Шароф Рашидов туман хокимлиги Ахборот хизмати

Шаҳар кириш қисми ва бозор олди ҳудудлари ободонлаштирилмоқда

Вилоят ҳокимнинг таъкидлашича, шаҳар кириш қисми шаҳарнинг юзи ҳисобланади, шу боис ободонлаштириш ишларини айнан шу ҳудуддан бошлаш муҳим. Ҳозирда шаҳарга кириш қисмидаги йўл ёқалари тозаланиб, замонавий қиёфа касб этмоқда.

Шунингдек, Эски шаҳар деҳқон бозори олдидаги ҳудуд ҳам тартибга келтирилди.

У ерда:
✅ Кўкаламзорлаштириш ишлари амалга оширилди
✅ Йўллар таъмирланди
✅ Инфратузилма яхшиланди

Бу ишларнинг барчаси шаҳар аҳолиси ва меҳмонлари учун қулайлик яратиш билан бирга, шаҳарнинг эстетик кўринишини ҳам яхшилайди.

Гўзал ва замонавий Жиззах сари қадам

Ободонлаштириш ишлари Жиззах шаҳрининг янада замонавий, кўркам ва қулай шаҳарга айланиши учун хизмат қилади. Лойиҳа доирасида:
🏗 Йўллар таъмирланмоқда
🌳 Яшил майдонлар ва истироҳат боғлари сони оширилмоқда
🏢 Жамоат жойлари обод қилиняпти

Бу ишлар аҳоли турмуш сифатини яхшилашга ва шаҳар экологиясини сақлашга катта ҳисса қўшади.

Ободонлик – умумий масъулият

Вилоят ҳокими маҳаллий аҳолини атроф-муҳитни тоза сақлашга ва шаҳар ободлигига ўз ҳиссасини қўшишга чақирди. Ободонлик фақат давлат ёки маҳаллий ҳокимият органларининг вазифаси эмас. Ҳар бир фуқаро ўз маҳалласи, кўчаси ва уйи атрофини тоза сақлашга ҳаракат қилса, бу иш янада самарали бўлади.

Жиззах шаҳрида амалга оширилаётган бундай саъй-ҳаракатлар шаҳарнинг жадал ривожланиши ва аҳолининг фаровон ҳаёт кечиришини таъминлашда муҳим аҳамият касб этади.

Jizzax shahrida aholi muammolarini oʻrganish va hal etish, bandlikni taʼminlash, kambagʻallikni qisqartirish hamda migratsiyada boʻlgan fuqarolar bilan manzilli ishlash masalalariga bagʻishlangan Respublika ishchi guruhi boshchilik sayyor qabul tashkil etildi.

Jizzax shahridagi Maxsus iqtisodiy zona direksiyasi binosida Jizzax shahri, Forish va Sharof Rashidov tumanlari aholisi uchun ommaviy sayyor qabul oʻtkazildi. Qabulni Respublika ishchi guruhi rahbari Umar Ismailov va viloyat hokimi vazifasini bajaruvchi Ulugʻbek Mustafoyev ochib berib aholi murojaatlarini tinglashdi.

Sayyor qabulda Oliy sud, Bosh prokuratura, Ichki ishlar vazirligi, Adliya vazirligi, Milliy gvardiya, Qurilish va uy-joy kommunal xoʻjaligi vazirligi, Kambagʻallikni qisqartirish va bandlik vazirligi, “Hududiy elektr tarmoqlari”, “Hududgaztaʼminot”, “Oʻzsuvtaʼminot” aksiyadorlik jamiyatlari, Avtomobil yoʻllari qoʻmitasi, Soliq qoʻmitasi, Markaziy bank, Sogʻliqni saqlash vazirligi, Oila va xotin-qizlar qoʻmitasi, Oʻzbekiston mahallalari uyushmasi, Kadastr agentligi hamda Ijtimoiy himoya milliy agentligi tashkiloti rahbarlari va viloyat sektorlar ishtirok etishdi.

Fuqarolar tibbiyot, ichki yoʻllar, subsidiyalar, uy-joy taʼmirlash, elektr tarmoqlari, ichimlik suvi taʼminoti, kredit va boshqa masalalar boʻyicha murojaatlar qildi.

Barcha murojaatlar yuzasidan masʼul tashkilotlar vakillariga tegishli topshiriqlar berildi va muammolarni belgilangan muddatlarda ijobiy hal etish choralari koʻrilishi maʼlum qilindi.

Jizzax shahrida oʻtkazilgan sayyor qabul aholi muammolarini joyida hal etish, davlat idoralari va fuqarolar oʻrtasida toʻgʻridan-toʻgʻri muloqot oʻrnatishga xizmat qiladi.

Bu kabi tadbirlar aholi turmush sharoitini yaxshilash, ijtimoiy muammolarga tezkor yechim topish va davlat idoralarining samaradorligini oshirishda muhim ahamiyat kasb etadi.

Jizzax viloyati hokimining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosari Sardor Shukurullayev ishtirokida viloyatda madaniy meros sohasida amalga oshirilayotgan ishlarga bagʻishlangan matbuot anjumani va press-tur tashkil etildi.

Tadbir davomida hokim oʻrinbosari Jizzax viloyati tarixi va madaniyati davlat muzeyi hamda uning 5 ta filiali haqida maʼlumot berdi. Bugungi kunda ushbu muzeylar jamoatchilikka tarixiy va madaniy eksponatlarni taqdim etib kelmoqda.

