103_Press_Official

@Press_Official_103_uz

Channel's geo and language: Uzbekistan, Uzbek

Category: Medicine

Соғлиқни сақлаш вазирлиги, Республика тез тиббий ёрдам маркази ва унинг вилоят филиаллари расмий матбуот канали!!!

Related channels | Similar channels

Channel's geo and language

Uzbekistan, Uzbek

103_Press_Official

21 Nov, 16:04

Forward from: Соғлиқни сақлаш вазирлиги | Вакцина – ягона чора!

🔴 ✏️✏️✏️

Президентимизнинг тегишли Фармонига биноан, Асилбек Анварович Худаяров Ўзбекистон Республикаси соғлиқни сақлаш вазири лавозимига тайинланди.

🌐@ssvuz | 🌐@ssvmatbuotkotibi |🌐 Facebook | 🌐Instagram

2.7k 0 73 48

103_Press_Official

20 Nov, 11:55

Forward from: UzA | Tezkor xabarlar

⚡️Prezident Shavkat Mirziyoyev 2025-yilni yurtimizda “Atrof-muhitni asrash va “yashil” iqtisodiyot yili” deb eʼlon qilishni taklif qildi.

Kanalga ulanish:
➖@uzauz

3.8k 0 43 31

103_Press_Official

20 Nov, 03:50

Tabibni oldiga olib borgan avtomashina “Tez tibbiy yordam” xizmatiga taalluqli emas.

Ijtimoiy tarmoqlarda “Tez yordamda kasallarni kasalxonagamas tabibni oldiga olib kelishyaptimi?” nomli videolavha tarqaldi.

Mazkur videolavhada Qoʻqon shahrida yashovchi “Qoʻqonlik tabib” I. Soliyev huzuriga tez yordam moshinasida olib kelingan bemor, aynan, avtotransport vositasi 103 xizmatiga tegishli toʻgʻrisida izoh berilmoqda.

Respublika tez tibbiy yordam markazi ushbu holat yuzasidan oʻrganish oʻtkazdi hamda quyidagilarni maʼlum qiladi.

Oʻrganishlar davomida aniqlanishicha, mazkur avtomashina tez tibbiy yordam xizmatiga emas, balki Toshkent shahrida faoliyat koʻrsatayotgan xususiy klinikalardan biriga tegishli. Videolavhadagi avtotransport vositasining orqa eshigida 103 xizmatiga taalluqli emas telefon raqami koʻrsatilgan.

Shuningdek, Fargʻona viloyatidagi barcha tez tibbiy yordam mashinalarida 103 xizmatiga doir logotiplari tushirilgan.

Respublika tez tibbiy yordam markazi
Matbuot xizmati

#rasmiy_munosabat #tez_tibbiy_yordam

✅ Telegram💬 Facebook 📹 Youtube 🌐Instagram

10.3k 20 148 44

103_Press_Official

19 Nov, 13:37

5.8k 0 19

103_Press_Official

19 Nov, 13:37

5.8k 0 19

103_Press_Official

19 Nov, 13:37

5.5k 0 19

103_Press_Official

19 Nov, 13:37

5.5k 0 19

103_Press_Official

19 Nov, 13:37

5.5k 0 18

103_Press_Official

19 Nov, 13:37

5.3k 0 18

103_Press_Official

19 Nov, 13:37

5.1k 0 18

103_Press_Official

19 Nov, 13:37

Respublika tez tibbiy yordam markazi va Koreya xalqaro sogʻliqni saqlash jamgʻarmasi (KOFIH) oʻrtasida hamkorlik bitimi imzolandi

Bugun Koreya xalqaro sogʻliqni saqlash jamgʻarmasi (KOFIH) vakolatxonasi binosida Respublika tez tibbiy yordam markazi va Koreya Xalqaro sogʻliqni saqlash jamgʻarmasi oʻrtasida hamkorlik bitimi imzolandi. Mazkur bitimning maqsadi Oʻzbekistonda tez tibbiy yordam koʻrsatish sifatini kasalxonagacha bosqichida tibbiyot xodimlari salohiyatini va malakasini oshirish.

Eslatib oʻtamiz, Respublika tez tibbiy yordam markazi KOFIH yordamida Oʻzbekiston Respublikasida kasalxonagacha tez tibbiy yordam xizmati (2-bosqich) salohiyatini mustahkamlash boʻyicha grant loyihasini amalga oshirmoqda. Loyiha doirasida Respublika tez tibbiy yordam markazining simulyatsiya markazlarini yaratish, trenerlar tayyorlash va oʻquv dasturlarini taʼminlash boʻyicha ishlar amalga oshiriladi.

