🇵🇸 Paradise | Personal Blog

Sharq odamlari ❤️

Aytamiz, lekin muhokama qilmaymiz:

• Bolaning fitrati ota-onasini kechirishdan to'xtamaydigan bo'ladi. Shunchaki, ba'zi ota-onalar buni o'zlarini o'nglash uchun bir imkon sifatida, boshqalari esa mayda jo'jaxo'rozning ojiz nuqtasi sifatida ko'radilar.

• Bola modelni uyidan oladi. Erkak va ayolning hayotdagi pozitsiyalarini ota-onaga qarab tushunib boradi.

• Bola ham odam. Davlat qonun-qoidalarini bilmagani uchun, ota-ona unga istagan yumushini istagan yo'sinda bajartirishi mumkin, degan muloxaza kelajakda oilaga qarshi ishlaydi.

• Material yetishmovchilikda ham baxtli yashash mumkin, agar baxt bo'lsa. Dasturxon to'la bo'lib, undan bolangiz ovqat yegisi kelmasa, mana bu fojea.

• Baxt birgalikda yaratilinadi. Bunda bola "nevidimka" emas, u yoshiga qarab ma'lum funksiyalarni bajaradi. Va buni amalda qabul qilish baxtni birgalikda yaratish uchun yetarli.

• Bolani koyiganda sabablar va faktlar bilan gapirish, bolaning fikriga ham qiziqish kerak. Uning ham gavdasi va ovoz toni bor (faqat kelajakda), axir vaqt faqat kecha va bugundan iborat bo'lmagan.

• Bolani ko'proq o'pish, yaxshi gapirish va erkalash muhim. "Erkalasa, o'zidan ketadi", degan gapning natijasini qariganda ko'rishadi.

• Bolaga tanlashni, mardlikni, to'g'ri qaror qilishni o'rgatish uchun, odam o'zi amalda to'g'ri bo'lishi kerak. Bola soyadek taqlid qiladi.

• Bolani harom luqma bilan boqmaslik muhim. Bizga ko'rinmaydigan narsalar baribir javoban ta'sir reaksiya beradi.

• Ota-ona doimiy bilim olishga majbur. Shu ma'suliyatni bo'yniga olmasdan farzand ko'rishsa, jamiyat uchun eng katta jinoyat qilgan bo'lishadi.

Siz nima deysiz?

⚠️ Hayot uchun xavfli

Hozir Xitoydan onlayn tovarlar buyurtirish avjida. Shein, Temu, Taobao, Pinduoduo va bishqalar. Shunday vaqtda sodda odamlarimiz chiroyli ekan deb, narxlariga mahliyo bo'lib kiyim-bosh xarid qilishmoqda. Men ham kiyimlarning narxidan hayratda qiziqib, tekshirib chiqdim. Qaysi birini qaramay, u tikilgan mahsulot Polyester bo'lib chiqmoqda.

Polyester — neftdan tayyorlangan, kislota vodorodini alkil yoki boshqa organik guruh bilan almashtirish natijasida hosil qilingan sintetik mato bo'lib, undan kiyim-kechak va kundalik buyumlar ishlab chiqarishda foydalanishadi. 

Kimyoviy protseduralar asosida tayyorlangan bunday kiyimlar tana uchun o'ta darajada xavfli bo'lib, uni nafas olishga qo'ymaydi. Teri kasalliklari, ichki kasalliklar va mikroplastikli ifloslanishlarga olib keladi (bu hali men bilganlarim). Trend bo'lib ketti bu ma'lumot, lekin aytaman, har bir material o'zining chastotasiga ega va bu tana holatiga o'z kuchini o'tqazadi.

Masalan, videoda aytayotgani kabi, zig'irpoya tolasidan yoki hayvon junidan to'qilgan matolar 5000 mHz, paxtali matolar 100 mHz, polyester ya'ni sintetika matolardan esa 15 mHz chastota tarqalishi isbotlab berilgan ekan. Inson tanasi esa tirik holatda 100 mHz chastota tarqatsa, o'lik tanalar bor yo'g'i 15 mHz atrofida bo'lar ekan.

Menimcha, raqamlar hamma narsani aytib bo'ldi, azizlar. Polyester kiyimlar bizni yashashga emas o'limga tortadi. Shuni, hech bo'lmaganda, o'zimiz moliyalashtirmasak, matiqliroq ish bo'ladi. Videoda aytganiday: "Polyester kasofatini sotuvchi milliard dollarli brend egalari nega eksklyuziv darajada toza tabiiy matolarni kiyishadi, deb o'ylaysiz?"

Iltimos, olayotgan kiyimlaringizning etiketkalariga yoki saytdagi ma'lumotlariga qarab, ehtiyot bo'lib tanlang. Uydagilarim tilida aytadigan bo'lsam, o'zingizga eng sifatlisini ravo ko'ring. Ma'lumot o'rnida, sintetika kiyimlarda PES, POLY, PL yoki Polyester deb yozib qo'ygan bo'ladi. Tanangizni asrash o'z zimmangizda, men esa o'zim amal qilgancha aytib bormoqdaman.

"Davlat" kitobini o'qir ekanmiz, asar qadimgi Yunon qadriyatlarini o'zida mujassam ettirgan holatda, Suqrotning quyidagi so'zlari bilan boshlandi: "Kecha men Aristonning o'g'li Glavkon bilan birgalikda ma’budaga sig'inish uchun Pireyga bordim, bundan tashqari, ma’budaning bayramini qanday o‘tkazayotganliklarini ham ko‘rmoqchi edim".

