Sarvarjon Namozaliyev

Yurishingda mo’tadil bo’l va ovozingni pasaytir. Chunki ovozlarning eng yomoni eshakning ovozidir. (Luqmon surasi, 19-oyat)

Ya’ni yurishing o’rtacha va maqsadli bo’lsin. Bekorchi, soxta harakatlar bilan kuch-quvvatni isrof qilib, kibru havo bilan ham yurma, juda lapashang bo’lib sudralma ham.

“ … va ovozingni pasaytir”. Baland ovozda baqir-chaqir qilish, haddan ziyod baland ovozda gapirish yomon narsa, suhbatdoshingga malol keladi.

Bilib qo’y: “…ovozlarning eng yomoni eshakning ovozidir”.

(C) Ijtimoiy odoblar

Qarshimizdagi odam, mayli, telba bo‘lsin, mayli, devona bo‘lsin, mayli, gapida ma’no-mantiq bo‘lmasin, o‘zimizga birinchi aytadigan gapimiz shu bo‘lishi kerak:

“U mendan yaxshiroq. Nima uchun? Chunki men uning kimligini bilmayman. Balki, kechalari yig‘lab ibodat qilayotgandir? Balki, tavbalarga ko‘milib, nadomatlar ichra yashayotgandir?”

E’tibor berganmisiz, shijoatli, g’ayratli insonlar bilan to’la davrada o’tirsangiz sizni ham ichingizda energiya paydo bo’ladi.

Ahli ilmlar bilan bo’lsangiz qalbingiz orom oladi.

Tadbirkorlar bilan suhbatlashsangiz biznes qilgingiz keladi.

G’iybatchilar bilan o’tirsangiz esa siz ham bir kuni g’iybatchiga aylanasiz.

Qisqacha aytganda atorfimizni o’rab turgan insonlar juda ham muhim! Atrofimizga bir nazar solaylik do’stlar.

"Yong'oq qurti" hikoyasidan qiziq parcha

Menam senday bir paytlar duppa-durust yongʼoqlarning qop-qora koʼmirga aylanib qolishiga hayron boʼlganman. Yoppiray, deganman. Bir yili qasd qildim: qani, yongʼoq qanday qilib bunday boʼlib qolarkan, dedim. Huv, bogʼ adogʼida katta qari yongʼoqning uch-toʼrt gʼoʼrasini har kuni kuzatdim. Yongʼoqning kushandasi qurt. Uyam odamga oʼxshaydi. Qorin gʼami bor-da. Oʼzi sigʼadigan teshik ochib, gʼoʼra yongʼoqning ichiga bir amallab kirib olsa, baxti. Boʼliq boʼlib kelayotgan magʼzini yeb boshlagani sayin semiradi. Vaqt oʼtib, magʼiz ado boʼladi. Yongʼoq ichida hech vaqo qolmagandan keyin qurt tashqariga chiqishga intiladi. Bu paytda esa, huv kirgan mahalidagi nina teshigidek joy unga tor kelib qoladi. Semirib ketadi-da! Shu uchun qancha urinmasin, tashqariga chiqolmaydi.

Undan ham yomoni, yongʼoqning ichi qurib, poʼsti qattiqlashgan, endi teshikdan chiqish tugul, uni avvalgidan sal kengaytirishning ham iloji qolmaydi. Ichkarida yeyishga magʼiz qolmagach, qurt oldida ikki yoʼl turadi: yo ochlikdan oʼlish yoki oxirigacha kurashish. Buning birgina chorasi bor: ozish kerak!

Аna shunda yongʼoq ichida qurt ochlikdan sillasi qurib, oza boshlaydi. Eski, oʼsha zaif holiga qaytib, tashqariga chiqishga urinadi. Bu kamdan-kamiga nasib etadi. Chiqqani ham bundoq qarasa, uning uchun mavsum tugab, ortda qurigan yongʼoqdan boshqa hech nima qolmagan boʼladi. Qarshisida vaqtning beshafqat hukmi oʼqiladi. U baribir oʼlimga mahkum…

Ey, bolam… Odamzodning ham yoʼrigʼi shu. Baʼzilarning hayoti xuddi yongʼoq qurtinikiga oʼxshaydi. Mol-dunyo ilinjida boshini ming teshikka tiqadi. Qorin dardida umrini koʼkka sovuradi. Hayotini behuda narsalar bilan andarmon boʼlib oʼtkazib yuboradi. Endi odamga oʼxshab, qanoat qilib umr kechiraman deganida hayotining soʼnggi damlarini yashayotgan, ostonasida oʼlim lashkari asov otday kutib turgan boʼladi…

Chol koʼp gapirdi. Dam daraxtlarga, dam osmonga, taram-taram bulutlarga koʼz tashlab, xuddi donishmandlarday soʼzlar ekan, mijjasidan gʼilt etib tomchi yosh chiqqanini ilgʼadim.

©️ Orzu va dengiz kitobidan

🔗 Hikoyani to'liq holda o'qish

Bir kuni Jobs Macintosh operatsion tizimini ishlab chiqayotgan muhandis Larri Ken’onning xonasiga kirib, tizim uzoq yuklanayotganidan shikoyat qiladi.

Ken’on tushuntirmoqchi bo’ldi, lekin Jobs so’zini bo’ldi: “Agar kimningdir hayoti shunga bog’liq bo’lganida, siz yuklash vaqtini 10 sekundga kamaytira olgan bo’larmidingiz?” Ken’on harakat qilib ko’rgan bo’lardim, deb javob berdi.

