ШАЙХ САБОҚЛАРИ

Донишмандлардан бири айтди: «Яхшилик – молнинг энг улуғи, эҳсон – экиннинг энг яшнаб ўсадигани. Сени ислоҳ қилмайдиган илм – залолат, сенга фойда бермайдиган мол – зарар».

Изоҳ. Хайр – яхшиликнинг қадри ҳар қандай пуллару, олтин-кумушнинг қадридан баланд. Пулнинг қадри бугун ошса, эртага тушади, нари борса, шу дунё турганча бироз қадрга эга бўлиб турар, кейин дунё каби у ҳам йўқликка юз тутади. Лекин қилинган яхшиликнинг қиймати фақат ошиб боради, дунё ҳаётидан сўнг ҳам таъсирини йўқотмайди, Охиратда ҳам қадри баланд бўлади. Шунинг учун яхшилиги кўп инсон кўзи тўқ бойдан ҳам хотиржамроқдир. Чунки унинг «экинзор»и мудом кўзларни қувнатади, шу даражада гуркираб, яшнаб борадики, авжи дунё чегарасидан ўтади, абадият уфқлари қадар етади. Бу дунёнинг ҳар қандай тўқ бойи ҳам бундай бойлик қаршисида оч, у экинзорни кўриб, кўзлари ўйнайди, тинчлигини йўқотади, солиҳ амали кўп мулк эгасига ҳавас қилади.
Солиҳ амалнинг уруғи илмдир. Фақат бу уруғнинг кўкариб чиқиши учун унда ислоҳ қилувчилик сифати мавжуд бўлиши керак. Акс ҳолда бу уруғ вазифасини адо этолмайди. Ерни ёриб, ўсиб-униб, гуллаб солиҳ амал ҳосилини бериш ўрнига ириб-чириб, қуриб йўқолади. Амалга айланмайдиган илм адаштиради, фойда бермайдиган мол албатта зарар беради.

Шеър:
Ўзин молдан озод қилмаса киши,
Молга қул бўлишдир кишининг иши.
Барча сарфлаганим меникидир, бас
Ўзимда қолгани меники эмас.

“Унвонул баён”дан.

Ишончли маърифий каналга уланинг!✅
👇🏼👇🏼
🔎 @ShayhSaboqlari✔️

ЖАННАТНИНГ КЕНГЛИГИ ҚАНЧА?

“Жаннатнинг кенглиги нисбий маънода етти қават осмон ва етти қават ернинг энига тенг дейилган. Ваҳоланки, еру осмонларнинг эни ёки бўйи деган тушунча йўқ. Лекин бу ерда ташбеҳ учун жаннатнинг эни еру осмонлар кенглигини қўшгандаги ҳажмга тенг бўлса, унинг бўйи ундан-да узоқ масофани ташкил этиши муқаррар эканини таъкидлаш учун Аллоҳ таоло мисол келтирмоқда. Зеро, одамлар наздида бу дунёда уларга маълум бўлган энг катта кенглик бу – Еру осмонлар орасидаги кенгликдир. Жаннат етти қават осмон билан Аршнинг ўртасида, дўзах эса етти қават ернинг остида дейилиши ҳам нисбий таърифдир”.

“Мадорикут танзил ва ҳақоқиқут таъвил”.

Ишончли маърифий каналга уланинг!✅
👇🏼👇🏼
🔎 @ShayhSaboqlari©

ҲАЁТДАН НОЛИМАНГ, НЕГАКИ...

• Машаққатли ишингиз ҳар бир ишсизнинг орзуси;

• Сизни безор айлаган фарзандингиз ҳар бир бепуштнинг орзуси;

• Кичик уйингиз ҳар бир ватангадонинг орзуси;

• Озгина пулингиз ҳар бир қарздорнинг орзуси;

• Соғлиғингиз ҳар бир беморнинг орзуси;

• Табассумингиз ҳар бир тушкунликка тушганнинг орзуси;

• Аллоҳ айбингизни тўсгани ҳар бир шарманда бўлган банданинг орзуси;

• Шундай экан, Аллоҳга ҳамд айтиб, Унинг тақдирига рози бўлишни ҳаётингизга асос қилинг!

Аллоҳим, Сенга доим (беадад) ҳамду санолар бўлсин!

