Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Шаҳобиддин Одил

@Shahobiddin_Odil
Channel's geo and language: Uzbekistan, Uzbek
Category: Books

Филология фанлари номзоди, адабиётшунос олим, шоир Шаҳобиддин Одилнинг шахсий канали.
Аллоҳим, афвингга муҳтож ожиз бандангман...

Related channels  |  Similar channels
Channel's geo and language
Uzbekistan, Uzbek
Category
Books
Statistics
Is this your channel? Confirm Канал в реестре блогеров РКН? Confirm Channel history
Posts filter

Шаҳобиддин Одил

11 Mar, 04:19

Open in Telegram Share Report
#ҲАДИС

Абу Ҳурайра розияллоҳу анҳудан ривоят қилинади:
"Расулуллоҳ соллаллоҳу алайҳи васаллам: “Зимистон туннинг бўлаклари каби фитналар чиқмасидан аввал (солиҳ) амалларга шошилинглар. Ўша фитналарда мусулмон бўлиб тонг оттирган киши кечга бориб кофир бўлади, кечқурун мусулмон бўлган киши тонгга бориб кофир бўлади – ўз динини дунёнинг арзимас бир матосига сотади”, дедилар".
(Имом Муслим ривоят қилган)

#ҲАДИС

Abu Hurayra roziyallohu anhudan rivoyat qilinadi:
"Rasululloh sollallohu alayhi vasallam:
“Zimiston tunning bo‘laklari kabi fitnalar chiqmasidan avval (solih) amallarga shoshilinglar. O‘sha fitnalarda musulmon bo‘lib tong ottirgan kishi kechga borib kofir bo‘ladi, kechqurun musulmon bo‘lgan kishi tongga borib kofir bo‘ladi – o‘z dinini dunyoning arzimas bir matosiga sotadi”, dedilar".
(Imom Muslim rivoyat qilgan)

@Shahobiddin_Odil
60 0 2 11
Шаҳобиддин Одил

11 Mar, 04:05

Open in Telegram Share Report
Video is unavailable for watching
Show in Telegram
A'uuzu billaahi minash-shaytonir-rojiym!
Bismillaahir-
Rohmaanir-Rohiym!

الحَمْدُ لله الذِي أحْيَانا بَعْدَ مَا أمَاتَنَا وإلَيْهِ النَشُور

«ALHAMDU LILLAAHILLAZIY AHYAANAA BA'DA MAA AMAATANAA VA ILAYHIN NUSHUUR.»
(Uyqudan turgan zahoti bir marta o'qiladi.)

Alhamdulillaahi Robbil olamiyn!
Ashhadu an-laa ilaaha illallohu va ashhadu anna Muhammadun 'abduhu va rosuluhu!

Tongda iymon bilan uyg'otganing uchun shukur, Allohim!
Bu ojiz qulingga yana bir kun hadya qilganing uchun Senga behad hamd-u sanolar bo'lsin, yo Zal-Jaloli val Ikrom!

Allohim, yo Robbal olamiyn, har bir mo'min bandangning bugungi kunini kechagi kunidan ko'ra ham xayrli va barakali qilgin!

بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

 «BISMILLAAHILLAZIY LAA YAZURRU MA'ASMIHI SHAY'UN FIL ARZI VA LAA FIS SAMAA'I VA HUVAS SAMI'UL ALIYM.»
(Uch marta o'qiladi.)

Robbanaa 'aatinaa fid-dunyaa hasanatan va fil-aaxirati hasanatan va qinaa azaaban-naar!

Assalomu alaykum va rohmatullohi va barokaatuhu!
Mana shu⬆️mo'min-musulmonning tong ottirishidir. Ya'ni, tongimim, kunimiz aynan mana shunday kalomlar bilan, duo va salomlar bilan boshlanishi kerak!

Uyg'ondik, aniqrog'i o'limdan keyin qayta tirildik–alhamdulilloh!

Bizga yashash uchun yana bir kun hadya etildi–alhamdulilloh!

Iymonimiz qalbimizda ham, tilimizda ham turibdi–alhamdulilloh!



O'ldirganidan keyin qayta tiriltirgani uchun Robbimizga shukrona aytamiz.

Yana bir yangi kunni hadya etgani uchun shukrona aytamiz.

Iymonimizni salomat saqlagani uchun yana shukrona aytamiz!


Ya'ni, mo'min-musulmon har tongni aynan ana shunday shukronalik bilan kutib oladi.

Yangi kundagi hayotini tongdanoq ZIKR VA DUOLAR bilan, ya'ni ibodat bilan boshlaydi.


@Shahobiddin_Odil
75 0 1 12
Шаҳобиддин Одил

10 Mar, 04:03

Open in Telegram Share Report
#RUHIYAT

📝 NUR

Nur aks etar to‘lqinlarda,
Aks etar u sof buloqda.
Jilolanar ko‘zgu uzra
Ham ufqda –huv-v uzoqda...