Hozirda Jizzax viloyatida 427 ta madaniy meros obyekti mavjud. Ular quyidagilardan iborat:

268 ta arxeologik yodgorlik;

100 ta arxitektura yodgorliklari;

59 ta monumental yodgorliklar;

Yangi tadqiqotlar va muhofaza tadbirlari tufayli, Vazirlar Mahkamasining 154-sonli qaroriga asosan 4 ta mozaika kompozitsiyasi madaniy meros roʻyxatiga kiritildi va umumiy obyektlar soni 431 taga yetkazildi.

Jizzax viloyatidagi muzeylar va madaniy obyektlar zamonaviy talablarga moslashtirilmoqda. Bugungi kunda muzeylarda:

31 867 dona eksponat mavjud;

2 282 dona eksponat koʻrgazmalarda;

22 457 dona asosiy fondda;

9 410 dona yordamchi fondda saqlanmoqda;


Tashrif buyuruvchilar uchun 10 ta audiogid moslamasi, 2 ta monitor va 2 ta sensorli infokiosk oʻrnatildi. Bu sayyohlar va mahalliy aholiga muzeylar bilan tanishishda katta qulaylik yaratadi.

Shuningdek, davlatimiz rahbarining 2022-yil 27-maydagi PQ-261-sonli qarori asosida muzeylar sohasini rivojlantirish boʻyicha bir qator ishlar amalga oshirildi. Jumladan, “Milliy merosga mening hissam!” umumxalq aksiyasi orqali aholidan madaniy boyliklar va sanʼat asarlari xarid qilinmoqda.

2023-2024-yillarda Jizzax viloyatining Zomin va Forish tumanlarida joylashgan 2 ta madaniy meros obyektida 1 mlrd 49 mln soʻmlik taʼmirlash ishlari amalga oshirildi.

Zomin tuman tarixi muzeyi – binosi toʻliq qayta rekonstruksiya qilinmoqda.

Shuningdek, Madaniy meros agentligi bilan hamkorlikda 332 ta madaniy meros obyektiga muhofaza belgilari oʻrnatildi. Yil yakuniga qadar qolgan 95 obyekt ham shunday belgilar bilan taʼminlanadi.

Jizzax viloyati madaniy meros obyektlarini muhofaza qilish, qayta tiklash va rivojlantirish borasida katta islohotlarni amalga oshirmoqda. Madaniy boyliklarni saqlab qolish va ularni keng ommaga yetkazish maqsadida muzeylar modernizatsiya qilinyapti, tarixiy yodgorliklar tiklanyapti va turizm infratuzilmasi rivojlantirilyapti.

Bu saʼy-harakatlar nafaqat viloyat aholisi uchun, balki sayyohlar uchun ham katta imkoniyatlar yaratadi.

Matbuot anjumani va press-tur ishtirokchilari oʻzlarini qiziqtirgan savollarga javob olishdi.

Tadbir davomida viloyat hokimi vazifasini bajaruvchi Ulugʻbek Mustafoyevning topshirigʻiga asosan shahar markazidagi mahallalarda amalga oshirilayotgan obodonlashtirish va infratuzilmani yaxshilash ishlari haqida maʼlumot berildi.

Samarqand mahallasida 36 ta ikki qavatli uylarda taʼmirlash ishlari oʻtgan yili boshlangan boʻlib, hozirda 4 ta uyning fasadi yangilanmoqda.

Noqonuniy qurilgan yordamchi binolar olib tashlanmoqda, aholi uchun tandirxona va sanitariya binolari qurilishi rejalashtirilgan, maktab yoshigacha boʻlgan bolalar uchun 7 ta oʻyin maydonchasi barpo etilmoqda.

Mahalla hududidan oʻtuvchi kanaldan suv chiqarilib, koʻkalamzorlashtirish ishlari olib borilmoqda.

Tuman hokimi boshchiligidagi shtab tomonidan tadbirkorlik subyektlari uchun xizmat koʻrsatish shoxobchalari va ishlab chiqarish korxonalari uchun yer maydonlari ajratilmoqda, bogʻ va yashil hududlar yaratish ishlari olib borilmoqda.

Suvonobod mahallasida ham shunday ishlar davom etmoqda.

Lolazor koʻchasining 400 metri shagʻal yotqizilib, tekislangan, hasharlar tashkil etildi, ariqlar tozalandi, chiqindilar olib ketilmoqda.

“Dehqon bozori” atrofida infratuzilmani yaxshilash choralari koʻrilmoqda.

Dilorom mahallasining 962 ta xonadon xatlovdan oʻtkazilib, ijtimoiy-iqtisodiy holati oʻrganilib, quyidagi ishlarni amalga oshirilmoqda.

56 ta koʻp qavatli uylarning tashqi fasadlarini taʼmirlandi,12 ta tandirxona va 25 ta kanalizatsiya tizimini yangilmoqda, 5 km ichki yoʻllarga beton yotqiziladi, 0,4 km piyodalar yoʻlagi quririb, 2 ta transformatorni yangilanadi.

11 ta eski simyogʻochlarni temir-beton ustunlarga almashtirib, 3 km elektr kabellarini tortish, 1 km gaz quvurlarini tartibga keltirishi rejalashtirilgan.

Jizzax viloyati hokimining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosari Hamid Hasanov taʼkidlashicha, ushbu loyihalar mahallalarni zamonaviy va obod qiyofaga keltirish, aholi uchun qulay infratuzilmani yaratish maqsadida amalga oshirilmoqda.

Ayni paytda barcha ishlar reja asosida olib borilmoqda va loyihalarning oʻz vaqtida yakunlanishi nazorat qilinmoqda.

Mahalla aholisi ham ushbu bunyodkorlik ishlariga faol hissa qoʻshayotgani eʼtirofga loyiq.

Paxtakor tumanida obodonlashtirish va infratuzilmani yaxshilash ishlari davom etadi.