O’shanda Jobs doskaga hisob-kitoblarni chizib, Larriga ko’rsatdi va unga agar 5 million kishi Mac’dan foydalansa, ular har kuni ortiqcha 10 sekund sarflashini, bir yilda bu qariyb 30 million soatni tashkil etishini, bu esa taxminan 100 ta odam hayotiga teng ekanini tushuntirdi.

“Larriga bu ta’sir qildi va bir necha haftadan so’ng u natijaga erishdi: tizim 28 sekund tezroq yuklana boshladi, - eslaydi Atkinson.

Stiv u yoki bu muammoni global darajada ko’rsatib, xodimlarni bir ish qilishga unday olardi”.

Stiv Jobs kitobidan.

Atrofingizdagi har bir obyekt bilan qanday munosabatda ekaningiz haqida o’ylab ko’ring.

Kim uchundir divan - bu har oqshom bir necha soat kitob o’qiydigan joy.

Boshqa birov uchun esa u ishdan keyin televizor tomosha qilib muzqaymoq yeyiladigan joydir.

Turli odamlarda o’xshash joylar bilan turlicha xotiralar va o’z navbatida o’zgacha odatlar bog’langan.

“Atom odatlar” kitobidan

Neyromarketing kitobini 1 haftacha oldin tugatgandim bugun o'zim tushungan va kitobning qiziqarli joylarini yana bir yodimda yaxshi saqlanishi uchun shu yerga yozib qoldirmoqchiman!

Kitobda neyromarketing ya'ni insonlarning biror tovar yoki brendni ko'rganda uning neyronlarida yoki miyasida qanday holatlar bo'lishi va qanday hissiyotlar uyg'onishi haqidagi tadqiqotlar mujassamlashgan.

1. Tovar taqdimida hissiyotlilik qanchalik kuchli bo'lsa, neyron faolligi shunchalik yuqori bo'ladi!

2. Neyron faolligi qanchalik yuqori bo'lsa, qaror qabul qilishga tayyorlik ya'ni sotib olishga bo'lgan intilish shunchalik yuqori bo'ladi!

3. Agar savdo nuqtasida hissiyot aks etgan fotusuratlar joylashtirilsa, bu mijozlar oqimini muayyan bo'limga yo'llaydi va shu sabab ushbu nuqtada ko'proq savdo bo'ladi!

4. Less is more. Kam degani - ko'p deganidir! Ya'ni kamroq tovar soni bilan ko'proq mahsulot sotish mumkin. Ko'p insonlar kamroq narsa sifatli bo'ladi degan fikrga kelishadi va ko'proq sotib olishadi.

Kitob haqida ko'proq ma'lumot bilish uchun bu yerga bosing👇🏻

https://telegra.ph/Neyromarketing-kitobi-haqida-03-12

Bolalikni eslab

Maktabda 3-4-sinf paytlarimda Sinfdoshlarimiz bilan juda ko'p futbol o'ynardik, tuflidami, krassovkadami farqi yo'q edi o'sha paytlar.) Tuflim ko'p yirtilib qolardi. Dadam meni koyib, yangi tufli olib berardilar.

O'shanda eng qizig'i yap-yangi tuflini maktabga kiyib borishga uyalardim. Sababi sinfdoshlarimni, maktabdagilarni oyoq kiyimimga qarashidan, e'tiborni o'zimga tortishimdan hijolat bo'lardim. Shuning uchun uydan chiqiboq, tuproq bilan tuflini chang-kir qilib, eski tufliga o'xshatib, keyin maktabga kirib borardim.

Bugun esa aksincha mashhurlik, odamlarni o'ziga jalb qilish, layk, izoh va hokazolar uchun hamma narsa qilishga tayyormiz!!!

O'sha paytlarni eslarkanman eng beg'ubor, qalbida zarracha kibr yo'q bo'lgan damlarimiz ekanini asta-sekin tushunib yetyapman...

P/s: Tuflimni chang qilmasdan kiyayotganimdan ilhomlanib)

📌 2021-yil 3-avgust.

@Sarvarjon_Namozaliyev

Sukut saqla, qalbingdan oʻtmagan narsani tilingga chiqarma.
Yo qalbing toʻridan soʻzla, yoki jim boʻl...

© Shams Tabriziy

Ibodatlarga qattiq kirishgan bir kishiga malomat qilishganida aytgan ekan:

" Dunyo avvaldan bor edi, men yo'q edim, hozir borman. Dunyo turaveradi, men esa yo'q bo'laman. Shuning uchun bor vaqtimdagi fursatni boy berishni xohlamayman "

" Asadullo Xolmurodov - Himmat mo'minning quvvati kitobi " dan.

Ibn Qayum aytadi:

"Odam bolasining jismi tuproqdan yaralgan, ruhi samodan tushirilgan. Ikkisini solishtirsak, badan och qolsa, egasini bedor qiladi va uni narsa topish uchun yugurtiradi. Ruhi esa yengil tortib rohatlanadi va o'zi tushgan o'ringa, oliylikka intiladi.

Badanni to'ydirib, turfa ne'matlar bilan siylab, uxlatib, rohati va xizmati bilan mashg'ul bo'linsa, o'zi yaralgan yerga yotib oladi. Ruh ham u bilan tubanlikda mahkum kabi qoladi.

Agar ruhning taqdiriga shu badan bilan doim birga bo'lish yozilmaganida, azoblanayotgan kishi singari, o'zining oliy olamidan uzilib qolgani uchun "Dod" deb baqirgan bo'lardi".

© Asadullo Xolmurodov, Himmat mo'minning quvvati kitobidan.