Nur aks etar ko‘lmak uzra,
Aks etar u loy, botqoqda.
Jilolanar tomchi yoshda,
Qatra qonda–huv-v tuzoqda...

🕊Shahobiddin Odil✍

@Shahobiddin_Odil
350 0 0 15
Шаҳобиддин Одил

10 Mar, 03:57

Open in Telegram Share Report
#РУҲИЯТ

📝 НУР

Нур акс этар тўлқинларда,
Акс этар у соф булоқда.
Жилоланар кўзгу узра
Ҳам уфқда–ҳув-в узоқда...

Нур акс этар кўлмак узра,
Акс этар у лой, ботқоқда.
Жилоланар томчи ёшда,
Қатра қонда–ҳув-в тузоқда...

🕊Шаҳобиддин Одил✍

@Shahobiddin_Odil
356 0 1 15
Шаҳобиддин Одил

10 Mar, 03:49

Open in Telegram Share Report
Video is unavailable for watching
Show in Telegram
Аъуузу биллааҳи минаш-
шайтонир-рожийм!
Бисмиллааҳир-
Роҳмаанир-Роҳийм!

الحَمْدُ لله الذِي أحْيَانا بَعْدَ مَا أمَاتَنَا وإلَيْهِ النَشُور

«АЛҲАМДУ ЛИЛЛААҲИЛЛАЗИЙ АҲЙААНАА БАЪДА МАА АМААТАНАА ВА ИЛАЙҲИН НУШУУР.»
(Уйқудан турган заҳоти ўқилади)

Алҳамдулиллааҳи Роббил оламийн!
Ашҳаду ан-лаа илааҳа иллаллоҳу ва ашҳаду анна Муҳаммадун ъабдуҳу ва росулуҳу!

Тонгда иймон билан уйғотганинг учун шукур, Аллоҳим!
Бу ожиз қулингга яна бир кун ҳадя қилганинг учун Сенга беҳад ҳамд-у санолар бўлсин, ё Зал-Жалоли вал Икром!

Аллоҳим, ё Роббал оламийн, ҳар бир мўмин бандангнинг бугунги кунини кечаги кунидан кўра ҳам хайрли ва баракали қилгин!

بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

 «БИСМИЛЛААҲИЛЛАЗИЙ ЛАА ЙАЗУРРУ МАЪАСМИҲИ ШАЙ'УН ФИЛ АРЗИ ВА ЛАА ФИС САМАА'И ВА ҲУВАС САМИЪУЛ АЛИЙМ.»
(уч марта ўқилади)

Роббанаа ъатинаа фид-дунё ҳасанатан ва фил-охирати ҳасанатан ва қинаа азобан-нор!

Ассалому алайкум ва роҳматуллоҳи ва барокатуҳу!

Мана шу⬆️мўмин-мусулмоннинг тонг оттиришидир. Яъни, тонгимиз, кунимиз айнан шундай каломлар билан, дуо ва саломлар билан бошланиши керак!

Уйғондик, аниқроғи ўлимдан кейин қайта тирилдик
–алҳамдулиллоҳ!

Бизга яшаш учун яна бир кун ҳадя этилди–алҳамдулиллоҳ!

Иймонимиз қалбимизда ҳам, тилимизда ҳам турибди–
алҳамдулиллоҳ!

Ўлдирганидан кейин қайта тирилтиргани учун Роббимизга шукрона айтамиз.

Яна бир янги кунни ҳадя этгани учун шукрона айтамиз.

Иймонимизни саломат сақлагани учун яна шукрона айтамиз!

Яъни, мўмин-мусулмон ҳар тонгни айнан ана шундай шукроналик билан кутиб олади.

Янги кундаги ҳаётини тонгданоқ
ЗИКР ВА  ДУОЛАР билан, яъни ибодат билан бошлайди.


@Shahobiddin_Odil
311 0 3 14
Шаҳобиддин Одил

9 Mar, 13:44

Open in Telegram Share Report
#RUHIYAT

📝 ARMON

Bir mahallar menga ko‘zgu ortidan
Telmurib turgan ul o‘n yetti yoshli,
Oliy pok tuyg‘ular qalbin o‘ragan,
Ishonch, e’tiqodli hamda bardoshli...

Sog‘lom fikrlarni ko‘tarib boshda,
Kelajakka talpinib borguvchi xayol,
Ildizi ko‘lmakka tushib qolganda,
Ko‘kni quchmoqlikni o‘ylagan nihol...

Ko‘z yumuq tomosha qilganim gulzor,
Ta’m bilmas lablarim totgani ul bol,
Gung-u kar yuraklar tinglagan "Alyor",
Xayollar haqida surilgan xayol–

U damlarda ko‘zgu ortidan bari
Ma’sum nigoh ila menga boqardi...
Bugun yana unga tikildim atay,
Evoh, bari-bari qochib borardi...
1975y.

