Nuriddin Aliy blogi

Bugun shomdan keyin Rajab oyi kirib keldi,
Rajab oyi Harom oylardan bo'lib urush va nizo qilish ta'kid ustiga ta'kidlangan hamda bu oy uchun
sunnatda kelgan amallar sobit bo'lgan.
Ulardan eng ta'kidlangani - ro'za tutish.
Har qaysi kunida ro'za tutsa bo'ladi, lekin eng ma'qul va sunnatga tobe ro'za tutish paytlari va miqdori:
- oyning boshida ,o'rtasidan yoki oxiridan 3 kun
- dushanba payshanba juma tutish
- yoki payshanba juma tutish
- yoki bir kun tutib bir kin tutmaslik

p.s: payshanba tutolmay qolgan odam shanba kuni qo'shib tutib berish sharti bilan juma kuni ham tutsa bo'ladi

Ba'zi Ustozlar darslari durga o'xshaydi,kitoblardan o'zing topolmaysan.

Durlarni dengizdan g'avvoslar olib bergani kabi Ustozlar ham bizga ilmni xuddi shunday olib berishadi.

Oldin ko'rgan edim, takror yaxshida ayol opa singillarimizga tavsiya:

https://youtu.be/klQAWLzvj6U?si=x3in9jxgmH6JWYVM

#hayotiy_yumor

Bugun...

Ayam: Senga qiz ko'ryapman.

- Aha.

Ayam: Oppoq chiroyli tarixda zauchniyda o'qidi.

- Bo'lmaydi, qop qora bo'lsin.
Tarix umuman bo'lmaydi.

Ayam:Qorasini nima qilasan? Tarixni bolalarga o'tadi senga o'tarmidi? Ismiyam Oisha ?

- Bo'lmaydi (nimadir deb bahona o'ylayapman.)

Ayam: Nega Payg'ambarimiz xotinlari ismiku?
U bo'lmasa boshqalari ham bor!

- Bilmiman bo'maydi, o'zim gaplashib ko'rishim kerak.
"Xudo nasib qilgani bo'latta."

- Aytgancha qiz 10 pora yodlamagan bo'lsa, arab tilini bilmasa bo'lmaydi.

Ayam: Qul huvallohu ahadni bilsa bo'ldimi?

- 😁
- Hazillashmayapman aya!!!

Ayam: Necha qator bo'ladi ayam yana
soddalik bilan.

- 200 bet.

-Ayam : 😱, ehe ko'pku.

- Haliyam men o'zimga solishtirib aytdim,hofiza 30 pora demadim.

Ayam: Sen faqat shunga shug'ullangansanda.

- Iye meni mutaxasisligim 1 tamas 2 ta : Matematika va IT ku?

Ayam: E namoz o'qishni bilsa bo'ldida.O'zing o'rgatvolasan.

- Bo'maydi, men hatto imtihon qilvolaman.

Ayam: Unda o'zing top,men qattan topaman unaqasini.

- Bilmadim, siz topaman dediz, topingda,men hech narsa deganim yo'q.

Ayam: Turib ketyapti va
"Xudo nasib qilgani bo'latta"

- 😅

Bu uch narsa haqida yozmoqchiman.

1. Yomon gumon juda yomon narsa.
Insonni hayollarda qiynab yuboradi.
Uning teskarisi nekbinlik oliyjanob kishilarning sifatidur.
Buning ham chegarasi va yechimi haqida o'ylab ko'rdim.
Bir narsadan shubhalansangiz ham endi yaxshi gumon ekan deb ketilavermaydi albatta lekin qachonki bir o'y kelsa bir inson haqida ,siz ko'rgan narsangizni necha xil holat bo'lishi mumkinligini o'ylab ko'rish kerak.
Agar faqat bitta hayol ya'ni negativ kelaveradigan odam bo'lsa bu odam kasal:
uning asl davosi ustozidan yechim qidirishdir.
Umumiy yechim qilib berilish mumkin bo'lgan narsa gumonga borishi bilan duo qilib qo'yish:O'zing yaxshilikka qilginda, uni isloh qilgin deb qalbda duo qilish.
Hamda eng katta yechim qalbini isloh qilish,chunki inson bir odamda bir nimani sezsa odatan avvalo o'ziga solishtiradi.Shuning uchun kimda ayb ko'rsangiz,sizda ham shu aybning turi mavjud bo'ladi odatan ,bundan xos ustozlar mustasno.Ba'zida esa hatto ayb sizda bo'ladiyu lekin xuddi shu turdagi ayb bilan uni ayblayotgan bo'lasiz.
Bu oynada o'zini aksida kamchilik ko'rib uni oynadan ko'rganday gap.
Asli ustoz shuning uchun kerak.Ustozning birinchi qiladigan ishi shogirdga ayb o'zida ekanligini ko'rsatib qo'yishdir.
Bu haqida ko'p yozsa bo'laru, shular yetarlik...

2. Ko'p so'ralyapti, yoki o'zim ko'p so'rayapman o'qishga bo'lgan ishtiyoq nega kamayib ketganligini shu kunlarda,lekin qoniqarli javob yo'q.
Buni qoniqarlik javobini men ancha avval eshitgandim,balki kimdir topib ko'rar deb atayin yozmay ketdim balki shu haqida nasib maqolalar chiqararmiz nasib.

3. Bir iqtibos yozib ketaman, egasini topishni ham sizlarga qoldiraman:
"Agar odamlar meni ularga qanchalik mehribonligimni bilishganda ustimdagi kiyimimni ham yechib ketib qolishardi".
Eng qizig'i u inson eng qattiqqo'l boshqaruvchi deb tarixda qolganlar.
Shu shiorni men o'quv markazi boshqaruvchiligiga kirganimda shior qilvolganman.
Shusiz o'zi ish yurmas ekan, ko'p o'tdi tajribadan.
Shuning uchun insonlarga munosabatni ularga shuni ko'tara olishini hisobga olib qilish kerak.

O'zi Me'zonlar mavzusida ham yozmoqchi edim, uzun bo'p ketarkan nasib keyingi safarga yozamiz.

O'z qadrini bilish nima?
Qadriyat o'zi nima?

Ilmiy asosda javob beradigan odam topilmasa kerak oramizda.

Bir ilmiy suhbat bo'lishib qo'yaman shu haqida, hatto o'zimga ham ta'kidlandi.

https://youtu.be/_TTJ_YuBuoY?si=RPwu1GFow_qdRgPr

Mag'lub bo'lish mumkin, taslim bo'lmaslik kerak.
G'olib yoki mag'lub bo'lish "jang"ning natijasidir, taslim bo'lish odatan kurashsiz yengilish va keyingi kurashni xohlamaslik bilan xarakterlanadi.

Mag'lub g'olib bo'lguncha kurashishi mumkinu,ammo taslim bo'lgan boshqa kurashmaydi.

Shuning uchun taslim bo'lmang.

Muslihlik qiyin deb turib odamlarni boricha qabul qilaverish kerak,
bu xuddi o'zini nafsini bu tuzalmas ekan deb tashlab qo'yishga o'xshaydi.
Kim shunday qilsa o'zi ham boshqalar ham isloh bo'lmas,
endi shunaqada deb tashlab qo'yib,
bahona qilaverishga nafsi va odamlarni fe'liga qarab ish qilishga o'tadi.
Lekin o'zimizdan, isloh qilmoqchi bo'lgandan ham o'tadimikin deb o'ylayman, zo'r o'rnak ko'rsatolmaymiz hamda isloh qilishda hikmatli ish qilmaymiz.

@qadamtalim o'quv markazimiz yangi filialini ochdik duo qilib turasizlar.