Professional English Teacher | Official Channel

Bilasizmi? 🤷🎯🎯
⚡️Maktab o‘quvchilarini o‘zboshimchalik bilan ekskursiya yoki turistik sayohatlarga olib borish javobgarlikka sabab bo‘ladi

❓ Savol:

Sinf rahbariman. Yaqinda I chorak ham yakunlandi. O‘quvchilarim aylangani boraylik deb qo‘yishmayapti. Avtobus gaplashib bolalarni sayohatga olib chiqib ketayotgandim.

Ammo, direktorimiz tanbeh berib, avval bu haqda mas’ullarni ogohlantirishimiz kerak deyapti. Savolim shundan iboratki, o‘quvchilarni sayohatga olib borish uchun mas’ullardan ruxsat olishimiz shartmi? Axir bu bolalar va ota-onalarning roziligi bilan bo‘lyaptiku.

✅ Xalq ta’limi info javobi:

Vazirlar Mahkamasining 2003 yil 4 noyabrdagi 482-son qaroriga 2-ilovada "O‘zbekiston Respublikasida avtobuslarda yo‘lovchilar tashish xavfsizligini ta’minlashga doir talablar" belgilangan.

Ushbu yo‘riqnomaning 40-bandi, 2-xatboshiga ko‘ra bolalar, umumta’lim maktablari va o‘rta maxsus ta’lim muassasalari o‘quvchilarining ekskursiya qilish, turistik-ekskursiya qilish safarlarini tashkil etish uchun ta’lim muassasasi ma’muriyati jo‘nab ketish sanasini, yo‘nalishni va jo‘nab ketuvchilar sonini ko‘rsatgan holda tegishli ravishda tuman (shahar) MMTBga murojaat qilishi lozim.

Bunda ta’lim muassasalari o‘quvchilarining ekskursiya qilish, turistik va boshqa guruhlari jo‘nab ketishi to‘g‘risida qarorlar qabul qilish, qoidaga ko‘ra, jo‘nab ketish sanasigacha 3 sutkadan kechikmay qabul qilinadi.

Jo‘nab ketish uchun tuman (shahar) MMTBning ruxsatnomasi olingandan keyin ta’lim muassasasi ma’muriyati (tashkilotchi) tashuvchi bilan shartnoma tuzishi mumkin.

Ta’lim muassasasi ma’muriyati tashuvchi bilan shartnoma tuzilganidan keyin jo‘nab ketish sanasigacha uch ish kunidan kechikmay harakatlanish sanasi va qatnov yo‘lini, shuningdek, barcha yo‘lovchilar ro‘yxatini, avtobuslar to‘g‘risidagi ma’lumotlarni ko‘rsatib, hamrohlikni tashkil etish uchun buyurtmanomani Ichki ishlar vazirligining Yo‘l harakati xavfsizligi davlat xizmatiga kiritadi.

Shundan so‘ng Ichki ishlar vazirligining Yo‘l harakati xavfsizligi davlat xizmati tomonidan bolalarga hamrohlik qilish uchun maxsus xodimlar ajratilgan holda ekskursiya yoki turistik sayohatlar  tashkil etilishi mumkin.

☝️ Xulosa qilib aytganda, bolalarni sayohatga olib borish uchun bir qancha amallarni bajarishga to‘g‘ri keladi. Maktab o‘quvchilarini o‘zboshimchalik bilan ekskursiya yoki turistik sayohatlarga olib borish esa javobgarlikka sabab bo‘lishi mumkin.

@Professional_English_teacher
@Professional_English_teacher

Maktabga keldim deb, darsga kirmasa,
Yonida yo kitob, daftar bo‘lmasa,
Yuragim achishib aytay bir narsa,
Uyg‘oning onalar g‘aflatda qolmang,
Iltimos farzandlar yonini olmang.

Tentirab yurishar go‘yo maqsadsiz,
Ko‘zida qahr bor, jahl, shafqatsiz,
Dunyoda yashayman desangiz dardsiz,
Uyg‘oning otalar g‘aflatda qolmang,
Iltimos farzandlar yonini olmang.

@Professional_English_teacher
@Professional_English_teacher

Ilmsiz bo‘lmasin, qalbi qotadi,
Qotgan qalbda esa zulm yotadi,
Qo‘yib bersak agar yurtni sotadi,
Uyg‘oning onalar g‘aflatda qolmang,
Iltimos farzandlar yonini olmang.

Xudodan qo‘rqishsin, dinni o‘rgating,
Do‘st bo‘lib yonida Xaqni ko‘rsating,
Bolam umidimsan sen deya ayting,
Uyg‘oning otalar g‘aflatda qolmang,
Iltimos farzandlar yonini olmang.

@Professional_English_teacher
@Professional_English_teacher

Johillik yo‘lini tutmasin deyman,
Hayoni tepkilab o‘tmasin deyman,
Hayotda g‘ofildek yotmasin deyman,
Uyg‘oning onalar g‘aflatda qolmang,
Iltimos farzandlar yonini olmang.

Maktabga kelishin nazorat qiling,
Ilmni asosiy maqsad deb biling,
Tilagim ustozning hamkori bo‘ling,
Uyg‘oning otalar g‘aflatda qolmang,
Iltimos farzandlar yonini olmang.