————–
Onda-sonda bir-ikki marta ko‘zguga qaraydigan bo‘lsangiz, asta-sekin qarib borayotganingizni yaqqol his qilasiz...

Bir kun kelib esa, ko‘zgu ortidan sizga tikilib turgan qiyofa sizni dahshatga soladi. "Qani mening navqiron paytim, beg‘ubor nigohlarim?" deb iztirobga tushasiz...

Men ilk marta o‘n yetti yoshimda shunday holga tushganman. Bolaligimni qo‘msab, keksayishimni o‘ylab, umrning qanchalik tez o‘tishidan iztirob chekib, shu she’rni yozganman.

🕊Shahobiddin Odil✍

@Shahobiddin_Odil
451 0 2 16
Шаҳобиддин Одил

9 Mar, 13:37

Open in Telegram Share Report
#РУҲИЯТ

📝 АРМОН

Бир маҳаллар менга кўзгу ортидан
Телмуриб турган ул ўн етти ёшли,
Олий пок туйғулар қалбин ўраган,
Ишонч, эътиқодли ҳамда бардошли...

Соғлом фикрларни кўтариб бошда,
Келажакка талпиниб боргувчи хаёл,
Илдизи кўлмакка тушиб қолганда,
Кўкни қучмоқликни ўйлаган ниҳол...

Кўз юмуқ томоша қилганим гулзор,
Таъм билмас лабларим тотгани ул бол,
Гунг-у кар юраклар тинглаган "Алёр",
Хаёллар ҳақида сурилган хаёл–

У дамларда кўзгу ортидан бари
Маъсум нигоҳ ила менга боқарди...
Бугун яна унга тикилдим атай,
Эвоҳ, бари-бари қочиб борарди...
1975й.

————–
Онда-сонда бир-икки марта кўзгуга қарайдиган бўлсангиз, аста-секин қариб бораётганингизни яққол ҳис қиласиз...

Бир кун келиб эса, кўзгу ортидан сизга тикилиб турган қиёфа сизни даҳшатга солади. "Қани менинг навқирон пайтим, беғубор нигоҳларим?" деб изтиробга тушасиз...

Мен илк марта ўн етти ёшимда шундай ҳолга тушганман. Болалигимни қўмсаб, кексайишимни ўйлаб, умрнинг қанчалик тез ўтишидан изтироб чекиб, шу шеърни ёзганман.

🕊Шаҳобиддин Одил✍

@Shahobiddin_Odil
463 0 4 20
Шаҳобиддин Одил

9 Mar, 03:38

Open in Telegram Share Report
Video is unavailable for watching
Show in Telegram
TONGDAGI XOLIS DUO

Alhamdulillaahi Robbal ’aalamiyn, val-’aqibatu lil-muttaqiyn, vas-solaatu vas-salaamu ’alaa Rosulina va sayyidina Muhammadin va ’alaa olihi va as'haabihi ajma’iyn! Val-hamdu lillaahi Robbal ’aalamiyn!

Yo Robbal ’aalamiyn! Biz ojiz qullaringning bilib-bilmay qilgan barcha gunohlarimizni kechir!

G‘amlarimizni omonlikka aylantir!
Mushkullarimizdan najot ber!

O‘tganlarimizning oxiratlarini obod qil!


Qolgan barchalarimizning iymonlarimizni salomat ayla!
Huzuringga faqat pok iymon bilan, yorug‘ yuz bilan  borishimizni nasib qilgin!



Barcha bemorlarimizga komil shifo ato et!


Qarzini uzishga harakat qilayotgan omonatdorlarimizni qarzlaridan O‘zing qutqar!


Hech bir mo‘minni toshbag‘ir kimsalar oldida mute’ qilib qo‘yma!


Mazlumlarni zulmdan, zulmatdan qutqar!


Har qanday tashvishi borlarning tashvishlarini aritib, ularga ham xotirjam ibodat qilish lazzatini ato etgin!

O‘g‘il-qizlarimizni o‘zlariga munosib juftlariga erishtir!


Farzand orzusidagilarga solih-soliha o‘g‘il-qizlar hadya qil!


Ishi yurishmay turgan yoki baxti ochilmay qolganlarning yo‘llarini ochib, ishlarini yurishtirib yubor!

Har bir narsaning faqat xayrlisini nasib qil!


Amiyn yaa Robbal ’aalamiyn. Allohumma solli va sallim ’alaa Nabiyyina Muhammad.

@Shahobiddin_Odil
1.5k 0 7 17
Шаҳобиддин Одил

8 Mar, 04:41

Open in Telegram Share Report
#RUHIYAT

📝 MO'MINALARGA

Uch yuz-u oltmish besh, ya'ni har kunda,
Balki, kecha-kunduz, hattoki tunda,
Mo'minga omonat ayolin qalbi,
Mo'mina, muslima ayolin qadri.

