✅
Қутуриш касаллигининг олдини олиш бўйича “Профилактик ўн кунлиги” ўтказилмоқда
Ўзбекистон Республикаси Вазирлар Маҳкамасининг “Қаровсиз қолган ҳайвонларни тутиш ва сақлаш билан боғлиқ хизматлар фаолиятини такомиллаштириш чора-тадбирлари тўғрисида”ги қарори ҳамда шу мазмундаги бошқа ҳужжатлар ижроси доирасида одамлар ва ҳайвонларнинг ўта ҳавфли юқумли қутуриш касаллигининг олдини олиш, унинг хавф манбалари ва омилларини бартараф этиш бўйича профилактик чора-тадбирларни кучайтириш ҳамда самарадорлигини ошириш мақсадида "Булоқбоши” маҳалласида “Профилактик ўн кунлиги” тадбирлари доирасида махсус тактик ўқув-машқи ўтказилди.
Унга туман Фавқулодда вазиятлар, Маҳалла ва оилани қўллаб-қувватлаш, туман Ветеринария ва чорвачиликни ривожлантириш, туман Ички ишлар бўлимлари ҳамда туман Тиббиёт бирлашмаси, туман Санитария-эпидемиология осойишталиги ва жамоат саломатлиги бўлимларининг ходимлари ва техникалари жалб этилди.
Ўқув машқи давомида туман Ветеринария ва чорвачиликни ривожлантириш бўлими билан ҳамкорликда маҳалла фуқаролар йиғини томонидан тақдим этилган маълумотлар асосида 27 та бош итлар вакцинация қилиниб, паспорт берилди. Туман ободонлаштириш бошқармаси қошида ташкил этилган бригада томонидан қаровсиз қолган 8 бош дайди итларни тутилиб, туман СЭО ва ЖСБ томонидан уларни дезинфекциялаш ишлари амалга оширилди.
Шунингдек, туман тиббиёт бирлашмаси ва туман СЭО ва ЖСБ билан ҳамкорликда маҳалладаги хонадонларга кириб, касалликнинг олдини олиш, уни келиб чиқиш сабаблари, ит, мушук, кемирувчилар тишлаганда ёки тирнаганда дарҳол тез тиббий ёрдамга мурожаат этишлари тушинтирилди ва мавзуга оид эслатма ва буклетлар тарқатилди.
Янгиқўрғон тумани ҳокимлиги
https://t.me/+qAwIHTrJBNQwMGIy