Uchrashuvda Respublika tez tibbiy yordam markazi direktori A.X. Gafurov va KOFIH Osiyo jamoasi rahbari Park Von Sok (Park Won Seok) ishtirok etdi.

Tomonlar bugungi kunda Oʻzbekistonda tez tibbiy yordam sohasida islohotlar faol amalga oshirilayotganini taʼkidlab, ushbu sohada kadrlarni tayyorlash va qayta tayyorlashda KOFIHning oʻrni qayd etildi.

#tez_tibbiy_yordam #KOFIH #hamkorlik

✅ Telegram💬 Facebook 📹 Youtube 🌐Instagram

4.7k 0 18 36

103_Press_Official

18 Nov, 10:12

Tong yulduzi gazetasi.pdf

7.4Mb

4.7k 0 5

103_Press_Official

18 Nov, 10:12

Hurriyat gazetasi.pdf

4.1Mb

5k 0 5 13

103_Press_Official

18 Nov, 10:12

Respublika tez tibbiy yordam markazi Jizzax viloyati filiali direktori oʻrinbosari Durdona Jabborovaning 2024-yil 11-noyabrdagi “Tong yulduzi” gazetasining 46-sonida (13-bet) “Eng katta boylik” hamda 2024-yil 6-noyabrdagi “Hurriyat” gazetasining 44-sonida (8-bet) “Tez yordam”ning tezkor ishlari nomli maqolalar nashr etildi

#tez_tibbiy_yordam #maqola #Jizzax

✅ Telegram💬 Facebook 📹 Youtube 🌐Instagram

103_Press_Official

5k 0 4 13

103_Press_Official

18 Nov, 06:35

"Oʻzbekiston Respublikasi davlat bayrogʻi toʻgʻrisida"gi qonun 1991-yil 18-noyabrda Oʻzbekiston Respublikasi Oliy Kengashining navbatdan tashqari oʻtkazilgan VII sessiyasida qabul qilingan.

Davlat ramzlari har bir xalqning mustaqilligi, ozodligi, tinchligi va barqarorligi timsoli hisoblanadi. Davlatchiligimiz tarixining qaysi davrini olmaylik, bayroq ajdodlarimiz uchun ozodlik, kuch-qudrat, jasorat, gʻalaba timsoli boʻlgan.

Bayrogʻimiz 1992-yil 2-martidan Oʻzbekiston toʻlaqonli suveren respublika sifatida tan olinganining ramzi sifatida Birlashgan Millatlar Tashkilotining Bosh qarorgohi oldida ham hilpiray boshladi.

Aziz yurtdoshlar!

Oʻzbekiston Respublikasi Davlat bayrogʻi qabul qilinganligining 33 yilligi munosabati bilan Respublika tez tibbiy yordam markazi Sizlarni muborakbod etadi!

#tez_tibbiy_yordam #Uzbekistan

✅ Telegram💬 Facebook 📹 Youtube 🌐Instagram

5.4k 0 16 19

103_Press_Official

15 Nov, 07:52

04:15

Video is unavailable for watching

Show in Telegram

"TEZ YORDAM"NI SEKINLATAYOTGAN SABABLAR

#tez_tibbiy_yordam

✅ Telegram💬 Facebook 📹 Youtube 🌐Instagram

11.7k 0 77 35

103_Press_Official

10 Nov, 09:14

Forward from: Соғлиқни сақлаш вазирлиги | Вакцина – ягона чора!

04:13

Video is unavailable for watching

Show in Telegram

💐 Байрамингиз муборак бўлсин, азиз тиббиёт ходимлари!

🌐@ssvuz | 🌐@ssvmatbuotkotibi |🌐 Facebook | 🌐Instagram

8.1k 0 66 23

103_Press_Official

10 Nov, 08:32

“Tibbiyot xodimlari kuni” munosabati bilan Oʻzbekiston Respublikasi Sogʻliqni saqlash vazirining buyrugʻiga muvofiq tez tibbiy yordam sohasida faoliyat yuritayotgan bir qator xodimlari “Oʻzbekiston Respublikasi Sogʻliqni saqlash aʼlochisi” koʻ krak nishoni va Sogʻliqni saqlash vazirining tashakkurnomasi bilan taqdirlandi

👉 Batafsil

#tez_tibbiy_yordam #mukofot #bayram

✅ Telegram💬 Facebook 📹 Youtube 🌐Instagram

8k 0 13 21

103_Press_Official

10 Nov, 07:54

Forward from: Соғлиқни сақлаш вазирлиги | Вакцина – ягона чора!

🔴 🟦🟦🟦

Қадрли ҳамкасблар!