Va asarda, "Zevs nomi bilan ont ichamanki", "Zevsga qasamki" kabi jumlalarni qahramonlar aktiv ishlatib borishadi. Bu bizga davr va joy atmosferasini to'liq anglash uchun yordam beradigan qimmatli manbadir, aslida. Chunki hozirgi zamonga kelib ham, hayotimizning ko'p jabhalarida qadimgi yunon falsafasiga, atamalariga va an'analariga murojaat qilmoqdamiz. Siyosatdan tortib kalendargacha hamma yo'llar qadimgi Yunonistonga olib boradi.

Biroq meni tanimaganlar ko'p qiziqishadi nega tug'ilgan kunni oddiy kundek qabul qilishimga, odamlarni tabriklamasligimga va o'zim ham sovg'a va tabrik qabul qilmasligimga. Mantiqiy jihatdan, men yilida bir marta emas, iloji boricha har kuni loyiq ekanligimni his qilib yashaydigan davra a'zosiman. Biologik jihatdan, meni tug'ilishimga sababchi odamlar tabrik va sovg'alarga haqlidir. Hujuvatingiz ko'tarsa, borib ularning ko'nglini oling. Marketing jihatidan, men istemolchi jamiyatning iste'molchi a'zosi emasligimni aniq belgilab olganman.

Diniy jihatdan, menga bu kunni bazm-u jamshidda o'tkazishim uchun biror tayinli fatvo berilmagan. Tarixiy jihatdan esa, qadimgi Misrda Fir'avnning Xudo sifatida tug'ilishini nishonlash tadbiri va qadimgi Yunonistonda oy xudosiga sig'inish rituali hisoblangan (har bir detali bir amaliyot, hatto, tort va shamlar, uning puflanish jarayoni ham), hozirgi kunga qadar yetib kelgan bu an'anani nishonlash naqadar to'g'ri?

Endi esa, katta munozaralarga olib kelgan yangi yil bayramini nishonlamasligim haqida. Bu ham xuddi o'sha sabablar bilan bog'liqdir. Ushbu kun haqida videoda biroz ma'lumot berilgan. Aniqki, din ilmida ham, ilm-fanda ham eng cho'qqida emasman, ammo "nima uchun?" degan savolni berish men uchun qiyin emas. Ayniqsa, XXI asrda ma'lumot topish juda osondir.

Marketing kurslarida o'qigan va bir necha yillik tajribaga ega shaxs sifatida ham shuni aytamanki, ratsional kishilarni diniy fobiyalaringiz bilan assotsiatsiya qilmasdan, o'zingizga savol va javob berishdan qo'rqmasdan bir o'ylab ko'ring-chi: siz iste'mol qilayotgan mahsulotlarning tarkibigayam qiziqmasdan sotib olishingiz, qaysidir musiqani eshitishingiz, qaysidir hazilni tilingizga olishingiz, qaysidir sportchini deb jon kuydirishingiz, qaysidir usulda kiyinishingiz — hammasi o'zingizning tanlovingizmikan yoki qayerdadur sizning psixologiyangiz yaxshilab hisob-kitob qilib chiqilgan?

Ongli jamiyatda yashashni istar ekanmiz, ongli holatga ko'chishni qabul qilish darajasiga yetishimiz va jamiyat ongli ravishda surib chiqarayotgan narsalardan rostakamiga voz kecha olishga irodali bo'lishimiz kerak, azizlar. Kim ham mahsulotlari inson sog'ligiga foydali, ta'lim sistemasi to'g'ri, turmush qurish oson, birta aniq kun emas, har kunini bayramdek o'tkazadigan, tarbiyasi koinot darajasida raso jamiyatda yashagisi kelmaydi.

Buning uchun hamma jamiyatda talab yo'q narsalarga talab yo'qligini ko'rsata olishi kerak. Bunga harakatlar ziyolilar tomonidan boshlab berilganida "Jadidlar" davri edi. Ya'ni haligacha davom etmoqda, Xudoga shukr. Lekin ba'zi intellektual qatlam a'zolarimiz borki, haliyam har qanday o'zgarishni nimagadur islomafobiyalari bilan qabul qilisholmaydi.

Shunaqalarga maslahatim, shu islomofobiyangiz o'zingiznikimi yoki kimgadur sizni shunaqa programmalash kerak bo'lganmi, bir sarhisob qilib ko'rsangiz. O'zingizniki bo'lsa, shifo tilayman. Kimdirning ta'sirida bo'lsangiz, ilm oling. Yana bir gap, men bunaqa rituallarni nishonlaydiganlarga "Nishonlama", demayman, avvalo, qadriyatim gapirsin. Ikkinchidan, menga ham kelib "Nishonla", deyishga hech kimning haqqi u yerda tursin, sababi ham yo'q. Shuning uchun, faktlar olamida bir-birimizni tushunib yashashga nima yetsin.

Hamma gapim shu.

#mulohaza #suhbat #xotira

Sayohatdan:

The End: Men sanab chiqdim, bir kunda uch yuz marta bularning logosiga ko'zim tushyapti ekan.

🌙 Paradise: Lekin menga bunaqa reklamalar, bannerlar hech ham ta'sir qilmagan. Ko'rsam ham, kuniga 2-3 marta ko'raman, xolos.

The End: Hamma gap ham shunda-da! Siz bugun shu logoni ko'rmasligingiz mumkin edi.

🌙 Paradise: 💔