© Доктор Муҳаммад Юсрий Иброҳим

Ишончли маърифий каналга уланинг!✅
👇🏼👇🏼
🔎 @ShayhSaboqlari✔️

РИЗҚ – АЛЛОҲДАН

...Ораларида Абу Мусо, Абу Молик ва Абу Омир каби саҳобалар бўлган ашъарийлар карвони Мадинага ҳижрат қилишди. Манзилга очликдан силласи қуриб, бир алфозда етиб келдилар. Бир кишини Расулуллоҳ саллаллоҳу алайҳи ва салламдан егулик сўраб келишга юборишди. Жўнатилган одам эшиклари олдига келганда ичкаридан Пайғамбаримиз саллаллоҳу алайҳи ва салламнинг: “Ерда ўрмаловчи бирор нарса (жонзот) йўқки, унинг ризқи (таъминоти) Аллоҳнинг зиммасида бўлмаса! (У) унинг қароргоҳини ҳам, оромгоҳини ҳам билур...” оятини тиловат қилаётганларини эшитди. Ўзига ўзи: “Аллоҳга ашъарийлардан ҳам кўра ризқлантириш осонроқ бирор жонзот йўқ”, дея Расулуллоҳ саллаллоҳу алайҳи ва салламга учрамай қайтиб кетди.
Бориб: “Хушхабар, сизларга ёрдам келмоқда!” деганида, шериклари бу гапни Расулуллоҳ саллаллоҳу алайҳи ва саллам кўмак ваъда қилибдилар, дея тушунишди. Шу пайт уларнинг олдига нон ва гўшт тўла идиш кўтариб олган икки киши келди. Ашъарийлар ундан тўйгунларича егач, таомдан ортиб қолганини Расулуллоҳ саллаллоҳу алайҳи ва салламга қайтарайлик, У Зот буни бошқа муҳтожларга берсинлар, деб келишишди. Сўнг барчалари Пайғамбаримиз алайҳиссаломнинг олдиларига бориб, таом учун миннатдорлик билдиришди. Расулуллоҳ саллаллоҳу алайҳи ва саллам: “Мен сизларга ҳеч қандай егулик юборганим йўқ”, дедилар. Бир шерикларини Ул Зотнинг ҳузурларига юборганларини айтишганида, Пайғамбаримиз саллаллоҳу алайҳи ва саллам ўша одамдан нима гаплигини сўрадилар. У нима қилгани ва шерикларига нима деганини айтганида У Зот саллаллоҳу алайҳи ва саллам: “Мана шу Аллоҳнинг сизларни ризқлантирганидир”, дея марҳамат қилдилар.

Ҳаким Термизийнинг “Наводир ул-усул” асаридан

Ишончли маърифий каналга уланинг!✅
👇🏼👇🏼
🔎 @ShayhSaboqlari✔️

Қуйидагилар қўшнилик бурчлари жумласига киради:

1. Қўшни билан учрашганда салом билан сўз бошламоқ;
2. Гаплашганда гапни чўзмаслик;
3. Кўп савол бермаслик;
4. Касал бўлганда кўргани бориш;
5. Бошига мусибат тушганда таъзиясида қатнашиш, унга нисбатан бирга сабрли бўлиш;
6. Севинчли онларида қутлаш унинг севинчи билан севиниш;
7. Хатоларини кўрмасликка олиш;
8. Уйини жосусларча кузатмаслик;
9. Деворига бир нарсалар қўйиб ёки осиб ғашини келтирмаслик;
10. Унга тегишли жойдан сув олмаслик;
11. Уйининг олдига ахлат ва супиринди тўкмаслик;
12. Ўтиш йўлларини торайтирмаслик;
13. Бирон баҳона билан уйига қарамаслик;
14. Қулоққа чалинган оилавий сирларини ёймаслик;
15. Керагида шаънига ёмон сўз айтаётганларнинг гапини бўлиш;
16. Ўзи йўқлигида уйини қўриқлаш;
17. Унга қарши айтилган сўзларга қулоқ солмаслик;
18. Маҳрамига оид хусусларда кўз юммоқ;
19. Хизматчисига қарамаслик;
20. Боласига ширин сўзлар айтиш;
21. Диний ва дунёвий масалаларда билмаганларини билдириш...

Ишончли маърифий каналга уланинг!✅
👇🏼👇🏼
🔎 @ShayhSaboqlari✔️

Кимнинг хулқи ёмон бўлса, ризқи тор бўлади.

Изоҳ. Оллоҳ таоло деди: «Дарҳақиқат, уни (яъни ўз нафсини-жонини иймон ва тақво билан) поклаган киши нажот топди. Ва у (жонини фисқ-у фужур билан) кўмиб хорлаган кимса номурод бўлди» Ваш-шамс, 9-10-оятлар.
Фисқ-у фужур – ёмон хулқ белгиси. Бундай хулқ эгаси муродига етолмайди. Ҳар қандай оқил инсон дунёда ҳам, Охиратда ҳам азиз бўлишни хоҳлайди. Ризқнинг танглиги азизлик эмас. Қашшоқликнинг куфрга яқинлиги ҳикматларда баён қилинган. Бундай танг аҳволда киши очкўзлик, тамаъ, ҳасад, аламзадалик каби куфрга етакловчи иллатларга яқинлашади. Демак, моддий ва албатта маънавий қашшоқлигимизнинг сабаби, кўпинча эътиборимиздан четда қоладиган, ёмон хулққа бориб тақалар экан. Шунинг учун ҳам Яҳё ибн Муоз айтган: «Ахлоқнинг кенглиги ризқлар хазинасидир».

“Унвонул баён”дан.

Ишончли маърифий каналга уланинг!✅
👇🏼👇🏼
🔎 @ShayhSaboqlari ✔️

«Агар фақат бахтли бўлишни ният қилсангиз, бунга жуда осон эришасиз. Лекин афсуски, одамлар кўпинча бошқалардан кўра бахтлироқ бўлишни истайдилар. Эсингизда бўлсинки, бунинг асло иложи йўқ. Чунки бизга ҳамиша бошқалар биздан кўра бахтлироқдек кўринади».

© Шарл Луи де Монтескё
француз ёзувчиси

Ишончли маърифий каналга уланинг!✅
👇🏼👇🏼
🔎 @ShayhSaboqlari ✔️