Sevmoq, erkalamoq, sevinch baxsh etmoq,
Pokiza qalbining qadriga yetmoq.
Go'zallik izlamoq har bir so'zidan,
Iymon nuri bilan boqqan ko'zidan.

Ba'zan ota kabi ko'rsatmoq shafqat,
Ba'zan akasidek qilmoqlik toqat.
Ba'zan chin do'stidek asta sirlashmoq,
Ba'zan eng otashin ishqla birlashmoq.

Din-u diyonatda bo'lmoqlik ustoz,
Ba'zan yumshoq tanbeh bermoqlik oz-moz.
Boshiga chiqarmoq aslo shart emas,
Illo, oyoqosti qilmasa ham, bas.

Biz shunday ardoqlab yurgaymiz uni
Faqat bir kun emas, balki har kuni.
Zeroki, omonat erur ayol ham,
Aslida, ayoling eng sodiq hamdam.

Mo'mina, muslima ayol bo'lsa yor,
Diningning yarmida yordam ham tayyor.
Qolgan yarmida sen jiddu jahd qilsang,
Baski, iymon, Islom qadrini bilsang.

🕊Shahobiddin Odil✍

@Shahobiddin_Odil
558 0 8 17
Шаҳобиддин Одил

8 Mar, 04:35

Open in Telegram Share Report
#РУҲИЯТ

📝 МЎМИНАЛАРГА

Уч юз-у олтмиш беш, яъни ҳар кунда,
Балки, кеча-кундуз, ҳаттоки тунда,
Мўминга омонат аёлин қалби,
Мўмина, муслима аёлин қадри.

Севмоқ, эркаламоқ, севинч бахш этмоқ,
Покиза қалбининг қадрига етмоқ.
Гўзаллик изламоқ ҳар бир сўзидан,
Иймон нури билан боққан кўзидан.

Баъзан ота каби кўрсатмоқ шафқат,
Баъзан акасидек қилмоқлик тоқат.
Баъзан чин дўстидек аста сирлашмоқ,
Баъзан энг оташин ишқла бирлашмоқ.

Дин-у диёнатда бўлмоқлик устоз,
Баъзан юмшоқ танбеҳ бермоқлик оз-моз.
Бошига чиқармоқ асло шарт эмас,
Илло, оёқости қилмаса ҳам, бас.

Биз шундай ардоқлаб юргаймиз уни,
Фақат бир кун эмас, балки ҳар куни.
Зероки, омонат эрур аёл ҳам,
Аслида, аёлинг энг содиқ ҳамдам.

Мўмина, муслима аёл бўлса ёр,
Динингнинг ярмида ёрдам ҳам тайёр.
Қолган ярмида сен жидду жаҳд қилсанг,
Баски, иймон, Ислом қадрини билсанг.

🕊Шаҳобиддин Одил✍

@Shahobiddin_Odil
1.2k 0 24 19
Шаҳобиддин Одил

8 Mar, 04:22

Open in Telegram Share Report
Video is unavailable for watching
Show in Telegram
📚📖📚МЎМИН-МУСУЛМОНЛАРНИНГ ТОНГДАГИ ИЛК КАЛОМЛАРИ–ЗИКР,  ШУКУР, ДУО ВА САЛОМДИР!

📚📖📚✨ЗИКРЛАР:

أَعُوذُ باللهِ مِنَ الشَّيطَانِ الرَّجِيمِ
Аъуузу биллааҳи минаш-
шайтонир-рожийм!


بِسْمِ اللهِ الرَّحْمٰنِ الرَّحِيم
Бисмиллааҳир-
Роҳмаанир-Роҳийм!


الحَمْدُ للهِ الذِي أحْيَانا بَعْدَ مَا أمَاتَنَا وإلَيْهِ النَشُور
Алҳамду
лиллааҳиллазий аҳйаанаa баъда мо амaaтанаа ва илайҳин-нушуур!


ٱلۡحَـمۡدُ للهِ رَبِّ ٱلۡعَـٰلَمِينَ
Алҳамдулиллааҳи Роббил оламийн!


أَشْهَدُ أَنْ لاَ إِلَهَ إِلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
Ашҳаду ан-лаа илааҳа иллаллоҳу ва ашҳаду анна Муҳаммадун ъабдуҳу ва росулуҳу!


📚📖📚✨ШУКУР ВА ҲАМД-У САНО:

Тонгда иймон билан уйғотганинг учун шукур, Аллоҳим!
Бу ожиз қулингга яна бир кун ҳадя қилганинг учун Сенга беҳад ҳамд-у санолар бўлсин, ё Зал-Жалоли вал Икром!


