Nukta | Fikriy uyg'oqlik

Mana, Muqadimma nega kerak?

Tayyor, oynada bu...

Nukta

#bildirish

Bu kanaldagi postlar yengil dofamin uchun yozilmaydi balki yengil kinoya, bir qadar Ibrat va yashalgan umr tarjimasi.

Bularni hazm qilib tahlil qiling, kezi kelganda fikr bildirishni unutmang)

Nukta

#suhbat | o'zim bilan

— Insonlarni birlashtiradigan xislat nima?

— Samimiylik.

— Insonlarni charchatadigani-chi?

— Soxtalik va soxtalar.

Tarmoq sening bitta yuzingga qaray oladi...

Nukta

#fikr

Har bir kishini holiga yarasha sinov kelishi bu — yerdagi qonuniyatning gultoji.

Bugun kulgan erta yig'lashi ham shubhasiz, rostanam yer dumaloq baribir bu kunlar o'tadi.Bir qiyinchilikdan keyin ikki yaxshilik kelishi esa qonuniyat va ne'matning birlashishi.

"Bu kunlar" o'tadi deymiz ammo o'tishi uchun nima qilayotganimiz bu eng muhimi.Muhim ishlar, bir chekkada ho'ngrab yig'layotganida esa bir otarchining hayoti va ijodi go'yo "legitim"likni qo'lga oladi va balkida "spektakl" qo'yib beriladi...

Yuqoridagi Aka fikrlariga qo'shilaman, birlashish kerak.O'zi bilan o'zi kelisholmaydigan millat tarixda ko'karganmidi?...aksincha kelib "ko'kartirishadi".

Hazrat Alixonto'ra Sog'uniy aytganlaridek: "Agar o'zbeklar boshqa ishlarga ham oshga kelgandek birlashib yig'ila olganlarida edi, dunyoda bundan qudratli millat bo'lmas edi"

Bugun yangi fikrlar kashf etish ham shartmas, zotan bugun fikr yo'q faqat iqtibos.Shunchaki, qoldirilgan meroslarni qunt ila tahlil qiladigan ilm yo'liga joni bilan, moli bilan , zehni bilan umuman olganda borini tikadigan "bir hovuch" shakllansa yetarli.

O'rta sinf chegarasi qanchalik kengaysa shuncha yaxshi...Bugungi jarayonlarga to'la turib berishning bitta yo'li — bu bizga "O'qi !" deyilgan deb aytish emas "O'qi"sh.

O'sha O'qishning arkoni faqat kitob o'qishda emas, atrofni ham o'qish kerak va bularni mohiyatan tahlil qila olish kerak.

Bugun afsuski ko'p o'qiyapmiz...ammo bu fragmental o'qish ya'ni uzuq -yuluq o'qish buni bizga ijtimoiy tarmoq tortiq qildi.Kitob va koinotni o'qish va uni tushunishga harakat qilishgina bizni qutqaradi.

Bu yo'lda eng katta dushman hech kim/ narsa emas shunchaki "o'zingiz".

Kechagi "o'zingiz"ni holatingizdan yaxshi tomonga o'zgarganingiz yutuq, qo'shnini bolasidan o'tganingiz emas!

Kunlik yutuqqa erishyapmizmi?...

Nukta

Yo bular Bulgakovni ko'p o'qishganmikan-a?)

Yo biz "Otamdan qolgan dalalar"ni o'qib odam bo'lmadik

Nukta

#fikr

Bularga gapiradigan, Fikriy qarshi turadiganlar yo'qmi? bizlarda...

Oldinam bir luqma tashagandi, sal oldin 2 holat, endi bunisi oshib tushdi.

Bugun normal qarash shakllanmasa, bular "it" deyishdan ham tonmayapti...

Bu borada Hamid Sodiq nima deyaptilar, Rasul Aka aytganday bularga sanksiyalar qo'yib, bu yerlarga umuman yaqinlashtirmaslik kerak!

Maishiy muammolar atrofida o'ralishib, ilmda musobaqalashmasak to'g'ridan to'g'ri nima deyishlari va nima qilinishi aniq.

Bugun axboriy hujumlarga turib bera oladigan bir kuchli qatlam shakllantirish kerak.

P.s: Biz it emasmiz!

