutladi va bugungi kunda tibbiyot yo‘nalishida amalga oshirilayotgan islohotlar haqida o‘z fikr-mulohazalarini bildirishdi.

✅Shofirkon tumani hokimligi axborot xizmati