📚📖📚✨ДУО:

Аллоҳим, ё Роббал оламийн, ҳар бир мўмин бандангнинг бугунги кунини кечаги кунидан кўра ҳам хайрли ва баракали қилгин!


بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

 «БИСМИЛЛААҲИЛЛАЗИЙ ЛАА ЙАЗУРРУ МАЪАСМИҲИ ШАЙ'УН ФИЛ АРЗИ ВА ЛАА ФИС САМАА'И ВА ҲУВАС САМИЪУЛ АЛИЙМ.»

(Юз-қўлни ювиб бўлгандан кейин  уч марта ўқилади.)

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Роббанаа ъатинаа фид-дунё ҳасанатан ва фил-охирати ҳасанатан ва қинаа азобан-нор!

📚📖📚✨САЛОМ:

ٱلسَّلَامُ عَلَيْكُمْ وَرَحْمَةُاللهِ وَبَرَكَاتُهُ
Ассалому алайкум ва роҳматуллоҳи ва барокатуҳу!


Мўмин-мусулмоннинг ҳар бир янги йили, янги ойи ва янги куни
айнан мана шундай бошланади.

Биз учун маълум бир кунлар, ойлар ва йиллар эмас, иймон билан уйғонганимиз ҳар бир тонг, АЛЛОҲНИНГ ЗИКРИ билан бошланган
ҳар бир кун байрамдир, муборакдир!


@Shahobiddin_Odil
499 0 3 15
Шаҳобиддин Одил

7 Mar, 07:42

Open in Telegram Share Report
#БИР_ҲАДИС_ШАРҲИ

Саҳл ибн Саъд розияллоҳу анҳудан ривоят қилинади:

"Расулуллоҳ соллаллоҳу алайҳи васаллам:

“Икки ўринда қилинган дуо рад этилмайди: азондан кейинги ва ёмғир ёғаётган пайт”, –дедилар."
(Имом Абу Довуд ва имом Байҳақий ривояти)

Шарҳи: ёмғир ёғаётган пайтда аввало ушбу ёмғирнинг фойдали бўлишини сўраб қуйидаги дуо ўқилади.
Шундан сўнг диний ва дунёвий ҳар қандай шаръий истакларимизни сўраб дуолар қилсак, Аллоҳ хоҳласа, дуоларимизни албатта ижобат этади!

@Shahobiddin_Odil
629 0 2 21
Шаҳобиддин Одил

7 Mar, 05:54

Open in Telegram Share Report
#RUHIYAT

📝 JUM’A

Ba’zi bir kimsalar qilib "ijtihod",
Baland da’vo bilan chiqardilar ot.

Chiroyli so‘zlarni qator terdilar,
Jum’ani bayram deb fatvo berdilar.

Tabriklab bir-birin har jum’a takror,
Bilmadim, topdilar ne naf’, ne asror?!

Go‘yo shariatga qo‘shdilar bir ish,
Tabrikdan qochganlar devona emish...

Kim inkor qiladir, bayramdir chindan,
Ammo, bayramligi ibodat bilan.

Olqish, tabriklaring itoat emas,
Iymonli kimsaga bu odat emas.

Allohga chin dildan itoat qilsang,
Rasululloh so‘zin haq deya bilsang,

Jum’aning fazlini topmoq istasang,
Eng afzal, savobli bir ish izlasang,

Shu kuni behuda har bir so‘zdan qayt,
Zikr-u tasbih, ko‘p-ko‘p salovotlar ayt!

Duo qilgin mazlum mo‘minlarni ham,
Bu–sendan ularga eng katta yordam!

Yig‘lab duolar qil, Allohga yolvor,
Pushaymonlik ila aytgil istig‘for...

Gʻaflatda qolmagin bu kun fazlidan,
Duo-iltijodan to‘xtama bir dam...

Allohning Rasuli buyurgani–shu.
O‘zingni olamga qilmagin kulgu.

Olqish, tabrik bilan chalg‘itma elni,
Zikr-u salovot-la poklagin dilni.

Gʻaflatda qolmagin boy berib baxtni,
Duoda o‘tkazgin eng maqbul vaqtni.

Vaqti ma’lum emas, qabuli naqddir,
Ko‘p duo qilganga yor bo‘lar taqdir!

🕊Shahobiddin Odil✍

@Shahobiddin_Odil
566 0 2 17
Шаҳобиддин Одил

7 Mar, 05:48

Open in Telegram Share Report
#РУҲИЯТ

📝 ЖУМЪА

Баъзи бир кимсалар қилиб "ижтиҳод",
Баланд даъво билан чиқардилар от.

Чиройли сўзларни қатор тердилар,
Жумъани байрам деб фатво бердилар.

Табриклаб бир-бирин ҳар жумъа такрор,
Билмадим, топдилар не нафъ, не асрор?!

Гўё шариатга қўшдилар бир иш,
Табрикдан қочганлар девона эмиш...