Nukta

#fikr

Inson hayvon darajasiga tushganda boshqalar ko'ziga hayvondek ko'rina boshlaydi.

P.s: O'zingda nur bo'lsa nurni ko'rgaysan...

Nukta

#fikr

Bir vaqtning o'zida bir nechta kitob o'qib turaman va bu yaxshidek tuyuladi.Albatta, subyektiv.

"Bitta kitob o'qigan mullo, ikkita o'qigan chala mullo, uchtadan ko'p kitobni bir vaqtda o'qigan hech kim bo'lmaydi" degan fikrni eshitgan bo'lsam ham, sababi bu hikmatdagi urg'u boshqa joyda...

Bugun ham "So'z latofati"ni qo'shimcha o'qiyapman, Erkin Vohidov bilan dildan suhbat...

Ha, albatta bu juda maroqli.So'z o'yinlari, ularni tuslanish, badiiyatga va adabiy didga mushtoqligim borligi uchundir, balki.

O'zim uchun kitob o'qishda bitta prinsip bor: "Har doim qaysi kitob o'qisam ham yonida ruhiy tarbiyamni tizginlovchi kitob o'qiyman"

Bu safar bir emas 2ta kitob tizginlayapti.Ular Abdurahmon Jomiyning "Bahoriston" kitoblari va Ustoz Olim Mirzo Kenjabekning adabiyot va hayot borasidagi "Yoshlarga dil so'zlarim" kitobi hamrohim.

E'tibor markazimdagi mutolaa esa yangi "Fitrat va taraqqiyot" kitobi.

Bugun axboriy hujumlar davrida bitta adabiyotda o'tirib qolish yaramaydi.

Sizni qiziqtirgan mavzularni da'volovchi kitoblarni o'qish kerak.Har biri uchun alohida vaqt va oraliq qo'yib tahlil qilinsa, kifoya.

***

Siz, qaysi kitoblar o'qiyapsiz?

O'zi bir vaqtda nechta kitob o'qiysiz?

P.s: Jahon adabiyotiga oldin murojaat qilgandim, endi katta fokus bilan qaraymiz, bu borada taqqoslamalar muhim

Nukta

Oydin tunlar

Tugadi, tugatdi.

P. s: O'zimga kelib, tahlil qilib keyin fikr bildirishim kerak)

#suhbat

— Eng baxtli kuning qachon?

— Telefon ishlatmagan kunim...

— unda, oxirgi marta qachon baxtli bo'ldingiz?

— ...

Nukta

#jadid

Ey qarindoshlar... katta iltimosimiz shuldurki, Ovro‘poning mo‘dosidin, shishasidan, buzuq axloqidan namuna olmasdan va bunlarg‘a bul jihatdan taqlid qilmasdan, balki ilm, fan, hunar, sanoatg‘a o‘xshashlik madaniyatlaridan namuna olub, bul jihatdan taqlid qilmog‘imiz lozimdur. Ovro‘poning mo‘dosi, shishasi va buzuq axloqi sizlarni xonavayron, bevatan, asir, qul qiladur. Bundan saqlaningiz!
Ovro‘poning maktab, madrasa, ilm-fan, sanoat, hunarg‘a o‘xshash madaniyatlari sizlarni obod, ma’mur, olim qilub, johillikdan, asorat qulligidin qutulturodur. Birodarlar, ko‘zlaringizni ochib, yaxshi o‘ylangizlar!

© Cho'lpon

Nukta

#bildirish

Jahon adabiyoti Dostevskiy o'qiyapman...va ko'p xulosalar olyapman.

Mutolaa davomida yaqqol ko'ringani shuki, badiyat va tasvir mahorati kuchli hamda balog'at baland...ammo axloq borasida filter kerak, kerak ,kerak.

Xususan, Oydin tunlar kitobida 17 yoshli qizning begona erkakka 2-kun gaplashishni o'zidayoq qo'lini uzatishi bu shunchaki subnimal.

Kitobning asosiy joylarini qog'ozga qoralab boryapman, demak kengroq fikr bildiriladi.

#fikr

Nukta

Borish niyatidamiz...

Ekspertlar guruhi orqali bo'ladigan suhbat doim qizg'in, turfa xillik va tizimli fikrlash uchun xizmat qiladi.

