АСЛИЯТ

Жуфти бирла ахир, яралган банда,
Тўсиқлар умуман кор қилмас севса.
Вужудинг мабодо титраса жоним,
Мактублар йўллагин ёмғирли кузда.

Айтаман, айтганман яна айтаман,
Ўзимни хаёлан сен бирла туйдим.
Тўғриси, дарвозанг қоқиб қайтганман,
Биринчи қизимга исмингни қўйдим.

Эсимда қанчалар сарсон бўлганим,
Ёмғирда шалаббо турганим ёдда.
Эсимда сени илк бора кўрганим,
Қани ўшал дамлар қайтарми қайда?

Ичимда тўлганди, сўзларим роса,
Тингламоқ оғирлик қилдимикан ё?
Тақдир бизни яна йўлига солса,
Яноғингга тўйиб боқарман қиё.

Вужудинг мабодо титраса жоним,
Мактублар йўллагин ёмғирли кузда…

©️ Ҳабибий

18.10.2024

@ojiziy_qalb 🫀