Rostgo'ylikSiz doim rost gapirasiz, lekin bu sizni ba'zida zararingizga ishlaydi. Ba'zi paytlar yolg'on gapirsangiz savdoyingiz yaxshilanishi, ishingiz tez bitishi, noqulay vaziyatdan tez chiqib ketishingiz yoki shunga o'xshash holatlar bo'lishi mumkin, lekin shuni unutmangki hozir sizni foydangizga ishlagan bu yolg'on, kun kelib albatta zararingizga ishlaydi. Bu xuddi tishi karies bo'lgan yosh bolani shokolad yeyishiga o'xshaydi. To'g'ri, o'sha paytda u bola mazza qilib shokolad yeyishi mumkin, lekin keyinroq tishi og'rib, nafsning gapiga kirgani unga qimmatga tushadi. Lekin, hozirgi kunda kuniga kamida yuzlab yolg'onlar ishlatyapmiz va bu bizga odat tusiga kirib ulgurgan. Masalan, haydovchilar hozir 5 daqiqada boraman deyishadida, yaqin yarim soatda kelishadi. Birovdan qarzimiz bo'lsa, ming turli bahona qilamizda yana qo'shimchasiga qo'limizda kelmasligini bilsakda ertaga qilib beraman deymiz. Ba'zi savdogarlarga e'tibor bering, ular mollarini ming turli yolg'on maqtovlar bilan sotishadi, lekin topgan pullarida hech baraka bo'lmaydi. Bunday yolg'onlarni har qadamimizda uchratyapmiz. Xo'sh, yolg'on gapirmaslik uchun nima qilish kerak??? Javob oddiy, kam gapirish kerak. Yolg'on gaplarning aksariyati ko'p gapirishdan kelib chiqadi. Rasuli Akram alayhissalom aytadilar: «
Kim Allohga va oxirat kuniga iymon keltirgan bo‘lsa, gapirsa yaxshi gapni gapirsin, bo‘lmasa jim tursin», - dedilar. Payg‘ambarimiz alayhissalom bizlarni faqat yaxshi, rost so‘z aytishga, ibratli, insonparvar va dilkash so‘zlarni aytishga buyurmoqdalar. Azizlar, bir ikki og'iz yolg'on gaplarimiz bilan, yaxshi amallarimizni xabata qilmaylik, halol narsani o'zimizga harom qilib olmaylik.
@rahimxon_islomov