Ким инкор қиладир, байрамдир чиндан,
Аммо, байрамлиги ибодат билан.

Олқиш, табрикларинг ибодат эмас,
Иймонли кимсага бу одат эмас.

Аллоҳга чин дилдан итоат қилсанг,
Расулуллоҳ сўзин ҳақ дея билсанг,

Жумъанинг фазлини топмоқ истасанг,
Энг афзал, савобли бир иш изласанг,

Шу куни беҳуда ҳар бир сўздан қайт,
Зикр-у тасбиҳ, кўп-кўп саловотлар айт!

Дуо қилгин мазлум мўминларни ҳам,
Бу–сендан уларга энг катта ёрдам!

Йиғлаб дуолар қил, Аллоҳга ёлвор,
Пушаймонлик ила айтгил истиғфор...

Ғафлатда қолмагин бу кун фазлидан,
Дуо-илтижодан тўхтама бир дам...

Аллоҳнинг Расули буюргани–шу.
Ўзингни оламга қилмагин кулгу.

Олқиш, табрик билан чалғитма элни,
Зикр-у саловот-ла поклагин дилни.

Ҳасратда қолмагин бой бериб бахтни,
Дуода ўтказгин энг мақбул вақтни.

Вақти маълум эмас, қабули нақддир,
Кўп дуо қилганга ёр бўлар тақдир!

🕊Шаҳобиддин Одил✍

@Shahobiddin_Odil
473 0 2 16
Шаҳобиддин Одил

7 Mar, 05:26

Open in Telegram Share Report
Video is unavailable for watching
Show in Telegram
АЛЛОҲИМ, Ё РОББАЛ ОЛАМИЙН!
ЖУМЪА КУНИНИНГ ФАЙЗ-У БАРАКАСИДАН ТЎЛИҚ БАҲРАМАНД БЎЛИШНИ ЖАМИЙКИ МЎМИН-МУСУЛМОНЛАРГА ВА ХОССАТАН КАНАЛИМИЗ ЎҚУВЧИЛАРИГА ҲАМ НАСИБ АЙЛА!

БУ КУНГИ БАРЧА ИБОДАТЛАРИМИЗНИ ҚАБУЛ ҚИЛГИН!

ЎЗИМИЗ, АҲЛИ ОИЛАМИЗ, ЯҚИНЛАРИМИЗ ВА ЖАМИЙКИ МЎМИН-МУСУЛМОНЛАР ҲАҚҚИГА ҚИЛГАН БАРЧА ДУОЛАРИМИЗНИ ИЖОБАТ ЭТГИН!

ОМИЙН, Ё РОББАЛ ОЛАМИЙН!

ALLOHIM, YO ROBBAL OLAMIYN!
JUM’A KUNINING FAYZ-U BARAKASIDAN TO‘LIQ BAHRAMAND BO‘LISHNI JAMIYKI MO‘MIN-MUSULMONLARGA VA XOSSATAN KANALIMIZ O‘QUVCHILARIGA HAM NASIB AYLA!

BU KUNGI BARCHA IBODATLARIMIZNI QABUL QILGIN!

O‘ZIMIZ, AHLI OILAMIZ, YAQINLARIMIZ VA JAMIYKI MO‘MIN-MUSULMONLAR HAQQIGA QILGAN BARCHA DUOLARIMIZNI IJOBAT ETGIN!

OMIYN, YO ROBBAL OLAMIYN!

@Shahobiddin_Odil
402 0 3 21
Шаҳобиддин Одил

7 Mar, 05:26

Open in Telegram Share Report
📚📖📚ЖУМА КУНИДАГИ БАРҚАРОР СУННАТ АМАЛЛАР

📚📖📚Аллоҳ таоло барча иймонли бандаларининг ҳар икки оламда бахтли бўлишларини истайди. Илло, ўша бахтга сазовор бўлишлари учун қандай ҳаракат қилишлари лозимлигини шариатда аниқ белгилаб ҳам қўйган.

📚📖📚АЛЛОҲ ТАОЛО ЖУМА КУНИНИ БАРАКАЛИ-МУБОРАК ҚИЛИБ ҚЎЙГАН. ИЛЛО, дуолар аниқ қабул бўладиган бир соатни топишлари учун МЎМИНЛАРГА БУ КУННИ КЎПРОҚ ЗИКР ВА ДУОЛАР–ИБОДАТЛАР БИЛАН ЎТКАЗИШНИ БУЮРГАН.

📚📖📚Жума кунининг фазли ва унда қилинадиган амаллар ҳақида эса Расулуллоҳ соллаллоҳу алайҳи васалламдан кўплаб ҳадислар ривоят қилинган.