⏩ Халқ саломатлиги йўлида фидокорона меҳнат қилиб келаётган Сиз, азизларни тиббиёт ходимлари куни билан табриклашдан беҳад мамнунман.

📌 Буюк аждодимиз Абу Али ибн Сино айтганидек, “Ҳакимнинг уч қуроли бор: сўз, гиёҳ ва тиғ”. Бу — инсон танаси билан бирга унинг қалбини ҳам даволашни назарда тутувчи тиббиёт фалсафасининг асосидир. Шундай экан, беморларга ўз яқинларидек ғамхўрлик қилиб, уларнинг тезроқ соғайиши учун бор билим ва салоҳияти, куч-ғайратини бахшида этиб келаётган Сиз, соҳа жонкуярлари халқимизнинг чексиз ҳурмату эҳтиромига лойиқсиз.

❗️Бугун барчамиз давлатимиз раҳбари қўйган талаблар асосида, бир тану бир жон бўлиб, энг аввало, халқни рози қилиш, малакали тиббий хизматни аҳолига яқинлаштиришдек эзгу ва олийжаноб ишга бел боғланганмиз.

🟢 Ана шу устувор мақсадларимизга эришиш учун соғлиқни сақлаш тизимида кенг кўламли янгиланишлар амалга оширилмоқда. Соҳани трансформация қилиш учун катта маблағ, куч ва ресурслар сабарбар этиляпти. Бу ислоҳотларнинг дастлабки натижаларидан Президентимизнинг соҳа вакилларига йўллаган байрам табриги орқали барчамиз яна бир бор хабардор бўлдик.

🩺 Хусусан, қисқа муддатда аҳолининг эҳтиёжманд қатламига юқори малакали тиббий ёрдам кўрсатишни маҳаллабай, манзилли ва мақсадли таъминлашнинг янги тизими жорий этилаётгани тиббиётнинг бирламчи бўғинидаги энг муҳим ўзгаришлардан биридир.

🔎 Такомиллаштирилган тиббий профилактика ва патронаж хизмати жорий қилинди. Саломатлик ва физиологик ҳолатидан келиб чиқиб, аҳоли таянч, паст хавф, ўрта хавф, юқори хавф гуруҳларига бўлинди. Уларни гуруҳ мансублигидан келиб чиққан ҳолда белгиланган муддатларда тиббий кўриклардан ўтказиш ва саломатлигини даврий кузатиб бориш механизмлари амалиётга татбиқ қилинди.

➡️ Давлат томонидан бепул кўрсатиладиган “кафолатланган тиббий хизматлар ҳажми” энг кўп учраётган касалликлар ва мурожаатлардан келиб чиққан ҳолда шакллантирилди. Жорий йил октябрь ойидан Тошкент шаҳрида, 2025 йил бошидан Қорақалпоғистон Республикасида давлат тиббий суғуртаси механизмлари жорий этилмоқда. Бу тажриба келгусида юртимизнинг барча ҳудудларида оммалаштирилиши белгиланган.

🔬 Ихтисослашган тиббий хизматни ҳам халққа янада яқинлаштириш чораларини кўряпмиз. Соҳада қатор юқори технологик амалиётлар, кардиожарроҳлик ва трансплантологик операциялар эндиликда вилоят, ҳатто туман даражасигача туширилиши бунинг яққол тасдиғидир.

🖥 Қолаверса, яқинда Республика ихтисослаштирилган хирургия ҳамда она ва бола саломатлиги илмий-амалий тиббиёт марказлари ташкил этилганига 50 йил тўлиши муносабати билан Президентимиз ҳар икки тиббиёт муассасаси жамоасига табрик йўллаши ҳамда бир гуруҳ соҳа ходимлари юксак давлат мукофотлари билан тақдирланиши давлатимиз раҳбарининг соғлиқни сақлаш тизимига қаратаётган алоҳида эътибори ва ғамхўрлиги намунаси бўлди.

🔘 Аслида тиббиётдаги оғриқли нуқталар, одамларимизни қийнаб келаётган муаммолар, аҳоли кайфиятини яқиндан билмай, ҳис қилмай туриб, соҳада қилинадиган янгиликлардан кутилган натижа бўлмаслиги табиий ҳол. Шу сабабли айни кунларда пастга тушиб, ҳудудларга бориб, қўйи бўғиндаги муассасаларимизда бўлиб, аввало, жойларнинг ўзида мавжуд вазиятни чуқур ўрганиш, таҳлил қилишга киришганмиз. Шу асосда келгусида тизимни янада ривожлантириш юзасидан бажариладиган стратегик мақсад ва вазифаларимизни белгилаб оламиз.