O‘qisin, ulg‘aysin, kamolga yetsin,
Kelajak kuniga ziyolar bitsin,
Keksalik gashtingiz rohatda o‘tsin,
Uyg‘oning onalar g‘aflatda qolmang,
Otalar iltimos e’tiborsiz bo‘lmang.

Muallif: Dilshod Safarov
@Professional_English_teacher
@Professional_English_teacher

🔝MAZAX QILMANG MUALLIMNI

(dars taqsimoti)

Nodon bilmang muallimni, qalbin tilmang muallimni,
O'n to'rt, o'n bеsh soat bеrib, mazax qilmang muallimni.

Еtmoq dushvor ming dollarga, bunday faqir holat bilan,
Har yil yangi kadr olib ko'kartirmang muallimni.

Dars boshlanmay asab tarang, eh bеchora ustozginam,
Taqsimotda yuraklarin vayron qilmang muallimni.

Baland parvoz gaplar bilan, tеshik qopni yamab bo'lmas,
Bo'ydan olib enga qo'shib hayron qilmang muallimni.

Dars talashsa ayb kimda, bir o'ringa uch to'rtta-ku,
Talashtirib bir biriga dushman qilmang muallimni.

Qirq yil staj nolga tеngdir, tеst yodlagan Xizir bo'ldi,
Ey to'ralar qadrin buncha arzon qilmang muallimni.

Maoshi kam bulturgidan bu qandayin maqom bo'ldi,
To'nin yirtib ko'zda yoshin marjon qilmang muallimni.

Bu shе'r emas Xurshid Karim aytgan oddiy haqiqatdir,
Oxir Qozoq, Rossiyaga gumdon qilmang muallimni.

✍ Xurshid Karim
25.08.2023

@Professional_English_teacher

❗️1 sentyabrdan til sertifikatini olishdagi o‘qish xarajatlari uchun kompensatsiya beriladi

Shuningdek, ingliz, nemis, fransuz, koreys, xitoy va yapon tillaridan to‘planishi lozim bo‘lgan ballning minimal ko‘rsatkichi pasaytiriladi.

Vazirlar Mahkamasi qarori bilan, yoshlarni xorijiy tillarga o‘qitish tizimi takomillashtirilishidan kelib chiqib, hukumatning ayrim qarorlariga o‘zgartirish va qo‘shimchalar kiritildi. {'}

Hujjat bilan 1-sentyabrdan boshlab xorijiy tillarni bilishning xalqaro imtihon tizimlaridan kamida C1 va unga tenglashtirilgan daraja olgan yoshlarning 6 oygacha bo‘lgan o‘qish xarajatlari qoplab beriladi.

Bunda imtihon topshirish xarajatlarini kompensatsiya qilishga qo‘shimcha o‘qish xarajatlarini qoplash uchun BHMning 3 baravari — 1,02 mln so‘m miqdorida bir martalik to‘lovlar ajratiladi.

Yoshlarga ingliz, nemis, fransuz, koreys, xitoy va yapon tillaridan olingan ayrim sertifikatlar uchun o‘qish to‘lovlari qoplab beriladi. Bunda quyidagi xalqaro imtihon tizimlari nazarda tutilgan:

IELTS;
Test DAF;
Goethe-Zertifikat;
DELF/DALF;
TCF;
TOPIK I-II;
JLPT;
NSK.

Joriy yilning 1-sentyabridan 2027-yilgacha mazkur tillar bo‘yicha imtihon topshirish xarajatlarini qoplab berish uchun to‘planishi lozim bo‘lgan ballning (sertifikat darajasining) minimal ko‘rsatkichi bir pog‘ona pasaytiriladi.

Arizalar Davlat xizmatlari markazlari hamda Yagona portal orqali qabul qilinadi. Kompensatsiya olishda quyidagilar to‘liq bajarilishi kerak:

—kamida C1 va unga tenglashtirilgan darajadagi xalqaro sertifikat berilgan sanadan boshlab 180 kalendar kun o‘tmasdan murojaat qilinganda;
—sertifikatda ko‘rsatilgan imtihon natijasining haqiqiyligi va to‘g‘riligi Yoshlar ishlari agentligi tomonidan tasdiqlansa;
—o‘quvchi va o‘quv markazi bilan tuzilgan ikki tomonlama shartnoma ilova qilinganda.

Agar 16 yoshga to‘lmagan yoshlar nomidan ota-onasi ariza topshirsa tug‘ilganlik haqidagi guvohnoma Yoshlar ishlari agentligi tomonidan integratsiyalashgan ma’lumotlar bazasi orqali tekshiriladi. Ariza qonuniy vakil tomonidan berilganda esa, buni tasdiqlovchi hujjat (pdf formatda) ariza beruvchi tomonidan taqdim etiladi.

Bunda imtihon uchun kompensatsiya so‘rab qilingan murojaatga qo‘shimcha o‘qish xarajati uchun kompensatsiya so‘rab murojaat qilinishi mumkin, o‘qish xarajati uchun kompensatsiya olish bo‘yicha alohida qilingan murojaatlar ko‘rib chiqilmaydi.


Manba: yuristlar_maslahati

@Professional_English_teacher