Уларнинг барчасини ўрганиб чиққан уламоларимиз энг фазилатли суннат амаллар сифатида қуйидагиларни
тавсия қилишади:

– ғусл қилиш;
– хушбўй сепиб, безаниш;
– мисвок ишлатиш;
– энг яхши либосларини кийиш;
– масжидга барвақт бориш;
– масжидга пиёда бориш (ҳар қадам учун савоб умидида);
– масжидда бошқаларни сиқиб қўймаслик, одамларнинг елкасидан ошиб ўтиб, озор бермаслик;
– таҳиййатул масжид намозини ўқиш;
– имомга қараб, уни тинглаб ўтириш;
– хутба пайтида жим туриш;
– садақани кўпайтириш;
– "Каҳф" сурасини ўқиш;
– дуо ижобат бўладиган фурсатни қидириш;
– Набий соллаллоҳу алайҳи васалламга кўп саловот айтиш!

–ЖУМА КУНИ ЭНГ ФАЗИЛАТЛИ АМАЛ–БАРЧА МЎМИН-МУСУЛМОНЛАР ҲАҚҚИГА КЎП-КЎП ДУО ҚИЛИШДИР!

📚📖📚JUMA KUNIDAGI BARQAROR SUNNAT AMALLAR

📚📖📚Alloh taolo barcha iymonli bandalarining har ikki olamda baxtli bo‘lishlarini istaydi. Illo, o‘sha baxtga sazovor bo‘lishlari uchun qanday harakat qilishlari lozimligini shariatda aniq belgilab ham qo’ygan.

📚📖📚ALLOH TAOLO JUMA KUNINI BARAKALI-MUBORAK QILIB QO‘YGAN. ILLO, duolar aniq qabul bo‘ladigan bir soatni topishlari uchun MO‘MINLARGA BU KUNNI KO‘PROQ ZIKR VA DUOLAR–IBODATLAR BILAN O‘TKAZISHNI BUYURGAN.

📚📖📚Juma kunining fazli va unda qilinadigan amallar haqida esa Rasululloh sollallohu alayhi vasallamdan ko‘plab hadislar rivoyat qilingan.

Ularning barchasini o‘rganib chiqqan ulamolarimiz eng fazilatli sunnat amallar sifatida quyidagilarni
tavsiya qilishadi:

– g‘usl qilish;
– xushbo‘y sepib, bezanish;
– misvok ishlatish;
– eng yaxshi liboslarini kiyish;
– masjidga barvaqt borish;
– masjidga piyoda borish (har qadam uchun savob umidida);
– masjidda boshqalarni siqib qo‘ymaslik, odamlarning yelkasidan oshib o‘tib, ozor bermaslik;
– tahiyyatul masjid namozini o‘qish;
– imomga qarab, uni tinglab o‘tirish;
– xutba paytida jim turish;
– sadaqani ko‘paytirish;
– "Kahf" surasini o‘qish;
– duo ijobat bo‘ladigan fursatni qidirish;
– Nabiy sollallohu alayhi vasallamga ko‘p salovot aytish!

–JUMA KUNI ENG FAZILATLI AMAL–BARCHA MO'MIN -MUSULMONLAR HAQQIGA KO'P-KO‘P DUO QILISHDIR!

@Shahobiddin_Odil
425 0 0 14
Шаҳобиддин Одил

6 Mar, 07:03

Open in Telegram Share Report
#RUHIYAT

📝 ILTIJO

Ojiz bir bandangman, mehribon Robbim,
O‘zga ilohim yo‘q, eshitgil ohim:
Quvilgan shaytonning
yomonligidan
O‘zing najot bergin, bo‘lgin panohim!

Nochorman–aybim ko‘p, iqrorman. Ammo,
Iymonimga zarra shubha yo‘q aslo.
Vasvasadan lekin  qutulolmay hech,
Yig‘lab yolvoraman har kun erta-kech:

Zikringni qalbimga, ko‘ksimga joyla,
Tilimni shukringga burro qil doim,
Ibodatim go‘zal ado etmoqqa
Yordam ber, hukmingda bo‘layin qoim.

🕊Shahobiddin Odil✍

@Shahobiddin_Odil
589 0 1 16
Шаҳобиддин Одил

6 Mar, 06:56

Open in Telegram Share Report
#РУҲИЯТ

📝ИЛТИЖО

Ожиз бир бандангман, меҳрибон Роббим,
Ўзга илоҳим йўқ, эшитгил оҳим:
Қувилган шайтоннинг
ёмонлигидан
Ўзинг нажот бергин, бўлгин паноҳим!

Ночорман–айбим кўп, иқрорман. Аммо,
Иймонимга зарра шубҳа йўқ асло.
Васвасадан лекин  қутулолмай ҳеч,
Йиғлаб ёлвораман ҳар кун эрта-кеч:

Зикрингни қалбимга, кўксимга жойла,
Тилимни шукрингга бурро қил доим,
Ибодатим гўзал адо этмоққа
Ёрдам бер, ҳукмингда бўлайин қоим.