Vaqtingiz bo'lsa boring, dunyoqarashingizni kengaytiring)

Nukta

#nazm

QODIRIY

Yuz yillar naridan izlang nishona,
Kimlardir sho‘roga sotilgan edi.
To‘rtinchi oktabr. Melodiy sana -
Abdulla Qodiriy otilgan edi.

Bu munglug‘ xotira singmay hayotga,
Yo‘l olmish eng qutlug‘ abadiyatga.
O‘q otgan edilar adabiyotga -
Abdulla Qodiriy otilgan edi.

Sodir bo‘lmagaydir hech narsa yo‘qdan,
Olov ham gurillar pinhoniy cho‘g‘dan -
Mehrobdan chayonlar uzatgan o‘qdan
Abdulla Qodiriy otilgan edi.

Topmadik xatoda biror tengingni,
O‘zgartirmading-a hecham o‘ngingni,
Yoniga borgil, deb, Otabegingni,
Abdulla Qodiriy otilgan edi.

Toshkan osmonida uchgan unlarim...
Ha, do‘stlar, shundandir qaro tunlarim!
Jimgina pichirlar O‘tkan kunlarim:
Abdulla Qodiriy otilgan edi.

© Xayrulla Hamidov

Nukta

Assalomu Alaykum.

Bunday kitoblar katta tavakkal degani agar bozorda sotilmasa...keyin qorasini ko'rish dargumon.

Odamlarni saviyali va ilmiy kitoblarda ham navbatda kuttira olgan kitobga sharaflar bo'lsin 🫡

Nukta

Muqaddima kitobini oling!

Postlaridan manfaat oladiganim yosh tarixchilardan Abdujalil yaqinda "to'g'ri fikrni xato uslubda" ifodalab post yozibdilar.

To'g'ri, kitob qaysidir ma'noda "hayp" qilingandir va shu uchun marketing qoidasiga muvofiq sotuvi tezdir.

Ammo, unutmaylik bu kitob darajasi biz o'ylagandan ancha yuqori va buni hech kim inkor qilolmasa kerak.

Rostanam, olganlarning 90%i o'qimasligi va yoki o'qib hatto tushunmasligi mumkindir, ammo bu ma'naviy xazina hamda xususiy nashriyot shunday katta yukni bo'yniga oldi.

Bunda farazan hech kim olmasa bunday kitoblar qachon chiqadi, axir?

Unutmang, bu kitobni qilgan xaridingiz kelajak uchun invistitsiya va keyinchalik o'zingiz uchun eng katta yaxshilik bo'ladi.

U kitobgacha o'qiladigan kitoblarni olaman desangiz U kitob qaytib chiqmasa, ilmiy kitoblar o'zi barmoq bilan samayman desa barmoq ortar darajada chiqarilsa...

Hamid Sodiq tillarida soch chiqay dedi: "Turkiya qonunlar ruhini 1950 -yilda tarjima qilgani uchun bugungi holatga keldi, siyosiy savodxonligi" deya...

Aynan bugun Davlat xususiy sektorlarga ruhsat beryaptimi biz sifatli kitoblarni qo'llab quvvatlashimiz shart!

Muqadimma kitobi jamiyatshunoslik, tarix, siyosat borasidagi inqilobiy va asos manbalardandir.

Kitobni oling, tushunishga harakat qiling, oddiy kitoblarga yopishib qolmang, bugun saviyani o'stirayotgan bo'lsangiz bugun oling erta o'qiyverasiz.

Agar mendan jamiyatga befarq bo'lmaganlar uchun 3ta shart kitob deyilsa:

1.Vatandoshlik dasturi
2.Sharaf
3.Muqaddima

P.s: muhim manbalarni sotib olgan o'qimasa ham yutqazmaydi.

Nukta

Ustozlar so'zi bilan aytganda: O'tkan kunlar har yil xatm qilish kerak bo'lgan romandir.

Bu jumlani nutqda, fahmda va ilmda yetuk bo'lgan Olimlarimizdan Husayn Buxoriy aytganlar.

Bugun suhbatga kimlar boryapti?

P.s: suhbatdan keyin ba'zi tanqidiy va tahliliy postlar yoziladi)

Nukta