Shariy Ruqiya

Тушларга қараб сеҳр бор йўқлигини аниқлаш.


Сеҳр бор йўқлигини аниқлашда тушлар муҳим аҳамият касб этади. Тушларга эътибор берганимиз учун роқийларга шу масалада кўп туҳматлар қилишади. Баъзилар эса "тушларга аҳамият беришни ҳужжати борми" деб сўрашади.

Сеҳр аломатлари тушларда зоҳир бўлиши бу Аллоҳнинг бир мўъжизаси деса ҳам бўлади ва бу нарса Пайғамбар алайҳиссаломнинг ҳаётларида ҳам содир бўлган ҳодисадир.

Машҳур ҳадисда келади. Пайғамбаримиз алайҳиссаломга сеҳр қилинади ва тушларида икки фаришта келиб уларга сеҳр қилинганини ва сеҳрни ким қилганигача айтиб беришади.

Яна бир ҳодиса Ойша онамизда содир бўлади. Ойша онамизга сеҳр қилинади ва бу сеҳрдан узоқ вақт тузала олмай юрадилар. Тушларида уларга тўртта ҳар хил қудуқдан сув олиниб ўша сувларга ювинсалар сеҳр кетиши аён бўлади. Уйғонганларидан сўнг ўша қудуқлардан сув олиб келишни буюрадилар ва ўша сувларга ювинганларидан сўнг сеҳрдан фориғ бўладилар.

Шунингдек, бу каби ҳодисалар бошқа уламоларда ҳам содир бўлгани китобларда келган.

Китоблардан ташқари ҳаётда ҳам бу нарса ўз аксини топаётганини кўряпмиз.

Охирги вақтларда роқийларга туҳмат қилишлар кўпайиб кетди. Аломатларидан сеҳр борлигини айтсак бизларни фолбинга чиқараётганлар ҳам бор афсуски. Билингки, агар бирор бир инсон роқийларга ҳар хил туҳматларни қилаётган бўлса ўша одам руқия масаласида ҳеч қандай илмсиз бўлади, у инсон ким бўлишидан қатъий назар. Руқия бу йиллар давомида тажриба билан келадиган алоҳида илм. Бу илм китоб ўқиб, интернетда ўтириб видео кўриб ёки шаръий мадрасаларда ўргатилмайди. Ва бу илмга диплом ҳам берилмайди.

© Равшан домла

@ruqiya_shariy

📝 Баъзи сеҳрга талуқли жин кириб қолган ҳолатдаги касалликларнинг муолажаси узоқ вақт давом этганига гувоҳ бўлганмиз. Бунинг сабаблари қуйидаги ҳолатлардан бири бўлиши мумкин:⤵️

1️⃣ Ўша сеҳнинг кучига қараб даъволаш муддатига оз ёки кўп вақт кетиши мумкин.

2️⃣ Беморнинг ёки атрофидаги уни муолажа қилишга масъул одамларнинг эътиборсизлигидан вақтида керакли даъво чораларини кўрмасдан фолбинма-сеҳргар олиб юришлари натижасида ҳам муолажа чўзилади.

3️⃣ Беморга тўғри ташхис қўйилмасдан бесамар даъво чораларини кўриш, уни ўз мутахассисига олиб бормасдан бошқа жойлардан даъво излаш.

4️⃣ Сеҳрнинг қайта-қайта қилиниши оқибатида бемор тузалиб, яна қайталаши мумкин.

5️⃣ Руқия ўқувчининг тақвосизлиги, билимининг саёзлиги, ўз ишини пухта билмаслиги, жинлар билан муомала қилишда кўп хато қилиши.

6️⃣ Ошиқ жиннинг мавжудлиги, аёл-қизларга эркак жин, эркакларга аёл жиннинг кириб олиши, бу узоқ муддат ҳатто йиллаб муолажа талаб қилиши мумкин. Жин аввал бирор сеҳр турини бажариш учун кириб ўша тана соҳибини севиб, ошиқ бўлиб қолади, натижада уни сира тарк этмайди.

7️⃣ Бемор шифо топгач шаръиат буюрган амалларни қилмасдан ташлаб қўйиши, айниқса аёл-қизларнинг очиқ-сочиқ юриши, ўзини керакли шаръий қўрғонлар билан қўрғонламаслиги. Бу каби сабаблар кўп бўлиши мумкин. Агар ҳар биримиз етарли илимга эга бўлиб, доимо Аллоҳнинг зикридан чалғимасак, У Зот буюргандек амал қилиб қайтариқларидан қайтсак Росулуллоҳ саллоллоҳу алайҳи васалламнинг кўрсатмалари суннатларига эргашсак ин шаа Аллоҳ Роббимиз доимо Ўз ҳимоясида асрайди. Фаллооҳу хойрун ҳаафизоо ваҳува арҳамур рооҳимийн (Бас Аллоҳ энг яхши ҳимоячидир, У энг раҳмлиларнинг Раҳмлисидир).
Бу дард жуда мураккаб бўлиб, бирор жойдан аниқ маълумот олиш қийин, Қуръон ва Суннатда ҳам батафсил берилмаган, фанда аниқ бир ечим топилмаган. Булар тажрибавий ишлар сирасига киради, асосийси қилинаётган ишларда шаръиатнинг умумий кўрсатмасидан ташқарига чиқмаслик талаб этилади. Валлоҳу аълам.

@shariyruqiya