🕊Шаҳобиддин Одил✍

@Shahobiddin_Odil
710 0 16 20
Шаҳобиддин Одил

6 Mar, 05:53

Open in Telegram Share Report
Video is unavailable for watching
Show in Telegram
📚📖📚MO'MIN-MUSULMONLARNING TONGDAGI ILK KALOMLARI–ZIKR, SHUKUR, DUO VA SALOMDIR!

أَعُوذُ باللهِ مِنَ الشَّيطَانِ الرَّجِيمِ
A’uuzu billaahi minash-
shaytonir-rojiym!

بِسْمِ اللهِ الرَّحْمٰنِ الرَّحِيم
Bismillaahir-
Rohmaanir-Rohiym!


الحَمْدُ للهِ الذِي أحْيَانا بَعْدَ مَا أمَاتَنَا وإلَيْهِ النَشُور

«ALHAMDU LILLAAHILLAZIY AHYAANAA BA’DA MAA AMAATANAA VA ILAYHIN NUSHUUR.»

(Uyqudan turgan zahoti bir marta o‘qiladi.)

ٱلۡحَـمۡدُ للهِ رَبِّ ٱلۡعَـٰلَمِينَ
Alhamdulillaahi Robbil olamiyn!


أَشْهَدُ أَنْ لاَ إِلَهَ إِلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
Ashhadu an-laa ilaaha illallohu va ashhadu anna Muhammadun ’abduhu va rosuluhu!

Tongda iymon bilan uyg‘otganing uchun shukur, Allohim!
Bu ojiz qulingga yana bir kun hadya qilganing uchun Senga behad hamd-u sanolar bo‘lsin, yo Zal-Jaloli val Ikrom!

Allohim, yo Robbal olamiyn, har bir mo‘min bandangning bugungi kunini kechagi kunidan ko‘ra ham xayrli va barakali qilgin!

بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

 «BISMILLAAHILLAZIY LAA YAZURRU MA’ASMIHI SHAY'UN FIL ARZI VA LAA FIS SAMAA'I VA HUVAS SAMI’UL ALIYM.»

(Yuz-qo‘lni yuvib bo‘lgandan keyin  uch marta o‘qiladi.)

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Robbanaa ’atinaa fid-dunyo hasanatan va fil-oxirati hasanatan va qinaa azoban-nor!


ٱلسَّلَامُ عَلَيْكُمْ وَرَحْمَةُاللهِ وَبَرَكَاتُهُ
Assalomu alaykum va rohmatullohi va barokatuhu!

Mana shu⬆️mo‘min-musulmonning tong ottirishidir. Ya’ni, tongimiz, kunimiz aynan shunday kalomlar bilan, duo va salomlar bilan boshlanishi kerak!

Uyg‘ondik, aniqrog‘i o‘limdan keyin qayta tirildik–
alhamdulilloh!

Bizga yashash uchun yana bir kun hadya etildi–
alhamdulilloh!

Iymon bilan uyquga yotgandik, tongda yana iymon bilan uyg'onish nasib etdi–alhamdulilloh!

O‘ldirganidan keyin qayta tiriltirgani uchun Robbimizga shukrona aytamiz.

Yana bir yangi kunni hadya etgani uchun shukrona aytamiz.

Iymonimizni salomat saqlagani uchun yana shukrona aytamiz!

Ya’ni, mo‘min-musulmon har tongni aynan ana shunday shukronalik bilan kutib oladi.

Yangi kundagi hayotini tongdanoq
ZIKR VA  DUOLAR bilan, ya’ni ibodat bilan boshlaydi.


Zero,
biz uchun ma’lum bir kunlar, oylar va yillar emas, iymon bilan uyg‘onganimiz
har bir tongimiz,
ALLOHNING ZIKRI
bilan boshlangan
har bir kunimiz muborakdir, gunohsiz o'tgan kunlarimiz chin bayramdir!


@Shahobiddin_Odil
460 0 3 15
Шаҳобиддин Одил

5 Mar, 17:34

Open in Telegram Share Report
شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ

Ramazon oyi – unda odamlarga hidoyat hamda hidoyatu furqondan iborat ochiq-oydin hujjatlar bo'lib, Qur'on nozil qilingan. Sizlardan kim bu oyda hozir bo'lsa, uning ro'zasini tutsin. Va sizlardan kim bemor yoki safarda bo'lsa, bas, sanog'i(ni) boshqa kunlardan(tutadir). Alloh sizlarga osonlikni iroda qiladi va sizlarga qiyinlikni iroda qilmaydi. Sanoqni mukammal qilishingiz va sizni hidoyatga boshlagan Allohni ulug'lashingiz uchun. Shoyadki, shukr qilsangiz.
("Baqara" surasi, 185-oyat)

@Shahobiddin_Odil
488 0 1 15
20 last posts shown.