Фидойи шифокор ва ҳамширалар!

✅ Албатта, кўзлаган марраларимиз юксак, мақсадларимиз улуғвор. Бунга эришиш учун барчамиз елкама-елка туриб, инсон манфаатларини устувор билиб, одамларимизни рози қилиш ниятида фидойилик билан меҳнат қилишимиз талаб этилади. Янги Ўзбекистоннинг жонкуяр шифокор ва ҳамширалари бу борада ҳамиша олдинги сафларда бўлишига ишончим комил.

💐 Фурсатдан фойдаланиб, барчангизни касб байрамингиз билан яна бир бор муборакбод этаман. Ҳаётингизнинг ҳар бир куни меҳр, қувончу шодлик ва янги зафарларга тўла бўлсин! Ҳамиша халқимиз ардоғида юринг, азиз, тиббиёт ходимлари!

Асилбек ХУДАЯРОВ,
Cоғлиқни сақлаш вазири вазифасини бажарувчи.

🌐@ssvuz | 🌐@ssvmatbuotkotibi |🌐 Facebook | 🌐Instagram

6.2k 0 11 31

103_Press_Official

9 Nov, 11:31

02:03

Video is unavailable for watching

Show in Telegram

Hurmatli tibbiyot sohasi xodimlari!

Xalq salomatligi yoʻlida sidqidildan mehnat qilib kelayotgan Siz, aziz hamkasblarimni yurtimizda keng nishonlanayotgan Tibbiyot xodimlari kuni bilan samimiy muborakbod etaman. Ushbu kasb bayrami mamlakatimiz miqyosida doimiy nishonlanib, bu kunda sohada salmoqli natijalarga erishgan tibbiyot xodimlari davlatimizning nufuzli mukofotlari bilan taqdirlanishi ezgu anʼanaga aylanib ulgurdi.

Barchamizga yaxshi maʼlumki, tez tibbiy yordam tizimi koʻplab sinovlar, murakkab sharoitlardan oʻtib, bugun sohada mutlaqo yangi transformatsiya jarayonlari kechmoqda. Taʼbir joiz boʻlsa, Oʻzbekistonda tez tibbiy yordam sohasi transformatsiyasi uzoq muddatga moʻljallangan strategiya, umummilliy loyiha darajasida muhim ahamiyat kasb etmoqda.

Ushbu loyihani amalga oshirishdagi eng katta kuch, shubhasiz, Siz — malakali shifokorlar, mahoratli ustozlar, mehribon hamshiralar hamda malakali haydovchilar hisoblanasiz.

Hurmatli Prezidentimiz Shavkat Miromonovichning sohaga qaratayotgan yuksak eʼtiboriga “labbay” deb javob berishimizga va xalqimiz salomatligini saqlash, ularni tizimdan rozi qilishimizga barcha sharoitlar muhayyo qilinmoqda.

Aziz hamkasblar!

Bugun sogʻliqni saqlash tizimidagi ulkan oʻzgarishlarni barchamiz his qilib turibmiz. Tez tibbiy yordam tizimini raqamlashtirish, innovatsion davo usullarini joriy etish, avtomatlashtirilgan elektron boshqaruv tizimini hayotga tadbiq qilinishi soha xodimlarini ortiqcha qogʻozbozlikdan, bemorlarni esa turli ovoragarchiliklardan xalos etmoqda.

Qadrli doʻstlar!

Odamlar biror xastalikdan dard cheksa, joni ogʻrisa albatta, kechayu kunduz yordamga shay, oʻz kasbiga, qasamyodiga sodiq tez tibbiy yordam xodimlaridan najot kutadi. Xalqimiz tez tibbiy yordam xodimlarini dunyodagi eng ulugʻ kasb egalari, fidoyi insonlar sifatida biladi va mashaqqatli mehnatini yuksak qadrlaydi. Bu esa, sizu-bizga katta masʼuliyat yuklaydi.

Tilagim, shu xalq, shu Vatan uchun chin dildan xizmat qilish, elning mehriga sazovor boʻlish shu millat farzandi sifatida barchamizga nasib etsin! Sizga uzoq umr, sihat-salomatlik, oilaviy xotirjamlik, fayzu baraka tilayman.

Kasb bayramingiz muborak boʻlsin!

Abduvoitjon Xuseynovich Gafurov
Respublika tez tibbiy yordam markazi direktori

#tez_tibbiy_yordam #tabrik #bayram #Uzbekistan

✅ Telegram💬 Facebook 📹 Youtube 🌐Instagram

13.4k 0 101 42

20 last posts shown.