ЎЗИНГИЗНИ АСРАНГ.
Мен дунёда энг бахтли одам
Чунки сиз бор гўзал бу олам
Олам ичра бахтим ягонам
Ўзингизни асранг, мен учун.
Сизни ўйлаб бедор тунда ман
Сизга шайдо ожиз банда ман
Сиздан доим хавотирда ман
Ўзингизни асранг, мен учун.
Ғам ниқобин беркитинг юздан
Кўнглим тўлсин кулгичингиздан
Сизга назар солгувчи кўздан
Ўзингизни асранг, мен учун.
Сизсиз урса юрак юракмас
Сизсиз тилакларим тилакмас
Менга қора кўзлар керакмас
Ўзингизни асранг, мен учун.
Қўлим очсам дуога доим
Сизни асра дейман Худойим
Кўз тегмасин сизга Илоҳим
Ўзингизни асранг, мен учун.
Соғинчларим қилар эътироз
Қалбим дейди сабр қил бир оз
Дийдоргача сиздан илтимос
Ўзингизни асранг, мен учун.
📄 Матнларни Кирилл-Лотин ёки Лотин-Кирилл га ўгириб берувчи бот👇
➥
@XatosizYozadi_Bot @XatosizYozadi_Bot📲 Яқинларингизга ҳам улашинг... 💌
Каналга Обуна бўлинг👇
➥
@OZODA @OZODA @OZODA
