NDU

🟦🟦🟦🟦🟦🟦🟦

Guangxi kasb-hunar va qishloq xo‘jaligi universiteti bilan ilmiy-amaliy hamkorlik o‘rnatildi

🇺🇿 O‘zbekiston Respublikasi Prezidentining PQ-430-sonli qarori ijrosini ta’minlash hamda universitetni xalqaro hamkorlik faoliyatini rivojlantirish maqsadida Navoiy davlat universiteti delegatsiyasi Xitoyning qishloq xo‘jaligi sohasidagi eng nufuzli universitetlaridan biri bo‘lgan Guangxi kasb-hunar va qishloq xo‘jaligi universitetida bo‘lishdi.

🏆 Jarayonda ikki davlat oliy ta'lim muassasalari o‘rtasida ta’lim va fan yo‘nalishidagi hamkorlikni yanada rivojlantirish, qo‘shma ta’lim dasturlarini joriy etish, dual ta’lim dasturi asosida talabalar almashinuvini yo‘lga qo‘yish, qo‘shma ilmiy-tadqiqot faoliyatini qo‘llab-quvvatlash va moliyalashtirish, professor-o‘qituvchilar almashinuvini yo‘lga qo‘yish va qisqa muddatli stajirovkalar tashkil etish rejalashtirildi.

🟥 Shuningdek, qishloq xo‘jaligi yo‘nalishida 2+2 qo‘shma ta’lim dasturini yo‘lga qo‘yish, bog’dorchilik, pillachilikka oid qo‘shma ilmiy loyihalar amalga oshirish kabi ishlar kelishib olindi.

Ma’lumot uchun, Guangxi qishloq xo‘jaligi kasb-hunar universiteti qishloq xo‘jaligi yo‘nalishidagi yagona davlat universiteti hisoblanadi. Universitet 1942-yilda tashkil topgan. Universitetda 11 ta fakultet, 3ta ilmiy-tadqiqot institutlari, shu jumladan Chorvachilik instituti, O‘simliklar genetikasi ilmiy-tadqiqot instituti va Oziq-ovqat xavfsizligi ilmiy-tadqiqot institutlari mavjud. 
Universitetda 81ta bakalavr ta’lim yo‘nalishlari, 46ta magistratura va doktarantura ta’lim yo‘nalishlari bo‘yicha 25 mingdan ortiq kunduzki ta’lim shakli talabalari ta’lim olishadi.

Navoiy davlat universiteti
PR va media markazi

#Karyera_kuni

Mehnat yarmarkasida 217 nafar bitiruvhi ish bilan ta’minlandi

⚡️ Bugun Navoiy davlat universitetida “Karyera kuni” mehnat yarmarkasi bo‘lib o‘tdi.  Yarmarkada 2000 nafarga yaqin talabalar ishtirok etdi. Ularga 100 ga yaqin korxona, tashkilot, muassasa hamda tijorat banklari tomonidan taklif etilgan bo‘sh ish o‘rinlari haqida batafsil ma’lumotlar taqdim etildi. Talabalar yarmarka davomida o‘zlarini qiziqtirgan sohalar bo‘yicha ish beruvchilar bilan bevosita muloqot qilish, rezyumelarini topshirish, suhbatlardan o‘tish imkoniga ega bo‘lishdi.

🔥 Yarmarka yakunlariga ko‘ra, hozirdanoq 217 nafar bitiruvchi talabaga ishga qabul qilinish bo‘yicha kelishuvlar imzolandi.

✔️ Tadbirda Navoiy viloyati hokimi o‘rinbosari J.Xodjayev, universitet rektori, professor Muxiddin Kalonov, shuningdek, hamkor tashkilotlar rahbarlari va soha mutasaddilari ishtirok etdilar.

🏆Joriy o‘quv yilida Navoiy davlat universitetini 5288 nafar talaba tamomlamoqda. Ulardan, 2480 nafari kunduzgi ta’lim, 187 nafari kechki ta’lim, 2223 nafari sirtqi ta’lim, 273 nafari ikkinchi oliy sirtqi ta’lim, 24 nafari ikkinchi oliy kechki ta’lim, 101 nafari magistratura mutaxassisliklari bo‘yicha bitiruvchilardir.

Navoiy davlat universiteti
PR va media markazi